Fréttablaðið - 31.05.2017, Blaðsíða 18

Tilbúnir í svona leiki
Bryngeir Torfason er þjálfari Víðis
og lofar sína menn í hástert fyrir
árangurinn í bikarnum. Víðir sló til
að mynda Keflavík úr leik í 2. umferð
keppninnar í ár eftir vítaspyrnu-
keppni.
„Þetta er í raun óvenjugóður
árangur. Það er búið að vera stíg-
andi í okkar liði enda erum við með
sterkan hóp leikmanna sem kunna
allir fótbolta. Þeir eru tilbúnir í svona
leiki og langar að ná lengra. Um það
snýst bikarinn,“ segir Bryngeir sem
æfði vítaspyrnur sérstaklega í gær-
kvöldi.
Jón Gunnar segir að lið Víðis sé
að mestu skipað heimamönnum,
strákum sem eru annað hvort upp-
aldir í Garði eða í nærliggjandi
sveitarfélögum og eigi rætur að rekja
í Garðinn. Þá eru þrír serbneskir leik-
menn í liðinu í ár.
„Ég myndi segja að Víðishjartað
sé rosalega sterkt. Við erum allir af
Suðurnesjunum og við fórnum okkur
meira en margir aðrir.“
30 ár frá bikarúrslitum
Víðir á að baki fjögur tímabil í efstu
deild karla, frá árunum 1985 til 1991.
Liðið komst alla leið í bikarúrslitin
árið 1987 og sló þá bæði KR og Val,
Íslandsmeistara þess árs, úr leik á
leið sinni í úrslit. Víðir steinlá þó
fyrir Fram í úrslitaleiknum, 5-0.
Liðið var síðast í næstefstu deild
árið 1999 en hefur síðan þá verið
í neðri deildunum. Víðir var í 3.
deildinni, sem er fjórða efsta deild
á Íslandi, í átta tímabil áður en liðið
vann sér sæti í 2. deildinni síðastliðið
haust.
Býð þá velkomna á Stæðið
Sigurinn á Keflavík í vor hafði mikla
þýðingu fyrir Víðisliðið og þar á bæ
vilja menn ná enn lengra en í 16 liða
úrslitin, þó svo að sterkt lið Fylkis sé
nú í heimsókn.
„Ég hef trú á því að við getum kom-
ist áfram. Það er árið 2017 og maður
veit aldrei. Liðin á Íslandi eru alltaf
að verða jafnari og jafnari. Ég held að
það sé aðallega formið sem skilur á
milli liðanna, þó svo að það sé auð-
vitað einhver gæðamunur líka á milli
deilda,“ segir Jón Gunnar.
„Fylkir er á svipuðu róli og Kefla-
vík. Fylkismenn hafa reyndar staðið
sig vel og slógu til að mynda Breiða-
blik úr leik. En við höfum hjartað.“
Bryngeir þekkir vel til Fylkis-
manna eftir að hafa þjálfað nokkra
leikmenn úr liðinu í dag í 2. flokki
fyrir áratug. „Ég býð þá bara vel-
komna á Stæðið eins og sagt er. Ég
hlakka mikið til að hitta þá,“ sagði
Bryngeir og brosti.
eirikur@frettabladid.is
OPIÐ MÁN TIL FÖSTUDAGA 11 - 18 | LAUGARDAGA 11 - 16
BÆJARLIND 16 | 201 KÓPAVOGUR | SÍMI 553 7100 | LINAN.IS
Íþróttafréttakona fékk óvænt bað á hafnaboltaleik í Boston
Kalt og blautt Íþróttafréttakonan Guerin Austin varð að skipta um föt í vinnunni er hún var að taka viðtöl á hafnaboltaleik Boston Red Sox og
Seattle Mariners. Verið var að fagna hetju Boston með Powerade-baði og varð hún fyrir gusunni. Því átti hún ekki von á. nordicphoToS/geTTy
Fótbolti 16 liða úrslit Borgunarbik-
arkeppni karla hófust í gærkvöldi en
alls fara sex leikir fram í kvöld. Meðal
þeirra er viðureign Víðis úr Garði og
Fylkis suður með sjó.
„Bikarkeppnin hefur mikla þýð-
ingu fyrir okkur. Þetta eru alltaf
stærstu leikirnir á árinu, sérstak-
lega ef við komumst lengra en í
32 liða úrslitin,“ segir Jón Gunnar
Sæmundsson, fyrirliði Víðis. Í fyrra
féll Víðir úr leik eftir æsispennandi
framlengdan leik gegn Selfossi, 4-3,
er liðið lék í þriðju deild. Víðismenn
fóru þó upp í 2. deildina síðastliðið
haust.
„Við vorum í þriðju deildinni í
átta ár en höfum fengið skemmtilega
leiki í bikarnum reglulega. Við lékum
til að mynda gegn Val fyrir þremur
árum. Það eru svona leikir sem gera
sumrin aðeins skemmtilegri.“
Víðishjartað er rosalega sterkt
Víðir úr Garði er bikarlið inn að beini. Fyrir 30 árum komst liðið alla leið í úrslit keppninnar, sem frægt er.
Þá hafa Víðismenn komist lengra en mörg önnur lið úr neðri deildum Íslandsmótsins síðustu ár.
Við erum allir af
Suðurnesjum og
fórnum okkur meira en
margir aðrir.
Jón Gunnar
Sæmundsson,
fyrirliði Víðis
19.45 Valur - Stjarnan Sport
19.10 Ír - Kr Sport 2
Borgunarbikar karla:
17.30 ÍBV - Fjölnir
18.00 Víðir - Fjölnir
19.15 Ír - Kr
19.15 Ægir - Víkingur r.
19.15 Fh - Selfoss
20.00 Valur - Stjarnan
Í dag
ÍA- grótta 2-1
0-1 Ingólfur Sigurðsson (63.), 1-1 Tryggvi
Hrafn Haraldsson (83.), 2-1 Tryggvi Hrafn
Haraldsson (95.).

Þetta var fyrsti leikurinn í 16-liða úrslitum
keppninnar.
Borgunarbikar karla
Nýjast
GÍSli eKKi VAlinn Í hóPinn
Geir Sveinsson landsliðsþjálfari til-
kynnti leikmannahóp sinn fyrir mót
í Noregi í fyrradag og fannst mörgum
handboltaáhugamönnum skrítið
að ekkert pláss væri fyrir efnilegasta
handboltamann landsins í hópnum.
Hinn 17 ára gamli Gísli Þorgeir
Kristjánsson fór á kostum með FH í
úrslitakeppni Olís-deildarinnar og
dró FH-vagninn. Hann var svo valinn
besti leikmaður úrslitakeppninnar.
Aron Pálmarsson, Arnór Atlason
og Ásgeir Örn Hallgrímsson fengu
frí og fara ekki til Noregs og svo var
heldur ekki hægt að velja leikmenn
úr þýsku úrvalsdeildinni. Sex nýliðar
eru því í hópnum en enginn Gísli.
„Gísli er frábær leikmaður sem
hefur staðið sig einstaklega vel.
Hann kom svo virkilega sterkur út úr
úrslitakeppninni. Sýndi á sér sterka
hlið sem við vorum ekki alveg búin
að sjá í Íslandsmótinu fram að því,“
segir Geir í samtali við íþróttadeild.
„Það er klárt mál að Gísli er fram-
tíðarleikmaður en við ákváðum
að bíða með að velja hann í þetta
skiptið. Hann
stendur líka í
ströngu og mörg
verkefni eru
fram
undan.
Hans tími
kemur klárlega
síðar.“
tiGeR SofAndi en eKKi fulluR
Tiger Woods, frægasti kylfingur
heims, var ekki undir áhrifum
áfengis þegar lögreglan handtók
hann um síðustu helgi eins og haldið
var. Tiger sagði því satt í yfirlýsingu
til fjölmiðla í fyrradag.
Í henni sagði Ti-
ger að hann hefði
verið undir sam-
verkandi áhrifum
nokkurra lyfseðils-
skyldra lyfja en hann
er að jafna sig eftir enn
eina bakaðgerðina.
„Ég gerði mér ekki grein fyrir því
að þessi blanda af lyfjum hefði haft
svona mikil áhrif á mig,“ sagði Tiger.
Þessar nýjustu upplýsingar koma
fram í lögregluskýrslunni sem fjöl-
miðlar í Bandaríkjunum hafa nú
undir höndum. Í henni kemur fram
að Tiger var sofandi í Mercedes-bif-
reið sinni þegar lögreglan kom að
honum og þá féll hann harkalega á
áfengisprófinu. Hann var þvoglu-
mæltur með eindæmum og gat ekki
staðið í lappirnar.
Hann var undir miklum áhrifum
verkjalyfja en skoraði 0,00 þegar
hann blés í áfengismælinn sem sann-
aði að hann var ekki fullur undir
stýri eins og haldið var í fyrstu.
3 1 . m a í 2 0 1 7 m i Ð V i K U D a G U R18 S p o R t ∙ F R É t t a b l a Ð i Ð
Sport
3
1
-0
5
-2
0
1
7

0
4
:2
0
F
B
0
5
6
s
_
P
0
3
9
K
.p
1
.p
d
f
F
B
0
5
6
s
_
P
0
3
0
K
_
N
Ý.
p
1
.p
d
f
F
B
0
5
6
s
_
P
0
1
8
K
.p
1
.p
d
f
F
B
0
5
6
s
_
P
0
2
7
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
C
F
9
-F
A
0
0
1
C
F
9
-F
8
C
4
1
C
F
9
-F
7
8
8
1
C
F
9
-F
6
4
C
2
7
5
X
4
0
0
.0
0
1
4
B

F
B
0
5
6
s
_
3
0
_
5
_
2
0
1
7
C
M
Y
K