Morgunblaðið - 19.08.2016, Qupperneq 20

20 MORGUNBLAÐIÐ FÖSTUDAGUR 19. ÁGÚST 2016
HAGNÝTAR NÁMSBRAUTIR
Fisktækniskóli Íslands
býður upp á fjölbreytt
nám í sjávarútvegi á
framhaldsskólastigi.
Námið er hagnýtt tveggja
ára nám sem byggt er
upp sem önnur hver önn í
skóla og hin á vinnustað.
Nemendur geta valið sér
námsleiðir í sjómennsku,
fiskvinnslu og fiskeldi.
Verkefni og vinnustaðir
eru valdir með hliðsjón af
áhuga hvers og eins.
Nám í skóla - nám á vinnustað
Víkurbraut 56 240 Grindavík, info@fiskt.is
FISKTÆKNI
Inntökuskilyrði: Grunnskólapróf.
Á Fisktæknibraut er hægt að velja þrjár línur:
-Sjómennska/veiðar
- Fiskvinnsla
- Fiskeldi
Hvert námsár skiptist í eina önn í skóla og eina á vinnustað
undir leiðsögn tilsjónamanns.
MAREL VINNSLUTÆKNI
Eins árs nám í Fiskeldi, Gæðastjórnun og Marel vinnslutæknir.
Inntökuskilyrði:
Hafa lokið námi í Fisktækni eða sambærilegu námi.
Mat á reynslu og þekkingu úr sjávarútvegi getur einnig gilt til að
uppfylla inntökuskilyrði.
Námsárið skiptist í fagbóklegar greinar og vinnustaðanám.
Námið verður kennt í dreifinámi og staðlotum sem hentar
starfandi fólki í greininni.
GÆÐASTJÓRN
FISKELDI
Spennandi blanda bóklegs og verklegs náms sem gefur mikla starfsmöguleika eða til frekari menntunnar.
Nánari upplýsingar hjá
starfsmönnum Fisktækniskóla
Íslands í síma 412-5966 eða á
www.fiskt.is og á facebook.
Tveggja ára hagnýtt framhaldsskólanám til starfa í
sjávarútvegi.
Bjóðum upp á þrjár nýjar eins árs námsbrautir
Innritun í gangi byrjum 8. september
R
eynslan og rannsóknir
hafa sýnt að núvitund er
öflug leið til að auka vel-
líðan, velgengni, efla ein-
beitingu og athygli, draga
úr streitu, kvíða og þunglyndi, efla
samskiptahæfni og styrkja ónæmis-
kerfið, svo dæmi séu tekin,“ segir
Bryndís Jóna Jónsdóttir, kennari
hjá Núvitundarsetrinu, en hún er
leiðbeinandi á tveimur haust-
námskeiðum Endurmenntunar Há-
skóla Íslands – Núvitund í uppeldi
barna og Núvitund og stjórnun.
Bryndís Jóna er með MA-diplóma í
jákvæðri sálfræði og MA-próf í
náms- og starfsráðgjöf og hefur á
liðnum árum starfað við mannauðs-
stjórnun, verkefnastjórnun, ráðgjöf
og kennslu.
„Áhrifamáttur núvitundar hefur
verið rannsakaður í áratugi en síð-
ustu misseri hefur hins vegar orðið
mikil aukning í birtingu ritrýndra
greina og rannsókna, þar sem áhugi
fræðifólks hefur vaxið í takt við vit-
undarvakningu almennings. Nú er
þjálfun í núvitund nýtt mjög víða,
bæði í skólastarfi og á vinnustöðum,
í fangelsum og innan heilbrigðisgeir-
ans. Í raun getur núvitund nýst á öll-
um sviðum mannlífsins; allir geta
ræktað með sér núvitund, hún er
einföld og áhrifarík leið til að hjálpa
okkur að takast á við krefjandi og
fjölbreyttar áskoranir daglegs lífs
og stuðlar að vellíðan.“
Bragðið og lyktin
Hvað er núvitund?
„Með núvitund veitum við lífi okk-
ar og líðan á hverri stundu vakandi
athygli með opnum huga og forvitni.
Við leggjum okkur fram um að vera
sem oftast til staðar, andlega og lík-
amlega. Í raun erum við að þjálfa at-
hygli okkar og auka meðvitund. Með
einföldum leiðum æfum við okkur í
að veita hugsunum okkar og tilfinn-
ingum meðvitaða athygli, hvort sem
þær eru góðar eða slæmar. Við æf-
um okkur í því að meðtaka, viður-
kenna og finna fyrir því sem er hér
og nú, í stað þess að festast um of í
áhyggjum af fortíð eða framtíð.
Þetta er gert ýmist með form-
legum æfingum eða núvitundarhug-
leiðslu, en einnig með óformlegum
hætti en í því felst að taka eftir því
sem er að gerast í kringum okkur,
gefa því smáa gaum, sem er í raun
lífið okkar. Þetta getur til dæmis
verið blómið á umferðareyjunni sem
við tökum eftir á meðan við erum
stödd á rauðu ljósi, bragðið sem við
finnum af fyrsta munnbitanum eða
matarlyktin í loftinu; þegar við
stöldrum við og veitum því athygli
hvaða áhrif þessi upplifun hefur á
okkur.
Við vitum öll að það er mikilvægt
fyrir okkur að hreyfa okkur, en það
er ekki síður mikilvægt að rækta
huga og heila. Líklega er besta
heilsueflingin sú að gefa sér tíma
fyrir hvort tveggja. Sitt lítið af
hvoru, án þess að fara út í öfgar;
hálftíma röskleg hreyfing og nokkr-
ar mínútur í núvitundarhugleiðslu á
dag geta gert heilmikið. Eins og með
líkamsræktina er þó oft erfiðast að
gera núvitund að vana og hluta af
daglegu lífi, en þannig verða jákvæð
áhrif auðvitað mest.“
Daglegar æfingar
Hvenær kviknaði áhugi þinn á
viðfangsefninu?
„Ég hef lengi haft mikinn áhuga á
mannrækt hvers konar, bæði fyrir
mig sjálfa og í gegnum vinnu mína
sem náms- og starfsráðgjafi og síðar
mannauðsstjóri. Ég starfa í Flens-
borg og í tengslum við verkefnið
Heilsueflandi framhaldsskóli inn-
leiddum við árið 2012 núvitund fyrir
starfsfólk og síðar fyrir nemendur.
Ég upplifði það mjög sterkt hversu
mikið þetta hjálpaði mér í erilsömu
stjórnunarstarfi og til að ná jafn-
vægi milli einkalífs og vinnu. Ég
fann það fljótt að núvitund var það
lífsviðhorf sem ég vildi tileinka mér.
Í framhaldi af því sótti ég mér
menntun og þjálfun sem núvitund-
arkennari til Bretlands og hef síðan
farið á fjölmörg námskeið, bæði til
Bretlands og Bandaríkjanna, og
viðað að mér þekkingu og reynslu
um núvitund á fjölmörgum sviðum,
svo sem í skólastarfi, stjórnun og
heilsueflingu. Haustið 2015 útskrif-
aðist ég svo með MA-diplóma í já-
kvæðri sálfræði en þessar tvær nálg-
anir, núvitund og jákvæð sálfræði,
fléttast mjög vel saman.
Það hefur haft mjög jákvæð áhrif
á mína líðan að stunda núvitund og
tileinka mér nálgun jákvæðrar sál-
fræði. Ég hef engu að síður upplifað
það sem áskorun að gera núvitund-
aræfingar að daglegri rútínu. Ég
held að allir standi frammi fyrir því.
Það kemur fyrir að ég gef mér ekki
tíma til að setjast niður í hugleiðslu,
en hins vegar finn ég það fljótt á líð-
an og andlegu jafnvægi ef ég svík
mig um það of lengi. Þegar tíminn er
naumur legg ég mig því fram um að
flétta inn óformlegu æfingarnar og
staldra sem oftast við; bara það að
sitja smástund í bílnum og fylgjast
með andardrættinum í eina til tvær
mínútur getur til dæmis gert ótrú-
lega mikið.“
Hagnýt námskeið
Fyrra námskeiðið hjá EHÍ, Nú-
vitund í uppeldi barna, er það öllum
ætlað?
„Þetta er í raun hugsað sem ör-
námskeið, til að gefa innsýn í það
hvernig við sem uppalendur getum
hjálpað börnum að rækta með sér
núvitund, og hvernig hún getur
hjálpað okkur sjálfum að vera í góðu
jafnvægi og góðar fyrirmyndir.
Núvitund hjálpar börnum og full-
orðnum að takast á við áskoranir
daglegs lífs og öðlast meiri hugarró
og vellíðan. Á námskeiðinu, sem fer
fram 20. september, verður farið í
hagnýtar æfingar sem hægt er að
notast við strax, hvort heldur er fyr-
ir börn eða fullorðna. Námskeiðið er
hugsað fyrir alla sem koma að upp-
eldi barna á einhvern hátt – fagfólk í
skólastarfi, foreldra, forráðamenn,
afa og ömmur.“
Seinna námskeiðið, Núvitund og
stjórnun; eru íslenskir stjórnendur
vakandi á þessu sviði?
„Fjölmörg stór og smá fyrirtæki
og stofnanir um allan heim hafa á
undanförnum árum innleitt núvit-
und í starfsemi sína og hvatt starfs-
fólk til að sækja námskeið og stunda
núvitund. Má þar til dæmis nefna
Google, Deutsche Bank, Apple,
General Mills og Target. Hér á landi
hafa fyrirtæki og stjórnendur verið
að feta sig áfram þennan veg og er
það mjög ánægjulegt.
Margar ástæður eru fyrir þessari
þróun, en bæði stjórnendur og
starfsfólk geta haft mikinn ávinning
af því að stunda núvitund. Sem
dæmi má nefna að iðkun núvitundar
dregur úr fjarveru þar sem ónæmis-
kerfið styrkist og starfsánægja
eykst, sölutölur fara upp þar sem
það á við og samskiptahæfni eykst,
ákvarðanataka verður betri, afköst
og framleiðni meiri og síðast en ekki
síst bætir núvitund geðheilsuna og
eykur vellíðan.
Námskeiðið, sem haldið verður 21.
september, er ætlað stjórnendum
fyrirtækja og stofnana sem hafa
áhuga á að kynna sér núvitund, vilja
tileinka sér hana bæði í lífi og starfi,
og innleiða á sínum vinnustað.“
www.endurmenntun.is
beggo@mbl.is
Blómið á umferðareyjunni
Bryndís Jóna Jónsdóttir, kennari hjá Núvitundarsetrinu,
miðlar af þekkingu sinni og reynslu á tveimur haust-
námskeiðum EHÍ, þar sem hún fjallar um mikilvægi þess
að iðka núvitund – annars vegar þegar kemur að uppeldi
barna, hins vegar við stjórnun fyrirtækja.
Morgunblaðið/Árni Sæberg
Áhrifamáttur Bryndís Jóna Jónsdóttir: „Allir geta ræktað með sér núvitund, hún er einföld og áhrifarík leið til
að hjálpa okkur að takast á við krefjandi og fjölbreyttar áskoranir daglegs lífs og stuðlar að vellíðan.“
’Í raun erum við að þjálfa athygli okkarog auka meðvitund.