Hagskýrslur um húsnæðismál - 01.01.1968, Side 10

8*
Húsnœðisskýrslur 1960
Eins og tekið hefur verið fram tók þessi skýrslusöfnun til allra liúsa, sem búið
var í á manntalsdegi, að undanskildu húsnæði stofnunarheimila, erlends sendiráðs-
starfsfólks og varnarhðsmanna á varnarsvæði. En auk þess bárust ekki skýrslur um
ca. 100 hús og íbúa í þeim. Kom þetta í ljós við samanburð manntalsskýrshia við
þjóðskrá, og reyndist ekki unnt að bæta úr því. Loks voru nokkur hundruð skýrslur
með ófullnægjandi upplýsingar um hús og sérstaklega um íbúðir. Þetta hvort tveggja
— alger vöntun skýrslna og ófullnægjandi svör við spurningum eyðublaðsins
varðandi hús og íbúðir — hefur stafað af kæruleysi teljara og vanrækslu hlutaðeig-
andi sveitarstjóra á að lagfæra illa gerðar skýrslur.
Við úrvinnslu skýrslna var reynt að færa gallaðar húsupplýsingar til betra horfs,
m. a. með öflun upplýsinga annars staðar frá, en lítið var hægt að hæta úr gloppum
íbúðarupplýsinga, og þar sem vantaði svör við spurningum um bað var ekki unnt
að lagfæra neitt. Af alls 39 972 íbúðum, sem komu fram við skráninguna, var spurn-
ingum um bað ekki svarað fyrir 4 108 íbúðir eða 10,3%.
Eftir að húsnæðishluti manntalsskýrslna hafði verið merktur tákntölum á
venjulegan hátt, voru húsnæðisupplýsingar gataðar í vélspjöld. Eitt spjald var
gatað um hvert hús, og eitt spjald um hverja íbúð. Spjöldin voru síðan tekin til
úrvinnslu í skýrsluvélum.
II. Yíirlit um niðurstöður og samanburður við eldri
húsnæðisskýrslur.
Summary and main results and corresponding datafrom earlier housing censuses.
Hér á eftir verður gerð grein fyrir helztu niðurstöðum húsnæðisskýrslna 1960,
og jafnframt verður — eftir því sem ástæður leyfa — gerður samanburður á þeim
og niðurstöðum fyrri húsnæðisskýrslna, einkum 1950 og 1940. Þá verða og ýmis
atriði skýrslnanna greind sundur eftir hyggðarstigi, og loks verða látnar í té skýring-
ar á efni aðaltaflna, sem eru 8 talsins.
Skipting sú eftir byggðarstigi, sem eru í öllum aðaltöflum, er þessi:
1. Reykjavík. í sumum aðaltöflum eru tölur fyrir kirkjusóknir Reykjavíkur,
sem voru 8 talsins um það leyti sem aðalmanntal 1960 var tekið. Kort af
sóknaskiptingu Reykjavíkur er á hls. 34—35.
2. Aðrir þéttbýlisstaðir með yfir 999 íbúa, þ. e. 14 „stærri bæir“. Svara þeir sem
næst til ,,kaupstaða“ í húsnæðisskýrslum 1950.
3. Þéttbýlisstaðir með 200—999 íbúa, þ. e. 39 „minni bæir“. Svara þeir nokkurn
veginn til „kauptúna" í húsnæðisskýrslum 1950.
4. Þéttbýlisstaðir undir 200 íbúum og strjálbýh, hér í innganginum nefnt einu
nafni „strjálbýli“. Um er að ræða 23 strjálbýlissvæði, jafnmörg sýslufélög-
um (sjá t. d. bls. 6). „Strjálbýli“ 1960 hér á eftir svarar nokkurn veginn
til „sveita“ í húsnæðisskýrslum 1950.
Það skal tekið fram, að í öllum yfirlitum hér á eftir með hlutfallslegum skipting-
um er „ótilgreindu“ jafnað hlutfallslega á flokka, sem sundurgreint er eftir hverju
sinni.