Skólavarðan - 01.08.2007, Síða 3
3
FORMANNSPISTILL
SKÓLAVARÐAN 5.TBL. 7. ÁRG. 2007
Formaður og varaformaður KÍ og formenn aðildarfélaga KÍ skiptast á um
að skrifa formannspistla í Skólavörðuna. Félögin á bak við formannspistlana
eru: Félag framhaldsskólakennara (FF), Félag grunnskólakennara (FG),
Félag leikskólakennara (FL), Félag stjórnenda í framhaldsskólum (FS), Félag
tónlistarskólakennara (FT), Skólastjórafélag Íslands (SÍ).
Á Íslandi er gott að búa. Þetta er fullyrðing sem oft heyrist og
erfitt er að hrekja.
Þó að ýmislegt megi betur fara hafa flestir það gott. Við erum
laus við stríð og hörmungar, atvinna er næg, mengun í lágmarki,
umhverfið er margbrotið, náttúran að mestu ósnortin, mikið
landrými, hreint loft og nóg af vatni og öðrum nauðsynjum sem
manneskjan þarf í daglegu lífi. Síðast en ekki síst höfum við gott
heilbrigðiskerfi og frábæra skóla.
Það er gjarnan sagt að maður þurfi að fara að heiman og
kynnast aðstæðum og lífsmáta annarra, jafnvel á framandi
slóðum, til að kunna að meta nærumhverfið og vera
ánægður með sitt. Þessa tilfinningu fann ég ásamt fleiri
fulltrúum frá Kennarasambandi Íslands sem áttu þess
kost að sitja þing alheimssamtaka kennara (Education
International – EI) sem haldið var í Berlín dagana 21. - 26. júlí sl.
Á þinginu voru 1600 þátttakendur frá 160 þjóðlöndum en
samtökunum tilheyra um 30 miljónir kennara. Auk þess var
fjöldinn allur af starfsfólki sem sá um að allt gengi snurðulaust
fyrir sig. Það var gaman að fylgjast með mannfólkinu og
klæðaburðinum. Þarna upplifði maður fjölbreytileika mannlífsins
í hnotskurn.
Það var áhrifamikið að finna samkenndina í hópnum, en
hann á umfram annað sameiginlegt „að bera umhyggju fyrir
börnum, lýðræði og réttinum á góðri almennri menntun fyrir
alla” en þannig komst Tulas Nxesi forseti samtakanna að orði í
setningarræðu sinni.
„Hversdagshetjur” sem þjóðfélagið treystir fyrir sínum
dýrmætasta auði – börnunum, kallaði Horst Köhler forseti
Hugleiðingar eftir heimsþing kennara
Þýskalands kennara, en hann flutti ávarp ásamt mörgum öðrum
á setningarathöfninni.
Þema þingsins, sem var „Educators – Joining Together
for Quality Education and Social Justice”, endurspeglaðist í
umræðum og stefnumörkun. Samþykktar voru fjölmargar
ályktanir, en því miður er ástandið þannig víða í heiminum að
margar þeirra fólu í sér mótmæli gegn morðum og hörmungum,
mannréttindabrotum og misrétti sem kennarar og börn mega
víða þola. Nefna má sem dæmi fangelsisvist fyrir það eitt að taka
þátt í starfsemi stéttarfélaga og að berjast fyrir því sem okkur
finnst sjálfsögð réttindi allra. Sérstaklega var rætt um slæmt
ástand í Kólumbíu, Írak, Filippseyjum, Eþíópíu, Perú og Mexíkó.
Sagt var frá kennurum sem skráðir voru á þingið en komu ekki
vegna þess að þeir höfðu verið handteknir og fangelsaðir eða
verið saknað vikum saman og ekki vitað um afdrif þeirra.
Við slíkar frásagnir fyllist maður reiði, vanþóknun og sorg
yfir óréttlætinu og mannvonskunni sem ríkir víða í heiminum.
Um leið hugsar maður heim og finnur fyrir þakklæti fyrir það
samfélag og þær aðstæður sem íslenskir kennarar og börn búa
við. Okkar vandamál verða vægast sagt hversdagsleg í saman-
burði við margt sem þarna kom fram, lúxusvandamál eins og
einn í hópnum kallaði þau. Þar með er ekki sagt að hvergi þurfi
að taka til hendi – þvert á móti. Ein ríkasta þjóð í heimi hefur alla
burði til að skapa kennurum og nemendum á öllum skólastigum
enn betri starfsaðstæður og kjör en nú eru í boði.
Björg Bjarnadóttir
Það er gjarnan sagt að maður þurfi að fara að heiman og
kynnast aðstæðum og lífsmáta annarra, jafnvel á framandi
slóðum, til að kunna að meta nærumhverfið og vera
ánægður með sitt. Þessa tilfinningu fann ég ásamt fleiri
fulltrúum frá Kennarasambandi Íslands sem áttu þess kost
að sitja þing alheimssamtaka kennara sem haldið var í
Berlín dagana 21. - 26. júlí sl.
Heima er best
Björg Bjarnadóttir formaður FL
Lj
ó
sm
y
n
d
:
k
e
g