Skólavarðan - 01.08.2007, Side 9

SKÓLAVARÐAN 5.TBL. 7. ÁRG. 2007
voru um gildi tónlistar í víðu samhengi.
Að sögn Sigrúnar er vilji hjá stjórn
félagsins til áframhaldandi samstarfs þar
sem málþinginu yrði fylgt eftir. Þar yrðu
þá teknir fyrir þættir sem snúa beint að
því hvernig hægt sé að koma á og efla
samstarf leik- og tónlistarskóla enn frekar,
til dæmis er hugmynd um samráðsfundi
með skólastjórum beggja skólastiga í
vetur. Þá standa vonir til að hægt sé að
auka verulega samstarf tónlistarskóla og
grunn- og framhaldsskóla.
„Allt er þetta liður í því sem við tón-
listarkennarar og tónlistarfólk þurfum
að vera vakandi fyrir, að styrkja ímynd
okkar og starfsins og auka vitund um gildi
tónlistarfræðslu,“ heldur Sigrún áfram.
„Við megum alveg vera duglegri við að
draga fram og ræða markmiðin með
tónlistarfræðslu. Þau geta verið mörg og
ólík og náð til mismunandi hópa en þau
eru í mínum huga öll fullgild og eiga það
sammerkt að styrkja ímynd tónlistarfræðslu
og tónlistar.“ Að sögn Sigrúnar helst
fagleg þróun í tónlistarkennslu í hendur
við kjaramál og er í raun órjúfanlegur
hluti þeirra. „Það má síðan ekki gleyma
því að allt þetta getur spilað inn í og
mótað gildismat samfélagsins hvað varðar
laun tónlistarskólakennara í samanburði
við aðrar stéttir í landinu. Þetta er reyndar
mjög mikilvægt atriði og liður í því að
við séum sýnileg og tökum virkan þátt í
umræðu um tónlist og tónlistarfræðslu í
samfélagslegu samhengi.“
Samningar tónlistarskólakennara verða
næst lausir í lok nóvember árið 2008 eða
eftir rúmt ár og mun samninganefnd
félagsins koma saman á haustmisseri og
leggja línur um hvernig undirbúningi
þeirra verði best hagað að þessu sinni.
Þess má geta að í vetur er ætlunin að
endurtaka könnun sem félagið gerði á
þjónustu og umfangi tónlistarskóla og
starfi tónlistarskólakennara veturinn
2002-2003. Könnunin sem gerð var fyrir
fimm árum veitti mikilvægar upplýsingar
sem síðan hafa nýst í fag- og kjarastarfi
Félags tónlistarskólakennara ásamt því að
félagsmenn og aðrir aðilar fengu aðgang
að niðurstöðum hennar og þar með
heildstæða mynd af starfi tónlistarskóla á
landsvísu.

Kennarar í fararbroddi
Sigrún leggur sem fyrr segir áherslu á að
tónlistarskólakennarar verði í fararbroddi
í þróun tónlistarkennslu í landinu.
„Menntun er að taka miklum breytingum
á alþjóðavísu,“ segir hún. „Kennarar
almennt, sem bera hag nemenda fyrir
brjósti, geta öðrum fremur skilið á milli
hismis og kjarna og greint hvað er gott og
jákvætt í breytingunum og hvað ekki, auk
þess eigum við auðvitað að ganga lengra
og stýra breytingaferlinu. Menntakerfi
framtíðarinnar felur í sér mun meiri
sveigjanleika en áður hefur þekkst, þar sem
ÚR VEGVÍSI FYRIR LISTFRÆÐSLU:
• Almenn breið og vönduð menntun
er grundvallaratriði. Menntun er
því aðeins góð að hún (í gegnum
listfræðslu) þroski innsæi og
viðhorf, sköpunarkraft, frumkvæði
og gagnrýna hugsun ...
• Góðir skólar einir og sér verða
aldrei fullnægjandi.
EITT MEGIN INNTAK VEGVÍSISINS
ER AÐ LISTFRÆÐSLA ÞURFI AÐ
VERÐA MIÐLÆG Í MENNTAKERFUM.
Í SKÝRSLUNNI KEMUR MEÐAL
ANNARS FRAM AÐ:
• sköpunarkraftur og menningarleg
þróun eigi að vera grundvallar
þættir menntunar
• forsenda virkrar þátttöku barna og
fullorðinna í lista- og menningarlífi
sé menntun
• mikil áhersla á bóknám fram yfir
nám þar sem tilfinningar koma
meira við sögu valdi því að vaxandi
gjá myndast milli vitræns og til-
finningalegs þroska
• siðræn hegðun, sem er undirstaða
samfélagslegrar tilveru, krefjist
tilfinningalegrar þátttöku
• tilfinningar séu samofnar allri
ákvarðanatöku og leiðarljós
athafna og hugmynda, hugsunar
og dómgreindar
9
ÍSLENSK MENNTUN, MENNTASTEFNA OG -FRAMKVÆMD 3.GREIN
Við þurfum að auka vitund um gildi tónlistarfræðslu