Víkurfréttir - 29.08.2002, Blaðsíða 2
Lestu Víkurfréttir á Netinu daglega á slóðinni www.vf.is
FRÉTTIR
FYRST OG FREMST
GLÆSILEG SÝNING RAUÐU ÖRVANNA í KEFLAVÍK
Breska listflugssveitin Rauðu örv-
arnar hélt glæsilega flugsýningu i
Keflavík um kl. hálf fjögur á
mánudag. Ellefu þotur sveitarinnar
flugu oddaflug yfir byggðina í
Keflavík og síðan tvo stóra sýning-
arhringi yfir Keflavíkurflugvelli. Þar
var farið í ýmsar slaufur og reyk
sleppt eins og sveitinni einni er
lagið. Þeir sem til sáu sögðu sýn-
inguna stórfenglega. Sveitin er á
leið til Bandaríkjanna en gisti í
Keflavík yfir nótt.
Lokavika umhverfis-
átaks í Reykjanesbæ
Nú stcndur yfir lokavikan í
umhverfisátaki Reykja-
nesbæjar. Áhersla hefur verið
á að hreinsa járn og annað
rusl af jaðarsvæðum í bæjar-
félaginu. Alls hafa um 160
tonn af járni safnast á sl.
tveimur vikum. Þó eru
stærstu járnbitarnir eftir, sem
beðið hafa stórtækra vinnu-
tækja svo unnt sé að „klippa”
þá niður. Nú er komið að því.
Fyrsta verkefnið var niðurrif á
vinnukrana í steypustöðinni við
Fitjar sl. þriðjudag. Einnig er
m.a. ráðgert að taka niður oliu-
tank i Ytri-Njarðvík, lýsistank
við gömlu Fiskiðjuna, snigil á
gamla HF ffystihúsinu og einn
meltutank í Njarðvíkurhöfn.
Bæjarbúar og fyrirtækjastjóm-
endur eru hvattir til að nýta
tækifærið þessa síðustu viku i
lokahreinsun svæða sinna.
Minnt er á að flutningur efnis er
ókeypis á meðan á átakinu
stendur.
(Fréttatilk. frá bœjarstjóra).
Gunnar Þórðarson
verður með
konsert í
Stapa á
Ljóasnótt.
- sjá nánar í
næsta blaði.
Sparisjóðurinn í Keflavík
Minni hagnaður á fyrri hluta árs
Hagnaður Sparisjóðsins í Keflavík fyrstu
sex mánuði ársins nam 75,7 m.kr.
króna fyrir skatta og óreglulega íiði sam-
anborið við 114,1 m.kr. á sama tímabili
árið 2001. Að teknu tilliti til skatta var
hagnaðurinn 64,6 m.kr. samanborið við
81,8 m.kr. á sama tíma árið 2001.
Vaxtatekjur Sparisjóðsins námu á 1.016,2
m.kr. og vaxtagjöld 639,8 m.kr. Hreinar
vaxtatekjur námu því 376,3 m.kr. samanborið
við 332,6 m.kr. á sama tima árió 2001. Er
þetta aukning upp á 43,7 m.kr. eða 13,2%.
Aðrar rekstrartekjur vom 119,7 m.kr. á árinu
á móti 133,5 á sama tíma árið 2001.
Önnur rekstrargjöld námu alls 352,6 m.kr. og
jukust um 17,9% frá fyrra ári.
Framlag í afskriftareikning útlána var 67,7
m.kr. en var 52,9 m.kr. á sama tima árið 2001.
Heildarinnlán í ásamt lántöku námu um
12.596,6 m.kr. Þannig jukust innlán um 671
m.kr. eða um 5,6%.
Utlán Sparisjóðsins ásamt markaðsskulda-
bréfúm námu 14.786,8 m.kr. og höfðu aukist
um 803,9 m.kr. eða um 5,8%.
I júnilok var niðurstöðutala efnahagsreiknings
17.828,2 m.kr. og hafði hún hækkað á árinu
um 889,9 m.kr. eða 5,25%. Eigið fé Spari-
sjóðsins nam 1.746,3 m.kr. og er eiginfjár-
hlutfall Sparisjóðsins samkvæmt CAD-regl-
um er 9,23% en má lægst vera 8%. Arðsemi
eiginfjár á tímabilinu var 7,4%
Sparisjóðurinn í Keflavík rekur fimm af-
greiðslur sem starfræktar eru i Keflavík,
Njarðvík, Garði, Grindavik og Vogum en höf-
uðstöðvar Sparisjóðsins eru í Keflavík.
Skýfall á fyrsta skóladegi
Fyrsti skóladagur í grunn-
skólum Suöurnesja var á
mánudag. Hundruð barna
streymdu í skólana. Mörg
fengu far með pabba eða
mömmu, en önnur urðu að
ganga. Veðurguöirnir tóku
þeim börnum ekki fagnandi
því sannkallað skýfall var af
himnum.
Þessi nemandi Myllubakkaskóla
hefúr örugglega mætt „hundvot-
ur” í skólann.
Vikurfréttamynd/Hilmar Bragi.
160 milljóna kr. Saltfisksetur opnar
í Grindavík eftir nokkra daga
Heildarkostnaður við upp-
setningu Saltfiskseturs Is-
lands í Grindavík er um 160
millj kr. Verkinu miðar áfram
samkvæmt áætlun og er fyrir-
hugað að opna setrið þann 6.
september nk. Fyrir liggur
lánsloforð frá lslandsbanka til
Grindavíkurbæjar til fjár-
mögnunar á Saltfisksetrinu
fyrir 100 milljónir kr.
Lánið er til 15 ára með 6.75%
föstum vöxtum til 5 ára. Bæjar-
ráð Grindavíkur hefur gefið
grænt ljós á lántökuna og falið
bæjarstjóra að ganga frá þeim
málum. Þá hefúr forstöðumaður
Saltfiskseturs verið ráðinn til
eins árs. Það er Kjartan S. Krist-
jánsson en hann er ráðinn sem
Markaðs- og ferðamálafulltrúi
Grindavíkurbæjar.
■■■■■■■■
2