Morgunblaðið - 12.04.2016, Blaðsíða 8

8 | MORGUNBLAÐIÐ
Bílasala jókst um 5,2% í Evrópu
vestanverðri í marsmánuði en
sveiflurnar voru miklar milli landa.
Sló hún öll fyrri met í Bretlandi,
jókst um 17,4% á Ítalíu og 31,6% í
Portúgal.
Alls seldust 1.641.821 nýr bíll í
álfunni í mars og frá áramótum til
marsloka voru seldir 3.660.391 bíll,
sem er 7,7% aukning frá því í
fyrra, 2015.
Greinandi LMC Automotive seg-
ir að vöxtur í bílasölu í ár sé kröft-
ugur og bendir á, að söludagar
hafi verið færri en undanfarin ár í
Evrópu vegna páska sem voru í
mars. Því megi segja að kröftug
aukning sé í nýskráningum á
fyrsta ársfjórðungnum.
LMC spáir 7% aukningu í ný-
skráningum í vestanverðri Evrópu
í ár, miðað við í fyrra, en það þýðir
að 14.286.666 bílar komi á götuna
á árinu.
Í marsmánuði voru nýskrán-
ingar í Bretlandi rúmlega hálf
milljón sem er 5,3% aukning frá í
mars 2015. Er þetta mesta bílasala
í einum mánuði í Bretlandi frá
1999. Breska bílgreinasambandið
SMMT segir aukninguna að þakka
aukinni tiltrú neytenda á mark-
aðinn, lágum vöxtum og nýtækni.
Sala til einkaaðila jókst um 3,8%
og til fyrirtækja um 6%. Þá jókst
rafbílasala um 21,5% í Bretlandi í
mars. Sérfræðingar spá því að þar
í landi verði öll fyrri sölumet fyrir
árið í heild slegin.
Dregur úr söluhraða á Banda-
ríska bílamarkaðinum
Í Bandaríkjunum nemur aukn-
ingin þremur prósentum það sem
af er ári en vísað er til þess, að á
sama tímabili í fyrra hafi öll met í
nýskráningum verið slegin þar í
landi. Voru seldar 1,59 milljónir
bíla í mars. Viðskiptadagar voru
tveimur fleiri en í mars í fyrra.
Greinendur hjá WardsAuto sjá fyr-
ir sér að erfitt muni að halda uppi
dampi í sölunni. Segja þeir hraða
sölunnar miðað við ársgrundvöll
hafa farið niður fyrir 17 milljón
eintök í mars, í fyrsta sinn frá í
apríl 2015. Þar sem aðeins einn
fjórðungur af árinu sé að baki
bendi hraðinn í sölunni til að seld-
ar verði 16,46 milljónir bíla í
Bandaríkjunum í ár sem væri 1,01
milljón minna en í fyrra.
agas@mbl.is
Bílasala marsmánaðar í Bandaríkjunum og Evrópu borin saman
Kröftugur vöxtur í Evrópu en hægir á vestra
Stórir Chrysler fjölskyldubílar á lager í Bandaríkjunum. Það gæti verið erfitt að halda dampi í sölunni.
Yfirmenn hjá þýska bílrisanum
Volkswagen hafa hafnað al-
gjörlega tillögum stjórnar fyr-
irtækisins um að þeir gefi eftir
árlegar bónusgreiðslur í ár. Sjálf-
ir hafa þeir hins vegar samþykkt
að óbreyttir starfsmenn VW verði
að herða sultarólina vegna fyr-
irsjáanlegs samdráttar vegna
þverrandi bílasölu í framhaldi af
útblásturshneyksli sem við fyr-
irtækið er kennt og upp komst í
fyrrahaust.
Frá þessu skýrði þýska vikurit-
ið Der Spiegel sl. fimmtudag. Seg-
ir ritið, að þrátt fyrir óvissu um
framtíð fyrirtækisins í framhaldi
af hinu umfangsmikla hneyksli
sem snýst um búnað sem komið
var fyrir í dísilbílum samsteyp-
unnar til að blekkja meng-
unarmælitæki vilji æðstu menn
ekki missa þennan spón úr aski
sínum.
Bónusar og hópuppsagnir?
Spiegel segir að framkvæmda-
stjórn Volkswagen sé í sjálfu sér
reiðubúin að gefa eitthvað eftir af
bónusum sínum, en alls ekki að
afþakka þá með öllu. Þetta gerist
á sama tíma og verkalýðssamtök í
Þýskalandi hafa verulega vaxandi
áhyggjur af því að skammt sé í að
Volkswagen grípi til uppsagna í
bílsmiðjum fyrirtækisins þar í
landi. Aðhaldsaðgerðir í rekstr-
inum vegna afleiðinga hneyksl-
isins hljóti ótvírætt að enda með
umfangsmiklum uppsögnum.
„Við höfum á tilfinningunni að
dísilvélahneykslið verði brúkað
sem afsökun fyrir uppsögnum
sem enginn ýjaði að fyrr en fyrir
tveimur mánuðum,“ segir í yf-
irlýsingu frá stéttarfélagi bíl-
smiða, IG Metall.
Nýr forstjóri VW, Matthias
Müller, hefur tilkynnt stjórn fyr-
irtækisins, að grípa verði til
sparnaðar í rekstri, „allt frá
stjórnendum og niður í starfs-
menn á verksmiðjugólfinu“,
vegna útblásturshneykslisins sem
gæti átt eftir að þýða stjarn-
fræðileg útgjöld fyrir VW vegna
dómsmála og bóta, en um 11 millj-
ónir bíla koma þar við sögu.
Að sögn Der Spiegel hlaut fyrr-
verandi fjármálastjóri Volkswa-
gen, Hans-Dieter Pötsch, næstum
10 milljónir evra í kaupauka í
fyrra. Forstjórinn burtrekni,
Martin Winterkorn, var kvaddur
með rausn eftir að svindlið kom
fram í dagsljósið. Fékk hann
næstum þriggja milljóna evra
bónusgreiðslu, að sögn tímarits-
ins.
agas@mbl.is
Óbreyttir starfsmenn borga brúsann hjá VW
Vilja ekki gefa bónusana eftir
Stjórnendur hjá VW vilja ekki gjalda sjálfir fyrir erfiðleika fyrirtækisins.
Frakkar eru farnir að gefa eftir
undan áróðrinum gegn dísilbílum.
Fyrstu þrjá mánuði ársins dróst
sala þeirra saman um 3,9% frá
sama tímabili í fyrra. Alls voru
nýskráðir dísilbílar á tímabilinu
269.538 eintök.
Bílasala hefur aukist talsvert í
Frakklandi frá áramótum miðað
við í fyrra og hefur sala á bens-
ínbílum aukist mest. Heildaraukn-
ingin í nýskráningum frá áramót-
um er 8,2%.
Um langan aldur hafa Frakkar
tekið dísilbílinn fram yfir bens-
ínknúinn og réð því stefna yfir-
valda sem hvatt höfðu til kaupa á
dísilbílum sem þá voru taldir
menga minna. Til að stuðla að
kaupum á dísilbílum var íviln-
unum beitt og eldsneyti skattlagt
miklu minna og því mun ódýrara.
Hlutfallið fer úr 77% í 52%
Af þessum sökum var hlutfall
dísilbíla í flota landsmanna allt að
fjórir fimmtu, en það hefur
minnkað jafnt og þétt undanfarin
misseri. Náði hlutfallið hámarki
árið 2012 er það nam 77%.
Í nýliðnum marsmánuði var
hlutfall dísilbíla í nýskráningum
til að mynda aðeins 51,3%, og 52%
fyrir allan fyrsta ársfjórðunginn.
„Við erum að komast aftur niður
á sama stig og á níunda áratugn-
um,“ segir talsmaður samtaka
franskra bílaframleiðenda
(CCFA).
agas@mbl.is
Eru Frakkar að skipta um gamla skoðun?
Dísilbílum fækkar hlutfallslega á ný í Frakklandi.
Snúa baki við dísilinu
Metsölu á bílum í Bandaríkjunum í
fyrra fylgdi sá óhjákvæmilegi fylgi-
fiskur, að eknir kílómetrar hafa aldrei
verið fleiri þar í landi en árið 2015, að
sögn Ríkisþjóðvegastofnunarinnar
(FHA).
Samkvæmt gögnum sem stofnunin
hefur rakað saman um bílnotkun hafa
ferðalög lengst en samtals voru lagðir
að baki á vegum landsins ríflega 3,1
biljón kílómetra. Með öðrum orðum 3,1
milljón milljónir kílómetra.
Ódýrt eldsneyti hefur
sitt að segja
Þessi stjarnfræðilega upphæð kemur
ekki á óvart í Bandaríkjunum því bíla-
framleiðsla þar í landi náði hámarki í
fyrra, er 17,5 milljónir nýrra bíla komu
á götuna. Það stuðlaði síðan enn frekar
að meiri og lengri akstri að bensínverð
lækkaði mjög 2015. Kostaði gallonið að
meðaltali 2,40 dollara miðað við 3,34
dollara árið 2014 og 3,49 dollara 2013.
Hafði verðið ekki verið lægra frá 2009
er gallonið kostaði að meðaltali 2,35
dollara.
Nýjustu upplýsingar úr bifreiða-
skrám benda til þess að aldrei hafi ver-
ið fleiri bílar í notkun en nú. Töldust
þeir vera 260 milljónir í árslok 2015.
Sömuleiðis nýta menn bíla sína lengur
en meðalaldur fólksbílaflotans í Banda-
ríkjunum er 11,5 ár, að sögn greininga-
fyrirtækisins Polk í bílaborginni Detro-
it.
Óæskilegur fylgifiskur þess að verja
meiri tíma á vegunum eru umferð-
arslysin. Veruleg fjölgun hefur orðið á
dauðsföllum í umferðinni. Bandaríska
þjóðvegaöryggisstofnunin (NHTSA)
sagði í febrúar, að þeim hefði fjölgað
um að minnsta kosti 9% í fyrra. Fram
að því hafði banaslysunum fækkað jafnt
og þétt um nokkurra ára skeið. Þeim
fækkaði 1,2% árið 2014 og um 22% á
árabilinu 2000 til 2014.
agas@mbl.is
Mikið keypt og mikið keyrt
Aldrei ekið eins mikið
Um 260 milljón bílar eru á bifreiðaskrá í Bandaríkjunum og hafa aldrei verið fleiri á vegunum.