Dagblaðið Vísir - DV - 28.06.2016, Page 17

Vikublað 28.–30. júní 2016 Kynningarblað - Bestu pizzurnar í bænum 3
Þunnbotna, eldbökuð pizza og
ekta ítölsk fjölskyldustemning
P
abbi vann í aukavinnu hjá
Eldsmiðjunni við ýmis störf
á sínum tíma. Ég fæddist
árið 1987 og þá hoppaði
pabbi bara beint á vakt af
fæðingardeildinni,“ segir Evert Aust­
mann Ellertsson, bakari hjá Eldofn­
inum í Grímsbæ, fjölskyldufyrirtæki
þar sem foreldrar, synir og annað
frábært starfsfólk leggja alúð sína
í að búa til framúrskarandi pizz­
ur og veita góða þjónustu. Eins og
þessi frásögn Everts gefur til kynna
hefur fjölskyldan lengi verið viðriðin
pizzugerð.
Á Eldofninum eru eingöngu í
boði 12 tommu pizzur sem bakaðar
eru í eldofni og er eingöngu notaður
eldiviður við baksturinn.
Árið 2008, ári áður en Eldofninn
var opnaður, fóru hjónin Ellert Aust­
mann Ingimundarson og Eva Karls­
dóttir til Ítalíu í leit að hentugum
ofni. Þau komu heim með eldofn
með snúningsplötu, sem tryggir í
senn frábæran bakstur, ósvikið við­
arofnsbragð og hraða þjónustu.
„Eftir að við setjum pizzuna inn í
ofninn þá ýtum við bara á einn takka,
pizzan byrjar að snúast og bakast
jafnt og þétt á tveimur mínútum,“
segir Evert.
Snúningsplatan í ofninum skapar
sjálfvirka alúð við baksturinn, hægt
er að afgreiða pizzurnar mjög hratt
en þær eru þó afar jafnt og vel bak­
aðar.
„Við getum sett inn átta pizzur í
einu en þegar svona mikið er að gera
eins og er núorðið þá þarf að vera
með mann á ofninum til að koma
pizzunum inn og út.“
Allt eldað frá grunni
„Við búum til allt frá grunni, sósurn­
ar okkar eru án aðfenginna aukaefna
og í hana eru notaðir plómutómat­
ar; það sama má segja um hvítlauks­
olíuna og Eldofnsolíuna okkar sem
er sterk chili­olía, en uppistaðan í
þessum olíum okkar er ekta ólífu­
olía, ekki repjuolía. Rauðlaukinn
skerum við niður hérna og kryddið
sem fer í sósuna mallar í potti,“ segir
Evert.
En hvaða pizzur eru vinsælastar?
„Vinsælustu pizzurnar eru yfir­
leitt þær sem eru kenndar við okkur
bakarana og við höfum sett saman
eftir okkar smekk. Sigga Spes pizzan
er til dæmis búin að vera vinsælasta
pizzan hér í 3–4 ár en á henni eru
sveppir, skorið pepperóní, ananas,
svartar ólífur, jalapeno, hvítlaukur,
rjómaostur og óreganó. Þessi pizza
slær í gegn hjá öllum og er sívinsæl.“
Opin ítölsk stemning í matsalnum
Veitingasalurinn á Eldofninum er
bæði huggulegur og skemmtilegur.
Allt er galopið svo viðskiptavinir sjá
bakarana að störfum, þeyta pizzum
upp í loftið.
„Krakkarnir eru mjög spenntir
fyrir þessu, til dæmis að sjá pizzurnar
snúast í ofninum,“ segir Evert og hon­
um líkar það vel að matargestir sjái
fjölskylduna að störfum.
Tíu prósenta afsláttur er veittur af
mat sem er sóttur og einnig eru alltaf
í gangi hádegistilboð virka daga frá
11.30 til 14.00 en þá er staðurinn yfir­
leitt þéttsetinn.
Matseðill og upplýsingar um til­
boð má finna á heimasíðu staðarins,
eldofninn.is
Eldofninn er opinn þriðjudaga til
fimmtudaga frá kl. 11.30 til 21.00,
föstudaga til kl. 22.00.
Á laugardögum er opið frá kl.
17.00 til 22.00 og á sunnudögum frá
17.00 til 21.00.
Á mánudögum er lokað – eins
og á svo mörgum fjölskyldureknum
veitingastöðum í Evrópu.
n
Myndir Sigtryggur Ari