Skólavarðan - 01.08.2007, Side 25

HEIMILISIÐNAÐARÞING, FRÉTTIR
25
SKÓLAVARÐAN 5.TBL. 7. ÁRG. 2007
• Guðrún Lilja Gunnlaugsdóttir hús-
gagnahönnuður: „Hvernig handverk
og nútíma tækni kemur saman í nýjum
hlut um.“ Guðrún Lilja blandar í hönnun
sinni saman ólíkum miðlum til að skapa
nýja hluti. Hvað er það sem gerir það
að verkum að sumir hlutir hafa meira
og dýpra gildi en aðrir, hvað kjósum
við að eiga og hverju kjósum við að
henda?
• Hildur Bjarnadóttir myndlistarmaður:
„Bakgrunnur.“ Í fyrirlestrinum fjallar
Hildur um verk sín, hvernig uppeldið
hefur haft áhrif á þau og fræðilegar
vangaveltur um listina.
• Eija Vähälä deildarforseti Kuopio
Academy of Design frá Finnlandi:
Sá sem fæst við handverk stefnir
að ánægjulegri og gefandi framtíð.
Handverk sem tómstundagaman eykur
jákvæðar tilfinningar, styrkir sjálfsmynd
og viðheldur námsgetu. Þá er aðeins
fátt eitt talið af því sem handverksiðjan
getur fært einstaklingnum.
• Lars Strannegård hagfræðingur frá
Svíþjóð: „Mótun eigin ímyndar.“ Það
sem boðið er til sölu í dag er í auknum
mæli tilfinning, sönnun og upplifun.
Hag fræðin hefur síðustu áratugi orðið
hverfulli, léttari, óhlutbundnari og
efnislausari. Það að hún sé hverful
þýðir í raun að stöðugt þarf nýjungar
og upp færslur. Vörur og þjónusta
sem eru seldar í gegnum tilfinningar
verða að höfða til okkar, sem þýðir
að fagurfræðin verður mikilvægari.
Fyrirlesturinn fjallar um vaxandi þýð-
ingu hönnunar og hvaða hlutverki
handverk og heimilisiðnaður kemur til
með að gegna í þessu umhverfi.
• Karl Aspelund kennari við University
of Rhode Island í Bandaríkjunum:
„Hvernig nýta má hefð og aðferðir
handverks sem fyrirmyndir til kennslu
í vistvænni hönnun.“
• Lori Talcott gullsmiður og sagnfræð-
ingur frá Bandaríkjunum: „Framvinda
handverksins.“ Rannsóknir, þekking
og sköpun renna saman hjá Lori, sem
býr í hátækni- og handverksborginni
Seattle. Samfélag grasrótarinnar og
virðing fyrir því sem er handunnið eru
forsendur þess að handverkið geti lifað
góðu lífi til hliðar við sýndarveruleikann
í framtíðinni.
• Marie Koch ráðgjafi og fyrrverandi
rektor Seminariet for kunst og hånd-
værk í Kerteminde frá Danmörku:
„Hvaða hlutverki gegnir heimilisiðn-
að ur í afþreyingariðnaðinum? Frásögn
um hefðir, gildi, hönnun og verðmæti
upplifunarinnar.“ Af hverju þykir
heimilisiðnaður ekki kúl? Hvaða
markmið á hann að setja sér til að vera
þátttakandi í hönnunarbransanum og
skapa verðmæti? Hvar sleppir hand-
verkinu og gróðalögmálin taka við?
• Valdimar Hafstein þjóðfræðingur við
Háskóla Íslands: Hof, hátíðir, handverk:
Menningar erfðir mannkyns og sáttmáli
UNESCO.
Nánari upplýsingar um fyrirlestra má
nálgast á heimasíðu ráðstefnunnar: www.
heimilisidnadur.is/2007
Sýningar
Þrjár sýningar eru settar upp sérstaklega
í tilefni af þinginu, í Norræna húsinu,
Gerðubergi og Árbæjarsafni.
Síðastliðinn vetur unnu þrír grunn-
skólar, fjórir framhaldsskólar og Lista-
háskóli Íslands að sérstökum verkefnum
í samræmi við þema þingsins. Afrakstur
þessara verkefna verður sýndur í Norræna
húsinu 22. september – 7. október.
Sérstök dagskrá verður í húsinu af þessu
tilefni þar sem nemendum og almenningi
gefst tækifæri til að taka þátt í ýmsum
uppákomum. Í Gerðubergi sýna lista-
menn, hönnuðir og handverksfólk verk
sín. Sýningin stendur frá 22. september til
11. nóvember. Leiðsögn verður í boði bæði
í Norræna húsinu og Gerðubergi. Þriðja
sýningin er í Listmunahorni Árbæjarsafns
frá 11. ágúst til 30. september en þar sýnir
Faldafeykir, samstarfshópur kvenna innan
HFÍ, verk byggð á faldbúningnum.
Skráning og þátttökugjöld
Full þátttaka í þinginu kostar 55.000
kr., hægt er að taka þátt í tveimur
fyrirlestradögum ásamt heimsóknum
á sýningar fyrir 35.000 kr., einum
fyrirlestradegi fyrir 17.500 kr. og stökum
fyrirlestri fyrir 4.000 kr. Skráning fer
fram á heimasíðu þingsins en þar er auk
þess að finna allar upplýsingar: www.
heimilisidnadur.is/2007. Jafnframt veitir
Margrét Valdimarsdóttir verkefnastjóri
norræns heimilisiðnaðarþings nánari
upplýsingar, margretvald@simnet.is, gsm
8480683.
Hin mörgu andlit
menningar og lista
Síðustu sjö ár hafa leikskólakennarar
frá vinabæjunum fjórum, Akureyri,
Randers, Ålesund og Västerås staðið fyrir
sameiginlegum ráðstefnum um málefni
leikskólans. Dagana 23. og 24. ágúst var
komið að Akureyri að halda ráðstefnuna.
Að þessu sinni var fjallað um fjölbreytileg
tjáningarform menningar og lista.
Fullbókað var á ráðstefnuna og komust
færri að en vildu. Auk fyrirlestrar Örnu
Valsdóttur fjöllistakonu voru starfandi níu
mismunandi vinnusmiðjur og ráðstefnan
var auk þess tengd við lok listasumars á
Akureyri, en mikil menningarveisla var
haldin af því tilefni laugardaginn 25.
ágúst. Nánar verður sagt frá ráðstefnunni
síðar.
Frá Uppstillingarnefnd
Uppstillingarnefnd Kennarasambandsins er að hefja störf en fjórða þing KÍ verður á
næsta ári og í mörg horn að líta. Gísli Magnússon framhaldsskólakennari er formaður
nefndarinnar og hann segir ábendingar um frambjóðendur vel þegnar. Gísli er með
netfangið gislim@ismennt.is
Formleg auglýsing birtist í næsta tölublaði Skólavörðunnar.
Hlutverk uppstillingarnefndar er að leggja fram tillögur um frambjóðendur til
kjörs formanns og varaformanns ekki síðar en tíu vikum fyrir þing og tillögur um
frambjóðendur til annarra starfa á vegum Kennarasambandsins sem kosið er til á þingi
eða í almennri atkvæðagreiðslu ekki síðar en fjórum vikum fyrir þing.
María Norðdahl og Sigrún Harðardóttir
eru fulltrúar sjúkrasjóðs KÍ og endur-
menntunarsjóða FL og FG. Þær eru með
netföngin maria@ki.is og sh@ki.is
Næstu vikur er María í leyfi og Sigrún
sinnir alfarið fyrirspurnum og tekur á móti
umsóknum vegna sjóðanna þann tíma.
Þær sjá um sjúkrasjóðinn og endurmenntunarsjóði
leik- og grunnskóla
María Norðdahl og Sigrún Harðardóttir
Skólar!
Munið að senda tilkynningar um
nýja trúnaðarmenn á netfangið
felagaskra@ki.is
FRÉTTIR OG TILKYNNINGAR