Morgunblaðið - 16.10.2015, Qupperneq 4

K
affibarþjónninn Pálmar
Þór Hlöðversson opnaði
Pallett árið 2012 í húsnæði
við Norðurbakkann í
Hafnarfirði. Á meðan rak unnusti
hans, David Anthony Noble, mat-
sölustaðinn Litla bóndabæinn sem
var á Laugaveginum. Fyrir rúmri
viku sameinuðu þeir loks staðina í
nýju húsnæði við Strandgötu 75
og þar fæst nú á sama staðnum
öndvegiskaffi Pálmars, sem er tvö-
faldur Íslandsmeistari meðal kaffi-
barþjóna, vel að merkja, og hinn
hjartastyrkjandi og hábreski „sál-
armatur“ sem David eldar. Tíma-
setning opnunarinnar – rétt í vetr-
arbyrjun – er óneitanlega heppileg
því bæði maturinn og drykkirnir
hjá Pallett eru einkar vel til þess
fallnir að ylja manni að innan.
Blaðamaður tók hús á þeim fé-
lögum yfir skál af uxahalakássu og
bolla af öndvegiskaffi.
Allskonar enskt yndisfæði
„Íslenskur matur og enskur á
það sameiginlegt að við sjóðum
kjötið í mauk, þegar svo ber und-
ir,“ segir David og hlær. Íslend-
ingar elska flestir íslenska kjöt-
súpu og best þykir hún þegar hún
hefir mallað hátt í sólarhring, svo
kássur og annað kjötmeti á Pallett
ætti að falla landanum í geð. „Það
er viðtekin mýta að enskur matur
sé óspennandi en enskur sveita-
matur er lostæti ef hann er eld-
aður rétt og úr almennilegu hrá-
efni. Allar þjóðir eiga einhvern
skrýtinn mat í sinni matarhefð –
og mér persónulega þykir hefð-
bundinn enskur áll í hlaupi ógeðs-
legur – en kássur, bökur og annar
enskur heimilismatur er bara
ofsalega góður þegar hann er eld-
aður af kunnáttu og alúð. Það
veltur á hver eldar.“ David bætir
því við að England hafi verið í far-
arbroddi með endurnýjun hinnar
aldargömlu „gastro-pub“ menning-
ar þar sem lífrænt hráefni er í að-
alhlutverki og matseðillinn sam-
anstendur af staðgóðum
heimilismat. Þar sé eldhúsinu á
Litla bóndabænum rétt lýst.
„Smalabökur, nautakjötsbökur,
kássur og súpur, heimabakað
brauð og annað hefðbundið enskt
sálarfæði, með enskum eplabök-
um. Þetta er svona uppistaðan í
því sem ég ætla að gera og svo
prófar maður sig áfram og bætir
við eftir því sem á líður.“
Blaðamaður lætur upptökutækið
um að ná þessu niður því hann er
niðursokkinn í uxahalakássuna.
Hún fær að malla í minnst 6
klukkutíma og er fyrir bragðið
silkimjúk og saðsöm. Hjarta-
styrkjandi fæða ef hún er á annað
borð til og fyrir fótgangandi er
hún hreint fyrirtak því svona mat-
ur yljar manni alla leið í gegn.
Uppáhellt kaffi snýr aftur
Pálmar er kaffiunnendum að
góðu kunnur enda verðlaunaður
fagmaður á sínu sviði. Hann starf-
aði upphaflega hjá Te&kaffi en
hefur sem fyrr segir rekið Pallett
síðustu þrjú árin, lengst af við
Norðurbakkann. Hann hefur því
skenkt kaffiþyrstum Íslendingum
ófáa kaffibolla gegnum árin og
segist óneitanlega merkja ákveðna
þróun í kaffineyslu gesta sinna.
Eftir margra ára sókn í latté og
cappuccino er nú sem landinn leiti
í upprunann, merkilegt nokk.
„Án gríns, þá finnst mér fólk
vera að færa sig
meira og meira í
hefðbundið uppá-
hellt.“ Við tekur smá
þögn því blaðamaður
trúir vart eigin eyr-
um. Getur það verið?
„Það er vegna
þess að gegnum tíð-
ina hafa verið
ákveðnir fordómar
gagnvart uppáhelltu
kaffi,“ útskýrir
Pálmar. „Það stendur kannski á
brúsanum allan daginn, eða þá á
hellunni, og í ofanálag er hráefnið
kannski ekkert sérlega gott. Hver
veit hvenær það var malað og guð
má vita hvenær það var ristað, og
það allt saman. Það eru nefnilega
býsna margar breytur sem koma
saman við að búa til góðan kaffi-
bolla en eftir því sem við Íslend-
ingar fórum meira að pæla í
espressó og hvað það er sem gerir
hann góðan, þá fylgdi uppá-
hellingin með og við fórum að
velta því fyrir okkur hvað gerir
þess konar kaffi gott. Við höfum í
auknum mæli farið að vanda okk-
ur við það og nú er einna mest að
gerast akkúrat í því – gömlu góðu
uppáhellingunni. Brúsakaffið
uppáhellta er semsagt að sækja í
sig veðrið. Sannleikurinn er sá,
eins og ég hef alltaf sagt, að uppá-
hellt kaffi er ekki vont kaffi; vont
kaffi er vont kaffi.“
Pálmar lýsir í
framhaldinu gæða-
keðjunni að baki
hverjum kaffibolla
og bendir á að ef
kaffið er nýtínt og
ræktað, nýristað,
nýmalað og nýlag-
að, í hreinum vél-
búnaði og í réttum
hlutföllum þá eigi
þetta ekki að geta
klikkað. Fólk ætti jafnvel að hafa í
huga að vanda sig við uppáhellt
kaffi heima og kaupa espressóinn
á kaffihúsinu, því hann er tækni-
lega flóknari og vandaðar espres-
sóvélar kosta skildinginn. „Frekar
ættu kaffiunnendur þá að splæsa í
góða kvörn til að mala kaffið
heima. Að kaffið sé nýmalað er
ótrúlega stór faktor í þessu sam-
bandi.“
Pallett Kaffikompaní er opið frá
kl. 7:30 á virkum dögum og frá kl.
09:00 um helgar. Myndir og fleira
má skoða á www.facebook.com/
pallettkaffi.
jonagnar@mbl.is
Kjarngott og
kósí á Pallett
Morgunblaðið/Eva Björk
Sælkerar Þar sem kaffidrykkir
Pálmars og enskættað ljúfmeti
Davids koma saman – þar er gaman.
Fátt jafnast á við að flýja skammdegi og skuggalegt
veður inn í notalegt skjól kaffihúss. Kaffihúsið Pallett
flutti nýverið í nýtt húsnæði ásamt matsölustaðnum
Litla bóndabænum. Þar leggja þeir Pálmar og David
áherslu á framúrskarandi kaffi og ilmandi heimilismat
undir enskum áhrifum.
Hjartastyrkjandi Sælkerakaffi Pálmars fer einkar vel með almennileg-
um heimilismat að enskum hætti – og ekki síður með eplakökum!
’Smalabökur,nautakjöts-bökur, kássur ogsúpur, heimabakaðbrauð og annað
hefðbundið enskt
sálarfæði.
4 | MORGUNBLAÐIÐ
Vertu vinur á
Facebook
Vertu vinur á
Facebook
Yfirhafnir
laxdal.is
Laugavegi 63 • S: 551 4422
Skoðið laxdal.is/yfirhafnir
GLÆSILEGAR - VANDAÐAR
VETRARYFIRHAFNIR