Morgunblaðið - 14.11.2016, Síða 32

MÁNUDAGUR 14. NÓVEMBER 319. DAGUR ÁRSINS 2016
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 517 KR. ÁSKRIFT 5613 KR. HELGARÁSKRIFT 3505 KR. PDF Á MBL.IS 4978 KR. I-PAD ÁSKRIFT 4978 KR.
1. Komst að framhjáhaldinu þökk sé …
2. Forseti standi ekki í veginum
3. „Æ, æ, Óttarr Proppé“
4. Hafþór og Usain Bolt yfirnáttúrulegir?
»MEST LESIÐ Á mbl.is
FÓLK Í FRÉTTUM
 Sesselja Kristjánsdóttir messó-
sópran, Ágúst Ólafsson barítón-
söngvari og Eva Þyri Hilmarsdóttir
píanóleikari mynda Tríóið Wunder-
horn sem kemur fram á tónleikum í
Norræna húsinu annað kvöld klukkan
20. Þau ætla að flytja ljóðasöngva og
dúetta eftir Antonín Dvorák, Gustav
Mahler, Johannes Brahms og Franz
Schubert.
Tríóið Wunderhorn
flytur ljóðasöngva
 Jón Árni Frið-
jónsson flytur er-
indi um sögu-
kennslu í
íslenskum fram-
haldsskólum á ár-
unum 1946 til
1996 í fyrir-
lestrarsal Þjóð-
minjasafns Ís-
lands á morgun kl. 12:05.
Hádegisfyrirlesturinn er á vegum
Sagnfræðingafélags Íslands í sam-
vinnu við Þjóðminjasafnið.
Fyrirlestur um sögu-
kennslu í skólum
 Sveinn Dúa Hjörleifsson tenór-
söngvari syngur á tónleikum Íslensku
óperunnar, Kúnstpásu, í Norður-
ljósasal Hörpu á morgun kl. 12.15.
Með honum leikur Hrönn Þráinsdóttir
á píanó. Á efnisskránni
eru valdar óperuaríur
og ljóð. Sveinn Dúa
hefur starfað sem
söngvari í Evrópu-
löndum eftir að hann
lauk námi við Tón-
listarháskólann í
Vín.
Sveinn Dúa syngur
óperuaríur og ljóð
Á þriðjudag Suðvestan 13-18 m/s. Úrkomulítið um landið norð-
austanvert. Víða éljagangur annars staðar, en samfelld rigning eða
slydda um tíma sunnanlands. Hiti 0 til 5 stig. Lægir víða um kvöld-
ið og frystir.
SPÁ KL. 12.00 Í DAG Sunnan 8-13 m/s með skúrum, en þurrt
norðaustantil fram á kvöld. Hiti víða 2 til 7 stig.
VEÐUR
Íslenska karlalandsliðið í
knattspyrnu verður í 3. sæti
I-riðilsins í undankeppni HM
fram í mars á næsta ári
þegar næsti leikur liðsins
verður spilaður. Ísland tap-
aði 2:0 fyrir Króatíu í Zag-
reb á laugardaginn. Ís-
lenska liðið lék án Alfreðs
Finnbogasonar, Ara Freys
Skúlasonar og Kolbeins Sig-
þórssonar og saknaði þeirra
að mati Sindra Sverrissonar
sem var í Zagreb. »4-5
Þriggja fasta-
manna var saknað
Fjögurra stiga forskot
Framkvenna
Fram er með fjögurra stiga forskot á
toppi Olís-deildar kvenna eftir 27:22
sigur á Stjörnunni í uppgjöri tveggja
efstu liðanna í deildinni um helgina
þegar heil umferð var leikin. Haukar
og Valur eru fimm stigum á
eftir toppliðinu. Fylkir er í
botnsætinu með einn sigur
í fyrstu átta leikj-
unum. »6
Nýliðin helgi var viðburðarík fyrir
Snorra Einarsson og skíðagöngu-
íþróttina á Íslandi. Á laugardaginn
tryggði Snorri sér sæti á HM í nor-
rænum greinum skíðaíþrótta sem
fram fer í febrúar á næsta ári með
góðum árangri í 10 km göngu. Í gær
vann Snorri til silfurverðlauna í 15 km
göngu með frjálsri aðferð en keppt
var í Finnlandi. »1
Viðburðarík helgi hjá
Snorra Einarssyni
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Ágúst Ingi Jónsson
aij@mbl.is
Einstakt tíðarfar í haust hefur nýst
þeim vel sem stunda útivinnu, ekki
síst bændum þessa lands hvort sem
þeir stunda hefðbundinn búskap eða
til dæmis skógrækt eins og þau
Hrefna Jóhannesdóttir og Johan
Holst skógfræðingar gera á Silfra-
stöðum í Skagafirði. Hrefna á vart
orð til að lýsa því hvernig veðurfarið
hefur tekið á móti þeim en þau fluttu
frá Noregi í ágúst í fyrra og tóku þá
við búskap á Silfrastöðum af Jóhann-
esi Jóhannssyni, föður Hrefnu og
Þóru Jóhannesdóttur konu hans.
„Þetta er búið að vera alveg frá-
bær tími,“ segir Hrefna. „Við tókum
við í ágúst í fyrra eftir frekar leið-
inlegt sumar fram að því og komum
inn í þetta yndislega haust. Síðan var
veturinn sérlega þægilegur og svo
dásamlegt vor og sumar og haustið
fram á þennan dag. Við erum því
rosalega ánægð hérna í skóginum,
það er ekki annað hægt.“
Hrefna segir að allar árstíðir
kalli á vinnu í skóginum. „Í haust hef-
ur fólk sem hefur verið á ferðinni
kannski tekið eftir því að við höfum
verið að endurnýja stígakerfið í skóg-
inum því nú fer grisjun að hefjast á
fullu á næstu árum. Þá er keðjusögin
helsta verkfærið, en svo erum við
með lítinn timburvagn til að flytja
bolina og þurfum að komast um
skóginn með hann. Við erum líka að
hugsa til framtíðarinnar þegar bol-
irnir verða orðnir stærri en svo að við
getum dregið þá út með handafli og
auðvitað snýst þetta einnig um hag-
kvæmni í öllu skógræktarstarfinu.“
Mörg handtök liggja að baki
skóginum á Silfrastöðum, en þar er
búið að planta í hátt í 400 hektara, en
einhverjar eyður eru inni á milli. Jó-
hannes gerði skógræktarsamning við
Norðurlandskóga árið 1991 og hófst
handa við gróðursetningu. Skóg-
ræktarstarfið fór rólega af stað, það
urðu einhver afföll vegna þurrka
fyrstu árin en í lok tíunda áratug-
arins var kominn fullur kraftur í
skógræktina og þá sérstaklega um
og eftir aldamótin.
Þá var samningssvæðið stækkað
og komin reynsla og góð rútína í
skógræktarstarfið. Jóhannes og Þóra
náðu þeim áfanga árið 2009 að búið
var að gróðursetja meira en eina
milljón plantna og undanfarin ár hafa
bæst við um 20-25 þúsund plöntur á
ári. Samningssvæðið er nú um 460
hektarar að stærð.
70 sentimetra árssprotar
Skagafjörður hefur breytt tals-
vert um svip á síðustu árum þar sem
ört vaxandi skógur þekur hlíðarnar í
Norðurárdal. Athygli vekur hversu
hátt skógurinn teygir sig og hann er
alls ekki eingöngu á sléttlendi. „Við
eigum ekki stærsta skóginn á land-
inu, en kannski þann lengsta og
brattasta,“ segir Hrefna. „Það er
stundum erfitt að gróðursetja í
grýttri hlíðinni, en samt er ótrúlega
mikill jarðvegur undir öllu grjótinu
og trén vaxa virkilega vel í þessu. Við
fengum metvöxt í sumar og mældum
mest tæplega 70 sentímetra árs-
sprota.
Lerkið er sérstaklega duglegt
og meira en helmingur af því sem við
höfum gróðursett er lerki, næstmest
er af birki, og síðan fura og greni.
Síðasta árið höfum við gróðursett
meira af ösp en áður og þá einkum í
frjósama móa, sem liggja á milli túna
og nýtast ekki í aðra jarðrækt. Okk-
ur þykir öspin vera spennandi teg-
und að mörgu leyti, hún vex hratt og
myndar gott skjól og asparviður hef-
ur einnig marga skemmtilega eig-
inleika. “
Allur viðurinn er nýttur
Hrefna segir að síðasta vetur
hafi talsvert verið grisjað og muni
svo verða áfram á næstu árum og
áratugum. Allur viður úr skóginum
er nýttur og m.a. til húshitunar á
Silfrastöðum en þangað nær hita-
veita sveitarfélagsins ekki. Hún áætl-
ar að hátt í 20 þúsund kílóvattstundir
í eldiviði séu í viðarstæðum á hlaðinu.
Slík kynding er hagkvæmur kostur í
stað rafmagnskyndingar og einnig
umhverfisvænn því kolefnið sem
losnar við brunann hefði annars losn-
að við rotnun grisjunarviðarins á
skógarbotninum.
Skógarbændur Fjölskyldan neðan við bæinn og kirkjuna á Silfrastöðum
í Skagafirði, Johan W. Holst, Hrefna Jóhannesdóttir, Jan Eskil Holst og
Iðunn Holst, en börnin sækja skóla í Varmahlíð.
„Við eigum ekki stærsta skóginn á landinu, en kannski þann lengsta og brattasta“
Ánægð í skógi
og veðurblíðu
á Silfrastöðum
Hrefna segir að lengi hafi verið
talað um margvíslega mögu-
leika í skógrækt. Eigi að síður
virðist það koma flestum á
óvart hvað skógurinn sé orðinn
mikil auðlind nú þegar. Vissu-
lega taki tíma að rækta skóg, en
nú virðist svo komið að fjár-
málastofnanir séu farnar að
horfa til þess hvort skógrækt sé
á jörðum. Þar sé mikil fjárfest-
ing sem styrki möguleika á fjár-
mögnun til annarra verkefna.
Mikil auðlind
MÖGULEIKAR Í SKÓGRÆKT
Ljósmynd/Ingunn Helga Bjarnadóttir