Norðurslóð - 25.10.1995, Síða 3

NORÐURSLÓÐ- 3
MÁ ÉG KYNNA?
Ho-Yin Li er kínverskur að uppruna en hefur lengst af búið í
Bandaríkjunum.
Ho-Yin Li
tónlistarkennari
af kínversku
bergi brotinn
Ho -Yin Li heitir ungur maður
sem hingað er kominn alla leið
frá Bandaríkjunum til þess að
kenna börnum byggðalagsins að
spila á píanó. Sérlegur sendi-
maður Norðurslóðar átti við
hann stutt viðtal að afloknum
konsert í Dalvíkurkirkju
laugardaginn 14. október sl. þar
sem hinn ungi og tvímælalaust
efnilegi píanisti lék verk eftir
Beethoven og Chopin. Fyrst var
hann inntur eftir ætt og
uppruna að gömlum og góðum
íslenskum sið.
„Eg er fæddur í San Fransisco
en fluttist ásamt foreldrum mínum
sem bæði eru kínversk til Hong
Kong og bjó þar fyrstu fjögur ár
ævinnar. Við fórum síðan aftur til
Bandaríkjanna og settumst að í
Virginíu þar sem ég ólst upp . Tón-
listamám stundaði ég síðan um
fjögurra ára skeið við tónlistarhá-
skóla í New Orléans og lauk þaðan
bachelorprófi í tónlist með píanó-
leik sem aðalfag."
- Hvernig stendur svo á veru
þinni hér?
„Eg ferðaðist um Island sl.
sumar ásamt stjúpföður rnínum
sem er íslenskur og heitir Sverrir
Sigurðsson. I flugvélinni á leiðinni
rakst hann á auglýsingu í blaði um
lausa stöðu píanókennara á Dalvík
og benti mér á svona mest í gamni
hvort þetta væri ekki eitthvað fyrir
mig. Mig óraði ekki fyrir að svona
færi,“ segir hann og hlær. „Ég var
mjög heillaður af landinu eftir
ferðina og ákvað að slá til þegar
ég fékk jákvætt svar frá Tónlistar-
skólanum á Dalvík."
- Og hvernig líst þér nú á þig
þegarfyrsti mánuðurinn er liðinn?
„Afskaplega vel, hér er friðsælt
og fallegt og ég hef nægan tíma til
að æfa mig. Svo finnst mér gaman
að kenna og ég verð að segja að
íslensku bömin eru að mörgu leyti
betri nemendur en þau bandarísku
sem ég hef áður kennt. Þau virðast
eiga auðveldara með að einbeita
sér og eru áhugasamari um námið.
Þarafleiðandi taka þau ágætum
framförum og það er jú svo upp-
örvandi fyrir kennarann!!“
- Attu þér einhver áhugamál
hurtséðfrá tónlistinni?
„Já, ég les mikið og þá sérstak-
lega bækur um heimspeki. Svo er
ég mikill útivistarmaður og hef
gaman af fjallaferðum" Ho-Yin er
að sjálfsögðu snarlega bent á
Ferðafélag Svarfdæla. (innsk.
blm.)!!!
„Nú, ég er mikill aðdáandi
sundlaugarinnar og fer þangað
annan hvem dag og ég á sjálfsagt
eftir að fara á skíði í fjallinu svo ég
kvíði alls ekki aðgerðaleysi þenn-
an tíma.
- Hvernig gengur þér að lœra
íslenskuna?
„Það gengur vonum framar. Ég
er til dæmis orðinn býsna sleipur í
Litlu gulu hænunni og fleiri bók-
menntaverkum á svipuðu plani!
Mest læri ég hins vegar á því að
hlusta á málið og reyndar að horfa
á enskar myndir í sjónvarpinu sem
em með íslenskum texta. Þess á
milli gref ég mig ofan í málfræði-
bækumar mínar og reyni að átta
mig á hvað eru reglur og hvað eru
undantekningar....“
- Hvað hyggstu svo fyrir í ná-
inni framtíð?
„Ég stefni að því að ljúka dokt-
orsnámi í tónlist innan fárra ára og
öðlast þannig réttindi til að kenna í
háskóla. En hér verð ég í vetur og
eitthvað fram á næsta sumar,“
sagði þessi glaðbeitti ungi maður
um leið og hann kvaddi. Hann er
að sjálfsögðu boðinn hjartanlega
velkominn til Dalvíkur og við von-
um að honum gangi allt í haginn.
RKB
Gróska í tónlistarlífinu
Helgi Símonar-
son 100 ára
Haustið er sá tími þegar félags-
starf hverskonar vaknar aftur til
lífsins eftir sumardvalann. Það á
við um Dalvík og Svarfaðardal
eins og aðra staði. Mikil gróska
er í tónlistarlífinu og er óhætt að
segja að sjaldan eða aldrei hefur
verið annar eins kraftur í tón-
listarfólki hér eins og nú í vetr-
arbyrjun.
Kirkjukór Dalvíkur
Kirkjukór Dalvíkurkirkju æfir nú
af kappi fyrir tónleika í byrjun
nóvember. Að sögn Hlínar stjóm-
anda Torfadóttur verður þar troðið
upp með Regina Coeli eftir Moz-
art, Exultate Deo eftir Scarlatti ,
Ave Maria eftir Norðmanninn H.
Nyberg og fleira á þeim nótunum.
I Regina coeli verða einsöngvarar
með kómum þau Jón Þorsteinsson,
Svana Halldórsdóttir, Sólveig
Hjálmarsdóttir og Jón Helgi Þórar-
insson, allt heimafólk svo að segja.
Einnig munu þær Svana og Sól-
veig syngja saman dúetta.
Karlakór Dalvíkur
I síðasta blaði auglýsti Karlakór
Dalvíkur eftir nýjum félögum og
var eftirtekjan af því býsna góð að
sögn Jóhanns Olafssonar stjóm-
anda. Félagar em nú tæplega 40
talsins, ungir rnenn að meginuppi-
stöðu en líka gamalreyndir karla-
kórsmenn sem mikill styrkur er að.
Kórinn stefnir að tónleikum í des-
ember og einnig er mikill áhugi á
að leggja land undir fót og gleðja
íbúa annarra byggða með karla-
kórssöng. Jóhann sagði þó enn
pláss fyrir góða söngmenn, eink-
um í bassa.
Tjarnarkvartettinn
Af öðm sönglífi má nefna að
Tjamarkvartettinn hefur nú tekið
upp annan geisladisk sinn. í þetta
skipti syngur kvartettinn 18 jóla-
lög bæði íslensk og erlend og fóru
upptökur fram í Dalvíkurkirkju
dagana 5.-8. október. Diskurinn er
væntanlegur á markað upp úr
miðjum næsta mánuði. Kvartettin
heldur suður á land fyrstu vikuna í
nóvember og ferðast á milli skóla
á suðurlandi með tónlistardagskrá
á vegum tónlistarátaksins „ Tónlist
fyrir alla“ sem Jónas Igimundar-
son hefur staðið fyrir undanfarin
ár. Einnig mun kvartettinn halda
eina 5 almenna tónleika í ferðinni
og koma fram alls 24 sinnum. I
desember hyggst kvartettinn halda
jólatónleika á Dalvík.
Ný söngsveit með sveiflu
Eflaust hafa margir rekið augun í
auglýsingu utan á Kaupfélaginu
þar sem óskað var eftir skemmti-
legu fólki til að syngja saman létta
tónlist. Blaðið setti sig í samband
við Ylfu Mist Helgadóttur sem er
ein af forsprökkum þessa uppá-
tækis og sagði hún æfingar hafnar.
15 manns eru komnir til starfa en
að sögn Ylfu vantar fleiri karl-
menn. Er ætlunin að æfa saman
létt lög með sveiflu, gospel-tónlist,
negrasálma og fleira í þeim dúr.
Söngsveitin sem enn sem komið er
gengur undir nafninu „Sveiflukór-
inn“ hefur sett sér það mark að
syngja á götum bæjarins á Þorláks-
messu sér og öðrum til ánægju og
yndisauka. Stjómandi hópsins er
Dagmann Ingvason.
Leikfélag Dalvíkur
Og fyrst farið er að tala um listir er
rétt að leita fregna hjá Leikfélag-
inu sem hélt aðalfund sinn í síð-
ustu viku. Ekki hefur enn verið
tekin ákvörðun um hvaða leikrit
verður sett upp í vetur né heldur
hver leikstýrir enda hefjast æfingar
ekki fyrr en eftir áramót. Hins veg-
ar er töluverður hugur í leikfélags-
fólki og var rætt um að félagar
æfðu dagskráratriði sem hægt væri
að troða upp með á léttum kvöld-
vökum í Lambhaga og einnig var
uppi mikill áhugi á að setja saman
og æfa kabarettsýningu til sýninga
um jólaleytið. Hefur blaðið haft af
því pata að einhverjir séu þegar
sestir niður og famir að undirbúa
ýmiskonar listviðburði sem meira
á eftir að spyrjast af síðar.
HjHj
Filippía Kristjánsdóttir frá
Brautarhóli sem ber skáldanafn-
ið Hugrún, sendi blaðinu þetta
ljóð og kveðjur sínar í dalinn.
Þess rná geta að Filippía varð
sjálf níræð þann 3. október s.l.
og sendum við henni á móti
okkar bestu hamingjuóskir með
þökk fyrir ánægjuleg samskipti
á liðnum árunt.
Heiðursmaður hundrað ára
Helgi frændi minn.
Pótt á fari hrotni hára
hjargar kjarkurinn.
Hœfileika liefir notað
til heilla landi og þjóð.
Ennþá frœin eru að dafna.
uppskeran er góð.
Kennslu veitti telputetri
te! ég gafu íþví.
Frœðari varstu flestum betri.
frá því aldrei sný.
Einhvern ferskan anda áttir
öðrum von hann bar.
Veittir ört afviskubrunni
veig til blessunar.
Það er œðimargs að minnast
margt er orðið breytt.
Þeim öldruðu mun eflaust
finnast
hjá ýmsu góðu sneitt.
Að öðru máli ég ætla að snúa
eins og hendir mig.
Engan heyrt hefhundrað ára
hlægja dáitt sem þig
Blessunar ég hið þér vinur
bæði fyrr og nú.
Framtíðin erfalin drottni
fyrir hœn og trú.
Hann hefttr allt í hendi sinni
hans er mátturinn.
Göngu ræður úti og inni
oft ég til þess finn.
Hugrún
ROTÞRÆR OG VATNSTANKAR
fyrir sumarbústaði og íbúðarhús
ROTÞRÆRNAR eru þriggja hólfa og fáanlegar í mismunandi
stærðum. Þær eru meðfærilegar, auðveldar í niðursetningu
og tenging lagna er bæði einföld og örugg.
Rotþrærnar hafa fengið viðurkenningu Hollustuverndar
ríkisins.
VATNSTANKARNIR eru fáanlegir í ýmsum stærðum. Þeir eru
steyptir úr sérstöku polyethylen (ÞE) efni sem tryggir kröfur
um góða endingu og styrkleika.
POSTHOLF 50, 620 DALVIK, SIMI: 466 1670,
GRÆNT SÍMANÚMER: 800 8670, BRÉFSÍMI: 466 1833