Morgunblaðið - 02.01.2016, Qupperneq 24

24 | MORGUNBLAÐIÐ
F
erðir um Jakobsveginn – píla-
grímastíginn – á vegum ferða-
skrifstofunnar Mundo njóta
vaxandi vinsælda en á síðasta
ári fóru á annað hundrað Íslendingar
um stíginn, ýmist fótgangandi eða
hjólandi. Eigandi Mundo og far-
arstjóri í ferðunum er Margrét Jóns-
dóttir Njarðvík, leiðsögumaður,
spænskufræðingur og vararæð-
ismaður Spánar, og aðspurð segir
hún áhuga fólks á Jakobsveginum
ekki koma sér á óvart.
„Pílagrímaferð er andleg og lík-
amleg áskorun,“ segir Margrét.
„Fólk setur sér oft markmið, leggur
upp í ferðalagið með ákveðinn ásetn-
ing og sigrast á ýmsum hindrunum.
Um leið nýtur það fallegrar náttúru
og byggingarlistar á söguslóðum.
Þeir sem hefja göngu- eða hjólaferð
eftir Jakobsveginum vita að fram-
undan er ferðalag með innihaldi, sem
er krefjandi bæði fyrir líkama og sál,
og ég get fullyrt að það kemur enginn
óbreyttur til baka.“
Ein með sjálfri sér
Margrét er spurð út í kveikjuna að
ferðaskrifstofunni Mundo, sem hún
stofnaði fyrir nokkrum árum, og upp-
hafið að ferðunum um Jakobsveginn.
„Með Mundo vildi ég búa til fyrirtæki
utan um sjálfa mig þar sem þekking
mín, hæfileikar og ástríða fyrir ferða-
lögum, hreyfingu, pílagrímaferðum,
tungumálakennslu, stjórnun, menn-
ingu og sögu Spánar fengi að njóta
sín.
Ég fékk brennandi áhuga á Jak-
obsveginum árið 1984 þegar ég nam
listasögu sem skiptinemi á Spáni. Á
veginum eru perlur gotneskrar og
rómanískar byggingarlistasögu, auk
þess sem þetta er ein af leiðunum til
guðs. Fólk hefur farið í píla-
grímaferðir um Jakobsveginn frá því
á miðöldum og um leið og ég las um
stíginn langaði mig að leggjast sjálf í
slíkt ferðalag. Svo leið tíminn, ég
skrifaði doktorsritgerðina mína um
eina af bardagahetjum Spánverja og
þar kemur Jakobsvegurinn við sögu,
en mín eigin pílagrímsferð var enn að-
eins fjarlægur draumur.“
Það var ekki fyrr en sumarið 2012
að Margrét hrinti hugmyndinni loks í
framkvæmd og fór allan Jakobsveg-
inn á hjóli ásamt góðri vinkonu.
„Ferðalagið var stórkostleg upplifun.
Það hafði djúpstæð áhrif á mig og það
er með mig eins og aðra, ég kom heim
breytt manneskja. Þó að ég hafi hitt
fjölmarga á leiðinni er pílagríma-
ganga fyrst og fremst ferðalag inn á
við. Maður gengur þannig einn með
sjálfum sér, enda er gjarnan talað um
að líkja megi þessu ferðalagi við lífs-
gönguna sjálfa. Á Jakobsveginum
mætir maður fólki úr öllum áttum,
þar sem hver og einn hefur sína sögu
að segja, og áður en maður veit af er
maður farinn að ræða við sam-
ferðafólkið um lífið sjálft.“
Svör við spurningum
Jakobsvegurinn er um 800 kíló-
metra langur og sumir taka hann í
áföngum; lagt er af stað frá franska
bænum Saint-Jean-Pied-de-Port, sem
er rétt við landamæri Spánar, og lýk-
ur ferðalaginu í Santiago de Comp-
ostela á Spáni. Að sögn Margrétar
ferðuðust tæplega 240 þúsund manns
um Jakobsveginn árið 2014, fótgang-
andi og á reiðhjólum.
„Fyrr á öldum var fólk skikkað til
göngu á Jakobsveginum til að vinna
yfirbótarverk. Aðrar ástæður liggja
að baki ferðum okkar nútímapíla-
gríma. Sumir fara stíginn og þakka
fyrir það sem lífið hefur gefið þeim,
oft er um að ræða bata eftir veikindi
eða önnur áföll. Aðrir fara þessa ferð í
leit að heilun og til að freista þess að
finna svör við spurningum sem vakna,
til dæmis þegar við stöndum á kross-
götum í lífinu.
Sjálf upplifi ég Jakobsveginn ákaf-
lega sterkt í hvert sinn sem ég fer þar
um. Stígurinn mætir mér eins og ég
er hverju sinni og hver og ein ferð er
lærdómur. Einna merkilegast finnst
mér þó að fylgjast með samferðafólki
mínu á Jakobsveginum og skynja sí-
fellt nýjar, jákvæðar tengingar sem
verða á milli manna. Á leiðinni er allt-
af einhver sem gengur á sama hraða
og þú, hvort sem það er andlega eða
líkamlega, og það er magnað að upp-
lifa hvernig fólk lærir hvað af öðru um
lífið og tilveruna og finnur svör við
spurningum sínum.“
Margrét fór með fyrstu hópana um
Jakobsveginn árið 2014 og í ár skipu-
leggur Mundo nýjar pílagrímaferðir, í
takt við aukna eftirspurn. „Ég fann
strax að með þessum ferðum var ég að
bjóða upp á eitthvað miklu stærra og
meira en venjulegt ferðalag, það gerð-
ist eitthvað stórkostlegt á meðal
fólks,“ segir hún. „Sumir fara einungis
vegna hreyfingarinnar, aðrir vegna
listasögu og náttúru og enn aðrir sam-
eina allt þetta með því að vinna með
sjálfa sig, leita svara og horfa inn á
við. Enginn kemst þó hjá því að upp-
lifa valdeflinguna sem ferðinni fylgir.
Heilagt ár 2016
Mundo býður í vor og sumar upp á
fimm hjólaferðir, fjórar gönguferðir
og eina rútuferð um Jakobsveginn.
Þar á meðal er sérstök ferð fyrir kon-
ur, 45 ára og eldri. Þá stöndum við oft
á tímamótum og margar umbreyta lífi
sínu; skipta um vinnu, mennta sig og
taka aðrar stórar ákvarðanir. Þetta er
sérlega ögrandi og skemmtilegur tími
í lífi okkar kvenna og kvennaferðirnar
í fyrra og hittiðfyrra heppnuðust stór-
kostlega vel. Einnig skipuleggjum við
ferðir fyrir einstaklinga og hópa sem
vilja fara sjálfir um stíginn. Best er að
taka ákvörðun um pílagrímaferð sem
fyrst, því árið 2016 er svokallað heil-
agt ár. Það þýðir að dag heilags Jak-
obs ber upp á sunnudag og þá gerast
heldur betur kraftaverk. Því þarf að
panta alla gistingu með miklum fyr-
irvara í ár.“
Aðspurð segir Margrét nauðsyn-
legt að æfa sig fyrir Jakobsveginn.
„Það gerir þetta einmitt svo skemmti-
legt. Þú gætir lagt af stað í lélegu
formi og verið viss um að koma til
baka í góðu formi. Best er þó að fara
af stað í góðu formi og koma heim í
frábæru formi. Þannig nýtur fólk
ferðarinnar mun betur, auk þess sem
gleðin við að undirbúa sig og setja sér
markmið margfaldar það sem fólk fær
út úr ferðinni.
Mundo býður upp á vikulegar æf-
ingagöngur fram á vor og eina langa
göngu í mánuði. Margir setja sér ný
markmið í byrjun árs og ferð um Jak-
obsveginn er gott dæmi um hversu
skemmtilegt það er að setja sér slíkt
markmið og forgangsraða, þannig að
maður nái árangri. Nú er tækifærið til
að byrja að undirbúa sig og sníða æf-
ingar og útivist að göngu- eða hjóla-
ferð um Jakobsveginn í vor eða sum-
ar. Sameiginlegar æfingar eru
hvetjandi fyrir alla, þannig ná þátttak-
endur líka að kynnast hver öðrum fyr-
ir ferðina og máta sig við hlutverk
pílagrímsins.“
www.mundo.is
beggo@mbl.is
Fallegt ferðalag inn á við
Margrét Jónsdóttir
Njarðvík, leiðsögumaður
og eigandi ferðaskrifstof-
unnar Mundo, býður upp
á göngu- og hjólaferðir um
Jakobsveginn sem hún seg-
ir krefjandi, bæði líkamlega
og andlega, en á pílagríma-
stígnum gefist gott tæki-
færi til að kyrra hugann,
sigrast á áskorunum og
setja sér ný markmið.
Morgunblaðið/Styrmir Kári
Lærdómur „Þeir sem hefja göngu- eða hjólaferð eftir Jakobsveginum vita að framundan er ferðalag með innihaldi, sem er krefjandi bæði fyrir lík-
ama og sál, og ég get fullyrt að það kemur enginn óbreyttur til baka,“ segir Margrét Jónsdóttir Njarðvík.
’Á æfingum gefst fólki tækifæri til að kynnast ogmáta sig við hlutverk pílagrímsins.
Á leiðarenda Margrét og ánægður hópur kvenna á tröppum dómkirkj-
unnar í Santiago de Compostela sl. sumar.