Morgunblaðið - 26.02.2016, Qupperneq 21

UMRÆÐAN 21
MORGUNBLAÐIÐ FÖSTUDAGUR 26. FEBRÚAR 2016
Félagar í Seyðfirska Alpaklúbbn-
um, SF-Alp, héldu upp á 30 ára af-
mæli sitt í ítalska skíðabænum Selva
11. febrúar sl.
Klúbburinn var stofnaður 1986 í
Sölden í Austurríki. Þeir félagarnir
hafa haldið vel hópinn og farið ár-
lega suður eftir í Alpana á skíði. Síð-
ustu 19 ár hafa þeir farið til Selva-
Val-Gardena sem er eitt fjölbreytt-
asta og stærsta skíðasvæði í Evrópu.
Í tilefni afmælisins var haldin vegleg
afmælishátíð á Hótel Aaritz þar sem
þeir kynntu gestum heimabæinn
Seyðisfjörð og mannlífið þar, tilgang
klúbbsins og meðlimi hans. Mynd-
skreytt afmælisrit var gefið út og
vegleg söngbók leiddi menn í fjör-
ugan fjöldasöng . Gestasöngvari var
vinur þeirra félaga, þýskur stór-
tenór, en ung ítölsk stúlka lék undir
á fiðlu. Fyrir liggur að búið er að
ákveða og panta 20. ferðina til Selva
á sama tíma og á sama hótel næsta
ár 2017. Einkunnarorð þeirra félaga
eru: „Engin miskunn“ (E.Þ.)
Eftirfarandi lýsingu má finna í af-
mælisritinu:
Í Sf-Alp halda menn númeri
sínu til æviloka
Seyðfirski Alpaklúbburinn, Sf-
Alp, hefur verið til frá árinu 1986.
Stofnandi hans er Þorvaldur Jó-
hannsson, alltaf kallaður Foringinn
með stóru effi. Aðrir meðlimir, sem
eru tíu að tölu, verða að vera „alvöru
Seyðfirðingar“, góðir skíðamenn og
félagar. Það er ekki hægt að sækja
um aðild að Sf-Alp, heldur eru menn
(karlmenn) valdir í klúbbinn með
handafli. Félagarnir bera allir núm-
er, frá einum og upp í tíu, eftir því
hvenær þeir komu í félagsskapinn.
Nokkrir hafa helst úr lestinni en
halda þó sínu númeri til æviloka.
Klúbbmeðlimir hafa í gegn um ár-
in valið sér nokkra heiðursfélaga,
sem geta verið hvaðan sem er af
landinu, en þeim þarf að þykja vænt
um Seyðisfjörð og klúbbinn okkar
og okkur þarf að þykja vænt um þá.
Heiðursfélagar SF-Alp eru fimm að
tölu .
Sf-Alp hefur mörg markmið en
aðeins eitt þeirra er á margra vit-
orði, en það er að stunda skíði við
bestu mögulegar aðstæður. Í upp-
hafi var skíðað í Austurríki en und-
anfarin ár hefur ætíð verið haldið til
Norður-Ítalíu. Alltaf á sama tíma
árs, alltaf á sama skíðasvæðið
(Selva, Val Gardena), alltaf er dvalið
á sama hótelinu, alltaf er skíðað í
sömu brekkunum (tvær á dag) og
alltaf eru sömu hádegisstaðirnir
valdir. Á hverju ári eru greidd at-
kvæði um það hvert skuli halda að
ári liðnu og alltaf er niðurstaðan sú
sama. Þess má þó geta að enginn
fær að skoða atkvæðaseðlana nema
Foringinn. Eins og af þessu má lesa
er formfestan mikil undir dyggri
stjórn Foringjans.
Í skíðaferðum er það ekki síst fé-
lagsskapurinn sem skiptir miklu
máli og menn halda hópinn frá sól-
aruppkomu og fram á nótt. Fyrst er
skíðað, þá er matast og svo er skíðað
meira. Fyrir kvöldmat er gjarnan
farið í gufu og sund og menn klæða
sig síðan upp fyrir kvöldið. Kvöld-
verðurinn er hátíðleg stund og ein-
staka sinnum bresta menn í söng.
Engan skíðahóp hef ég hitt sem er
eins formfastur og um leið skemmti-
legur og Sf-Alp. Seyðfirðingar hafa
alltaf kunnað að njóta félagsskapar
og þeir kunna líka að skemmta sér
og hrífa aðra með. Það er meðal ann-
ars þess vegna sem það er gott að
vera Seyðfirðingur og tilheyra
SfAlp. (Gísli Blöndal, Sf-Alp-félagi
nr.9.)
Sf-Alp skíða-klúbburinn
30 ára í Selva á Ítalíu
Eftir Þorvald
Jóhannsson
»Einkunnarorð Sf-
Alp eru: Engin mis-
kunn, félagar. (E.Þ.)
Höfundur er eldri borgari
á Seyðisfirði.
Í Selva Sf-Alp félagar í góðum gír í afmælishófinu.
Ljósmynd/Ingimar Sigurðsson
Kappar F.v: Adolf Guðmundsson, Þorvaldur Jóhannsson, Andrés Svanbjörnsson, Sigurður Gíslason, Theodór
Blöndal, Sigurður Jónsson, Jónas A.Þ.Jónsson og gestur, Ceca Kostic.
Mikilvægi lesturs
er nær daglega til
umfjöllunar í fjöl-
miðlum. Í öllum pistl-
um er tekið undir
nauðsyn þess að auka
þessa færni. Ég vil
því benda á nokkrar
aðferðir sem hafa
gagnast mér og mín-
um og kalla eftir fleiri
hugmyndum þvi ég
veit að kennarar og foreldrar búa
yfir ýmsu sem að gagni má koma.
Þær tillögur sem settar eru fram
eru ekki frá mér komnar heldur að-
ferðir sem hafa gagnast vel.
Hljóðin eru ein af undirstöðum
lesturs og því er mikilvægt að leika
með þau á meðan börn eru lítil.
 Leikið með orð sem ríma en til
þess eru vísur og þulur upplagðar.
 Látið börn finna feluorð í orð-
um. Hvaða orð er í felum í orðinu
björn eða mamma?
 Hvað gerist ef tiltekinn stafur
hverfur úr orði, t.d. j úr björn?
 Hvað gerist ef skipt er um
fremsta staf í orði og annar látinn í
staðinn? Byrjið á stuttum orðum en
fjölgið stöfunum er börnunum vex
ásmegin. Hús - Lús - Mús - Fús
o.s.frv. Hér er gott að vekja athygli
á því hvað er sameiginlegt og
hverju ólíkir stafir breyta.
 Hvað er hægt að búa til mörg
orð sem byrja t.d. á snjó?
 Umræður við matarborð fjöl-
skyldunnar geta verið frjóar. Auka
má orðaforðann með því að stinga
upp á óalgengum eða nýjum orðum
og fjölskyldumeðlimir geta skiptst
á að gera það. Hvað merkir orðið
goggolía?
 Taka má fyrir málshætti og
merkingu þeirra. Um leið er hægt
að leika sér með málshætti sem
hafa orðið til við mismæli eða í
gríni. – Þetta er ekki upp í nös á
ketti - Þetta er ekki upp í kött á
nesi.
 Skoða má merkingu orðtaka
og reyna að finna hvaðan þau
koma. – Hvað merkir að safna í
sarpinn? Að leggja árar í bát?
 Á mjólkurfernum má finna
ýmislegt skemmtilegt og fróðlegt
varðandi málið.
 Er til samheiti við orðið?
Er til andheiti við orðið?
Margir foreldrar kvarta yfir því
að erfitt sé að fá börnin til að lesa
heima.
 Verið fyrirmynd, látið barnið
sjá ykkur lesa bækur.
 Lesið fyrir barnið og flettið
bókum með því um leið og tækifæri
gefst. Skoðið í sameiningu hver höf-
undurinn er, spáið í söguþráðinn,
framvindu sögunnar og gefið
barninu tækifæri til að endursegja
hana.
 Þegar barn lærir stafina getur
það tengt hvern þeirra manneskju
eða hlut með því að teikna það sem
við á. Þessar myndir má hengja
upp og lesa af og til.
 Orðaaðferðin er ein leið. Kenn-
ið barninu orðmyndir með því að
merkja hluti með heiti þeirra, þ.e.
merkja hurðina með orðinu hurð og
gluggann með orðinu gluggi o.s.frv.
Eftir ákveðinn tíma eru spjöldin
með orðunum fjarlægð af hlutunum
og lesin ein og sér. Einnig má
teikna hluti á spjaldið með orð-
myndinni og kenna orðið þannig.
 Vekið athygli barnsins á um-
hverfinu, götuheitum, auglýsingum,
o.s.frv. Eins og litli bróðir minn
sagði þegar hann var að byrja að
lesa „Ég veit hvað
stendur á ísskápnum.“
„Hvað stendur?“
spurði ég. Hann svar-
aði: „B O S C H, það
þýðir ísskápur“.
 Lesið allt árið um
kring en ekki eingöngu
á skólatíma.
 Lesið með
barninu.
 Lesið aðra hverja
málsgrein, frá punkti í
punkt.
 Lesið hálfa blaðsíðu á móti
barninu.
 Hljóðið í gegnum löng og erfið
orð svo að lesturinn verði ekki taf-
samur og leiðinlegur.
 Leggið áherslu á að barnið
haldi fingri undir orðunum þegar
það les, það getur aukið leshrað-
ann.
 Látið barnið lesa þrisvar sinn-
um yfir texta í byrjun en hættið því
þegar meiri leikni er náð svo að
barnið drepist ekki úr leiðindum
með endurtekningunni. Í tónlist-
arnámi og íþróttum er alltaf talað
um að æfingin skapi meistarann en
endurtekning í skóla hefur gjarnan
verið kölluð „stagl“, þessu viðhorfi
þarf að breyta. Hér gildir það
sama, æfa sig til að ná leikni, verða
meistari.
 Notið tímamælingu. Stillið á 10
mínútur eða látið barnið gera það
sjálft þá getur það lesið þar til
klukkan hringir. Með aukinni færni
má fjölga mínútunum (og sleppa
klukkunni). Vaxi það barninu í aug-
um að lesa í 10 mínútur í einu er
um að gera að skipta tímanum í
styttri lotur.
Kennið barninu að lesa orð með
samstæðum samhljóðum því það er
erfitt að að hljóða í þau. Dæmi:
Strákur, múrbrjótur, skríða, hrjóta.
 Gætið þess að lesefni sé fjöl-
breytt og þyngd við hæfi.
 Útskýrið ný orð svo að barnið
venjist því að gefa gaum að því sem
það les og skilji það.
 Ákveðið fyrir fram hver
áherslan er í hvert skipti, t.d. hraði,
framburður og tjáning en forðist að
tuða: „Framburður þinn er ekki
góður, þú lest of lágt, of hratt
o.s.frv.“
 Munið að hrósa og tengið
hrósið lestrinum. Gangi illa skuluð
þið forðast að segja eitthvað sem er
niðurlægjandi fyrir barnið, annars
getið þið komið inn hjá því van-
máttarkennd og hún er lífseig.
Margt gagnlegt og skemmtilegt
efni er í boði á netinu, ókeypis og
annað sem þarf að greiða fyrir,
Árnastofnun, Námsgagnastofnun
og margskonar orðabækur, svo
eitthvað se nefnt, og ekki má
gleyma bókasöfnunum.
Eigi barn í lestrarerfiðleikum er
gott að leita til umsjónarkennara.
Sum börn þurfa meiri stuðning en
önnur en með samvinnu heimilis og
skóla verður leiðin léttari.
Að lokum skora ég á þá sem búa
yfir fleiri aðferðum og þá sem
þekkja vel til námsforrita og náms-
leikja á tölvutæku formi að koma
með ábendingar.
Hollur er heima-
fenginn baggi
Eftir Ölmu
Vestmann
Alma Vestmann
» Þær tillögur sem
settar eru fram eru
ekki frá mér komnar
heldur aðferðir sem
hafa gagnast vel.
Höfundur er fyrrverandi
grunnskólakennari.
BRIDS
Umsjón Arnór G.
Ragnarsson| brids@mbl.is
Gísli og Leifur
Kópavogsmeistarar
Aðaltvímenningi Bridsfélags
Kópavogs lauk sl. fimmtudag. Eftir
þrjú kvöld af barómetertvímenningi
stóðu Gísli Tryggvason og Leifur
Kristjánsson uppi sem sigurvegarar
með 57,3% skor.
Lokastaðan:
Gísli Tryggvason - Leifur Kristjánss. 57,3
Júlíus Snorrason - Eiður Mar Júlíusss. 56,4
Loftur Pétursson - Kristín Þórarinsd. 55,3
Björn Jónsson - Þórður Jónsson 53,9
Sigurður Sigurjónss. - Ragnar Björnss. 52,9
Næsta keppni er fjögurra kvölda
hraðsveitakeppni sem hefst fimmtu-
daginn 25. feb. Skráning hjá Jör-
undi, s. 699-1176, og thordur-
ing@gmail.com eða mæta tímanlega
fyrir kl. 19.
Vélasalan Reykjanesmeistari
Reykjanesmótið í sveitakeppni
2016 var spilað um síðustu helgi.
Átta sveitir tóku þátt, þar af ein
gestasveit, þannig að sjö sveitir
kepptu um sex sæti í undanúrslitum
Íslandsmótsins 2016. Sveit Sverris
Þórissonar sigraði í svæðakeppninni
en sveit Vélasölunnar sem varð í
öðru sæti er hins vegar Reykjanes-
meistari þar sem efsta sveitin var
skipuð spilurum utan Reykjaness.
Reykjanesmeistararnir eru Bern-
ódus Kristinsson, Ingvaldur Gúst-
afsson, Ragnar Björnsson, Júlíus
Snorrason og Eiður Mar Júlíusson.
Með Sverri spiluðu Haraldur
Ingason, Þórir Sigursteinsson, Jón
Þorvarðarson, Gísli Steingrímsson
og Gabríel Gíslason.
Gullsmárinn
Spilað var á 12 borðum í Gull-
smára mánudaginn 22. febrúar.
Úrslit í N/S:
Auðunn Guðmss. - Ragnar Jónsson 225
Guðm.Pálsson - Sveinn Símonarson 216
Jón Bjarnar - Katarínus Jónsson 201
Þórður Jörundss. - Jörundur Þórðars. 200
A/V
Sigurður Gíslason - Reynir Bjarnason 200
Jón I. Ragnarss. - Sæmundur Árnas. 197
Kristín G. Ísfeld - Óttar Guðmss. 196
Samúel Guðmss. - Jón Hannesson 190
Einni umferð ólokið
í meistaratvímenningnum
á Suðurnesjum
Einni umferð er ólokið í meistar-
atvímenningnum á Suðurnesjum.G-
unnlaugur Sævarsson og Arnór
Ragnarsson leiða með 58,2% skor.
Garðar Garðarsson og Guðjón Svav-
ar Jensen eru með 52,75%, Þorgeir
Ver Halldórsson og Garðar Þór
Garðarsson eru með52,1% og Oddur
Hannesson og Sigurjón Ingibjörns-
son fjórðu með 51,4%.
Kolbrún Guðveigsdóttir og Haf-
steinn Ögmundsson urðu efst síðasta
spilakvöld með 57,3%. Þorgeir Ver
og Garðar Þór í öðru sæti með 51%
Garðar og Svavar urðu efstir þann
18. með 60,7%. Arnór og Gunnlaugur
voru með 59,5% og Bjarki og Guðni
með 57,1%
Síðasta umferðin verður spiluð á
miðvikudagskvöld kl. 19. Þrátt fyrir
að mót standi yfir er öllum heimilt að
mæta og spila sér til ánægju.