Dagblaðið Vísir - DV - 03.05.2016, Blaðsíða 24

20 Menning Vikublað 3.–5. maí 2016
Mekka íssins
Erum í miðbæ
Hveragerðis
Ís í vél, 4 tegundir | Kúluís
Pinnaís | Krap | Bragðarefur
Ísfrappó | Sælgæti | Franskar
Samlokur | Gos | Snakk
Bland í poka | Pylsur | Kaffi
Opnunartími
mán-fim 10 - 21 / fös 10 - 22
lau 12 - 22 og sun 12 - 21 Breiðamörk 10, Hveragerði
S HELGASON
- Steinsmiðja síðan 1953
Opnunartími
Mán - fim 9:00 -18:00
Föstudaga 9:00 - 17:00
Laugardaga 10:00 -14:00
Sími: 557 6677
Netfang: shelgason@shelgason.is
www.shelgason.is
N
orðmenn hafa lengi stað-
ið Dönum og Svíum og
jafnvel Íslendingum langt
að baki hvað varðar kvik-
myndagerð og eru til að
mynda eina frændþjóðin sem
aldrei hefur unnið kvikmyndaverð-
laun Norðurlandaráðs. Til að ráða
bót á þessu hefur peningum verið
dælt í norska kvikmyndagerð, og
virðist sú fjárfesting hafa heppnast
nokkuð vel.
Þó að mynd þessi gerist í Banda-
ríkjunum með bandarískum leikur-
um eru höfundarnir norskir. Hand-
ritshöfundurinn Eskil Vogt gerði
síðast hina stórgóðu Blind og leik-
stjórinn Joachim Trier (já, hann er
frændi Lars) er hér með sína þriðju
mynd.
Myndin segir frá stríðsfrétta-
ljósmyndara sem deyr í bílslysi
og eiginmanni og tveimur sonum
sem hún skilur eftir. Þó að slysið
sé miðlægt í sögunni fjallar hún
að mestu um afleiðingar þess fyrir
þá sem eftir sitja. Er þetta því afar
mannleg mynd, eiginlega sú besta
af þeim toga síðan meistaraverkið
Boyhood var gert. Allir læra eitt-
hvað, tíminn breytir okkur öllum,
en vandamálin eru ekki endilega
leyst. Það gerist bara í Hollywood-
myndum, ekki í lífinu.
Sagan drýpur af sannleika, ekki
síst í ræðu Jesse Eisenberg yfir
litla bróður sínum. Nei, tilveran
verður aldrei aftur jafn ömurleg
og í gaggó, stéttaskiptingin er ekki
neins staðar jafn skýr og einmitt
þar. Við getum þó glaðst yfir því
að vera ekki lengur unglingar, lífið
heldur áfram.
Norskur rithöfundur sagði mér
um daginn að gallinn við nútíma-
bókmenntir sé að fólk lítur á það
að skrifa sem starfsferil, í stað þess
að gefa sér tíma til að læra um lífið
og hafa eitthvað um það að segja.
Það er tekst einmitt hér. n
Lítil mynd um lífið sjálft„Þetta er afar
mannleg mynd,
eiginlega sú besta af þeim
toga síðan meistaraverkið
Boyhood var gert.
Valur Gunnarsson
valurgunnars@gmail.com
Kvikmyndir
Louder than Bombs
IMDb 7,1 RottenTomatoes 68% Metacritic 71
Leikstjórn: Joachim Trier
Aðalhlutverk: Gabriel Byrne,
Jesse Eisenberg og Isabelle Huppert.
Handrit: Joachim Trier og Eskil Vogt
Sýnd í Bíó Paradís
Drungaleg morðgáta
K
ólibrímorðin var tilnefnd til
Petrona-verðlaunanna í Bret-
landi árið 2015 sem besta nor-
ræna glæpasaga
ársins. Hrottalegt morð
er framið á hlaupastíg
og á líkinu finnst mynd
af Astekaguði. Fleiri
morð fylgja í kjölfarið.
Lögreglukonan Anna
Fekete rannsakar mál-
in.
Anna hefur búið
lengi í Finnlandi en
uppruni hennar er
annar eins og les-
andinn kemst smám
saman á snoðir um.
Málefni innflytjenda
og erfiðleikar þeirra
við að fóta sig í nýju umhverfi koma
við sögu, sömuleiðis fordómar gagn-
vart þeim og heiðursofbeldi. Höfundi
liggur töluvert á hjarta og vinnur frem-
ur vel úr þessum þáttum. Andrúms-
loftið er drungalegt og persónur bók-
arinnar glíma við vansæld og vanda í
einkalífi, eins og mjög er til siðs í nor-
rænum glæpasögum nú um stundir.
Samskiptum Önnu
við félaga sinn í lög-
reglunni, fordómafulla
karlrembu, er ágætlega
lýst en þróun þess sam-
bands kemur ekki bein-
línis á óvart. Afmarkaðir
kaflar verksins eru bréf
ungrar innflytjendastúlku
sem foreldrar ætla að
neyða í hjónaband með
miðaldra karli. Þar er höf-
undur að líkja eftir orðfæri
unglings en árangurinn er
ekki minnisstæður.
Morðgátan er hæfilega
dularfull og lausnin frem-
ur óvænt. Bókin ætti því ekki að valda
glæpasagnalesendum vonbrigðum.
Þeir væru örugglega flestir til í að lesa
fleiri bækur eftir finnsku glæpasagna-
drottninguna. n
Kólibrímorðin
Höfundur: Kati Hiekka Pelto
Þýðandi: Sigurður Karlsson
Útgefandi: Skrudda
372 bls
Kolbrún Bergþórsdóttir
kolbrun@dv.is
Bækur „Málefni innflytj-
enda og erfiðleik-
ar þeirra við að fóta sig í
nýju umhverfi koma við
sögu, sömuleiðis for-
dómar gagnvart þeim og
heiðursofbeldi.
Veislur og
vandræði
Sópransöngkonan Lilja
Guðmundsdóttir mun koma
fram á hádegistónleikum í
Hafnarborg, ásamt Antóníu
Hevesi píanóleikara, í dag. Fluttar
verða óperettur sem fjalla um
veislur og vandræði en það er
yfirskrift tónleikanna. Auk Lilju
og Antóníu mun leynigestur stíga
á svið og syngja dúett með Lilju,
sem hefur undanfarin ár stundað
óperunám í Konservatorium
Wien í Vínarborg. Íslenskir
óperuunnendur hafa hér heima
séð hana syngja hlutverk Donnu
Elviru úr Don Giovanni með
Sinfóníuhljómsveit unga fólksins,
Frasquitu í Carmen hjá Íslensku
óperunni og Niece í Peter Grimes
á Listahátíð 2015.
Tónleikarnir hefjast klukkan
12 og standa yfir í um hálfa
klukkustund. Þeir eru öllum opnir.