Morgunblaðið - 16.10.2015, Side 17

MORGUNBLAÐIÐ | 17
Þ
egar halda þarf af stað út í
kuldann og myrkrið er fátt
betra en að klæða sig í ís-
lenskan ullarfatnað. Ekki
er nóg með að ullin haldi lík-
amanum hlýjum heldur þykir ull-
arklæðnaðurinn smekklegur og
virðist einhvern veginn alltaf eiga
við, hvort heldur í útivist, vinnunni,
skólastofunni eða í samaklúbbnum.
Páll Kr. Pálsson er fram-
kvæmdastjóri Varma. Hann segir
að eftir bankahrunið margumtalaða
hafi ullin sótt mjög á á meðan flís-
flíkur virðist hafa gefið eftir. Er
það merkileg þróun í ljósi þess að
margir hafa kennt flísfatnaðinum
um að framleiðsla á íslenskum ull-
arfatnaði dróst harkalega saman á
9. áratugnum.
„Fyrirtækið Glófi, sem framleiðir
Varma-vörurnar, er stofnað árið
1982 og má segja að ullariðnaður-
inn á Íslandi hafi þá verið upp á
sitt besta. Í fjölmörgum prjóna- og
saumastofum um allt land störfuðu
tugir manna og kvenna við að
vinna ullina og gera úr henni fatn-
að. Þegar mest lét er talið að um
2.500 manns hafi unnið við að
framleiða band og ullarvörur hér á
landi og þetta var mikil gósentíð
þar sem treflar voru fluttir út til
Rússlands í kílómetravís og finna
mátti íslenskar ullarflíkur í tísku-
verslunum og verslanakeðjum í öll-
um helstu viðskiptalöndum okkar,“
útskýrir Páll. „Svo hrynur þessi
starfsemi á tímabilinu 1988-1998 og
eftir urðu örfáar prjóna- og sauma-
stofur. Upp úr aldamótum hefur
ullarbransinn náð jafnvæægi og
eru saumastofurnar núna fimm eða
sex talsins og eitt fyrirtæki, Ístex,
sem vinnur band úr ullinni frá
bændum. Sennilega starfa í dag í
kringum 250 manns í greininni, eða
10% af því sem var þegar umsvifin
voru mest.“
Nýtt blómaskeið?
Og nú virðist íslenska ullin
sumsé farin að sækja í sig veðrið á
ný og virðast ýmsar ástæður fyrir
því. Fyrst má nefna ferðamennina
sem streyma til landsins sem aldr-
ei fyrr, og hreinsa ullarpeysur,
húfur, sokka og vettlinga úr hillum
verslana. Áhugi heimamannna hef-
ur líka vaknað að nýju og stemning
fyrir innlendri framleiðslu, eftir að
hagkerfið tók kollsteypu við hrun
fjármalageirans. „Yfir veturinn er
uppistaðan af sölunni okkar til ís-
lenskra neytenda, en það snýst svo
við á sumrin þegar er-
lendu ferðamennirnir
eru helsta tekju-
lindin.“
Íslenska ullin
hefur eiginleika
sem ekki er að
finna í öðrum
ullarþræði.
Páll segir að
sá sauð-
fjárstofn
sem víking-
arnir komu
með til
landsins
hafi í gegn-
um tíðina
þróað með
sér þann
eiginleika
að láta sér
vaxa ull sem
er í senn hlý
og vatnsfrá-
hrindandi.
„Ullin sam-
anstendur af
tvenns kon-
ar hárum; togi og
þeli. Ytra byrðið,
togið, er langt og
frekar gróft, og
hrindir burtu
vatninu á meðan
innra byrðið, þelið, er hlýtt og
mjúkt. Þegar ullin er kembd og
spunnin blandast þessar tvær hár-
tegundir saman og útkoman er flík
sem hentar mjög vel í íslensku
veðurfari. Hún heldur kulda, rign-
ingu og snjó frá líkamanum en
andar líka vel og viðheldur þægi-
legum hita á líkamanum við ýmsar
aðstæður. Þegar kemur að því að
þrífa ullarflíkina vilja sumir ein-
faldlega láta það duga að hengja
hana upp utandyra og helst leyfa
rigningunni að sjá um þvottinn og
vindinum og sólinni um þurrk-
unina. Oft er því haft á orði að ís-
lenskur ullarfatnaður sé nánast
sjálfhreinsandi.“
Til að gera gott betra hafa
hönnuðir tekið íslensku ullina upp
á sína arma á undanförnum árum
og hannað flottar tískuflíkur úr
þessu efni. Páll segir að það gefi
Varma sérstöðu bæði að öll fram-
leiðslan fer fram á Íslandi og eins
að fyrirtækið hefur tekið að sér
að gera flíkur, teppi og aðra vöru
fyrir fjölmarga íslenska hönnuði
og fyrirtæki. Þá hefur Varma
einnig lagt aukna áherslu á
vöruþróun, fengið til liðs við sig
hönnuði. Hafa áhugaverðar nýjar
vörur bæst úrvalið á und-
anförnum misserum og margt á
döfinni.
ai@mbl.is
Morgunblaðið/Eva Björk
Verðmæti Að sögn Páls hefur ullin sótt mjög á á undanförnum árum.
Íslenska ullin er einstök
Fatahönnuðir gera áhuga-
verða hluti með ullina enda
hefur hún eiginleika sem
ekki finnast í annarri ull.
Góður
trefill
kemur
sér vel
í kuld-
anum.
SYKURLAUST STREPSILS
með jarðaberjabragði
Við eymslum og ertingu í hálsi!
Strepsils Jordbær Sukkerfri munnsogstöflur. Samantekt á eiginleikum lyfs - styttur texti SPC. Inniheldur: 2,4-tvíklóróbensýlalkóhól 1,2 mg, amýlmetakresól 0,6
mg. Ábendingar: Eymsli og erting í hálsi. Skammtar og lyfjagjöf: Fullorðnir 18 ára og eldri: 1 munnsogstafla á 2-3 klst. fresti. Frábendingar: Ofnæmi fyrir virku
efnunum eða einhverju hjálparefnanna. Sérstök varnaðarorð og varúðarreglur við notkun: Sjúklingar með arfgengt frúktósaóþol skulu ekki taka lyfið.
Aukaverkanir:Mjög sjaldgæfar (>1/10.000 og <1/1.000): Ofnæmisviðbrögð með útbrotum, náladofa eða sviðatilfinningu eða þroti í munni eða koki.
Langtímanotkun getur valdið ertingu í slímhúð. Ofskömmtun: Óþægindi frá meltingarfærum. Meðferð: Meðferð við einkennum. Lesið leiðbeiningar á
umbúðum og í fylgiseðli fyrir notkun. Geymið þar sem börn hvorki ná til né sjá.Markaðsleyfis hafi: Reckitt Benckiser Healthcare A/S. Umboð á Íslandi:
Artasan ehf., Suðurhrauni 12a, 210 Garðabæ.
- nú sykurlaust og
með jarðaberjabragði
20
13
RB
00
1
St
re
ps
ils