Pilsaþytur: málgagn Kvennalistans í Vestfjarðakjördæmi - 03.04.1995, Blaðsíða 7
PILSAÞYTUR
7
Merk tímamót
Mikill fögnuður ríkti fimmtudaginn 23. mars sl. þegar Halldór Blöndal
samgönguráðherra, sprengdi síðasta haftið í Vestfjarðagöngunum.
Opnun gangnanna verður tvímælalaust merkasta samgöngubót okkar
tíma fyrir Vestfirðinga. Þess má vænta að í kjölfarið blómstri mann-
lífið, atvinnusvæðið stækki og samvinna sveitarfélaga aukist.
Kvennalistinn óskar starfsmönnum Vegagerðarinnar, Vesturíss og
Vestfirðingum öllum til hamingju með þennan langþráða áfanga.
Bormenn Islands.
Hvers vegna
Kvennalisti?
Dagbjört Óskarsdóttir, mat-
ráðskona og bóndi býr á Kirkju-
bóli í Korpudal. Hún skipar 8.
sæti Kvennalistans í Vestfjarða-
kjördæmi.
Hvers vegna gekkst þú til liðs
við Kvennalistann?
Ég hreifst snemma af mál-
flutningi þingkvenna Kvennalist-
ans því þær tóku upp mál sem
aldrei höfðu verið rædd á þingi -
mál þeirra sem minna mega sín.
Þessi skoðun mín hefur ekki
breyst nema síður sé, því að með
árunum hafa þær orðið beittari og
hvassari í framsetningu og mál-
efnin sem Kvennalistinn berst
fyrir þurfa enn á málsvara að
halda.
Strandlíf í Önundarfirði.
Kátar Vegagerðarkonur.
Byggðakvóti
hentar Vestfirðingum
Guðrún S. Bjarnadóttir hús-
móðir, býr á Þingeyri og skipar
7. sæti Kvennalistans í Vest-
fjarðakjördæmi
Hvað finnst þér brýnasta mál-
ið íþessum kosningum?
Mér finnst sjávarútvegsmálin
skipta mestu. Það verður að
koma byggðakvóti. Maðurinn
minn gerir út 10 tn. bát á iínu og
snurvoð. Þegar kvótinn var sett-
ur á þessa báta fyrir 4 árum þá var
hann með um 130 tn. í
þorskígildum, en það er nú komið
niður í 40 tn. Það er því mikil
nauðsyn að rétta hlut þessara út-
gerða, því það er ekki hægt að láta
þetta bera sig. Menn geta ekki
lengur framfleytt sér með þessum
hætti. Nauðsyniegt er að byggða-
stefna Kvennalistans í sjávarút-
vegsmálum nái fram að ganga.