Norðurslóð - 25.03.1986, Blaðsíða 6
Fundur um riðuveiki
Niðurskurður á næsta leyti?
Skömmu eftir áramótin var haldinn fundur um málefni riðuveikinnar í
Bergþórshvoli á Dalvík. Fundarboðandi var Búnaðarsamband Eyja-
fjarðar og Sauðfjárveikivarnir. Mættir voru frá þeim aðilum Ólafur
Vagnsson ráðunautur á Akureyri og Sigurður Sigurðarson
sérfræðingur á Keldum við Reykjavík.
Það er til marks um áhuga manna hér á málefninu, að þarna voru
mættir um 40 manns úr sveitinni og frá Dalvík. Sigurður greindi m.a.
frá útbreiðslu veikinnar og aðgerðum, sem beitt hefur verið, einkum á
Suðurlandi. Einnig greindi hann frá rannsóknum á riðu, sem í gangi
eru hérlendis og einkum erlendis og hafa skýrt eðli hennar að nokkru.
Fundurinn var merkilegur fyrir það, að þarna var líklega í fyrsta
skipti talað opinskátt um niðurskurð sauðfjár á sýktum bæjum og
jafnvel á samfelldum svæðum. Það er hætt við, að menn þurfí nú að fara
að venja sig við tilhugsunina um niðurskurð enn á ný, svo geðfellt sem
það nú er.
Frá Búnaðarþingi
Til viðbótar þessari frásögn,.
sem átti að koma í febrúar-
blaði Norðurslóðar, en fékk
ekki pláss í það skiptið, skal hér
vakin athygli á umfjöllun
Búnaðarþings um riðuvanda-
málið.
Eftirfarandi erindi barst þing-
ingu frá Sigurði J. I índal
fulltrúa Vesturhúnvetninga og
ráðunautum Búnaðarfélagsins í
sauðfjárrækt, Ólafi Dýrmunds-
syni og Sigurgeir Þorgeirssyni.
„Með erindi þessu er lagt til að
Búnaðarþing 1986 álykti um
markvissa útrýmingu á riðu-
veiki í sauðfé um land allt. A
liðnum árum hefur Búnaðar-
þing fjallað nokkrum sinnum
um riðuveiki og það tjón sem af
henni hlýst. Þar sem snúist hefur
verið við veikinni af hörku hefur
mikið áunnist, en hætt er við að
veikin haldi áfram að breiðast út
sauðfjárræktinni til stórtjóns
verði ekki frekar aðhafst. Er það
m.a. áhyggjuefni hvaða áhrif sú
þróun kann að hafa á markaði
fyrir sláturafurðir. Ástæða er til
að ætla að með markvissari að-
gerðum megi gera mun betur og
jafnvel útrýma veikinni alger-
lega með niðurskurði á sýktum
hjörðum eða á fé í heilum
sveitum þar sem útbreiðslan er
mikil. I þvi sambandi þarf m.a.
að kanna hversu víðtækur sá
niðurskurður þyrfti að vera og
leita þarf leiða til að bæta
bændum tjón vegna samræmdra
útrýmingaraðgerða á riðuveiki.
Jafnframt þarf að athuga á
hvern hátt megi tengja slíkar
aðgerðir samdrætti í sauðfjár-
ræktinni.“
Málið var mikið rætt á
búnaðarþingi og leitað álits
Sauðfjárveikivarna og eftir-
farandi ályktun samþykkt sam-
hljóða:
„Búnaðarþing hefur fjallað um
riðuveikina og það tjón og
margvíslegu erfiðleika, sem hún
veldur í mörgum héruðum
lanþsins.
Á undanförnum árum hefur
verið skorið niður á 150 bæjum
víðs vegar um landið. Miklar
vonir eru bundnar við það, að
þessi niðurskurður hafi heppn-
ast víðast hvar, og miklar líkur
á, að riðunni hafi verið mikið til
útrýmt um sunnan- og vestan-
vert landið.
Búnaðarþing vill því, um leið
og það áréttar fyrri samþykktir
sínar um, að ríkissjóður verji
nægilegu fjármagni til aðgerða
gegn riðuveikinni, skora á Sauð-
fjársjúkdómanefnd, að gera
heildaráætlun um niðurskurð á
næstu árum á öllum fjárhjörðum
í landinu, þar sem riðuveiki
hefur verið staðfest.
Nú eru í gildi takmarkanir á
framleiðslu kindakjöts, eins og
alkunnugt er. Vegna þefrra
tímabundnu framleiðslubreyt-
inga, sem leiðir af fjárskiptum
og fjárleysi og tengir mál þetta
framleiðslustjórnuninni, yiH
Búnaðarþing mælast til þess, að
Stéttarsamband bænda vinni
með Sauðfjársjúkdómanefnd að
framgangi þessa máls gagnvart
ríkisvaldinu.
Þá vill Búnaðarþing fara þess
á leit við 1 andbúnaðarráðu-
neytið, að það beiti sér fyrir
endurskoðun á lögum um sauð-
fjárveikivarnir vegna útrýming-
ar riðunnar."
Ætla má, að með þessari
afdráttarlausu ályktun
Búnaðarþings sé riðumálið
komið á nýt.t stig. Til viðbótar
má minna á þann undirbúning
undir niðurskurðaraðgerðir,
sem fram hefur farið í Þing-
eyjarsýslum vestan Jökulsár á
Fjöllum. Þar hafa nær allir
sauðfjáreigendur skrifað undir
skuldbindingar um niðurskurð
sauðfjár, þar sem riða er stað-
fest í hjörðinni eða verður stað-
fest síðar allt að sjálfsögðu háð
því, að viðunanlegar bætur fáist
frá opinberum sjóðum.
Það er ástæða fyrir Svarf-
dælinga til að fylgjast vel með
gangi þessara mála, því fyllilega
má búast við því, að innan
skamms tíma verði þeir að svara
spurningunni, hvað þeir vilji
fyrir sitt leyti gera í þessu
alvarlega vandamáli.
Sala á íbúðum í
verkamannabústöðum
Stjórn verkamannabústaða á Dalvík auglýsir hér
með til sölu
ÍBÚÐINA BRIMNESBRAUT 1.
Greiðslukjör eru eftirfarandi:
Kaupandi greiðir 20% söluverðs og greiðist það
við afhendingu. Eftirstöðvar 80% fær kaupandi
að láni hjá Byggingasjóði verkmanna. Lánið er
verðtryggt miðað við lánskjaravísitölu og ber
1,0% vexti. Lánstími er 43 ár, eða kaupandi yfir-
tekur áhvílandi lán og greiðir útborgunarverð
seljanda og kostnað.
ÍBÚÐINA KARLSRAUÐATORG 26 E.
Greiðslukjör eru eftirfarandi:
Kaupandi gengur inn íkaupá íbúðinni og greiðir
þann kostnað sem seljandi hefur þegar lagt út,
ásamt kostnaði sem til fellur við uppgjör íbúð-
anna að Karlsrauðatorgi 26.
Rétt til kaupa á íbúðum í samræmi við framan-
ritað hafa þeir sem uppfylla eftirtalin skilyrði:
A. Eiga lögheimili á Dalvík.
B. Eiga ekki íbúðir né samsvarandi eign í öðru
formi.
D. Hafa haft meðaltekjur pr. ár þrjú síðast liðin
ár áður en úthlutun fer fram þ.e. 1982, 1983
og 1984, eigi hærri uþphæð en sem svarar
318.000,- kr. hjá einhieypingi eða hjónum og
29.000,- kr. fyrir hvert barn innan 16 ára
aldurs.
Ekki mega vinnustundir á ári vera færri en
516 (Vz staða).
Umsóknareyðublöð fást afhent á bæjarskrif-
stofunni.
Umsóknarfrestur er til 10. apríl n.k.
Frekari upplýsingar eru veittar í bæjarskrifstof-
unni og hjá formanni stjórnar verkamanna-
bústaða, Helga Jónssyni.
Dalvík 20. 03. 86.
Stjórn verkamannabústaða á Dalvík.
KOSTABOK
1. kostur: Innstæda er alltaf laus.
2. kostur ■■ Vextir eru 18% eda hærri,
ef verdtrygging reynist betri.
3. kostur -. Vextir færast tvisvar á ári.
4. kostur : Leidréttingavextir af úttekt
eru adeins 1%.
5. kostur ■. Leufdar eru tvær úttektir á
ári án vaxtaskerdingar.
KOSTABOK er gódur kostur.
HWLÁnSDEILD Ú.K.E. DALVÍK.
6 - NORÐURSLÓÐ