Skólavarðan - 01.08.2007, Síða 7

7
SKÓLAVARÐAN 5.TBL. 7. ÁRG. 2007
Hjá Félagi tónlistarskólakennara er
undirbúningur vetrarstarfsins hafinn
og framundan eru þrjú svæðisþing,
á Bifröst 31. ágúst, á Akureyri 14.
september og í Reykjavík 21. september.
Að sögn Sigrúnar Grendal formanns
FT má gera ráð fyrir innihaldsríkum
þingum enda margt markvert til
umfjöllunar. Þar á meðal er kynning á
svokölluðum Vegvísi fyrir listfræðslu
en hann er niðurstaða heimsráðstefnu
um listfræðslu sem fram fór í Lissabon
6. til 9. mars 2006. Vegvísirinn er gefinn
út af UNESCO, byggist á samþykktum
ráðstefnunnar og í honum eru könnuð
og kynnt þau tækifæri sem felast í
listfræðslu til að mæta hugmyndum og
kröfum um mikilvægi sköpunarkrafts
og menningar á 21. öld.
Á svæðisþingum verður einnig sagt frá
tónlistarkennslu í Minnesota og fjallað
um aðalnámskrá tónlistarskóla og
endurskoðun hennar, en þess má geta
að á haustmisseri er væntanleg þýðing
á almennum hluta aðalnámskrár yfir á
ensku. Allt að 15-20% félagsmanna FT
eru með annað móðurmál en íslensku.
Þá verður einnig farið yfir fyrirkomulag
og undirbúning vegna miðprófs í
tónfræðagreinum á vegum prófanefndar
tónlistarskóla, en fyrir liggur að fyrstu
próf fari fram vorið 2008.
Hver skóli hefur skilað
miklum árangri
Sigrún segir íslenska tónlistarskóla
standa traustum fótum í menningu
landsins og hafa í gegnum tíðina valdið
straumhvörfum í listmenntun einstaklinga
og þar með gríðarlegu framlagi til
íslenskrar tónlistarsögu. „Ég tel stöðu
tónlistarskóla í landinu vera mjög góða
að mörgu leyti. Þeir eru starfræktir um allt
land og hafa mikilvægu og margþættu
hlutverki að gegna. Hver skóli hefur skilað
miklum árangri á sinn hátt í sínu samfélagi
en einnig sem hluti af heildarkerfi
tónlistarskóla,“ segir Sigrún.
Fyrsti formlegi tónlistarskólinn á
landinu var stofnaður árið 1911 af Jónasi
Tómassyni á Ísafirði og starfaði hann til
ársins 1918, Tónlistarskólinn í Reykjavík
hóf starfsemi sína árið 1930 en flestir
af eldri skólum landsins voru stofnaðir
á árunum 1946-1952. „Á þeim tæplega
hundrað árum sem liðin eru frá því að
fyrsti formlegi tónlistarskólinn á landinu
var stofnaður,„ segir Sigrún, „hefur
tónlistarfræðsla þróast frá fábreytni til
fjölbreytileika og er nú nauðsynlegur
hluti af menntakerfi og menningu hvers
samfélags. Tónlistarkennarar eru stoltir
en við höfum ekki fullnýtt auðlindina tónlist og tónlistarfræðsla,
segir Sigrún Grendal formaður Félags tónlistarskólakennara
Við viljum að tryggt sé með
lögum að í öllum sveitar-
félögum verði starfandi
tónlistarskóli eða að íbúum
sveitarfélags skuli tryggður
aðgangur að tónlistarskóla
með öðrum hætti.
Íslenskir tónlistarskólar fyrirmynd
annarra þjóða að mörgu leyti
ÍSLENSK MENNTUN, MENNTASTEFNA OG -FRAMKVÆMD 3.GREIN
Lj
ó
a
m
y
n
d
ir
:
k
e
g