Dagblaðið Vísir - DV - 22.12.2015, Blaðsíða 2

Jólablað 22.–28. desember 20152 Fréttir
gefðu
Ögurhvarfi 2, 203 Kópavogur, sími 577 6000, garmin.is
vívoactive
Verð 46.900
vívofit 2
Verð 19.900
Hvort sem það er einfaldleik-
inn við vívofit 2 sem þarf ekki
að hlaða, snjallsímalausnir og
innbyggði púlsmælirinn í
vívosmart HR eða GPS mót-
takarinn og golfvellirnir í
vívoactive þá eiga heilsuúrin
frá Garmin það sameiginlegt
að hreyfa við þér.
Láttu Garmin hreyfa við þér,
þinn líkami á það skilið!
vívosmart HR
Verð 26.900
Heilsuúrin
sem hreyfa við þér!
Facebook krefur
ljóðskáld um skilríki
Meinað að nota ættarnafnið af varðhundum samfélagsmiðilsins
Þ
etta er í þriðja sinn sem þetta
gerist. Ég má ekki breyta
nafninu á Facebook, án
þess að framvísa skilríkjum,“
segir ljóðskáldið Jón Örn
Loðmfjörð Arnarson sem hefur
undanfarin misseri verið hundeltur
af varðhundum samfélagsmiðilsins
vegna notkunar hans á ættarnafni
sínu. Undanfarið ár hefur skáldið
gengið undir sínu rétta, fulla nafni
á Facebook eftir að aðstandendur
síðunnar gerðu síðast athugasemd
við aðgang hans, en eitthvað virðist
sakleysisleg notkun ljóðskáldsins á
„Loðmfjörð“ fara fyrir brjóstið á skó-
sveinum Marks Zuckerberg.
Krafinn um vegabréf
„Þetta er ættarnafnið mitt, þó að
ég vilji ekki hafa það í þjóðskrá af
praktískum ástæðum. Pabbi er al-
nafni minn, nema hann er með
nafnið Loðmfjörð skráð,“ segir Jón
Örn sem er afar virkur á Facebook,
sem og öðrum samfélagsmiðl-
um. Á dögunum var enn á ný gerð
athugasemd við Facebook-aðgang
hans og nafngiftin sögð brjóta í bága
við notendaskilmála síðunnar og var
aðgangi hans lokað. Jón Örn, sem
einnig er þekktur sem Lommi, svar-
aði athugasemdum síðunnar með
því að hann væri Loðmfjörð. Allir
kalli hann því nafni. Það sé ættar-
nafn hans, þó að það sé ekki á vega-
bréfinu. Facebook-menn tóku hins
vegar engum sönsum og kröfðu
hann um afrit af viðurkenndum skil-
ríkjum, eins og vegabréfi, til að sanna
mál sitt. Skiljanlega hafa menn allan
varann á þegar valdamikil stórfyrir-
tæki úti í heimi óska eftir slíkum
persónuupplýsingum, enda þykir
mörgum nóg um þær upplýsingar
sem Facebook hefur nú þegar um
tæplega 1,5 milljarða notendur sína
um allan heim.
Skrýtið að þurfa að sanna
tilvist sína
„Mér finnst þetta hálf óþægilegt. Mér
finnst skrýtið að þurfa að framvísa
vegabréfi til að mega nota Facebook.
Og þurfa að fá einhverja bjúrókrata-
pappíra til að sýna fram á að ég sé til
í alvörunni. Ég held að Facebook sé
eini samfélagsmiðillinn sem gerir
þessa furðulegu kröfu.“
Hann segir málið sérstaklega
furðulegt í ljósi þess að hann sé líka
með gervikaraktera í gangi á Face-
book sem hafi allir fengið að vera í
friði.
„Þeir eru samt einhvern veginn
raunverulegri en ég, sýnist mér. Ég
held bara að það leiðinlega við Face-
book sé að þeir eru að drepa allt svalt
og allan leik með þessu og öðrum
skilmálabreytingum. Facebook var
búið að ná hátindi vinsælda sinna
fyrir meira en ári og þetta mun hrekja
alla í burtu nema stirða „corporate“-
notendur, fyrirtæki og auglýsendur.“
Mörg dæmi um ritskoðun
Þetta er ekki í fyrsta skipti sem Ís-
lendingar hafa lent í klónum á rit-
skoðunarvaldi Facebook. Mýmörg
dæmi eru þess að aðgangi þjóð-
þekktra Íslendinga hafi verið lokað
fyrirvaralaust af hinum ýmsu
ástæðum. Nú síðast lenti Öss-
ur Skarphéðins son, þingmaður og
fyrrverandi ráðherra, í því að síðu
hans var lokað án útskýringa. Kvaðst
Össur af því tilefni hugsi yfir því að
bandarískt stórfyrirtæki geti skrúfað
fyrir helsta tjáningarform stjórn-
málamanna í nútímanum. Össur
hefur komið eins og stormsveipur
inn á Facebook þar sem pistlar hans
hafa vakið talsverða athygli og skrif
hans þar rata oft í fréttir netmiðla.
„Á það að vera svoleiðis. Ættu
löndin kannski að setja í lög að
fyrirtæki sem starfrækja sam-
skiptamiðla mættu undir engum
kringumstæðum loka á tjáningu
fólks sem berst fyrir mannréttindum
eða er í stjórnarandstöðu án þess að
fyrir því séu færð rök?“ skrifaði Össur
við það tilefni. n
Sigurður Mikael Jónsson
mikael@dv.is
Berst fyrir ættarnafninu Facebook krefur Lomma um að framvísa vegabréfi sínu til að sanna að hann beri í raun ættarnafn sitt,
Loðmfjörð. Mynd Sigtryggur Ari „Mér finnst
skrýtið að þurfa
að framvísa vegabréfi til
að mega nota Facebook.
Og þurfa að fá einhverja
bjúrókrata-pappíra til að
sýna fram á að ég sé til í
alvörunni.
K
ári Stefánsson, forstjóri Ís-
lenskrar erfðagreiningar, ætlar
að safna svo mörgum undir-
skriftum frá þjóðinni að næsta
ríkisstjórn geti ekki annað en aukið
fjárframlög til heilbrigðismála. Hann
sagði í Morgunútvarpi Rásar 2 á
mánudag að hann ætlaði að „hand-
járna næstu ríkisstjórn þannig að hún
verði að setja það fé í heilbrigðismálin
sem eðlilegt má teljast.“
Kári benti á að Íslendingar verðu
8,7 prósentum vergrar landsfram-
leiðslu til heilbrigðismála en hlutfall-
ið í nágrannalöndunum væri rúm-
lega 10 prósent. „Við erum lítil þjóð
þannig að það er líklegt að kostnaður
við heilbrigðisþjónustu á nef hvert sé
töluvert meiri hér en á meðal stærri
þjóðanna. Þannig að ég held að það
sé ekkert óeðlilegt að við stefnum að
því að við eyddum í kringum 11 pró-
sent af vergri þjóðarframleiðslu til
heilbrigðismála.“ n baldur@dv.is
„Handjárnar“ næstu ríkisstjórn
Kári ætlar að safna mörgum undirskriftum
Kári
Stefánsson
Forstjórinn vill
að Íslendingar
eyði 11 prósent-
um landsfram-
leiðslunnar í
heilbrigðismál.
Mynd Sigtryggur Ari
Jól í Fógetagarði
Árlegur jólamarkaður Reykja-
víkurborgar stendur nú yfir. Hann
er haldinn í Fógetagarðinum,
skammt frá skautasvellinu á Ing-
ólfstorgi og Óslóartrénu á Austur-
velli, að því er segir í tilkynningu
frá borginni. Markaðurinn verð-
ur opinn í dag, þriðjudag, og á
morgun, Þorláksmessu, í stóru
upphituðu tjaldi. Þar selja yfir 20
aðilar vörur sínar; meðal annars
skart, fatnað og góðgæti.
Þá verða á svæðinu
heimsleikafarar Slökkviliðs
höfuð borgarsvæðisins og selja sitt
árlega jóladagatal, auk þess sem
hægt verður að fá mynd af sér
með slökkviliðsmönnunum. Opið
verður til 22 í kvöld, þriðjudag, og
frá 14 til 23 á Þorláksmessu.
Aron Þór og
Margrét María
Í fyrirsögninni má sjá tvö vin-
sælustu fyrri og seinni eigin-
nöfn samkvæmt vali foreldra
árið 2014. Algengast reyndist
að foreldrar skýrðu drenginn
sinn Aron að fyrra nafni en
Margrét var algengasta nafnið
á stúlkum. Þegar kemur að
seinni nöfnum voru nöfnin Þór
og María vinsælust. Tekið skal
fram að Aron Þór og Margrét
María eru ekki endilega al-
gengustu samsetningar nafna.
Önnur vinsæl fyrri eigin-
nöfn drengja voru Alexander
og Viktor en Anna og Emma
voru vinsæl nöfn á stúlkum.
Jón, Sigurður og Guð-
mundur eru enn algengustu
karlmannsnöfnin á Íslandi og
hefur svo verið í mörg ár. Guð-
rún, Anna og Kristín eru al-
gengustu eiginnöfn kvenna en
listi yfir tíu algengustu kven-
og karlmannsnöfnin hefur
verið óbreyttur frá 2010.