Morgunblaðið - 06.08.2016, Blaðsíða 18
18 FRÉTTIRViðskipti | Atvinnulíf
MORGUNBLAÐIÐ LAUGARDAGUR 6. ÁGÚST 2016
H
a
u
ku
r
0
1
.1
6
Viðskiptatækifæri á www.kontakt.is
• Veitingastaður á Stór-Reykjavíkursvæðinu í eigin húsnæði sem leggur
áherslu á hádegismat og er aðeins opinn að degi til. Tækifæri fyrir
t.d. duglegan matreiðslumann að þróa frekar eftir eigin höfði.
• Traust sérverslun með góða afkomu sem býður upp á allt í sambandi
við rafmagnið. Endalaust úrval pera, garðljós, útiljós, hreyfiskynjarar,
smærri heimilistæki, ljósnemar, tímarofar, dimmar, fjöltengi,
dyrabjöllur, kaplar, spennubreytar, rofar, tenglar o.fl. o.fl.
• Hótel Siglunes er lítið og mjög fallegt hótel/gistihús í eigin húsnæði í
ferðamannabænum Siglufirði. Þar eru 19 herbergi, fullbúinn
veitingastaður og bar. Frábærir dómar hjá ferðamiðlum.
• Umboð fyrir eldhúsinnréttingar. Þekkt evrópskt merki í
eldhúsinnréttingum og fataskápum. Velta á bilinu 70-100 mkr. Gott
tækifæri fyrir aðila í skyldum rekstri. Auðveld kaup.
• Lítil heildverslun með gott umboð fyrir hágæða múrefni og
klæðningar. Velta um 100 mkr. Miklir möguleikar á vexti.
• Vaxandi innflutnings- og smásölufyrirtæki með mjög góða
markaðshlutdeild á sérhæfðum markaði. Ársvelta 130 mkr. og
EBITDA 30 mkr.
• Fiskvinnsla á SV-horninu í framleiðslu á fiski og harðfiski. Velta 50
mkr. Inannlandsssala og útflutningur. Miklir möguleikar til
veltuaukningar.
• Stórt og gott hótel miðsvæðis á Suðurlandi sem býður upp á mikla
möguleika fyrir áhugasaman, nýjan eiganda.
Guðni Halldórsson
lögfræðingur,
gudni@kontakt.is
Þórarinn Arnar Sævarsson
fasteignaráðgjafi,
thorarinn@kontakt.is
Gunnar Svavarsson
viðskiptafræðingur,
gunnar@kontakt.is
Brynhildur Bergþórsdóttir
rekstrarhagfræðingur,
brynhildur@kontakt.is
Sigurður A. Þóroddsson
hæstaréttarlögmaður,
sigurdur@kontakt.is
STUTT
● Breski bankinn Royal Bank of
Scotland tapaði tveimur milljörðum
punda fyrstu sex mánuði ársins. Það
jafngildir ríflega 315 milljörðum
króna. Þetta mikla tap má að stóru
leyti rekja til kostnaðar sem fallið
hefur á bankann vegna málaferla þar
sem bankinn hefur þurft að verjast
mýmörgum málsóknum hluthafa í
kjölfar þess að bresk stjórnvöld
björguðu honum frá falli í efnahags-
kreppunni 2008 og eignuðust með
því 73% hlutafjár hans.
Bankinn hefur fram til þessa skilað
tapi í átta ár samfellt.
Í breskum fjölmiðlum er haft eftir
Ross McEwan, forstjóra bankans, að
annir vegna lögsóknanna fari nú
senn að minnka og hann voni að þær
verði að baki fyrri hluta næsta árs.
Jafnframt er haft eftir honum að
staða bankans sé mjög sterk og
hann geti því staðið af sér þennan
andbyr.
jonth@mbl.is
Royal Bank of Scotland
tapaði risafjárhæðum
Verðmæti innflutnings í júlí var nær
10 milljörðum meira en verðmæti
þeirra vara sem fluttar voru út í
mánuðinum. Þetta kemur fram í
bráðabirgðatölum frá Hagstofunni
um vöruviðskipti við útlönd.
Er þá vöruviðskiptahallinn orðinn
tæplega 73 milljarðar það sem af er
ári. Til samanburðar var vöruvið-
skiptahallinn tæplega 7 milljarðar á
sama tímabili í fyrra á verðlagi þess
árs.
Útflutningur sjávarafurða nam í
júlímánuði 19,7 milljörðum. Er það
áþekk fjárhæð og var í mánuðinum í
fyrra eða 20,5 milljarðar. Hins vegar
nemur samdráttur í útflutningi
sjávarafurða 15,3 milljörðum milli
ára sé litið til fyrstu sjö mánaðanna.
Útflutningur iðnaðarvara nam 22
milljörðum í júlí síðastliðnum en var
29,3 milljarðar í sama mánuði í fyrra.
Fyrstu sjö mánuði ársins nam út-
flutningur iðnaðarvara 162,2 millj-
örðum. Alls voru iðnaðarvörur flutt-
ar út fyrir 208,7 milljarða á sama
tíma í fyrra. Innflutningur eldsneyt-
is nam 38,3 milljörðum fyrstu sjö
mánuði ársins. Á sama tímabili í
fyrra nam sá innflutningur 50,6
milljörðum.
jonth@mbl.is
Morgunblaðið/Ómar
Útflutningur Samdráttur í verðmæti sjávarafla og iðnaðarvara frá í fyrra.
Bætist við vöru-
viðskiptahallann
Hefur tífaldast frá sama tíma í fyrra
Vilhjálmur A. Kjartansson
vilhjalmur@mbl.is
Áhugi erlendra aðila á uppsetningu
gagnavera á Íslandi er nokkur að
sögn Björgvins Skúla Sigurðssonar,
framkvæmdastjóra markaðs- og við-
skiptaþróunarsviðs Landsvirkjunar.
„Landsvirkjun er bundin trúnaði
um hvaða aðilar
þetta eru en við
eigum í samtali
við nokkur minni
gagnaver sem
þurfa 2-3 mega-
vött (MW) og
stærri sem þurfa
10-15 MW,“ segir
Björgvin en í dag
nota gagnaver á
Íslandi samtals
um 30 MW.
„Gagnaver eru spennandi við-
skiptavinir sem geta greitt góð verð.
Þau eru í miklum vexti erlendis og
smitast yfir á Ísland með þessum já-
kvæða hætti.“
Verði af stærri verkefnum sem
Björgvin vísar til, gæti orkusala til
gagnavera tvöfaldast á skömmum
tíma.
Allt að 150MW í risa gagnaver
Í áhættugreiningarskýrslu Cush-
man & Wakefield, Data Center Risk
Index 2016, fær Ísland hæstu eink-
unn og gæti því verið orðinn ákjósan-
legur kostur fyrir uppbyggingu
gagnavera.
Björgvin segir helstu styrkleika Ís-
lands liggja í stöðugu orkuverði og
orkuöryggi.
„Ólíkt mörgum löndum er raforku-
verð hér á landi ekki háð markaðs-
sveiflum á olíu og gasi. Rekstraraðilar
gagnavera geta því treyst á stöðugt
orkuverð hér á landi. Raforkukerfið
hérlendis er líka öruggt því við höfum
byggt það upp fyrir álver sem eru
mjög kröfuharðir viðskiptavinir.“
Spurður hvort Landsvirkjun gæti
tryggt orku fyrir stærri gagnaver á
borð við þau sem Apple og Google
eru að byggja upp víða um heim segir
Björgvin að Landsvirkjun geti ekki
ein tryggt orku í slíkt á næstu tveim-
ur árum.
„Þessi allra stærstu gagnaver eru
að nota allt að 150 MW og það þyrfti
að byggja það upp í skrefum og
tryggja orkuna jafnvel í samstarfi við
aðra.“
Vöxturinn viðráðanlegur enn
Þrátt fyrir öran vöxt gagnavera á
undanförnum árum segir Björgvin
Landsvirkjun ráða vel við það verk-
efni.
„Við erum ekki einir á orkusölu-
markaðnum en eins og staðan er í
dag tel ég að Landsvirkjun ráði ágæt-
lega við vöxt gagnavera. Þau vaxa í
smærri skrefum, þó hraðað hafi á
vextinum á síðustu tveimur árum.“
Orkuþörf gagna-
vera gæti tvöfaldast
Nokkrir erlendir aðilar eiga í viðræðum við Landsvirkjun
Orka Gífurlega raforku þarf til að keyra stærstu gagnaver heims en hér á
landi nota gagnaverin núna um 30 MW og fer magnið ört vaxandi.
Ljósmynd / Landsvirkjun
Áhugi erlendis
» Nokkrir erlendir aðilar í
viðræðum við Landsvirkjun.
» Ný verkefni myndu þurfa
allt frá 2-3MW upp í 10-15MW.
» Íslensk gagnaver nýta nú
alls 30MW í starfsemi sinni.
» Risagagnaver þurfa allt að
150MW en til samanburðar er
uppsett afl Sigöldustöðvar
150 MW.
Björgvin Skúli
Sigurðsson
Á tónleikum Muse í Laugardals-
höll í kvöld verður tekið í notk-
un stærsta og öflugasta hljóð-
kerfi landsins. Er það í eigu
fyrirtækisins Exton sem nýverið
festi kaup á því frá bandaríska
hljómtækjaframleiðandanum
Meyer. Kaupverð kerfsins er
um ein milljón Bandaríkjadala
eða tæpar 120 milljónir íslensk-
ra króna.
Ívar Ragnarsson hjá Exton
segir kerfið mjög öflugt. „Það
er nógu öflugt til að sinna
Laugardalshöllinni, Kórnum og
slíkum sölum. Þetta saman-
stendur af 50 mismunandi há-
talaraboxum og nýjustu tækni í
hljóðstýringu. Bassahátalar-
arnir eru þeir öflugustu á
markaðnum í dag. Við próf-
uðum það almennilega í gær og
það fór fram úr mínum björt-
ustu vonum.“
Kaupin á búnaðinum eru fjár-
mögnuð á grundvelli hlutafjár
sem bræðurnir Sigurjón og Rík-
harður Sigurðssynir lögðu
fyrirtækinu til þegar þeir komu
að því í sumar. Ríkharður er
framkvæmdastjóri Exton.
Öflugasta
hljóðkerfi
landsins
Kostar 120 milljónir
Skannaðu kóð-
ann til að sjá
gengið eins og
það er núna á
6. ágúst 2016
Gengi Kaup Sala Mið
Dollari 119.3 119.86 119.58
Sterlingspund 156.76 157.52 157.14
Kanadadalur 91.54 92.08 91.81
Dönsk króna 17.871 17.975 17.923
Norsk króna 14.101 14.185 14.143
Sænsk króna 13.989 14.071 14.03
Svissn. franki 122.4 123.08 122.74
Japanskt jen 1.1798 1.1868 1.1833
SDR 166.57 167.57 167.07
Evra 132.93 133.67 133.3
Meðalgengi/Viðskiptavog þröng 163.9895
Hrávöruverð
Gull 1362.6 ($/únsa)
Ál 1616.0 ($/tonn) LME
Hráolía 43.36 ($/fatið) Brent