Norðurslóð - 24.04.1980, Síða 1

4. árgangur
Fimmtudaginn 24. apríl 1980
4. tölublað
Svarfdælsk byggð & bær
Á kvennabekk.
Nú tökum við marsinn
Kvikmyndað í Þinghúsmu
Lengi hefur til staðið að kvik-
mynda dansleik í þjóðlegum,
svarfdælsk um s tíl í Þinghúsin u
á Grund. Loksins eftir japl og
jaml og fuður tókst að koma
þess u í kring núna s unn udag -
inn 13. aprfl. Lögðu margir
mikið á sig til þess að þetta
mæ t ti takas t og nú er bara að
bíða eftir árangrinum.
Málið er í fáum orðum sagt
þannig vaxið, að áhugafólk um
■ þjóðdansa í höfuðstaðnum
hafði fyrir nokkru fengið þá
flugu í kollinn, að hér í Svarf-
aðardal hefðu menn betur en
annarstaðar haldið við þeim
þætti í dansleik, sem almennt er
kallað að taka rnarsinn. Mars-
inum eru allir hér þaulkunnugir,
en í höfuðstaðnum og þar í
kring eru fæstir, sem á honum
kunna nokkurskil. Þaðsýnirsig
hér, að marg t er það í ko ti
karls, sem kóngs er ekki í ranni.
Á föstudag 11. apríl var sem
sagt hóað saman miklu og fríðu
liði í Þinghúsið og tekin æfing
undir stjórn Hreins bónda á
Klaufabrekkum. Fólkið var
flest úr sveitinni, en þó var þar
með heilmikill liðsviðauki frá
Dalvík þ.e. fyrverandi sveita-
fólk og makar, sem gjarnan
sækja sveitaböll okkar á Grund-
inni.
Á laugardaginn komu frá
Reykjavík tvær heiðurskvinnur
þær Sigríður Valgeirsdóttir
prófessor við Kennaraháskól-
ann, og Áróra Jónsdóttir kenn-
ari við íþróttakennaraskólann á
Laugarvatni. Báðar eru þær
sérfræðingar í þjóðdönsum og
mikilir áhugamenn um varð-
veislu þeirra. Þær eru félagar í
Þjóðdansafélagi Reykjavíkur
og voru hér að einhverju leyti á
þess vegum. Hins vegar gekk
Ríkisútvarpið, sjónvarp, úr leik
sem aðili að myndatökunni,
þótt áður hefðu verið höfð góð
orð um þátttöku þess ífyrirtæk-
inu.
Nú var marsinn tekinn upp að
nýju og atriðin æfð eins og þurfa
þótti. Þarna voru líka komnir
tveir harmonikuleikarar, þeir
Hafliði Ólafsson á Dalvík og
Pálmi Stefánsson frá Akureyri.
Svo kom sá mikli dagur
sunnudagurinn 13. apríl, sem
lengi verður í minnum hafður í
Svarfaðardal. Þá var uppi fótur
og fit og margir sótraftar á sjó-
inn dregnir og lágu allar leiðir
að einu marki, Þinghúsinu á
Grund. Þangað voru auk allra
annara komnir tæknimenn frá
Akureyri þeir Steindór Stein-
dórsson kvikmyndari og Sig-
urður Hlöðversson hljóðupp-
tökumaður.
Og það verður að segjast sem
satt er, að það var býsna glæsi-
legur hópur, sem þarna var sam-
an kominn. Konurnar voru
flestallar í íslenska búningnum
og karlarnir einnig klæddir sínu
fínasta pússi. (Er vonandi að
eitthvað af dýrðinni komi fram
á meðfylgjandi myndum.)
Svo byrjaði ballið.
Nú hófst myndatakan með
tilheyrandi æfingum á hverju
atriði, en þau eru æði mörg, eins
og kunnugt er, ef öll tilbrigði og
krúsindúllur eru teknar með.
Hreinn stjórnaði liðinu af
venjulegum skörungsskap og
naut dyggilegrar liðveislu Frið-
geirs frá Tungufelli, sem er
annar sérfræðingur í gömlu
dönsunum. Allt gekk þetta
hnökralítið og var aðkomufólk-
ið ánægt vel og sannfært um að
þarna hefði verið unnið gott
verk oggagnlegt, e.t.v. ásíðustu
stundu.
Þess skal getið, að í lok
leiksins var efnt til samskota
meðal'þátttakenda, sem fúslega
greiddu nokkurs konar að-
gangseyri að sjálfum sér, og
kom inn upphæð, sem til þess
nægði að greiða kvikmynda-
mönnunum þeirra reikning.
Annar stór reikningur er fyrir
filmur, hver sem að lokum hann
greiðir.
Nú verða filmurnar fram-
kallaðar hið fyrsta og síðan
„klipptar“ e.t.v. hér á Akureyri.
Verður þá strax hægt að sýna
þær, þó án hljóðs til að byrja
með. Getur þá svo farið, að við
fáum tækifæri til að sjá fram-
leiðsluna hér heima einhvern-
tíman mjög bráðlega. Má ætla
að margir muni vilja koma og
sjá og hlæja að sjáfum sér og
náunganum.
Það skal að lokum undir-
strikað að frá hendi Þjóðdansa
félagsins og þeirra kvenna, sem
að þessu unnu, er hér um að
ræða gerð heimildarmyndar,
sem á að sýna og geyma þennan
sérstaka þátt í íslensku skemmt-
analífi á fyrri hluta þessarar
aldar, þátt, sem nú virðist vera
óðum að hverfa. Vel má vera að
myndin verði sýnd almenningi
síðar meir, í sjónvarpinu eða
kvikmyndahúsum. Jafnframt er
áhugi á því að fá afrit, kópíu, af
myndinni til geymslu og
notkunar hér heima. Það kostar
nokkurn pening, hvað mikið er
ekki ljóst nú, en vafalaust
verður það mál leyst léttilega
þegar þar að kemur.
Svarfdælsk heimildarmynd?
Fyrir nokkrum árum var stung-
ið upp á því á fundi í Búnaðar-
félagi Svarfdæla, að félagið léti
gera og kostaði kvikmynd af
svarfdælskri byggð og mannlífi.
í stórum drátti m væri þar um
að ræða myndir af landslaginu,
bæjunum og fólki á hveijum
bæ. Enn fremur af sérstökum
atburðum s.s. göngum og rétt-
um o.fl.
Þetta rhjaðist upp, þegar
Steindór Steindórsson, kvik-
myndatökumaður, hafði orð á
því að fyrra bragði, að sig
langaði til að prófa sig á gerð
svona sveitamyndar (eins og
sjónvarpið lét gera um Eyja-
íjallasveitina). Kvaðst hann
myndi verða vægur við gerð
kostnaðarreiknings við slíkt
verk ef, til kæmi. Þetta er
hugmynd, sem ástæða er til að
Afli netabáta 1/1-22 /4
Haraldur 279 tn. 56 sjóf. 5,0 tn /.sjóf.
Vinur 139 tn. 55 sjóf. 2.5 tn ^sjóf.
Otur 177 ín. 56 sjóf. 3.2 tn ^sjóf.
Stafnes • 207 tn. 47 sjóf. 4.4 tn /.sjóf.
Stefán R. 81 tn. 47 sjóf. 1.7 tn /.sjóf.
Bliki 282 tn. 42 sjóf. 6,7 tn /.sjóf.
Sæljón 103 tn. 36 sjóf. 2,8 tn /.sjóf.
Sólfaxi 113 tn. 43 sjóf. 2.6 tn-/sjóf.
Njörður 39 tn. 29 sjóf. 1.3 tn /sjóf.
Búi 24 tn. 10 sjóf. 2.4 tn ^sjóf.
Tryggvi Jónss. 39 tn. 15 sjóf. 2.6tn /sjóf.
Alls: 80 1.481 tn. 436 sjóf. 3.4 tn /.sjóf.
Alls: 79 2.173 tn. 575 sjóf. 3.8 tn /sjóf.
Til áskrifenda
Með þessu blaði er kaupendum utan heimahéraðs send út
fyllt póstavísun fyrir blaðgjaldinu á sama hátt og gert var í
fyrra og gafst þá vel. Nú er árgjaldið kr. 5000 eins og áður
hafði verið boðað. Biðjum við fólk vinsamlegast að senda
greiðsluna, þegar það nœst á leið fram hjá pósthúsi.
Heimakaupendur eru hinsvegar beðnir að borga sitt
árgjald í Bókabúðinni Sogni. Það hafa sumir reyndar þegar
gert, en miklu fleiri eru þó eftir. Það kemur nú í Ijós, þegar
farið er ígegnum spjaldskrána, að œði margir áskrifendur hér
heima hafa ekki greitt árgjaldið 1979, jafnvel ekki 1978
heldur, samt verður þeim sent blaðið eitthvað áfram, en ekki
verður það til eilífðarnóns.
Annars gengur útgáfan takk bœrilega og samskiptin við
ykkur, góðir áskrifendur, eru hin ánœgjulegustu. Þó mœttu
fleiri senda línu og leggja til efni til birtingar. Að svo mœltu
sendir Norðurslóð vinum og vandamönnum bestu kveðjur og
þakkar viðskiptin á liðnum vetri.
Gleðilegt sumar.
Sígríður Valgeirsdóttir, Hreinn Jónsson, Áróra Jónsdóttir.
Gestir frá Dalbæ, Eiður, Anna, Friðrikka og Zophónías.
taka til alvarlegrar yfirvegunar.
Væri nú ekki gaman að eiga
góða kvikmynd af bæjum og
heimilisfólki hér í sveitinni frá
því segjum 1930?
Og væri: þá ekki gaman í
framtíðinni, eftir önnur 50 ár
eða svo, að eiga myndir af fólki
og umhverfi þess frá því herrans
ári 1980?
Klúbb ur göml u dansanna:
Til marks um það hvað ýmsir
gengust upp í hlutverkum sinum
í marsinum góða á Þinghúsinu
er það, að í lok samkomunnar
þar, sté einn virðulegur borgari
og bæjarstjórnarmaður á Dal-
vík upp á stól og skýrði frá því
áformi nokkurra viðstaddra að
stofna gömludansa klúbb á
Dalvík og í sveitinni.
Skoraði hann á alla rétt-
þenkjandi menn og konur að
taka höndum saman um að
varðveita og ávaxta hinn dýra
feðraarf, sem væru gömlu góðu
dansarnir okkar. Bað hann
menn að gefa sig fram við eftir-
talda áhugamenn: Einar Hall-
grímsson, Ingva Baldvinsson,
Rafn Arnbjörnsson og Rögn-
vald Friðbjörnsson.
Norðurslóð birtir þetta boð
með ánægju.fullviss um það, að
margir muni gegna kallinu.