Dagblaðið Vísir - DV - 22.12.2015, Blaðsíða 18

Heimilisfang
Kringlan 4-12
6. hæð
103 Reykjavík
fréttaskot
512 70 70fr jál s t, ó Háð dag b l að DV áskilur sér rétt til að birta aðsent efni blaðsins á stafrænu formi og í gagnabönkum án endurgjalds. Öll viðtöl blaðsins eru hljóðrituð. Notkun á efni blaðsins er óheimil án samþykkis.
512 7000
512 7010
512 7080
512 7050
aðalnúmer
ritstjórn
áskriftarsími
auglýsingar
sandkorn
18 Umræða
Útgáfufélag: DV ehf. • Stjórnarformaður og útgefandi: Björn Ingi Hrafnsson • Ritstjórar: Eggert Skúlason og Kolbrún Bergþórsdóttir
Viðskiptaritstjóri: Hörður Ægisson • Fréttastjórar: Baldur Guðmundsson og Einar Þór Sigurðsson • Umsjónarmaður innblaðs: Sólrún Lilja Ragnarsdóttir
Framkvæmdastjóri : Steinn Kári Ragnarsson • Umbrot: DV ehf. • Prentun: Landsprent • Dreifing: Árvakur
Jólablað 22.–28. desember 2015
Þetta er eigin-
lega súrrealískt
Friðarjól – hið innra og á jörðu
Ísleif B. Þórhallsson óraði ekki fyrir eftirspurninni á Bieber. – DV
Þ
au eru að skella á okkur
blessuð jólin, einn ganginn
enn. Öll þráum við friðar-
jól. Sumir óska sér friðar í
heiminum en aðrir sækjast
eftir friði í sálinni. Svo eru þeir sem
sækjast eftir friði bæði hið innra og á
jörðu.
Þessi árstími er einstakur. Flest
leggjum við niður hefðbundin vopn.
Hvort sem er í samskiptum á Face-
book eða í daglega lífinu. Ljóslif-
andi birtist þetta í umfjöllun fjöl-
miðla um stjórnmálamenn. Fyrir
nokkrum dögum sökuðu þeir póli-
tíska andstæðinga sína um lygar og
popúlisma og eitthvað enn verra. Svo
koma jólin og þessir sömu stjórn-
málamenn ræða af alvöru hvað þeir
myndu gefa „andstæðingum“ sínum
í jólagjöf.
Hvað er það eiginlega sem gerist
í hugum okkar þegar við öll breytum
um skap, mýkjumst og gleðjumst?
Hvaðan kemur hún þessa mikla
múgsefjun? Jólaþelið er sérlega
áhugavert félagslegt fyrirbæri. Margir
halda því fram að trúin sé að verki.
Sjálfsagt er það í einhverjum tilvik-
um en dýpri ástæður hljóta að liggja
að baki. Við þekkjum það sjálfsagt
öll að þegar líður að því að klukkan
verði sex á aðfangadag, breytist allt.
Loftið sem við öndum að okkur verð-
ur öðruvísi. Við gleðjumst meira og
margir klökkna undan álagi augna-
bliksins.
Þetta er svo fallegur tími og hann
er svo dýrmætur. Uppskriftin að
sálar friði er að sættast við sjálfan sig
og aðstæður. Sætta sig við það sem
er og ákveða að njóta hátíðarinnar.
Njóta hennar með þeim hætti að
maður gangi ekki á aðra eða sjálfan
sig. Leggja lykkju á leið sína og hjálpa
með einhverjum hætti öðrum sem
þurfa aðstoð.
Félagi minn var í öngum sínum
því hann átti ekki fyrir jólamat. Hann
leitaði til mín og ég gat hjálpað hon-
um um nokkrar rjúpur sem ég átti
aukreitis. Við glöddumst báðir. Hann
yfir rjúpunum og ég yfir því að hann
skyldi leita til mín. Sælla er að gefa en
þiggja – það er mikið til í því.
Varðandi uppskriftina að friði í
heiminum, þá kann ég hana ekki.
Sjálfsagt væri eina færa leiðin að
jólastemming væri allt árið. Við
fengjum þó ábyggilega fljótt leiða á
því.
Hátíðin er í heimreiðinni. Njótum
hennar og hjálpum öðrum að njóta.
Leyfum gleðinni og kyrrðinni taka
völd. Gleðileg friðarjól. n
Niðurlæging ráðherrans
Staða Illuga Gunnarssonar, mennta-
og menningarráðherra, er ekki
góð. Hann lagði mikið undir í RÚV
málinu með frumvarpi um óbreytt
útvarpsgjald en var þvingaður til
að draga það til baka. Sá þrýstingur
mun ekki síst hafa verið frá fram-
sóknarmönnum kominn, en ýmsir
þingmenn Sjálfstæðisflokks voru
einnig andsnúnir frumvarpi Illuga.
Illugi þykir hafa verið niðurlægð-
ur mjög af samstarfsflokknum og
eigin flokksmönnum. Því er spáð
að Illugi muni, áður en kemur að
næsta prófkjöri Sjálfstæðisflokks-
ins, hverfa af hinu pólitíska sviði og
finna sér starf á nýjum vettvangi.
Ásmundur í ham
Ásmundur Friðriksson, þingmaður
Sjálfstæðisflokksins, hefur átt
hressilega spretti upp á síðkastið.
Æ sjaldgæfara er að þingmenn úr
röðum stjórnarliða þori að láta
hvína í og finna fyrir sér.
Í tvígang hefur Ásmundi verið svo
ofboðið að hann
hefur hætt sér út á
hinn flughála rit-
völl til að gagnrýna
fólk sem yfirleitt
sætir lítillar gagn-
rýni og er oftar
en ekki handhaf-
ar sannleikans. Fyrst lét Ásmund-
ur Þórð Snæ Júlíusson, ritstjóra
Kjarnans, heyra það. Kallaði hann
bloggfjölmiðlamann og þátttak-
anda í stjórnmálum. Nú síðast
hjólaði hann í Björn Val Gíslason,
fyrrverandi þingmann, og kallaði
hann óþverra. Ásmundur er í ham.
Síðumúla 31 • 108 Reykjavík • S. 581 2220 • Opið kl. 12-18
Lengri og breiðari
parketpLankar
Guðbergur Bergsson
rithöfundur
Kjallari
Er enginn lengur í stuði?
Nokkrar spurningar í lok ársins 2015
E
r enginn lengur í hinu gamla
góða stuði? Þjást orðið allir af
áfallastreituröskun? Er sökina
að finna hjá karlmönnum
sem hata konur? Hafa allir
sakleysingjar á landsvísu orðið fyrir
einelti og misskilningi? Gengur kyn-
ferðislegt áreiti jafn ljósum logum og
draugarnir áður í sveitum og þorp-
um? Af hverju eru núna til bjánar á
fleiri stöðum en í Grindavík sem var
áður yfirlýst bjánabæli af bændum
í Flóa fyrst þar var léleg rollubeit og
engar mýrar til að ræsa fram svo kýr
hefðu fast undir klaufum?
Er hægt að mæla ágæti Bjarkar í
hagtölum? Kunna útlendingar ekki
að meta íslenskar kvikmyndir um
andlega kröm karla og áfengisneyslu
þeirra á Flateyri? Væri þá ekki ráð að
breyta stílnum og færa fylliríspartíin
til Þingeyrar? Eða er íslenska fram-
leiðslan miðuð við verðlaun á kvik-
myndahátíðum á útkjálkum þar
sem vandræðalegar myndir keppa
um hylli á hvíta tjaldinu? Hvernig
ætli kófið og skafrenningurinn verði
í næstu kvikmynd Baltasars? Verður
þar nóg af angistarfullum leikkon-
um í grátbúningi og groddakörlum
að böðlast í tilverunni? Fáum við
ekki lengur annað en útvarpsperlur
bragðbættar með auglýsingum í
Ríkis útvarpinu endurteknar fimm
sinnum næstu áratugina? Hefur fólk
meiri áhuga á undirhökufjölgun for-
sætisráðherra en framgangi hugsana
hans í rúmri augnahæð? Er hann
starfi sínu vaxinn á vegum þjóðar
sem ber sig saman við þjóðir sem
hún ber sig saman við hjálparlaust?
Hví eru menn ekki lengur snarvit-
lausir út í Davíð Oddsson og drottn-
ingarviðtöl hans? Er ráðgátan í for-
setaframboðinu loksins leyst? Býður
Ólafur Ragnar Grímsson sig enda-
laust fram í úrræðaleysinu, enda
gerir hann sér grein fyrir að hann
á engan möguleika á embætti á al-
þjóðavettvangi að Bessastöðum
slepptum? Vilja góðmenni fleiri
flóttamenn til landsins vegna þess
að þannig fá atvinnurekendur tæki-
færi til að sýna mannúð með því að
hafa þá á svínslega lágu kaupi í dag-
vinnu, síðan geta þeir bætt sér upp
svikin með því að vinna svart eftir
vinnu og um helgar? Þannig halda
góðmennin lifandi því sem var kall-
að einstaklingsframtak og engan
kjaft? Af hverju hætti Angela Merkel
að taka af sér „selfies“ með flótta-
mönnum og fá þannig myndir af sér
í blöðunum? Er Pútín eini þjóðhöfð-
inginn sem ræður í landi sínu? Er
Evrópa ekki sjálfráð heldur ráðþrota?
Stjórna hryðjuverkasamtök íslamska
ríkisins í raun öllum ríkjum álfunn-
ar meðan evrópskir leiðtogar stunda
bendingaleik?
Hvað nú í tengslum við efnisval
í bókmenntum eftir jólabókaflóðið
sem hefur með fjögurrastjörnu sög-
um keyrt niður pabbana frá A til Ö
án þess að upphefja mömmur í öllu
stafrófinu? Er hægt að koma á fjöl-
þjóðasamfélagi í einsleitu fámennis-
samfélagi? Er íslenskt samruna-
samfélag ekki í pípunum? Af hverju
eru ekki lengur leikrit í leikhúsun-
um heldur leiksýningar? Eru börn
svo fær í guðfræði að kirkjan er ekki
einu sinni til fyrir þeim á jólum?
Óttast þau að verða fyrir andlegum
skaða og þurfa að fá áfallahjálp eftir
messu? Er fæðing Jesú orðin hættu-
leg fyrir sálarheill barna? Er það
glæpur gegn öðrum guðum en okkar
að senda öllum fjær og nær hugheil-
ar jóla- og nýársóskir með ósk um
að þjóðin komist fyrsta janúar strax í
stuðið sem hefur einkennt hana eftir
að kristin trú var tekin í felum undir
feldi með einn sannan guð fyrir alla
landsmenn árið þúsund? n
„Býður Ólafur
Ragnar Grímsson
sig endalaust fram í úr-
ræðaleysinu, enda gerir
hann sér grein fyrir að
hann á engan möguleika
á embætti á alþjóðavett-
vangi að Bessastöðum
slepptum?
MyNd SIGtryGGur ArI
Leiðari
Eggert Skúlason
eggert@dv.is
„Loftið sem við
öndum að okkur
verður öðruvísi. Við gleðj-
umst meira og margir
klökkna undan álagi
augnabliksins.
MyNd SIGtryGGur ArI
Það er ný
tilfinning
Gunnar Bragi Sveinsson segir sérstakt að vera á lausu. – DV
Við eigum
ekki fyrir mat
Hálfdán daði borðar hjá Kaffistofu Samhjálpar. – DV