Víkurfréttir - 30.03.1988, Qupperneq 11

\>iKun
\>iKun
10 Miðvikudagur 30. mars 1988
jútU%
juUit
Miðvikudagur 30. mars 1988 11
„ER ÖRUGGLEGA MEIRI
SKÓLA MAÐUR EN PÓLITÍKUS“
- segir Vilhjálmur Ketilsson, bæjarstjóri í Keflavík
Vilhjálmur Ketilsson, bæjarstjóri, er borinn og barnfæddur Keflvíkingur.
Hann kvæntist ungur Sigrúnu Olafsdóttur og eiga þau saman 5 börn. Vil-
hjálmur byrjaði að kenna að loknu kennaraprófi í barnaskólanum í Keflavík,
vann niikið að æskulýðsmálum, var m.a. æskulýðsfulltrúi í nokkur ár. Það var
svo árið 1978 að honum bauðst stóra tækifærið, skólastjórastaða í Myllu-
bakkaskóla. Hann sótti um og fékk stöðuna, sem hann síðan gegndi í 8 ár, allt
þar til næsta stóra tækifæri bauðst. Það var enn stærra, þykir virðulegra og
innst inni hafði hann svolítinn metnað til að slá til. Við erum að ræða um bæj-
arstjórastöðuna. Vilhjálmur er nú búinn að vera tvö ár sem bæjarstjóri og
þann tíma hefur hann þurft að ganga í gegnum sætt og súrt. Nú er hann að
hætta. Hann langar aftur í skólann, - segist vera meiri skólamaður en póli-
tíkus. En af hverju?
„Það er eílaust hægt að tina
margt til sem veldur þessari
ákvörðun minni, en fyrst og
l'remst er það mitt fyrra starf
sem því veldur. Eg fékk ársleyfi
frá skólastjóranum til að byrja
með og fékk því framlengt um
eitt ár, og núverandi ráðningar-
samningur minn sem bæjarstjóri
rennur út í júlí. Hvað varðar
skólastjórastarfið sé ég mér ekki
fært að sleppa því sem ævistarfi
l'yrir það sem ég er í dag“.
- Geturðu ekki J'engið
framlengingu á leyfinu?
„Jú, eflaust væri það hægt, en
reglan er sú að ríkið veitir starfs-
mönnum sínum ársleyfi án
launa og því er hægt að fá fram-
lengt i ár, eins og ég hef gert.
Þingmenn fá t.d. leyfi frá opin-
berum störfum meðan þeir
starfa sem slíkir um ótiltekinn
árafjölda. En mitt starf er ekki
þess eðlis og ég er þess mjög
efins að fengi ég framlenginu á
leyfinu til tveggja ára í viðbót, að
ég myndi hverfa aftur til skól-
ans. Þá mynd get égekki hugsað
mér, því ég er örugglega meiri
skólamaður en pólitíkus. Mér
finnst líka að ef fjögur ár liðu þá
ætti ég engan rétt á starfinu
lengur“.
- Heldurðu að það verði ekki
litið á þetta sem uppgjöf df þinni
hálfu?
„Einhverjir munu líta á þetta
sem uppgjöf og verður hver og
einn að dæma fyrir sig. I minum
huga er þetta ekki uppgjöf, því
þessu máli hef ég velt mikið fyrir
nrér, rætt um þetta við mína nán-
ustu og komist að raun um hvað
mér væri fyrir bestu".
- Ertu að hœtta í pólitík, eða
hefurðu hug á að halda þínu striki
„Nei, ég er ekki að hætta í
pólitík og mun starfa áfram sem
bæjarfulltrúi eins og ég var kos-
inn til á þessu kjörtímabili".
- Þú segir núna, en hvað með
nœsta kjörtímabil?
„Mér finnst nógu langt í það
og ekki tímabært að ræða það
hér og nú. En ég get bætt því við,
sem einn góður vinur minn sagði
urn bæjarfulltrúastarfið, að
mönnum fyrirgæfist að fara í
það eitt kjörtímabil, en það væri
skynsemisskortur að gefa sig í
það öðru sinni. Það verður því
að bíða með hvort skynsemin
ræður hjá mér eður ei“.
- Hvernig finnst bœjarstjóran-
um honum hafa orðið ágengt í
starfinu?
„Það er nú kannski ekki rétt
að spyrja mig að þessu, það eru
þeir sem með manni starfa og
auðvitað bæjarbúar, sem dærna
um það“.
- Ertu sáttur við að hœtta?
„Já, það er ég, annars væri ég
ekki búinn að tiikynna það þeim
er ég starfa með og fyrir".
- Var starfið öðruvísi en þú
áttir von á?
„Að nokkru leyti var starfið
eins og ég hafði búist við, en það
eru samt í því þættir er snerta
mannleg samskipti sem hafa
komið mér á óvart".
- Hvað áttu við með því?
„Eg á við það, að viðhorf
manna breytist gagnvart per-
sónunni sem er í starfinu. Þetta á
bæði við hinn almenna borgara
svo og pólitíska andstæðinga.
Það sem snýr að almenna borg-
aranurn á þann hátt að mörgum
finnst þeir þurfa að umgangast
mann á annan hátt en áður, ein-
ungis út af titlinum. En að póli-
tískum andstæðingum á þann
hátt, að þeir treysta manni ekki,
pólítíkurinnar vegna".
- Nú hafa komið upp mörg
mál, bœði leiðinleg og erftð, sem
þú hej'ur þurft að taka á. Hvernig
hefur það gengið?
„Ekki er hægt að neita því að
upp hafa komið slík mál, en sem
betur fer hafa einnig komið upp
skemmtileg og ánægjuleg mál.
Erfiðustu málin komu upp í
fyrra í sambandi við Helgar-
póstsskrifin og eílaust mun það
mál setja mark sitt á allt sam-
starf í bæjarsljórn út þetta kjör-
tímabil. Samt er það von mín að
þessir níu bæjarfulltrúar Kefla-
víkur geti unnið sem heilstæður
hópur. En hvernig það hefur
gengið er erfitt að tjá sig um. Ef-
laust hefur verið tekið rétt á
sumum málum en rangt á
öðrum. Eftir á að hyggja ev þetta
erfiðasta tímabilið í ntinni bæj-
arstjóratið".
- Sérðu fyrir þér eftirmann
eða er ekkert farið að huga að
þeirn málum?
„Það er ekkert farið að huga
að þeim málum og því sé ég ekki
enn á þessari stundu hver hann
mun verða“.
- Staða bœjarsjóðs liefur
veriðmikið til umfjöllunar. Hvers
vegna?
„Það hafa verið áhöld um það
milli meiri- og minnihluta
hvernig staða bæjarsjóðs var
nákvæmlega á miðju ári 1986,
þegar núverandi meirihluti tók
við. Þá var unnið nákvæmlega
eftir fjárhagsáætlun 1986 og þá
sýndi sig á haustmánuðum að
verulega vantaði á að áætlunin
stæðist. Minnihlutinn hefur
vænt meirhlutann um að hafa
ekki endurskoðað áætlunina á
miðju ári eins og gert hafi verið
ráð fyrir. Þcgar til átti að taka
var öllum meiri háttar fram-
kvæmdunt lokið og því ekki urn
neina frestun að ræða nema í
sundmiðstöðinni. í kjölfarið
sigldi endurskoðun reikninga
bæjarsjóðs, sem ekki var til að
bæta ástandið milli meiri- og
minnihluta. Við endurskoðun
kom í ljós að verulega hafði
verið vanáætlað til rekstrar og
framkvæmda á þessum tíma.
Um þetta snerust deilurnar þá.
Nú nýlega hefur verið farið
fram á það við endurskoðendur
ef hægt er, að úttekt verði gerð á
stöðu bæjarsjóðs á miðju ári
1986. Að því loknu geta menn
tjáð sig um það hvers vegna
þurfti að fara út 1 skuldabréfa-
kaup fyrir 20 milljónir og hvort
það hafi verið nauðsynlegt lyrir
bæjarsjóð að ganga í sjóð raf-
veitunnar. Hvað varðar stöðu
bæjarsjóðs í dag er það að segja
að á síðastliðnu ári haft sjaldan
eða aldrei verið meiri fram-
kvæmdir í bæjarfélaginu. Það að
hluta til, ásamt háum fjár-
magnskostnaði og mikilli
launahækkun starfsmanna
Keflavíkurbæjar, raskaði fjár-
hagsstöðunni verulega. Verkleg-
ar framkvæmdir fóru 9 milljónir
fram úr áætlun, vaxtakostnaður
varð 12 ntilljón krónunt meiri en
gert var ráð fyrir og launahækk-
anir fóru 17 milljónir umfrarn
áætlun. Allar viðmiðunartölur
áætlunarinnar byggðust á
prósentutölum frá Hagstofu ís-
lands, hvað varðar laun og fjár-
magnskostnað“.
- Erþá eitthvað að markafjár-
hagsáœtlun 1988?
„Pólitískir andstæðingar hafa
farið háðuglegum orðum um
hana og kallað hana óskhyggju.
Það verður að koma í ljós á
miðju ári hversu vel hún
stendur, en þá er áætlað að
endurskoða hana. Nú þegar
hafa orðið breytingar á tekjulið
hennar þar sem ríkisstjórnin
hefur skorið niður lramlag jöfn-
unarsjóðs um 8 milljónir króna
hér í Keflavík. Þetta þýðir að til
eignabreytinga eða fram-
kvæmda verður að skera úr 95
milljónum niður í 87 miiljónir.
Auk þess má búast við frekari
niðurskurði vegna þess að
santningi milli rikis ogsveitarfé-
laga um verkaskiptingu er
einnig slegið á frest“.
- Var mikið skorið niður af
fjárhagsáœtlun fyrir stofnanir
bœjarins?
„Af áætlun hinna ýmsu stofn-
ana var eilítið skorið niður en
samt þó ekki þannig að það
bitnaði á rekstri þeirra eða þjón-
ustu“.
- Hvað með niðurskurð í
mannahaldi og á yfirvinnu vegna
minnkandi verkefna?
„Það hefur ekki verið rætt um
fækkun á mannskap, hvorki í
áhaldahúsi eða tæknideild, en
einhverra breytinga er að vænta á
skrifstofuhaldinu þar sem Gjald-
heimta Suðurnesja tekur við
verulégum hluta þess starfs sem
þar er innt af hendi. Þá hafaallir
yfirmenn hinna ýmsu stofnana
bæjarins fengið bréf þess efnis að
þeir sjái til þess að reyna eftir
megni að draga úr allri yfir-
vinnu“.
- Þú ert mikill áhugamaður
um sameiningu sveitarfélaganna.
Hvernig ganga þau mál?
„Eins ogstaðan er í dagganga
þessi mál hægt fyrir sig. Ég er
reyndar lormaður sameiningar-
nefndar á Suðurnesjum og þegar
rætt var um þessi mál á síðasta
aðalfundi SSS vildu menn flýta
sér hægt í þessum efnum. En ég á
von á því að við förum að hreyfa
við þessu máli nú á næstu dög-
um“.
- Eru Keflvikingar ekki betur
settir sem einir og sér, en sam-
einaðir?
„Það er mín skoðun að það sé
hagur allra sveitarfélaganna að
sameinast. Það má hins vegar til
sanns vegar færa að Keflvíking-
ar stæðu vel að vígi einir og sér
hvað flesta málaflokka varðar.
En samt má ekki horfa framhjá
því samstarfí sem nú er og er
öllum íbúum svæðisins til góðs“.
- Hvernig jinnst þér Keflavík
standa í samanburði við bœjarfé-
lög að svipaðri stœrð, hvað varðar
framkvœmdir og annað sem til-
heyrir bœjarfélaginu?
„Kellavík er fimmti stærsti
kaupstaður landsins, aðeins
stærri en Garðabær og helmingi
minni en t.d. Hafnarfjörður og
Kópavogur. Hérna er boðið upp
á alla þá þjónustu sem boðið er
upp á í þessum byggðarlögum.
Framkvæmdir eru mismunandi
á milli ára á þessum stöðum og
fer eftir framkvæmdafé hverju
sinni. A síðari árum hefur Kefla-
vík tekið stakkaskiptum hvað
varðar fegrun bæjarlandsins".
- Að lokum, Vilhjálmur, hlakk-
ar þú til að fara að vinna með
börnum á nýjan leik, eða held-
urðu að þú eigir eftir að sjá eftir
bœjar.stjórastólnum?
„Ég á hvorki eftir að sakna né
sjá eftir bæjarstjórastólnum.
Þetta er búið að vera lærdóms-
ríkt, þroskandi og ég er reynsl-
unni ríkari. Að starfi mínu í
skólanum geng ég með tilhlökk-
un. Það er von mín og ósk að
mér lánist vel í því starfi eftir
sem áður“, sagði Vilhjálmur
Ketilsson að lokum.
T
L
V
U
P
A
P
P
í
R
Grágás hf.
Vallargötu 11 - Keflavík
Sími 11760, 14760