Dagblaðið Vísir - DV - 05.08.2016, Blaðsíða 4

Helgarblað 5.–8. ágúst 20164 Fréttir
Þ
eir meinuðu okkur aðgang að
vinnusvæðinu svo við gætum
ekki tekið allar eigur okkur.
Við höfum ekki enn fengið
þann búnað og svo gæti far-
ið að lögreglan verði fengin til að að-
stoða okkur við að ná honum,“ segir
Sigurður R. Ragnarsson, forstjóri ÍAV,
aðspurður hvort starfsmenn verktaka-
fyrirtækisins hafi sótt rafmagnstöflur,
kapla og annan búnað í eigu þess sem
þeir voru neyddir til að skilja eftir á lóð
United Silicon í Helguvík um miðjan
júlí.
Starfsmenn ÍAV lögðu þá niður
störf og hefur forstjórinn fullyrt að
eigendur United Silicon, sem klára í
ágúst byggingu á tólf milljarða króna
fyrsta áfanga kísilmálmverksmiðju
fyrirtækisins, skuldi ÍAV rúman
milljarð króna og að stærstur hluti
þeirrar kröfu sé gjaldfallinn. Magnús
Garðarsson, stjórnarmaður og einn
eigenda United Silicon, hefur neitað
þessu og kennt ÍAV um tafir á verkinu.
Í samtali við DV staðfestir Magnús að
starfsmenn hans hafi ekki viljað láta
búnað verktakafyrirtækisins af hendi.
„Þetta er aldrei rosalega gaman.
En við viljum að staðið sé við samn-
inga og mér finnst skrýtið hvernig ÍAV
hélt að þeir væru komnir í eitthvert
stríð. Við vorum ekki í neinu stríði,“
segir Magnús.
Tafði verkið
Sigurður segir ÍAV hafa verið í full-
um rétti þegar starfsfólk fyrirtækisins
vildi taka búnaðinn með sér. Hann
sé merktur fyrirtækinu og markmiðið
hafi verið að koma í veg fyrir frekara
tjón en það sem ÍAV hafi nú þegar
orðið fyrir.
„Forsvarsmenn United vilja meina
að þeir eigi rétt á því að leigja þetta
af okkur gegn sanngjörnu gjaldi en
þegar þeir skulda okkur mjög háar
upphæðir þá höfum við ekki mikla trú
á að þeir muni greiða leigu fyrir þann
búnað sem við eigum þarna. Þetta
hefði auðveldlega geta endað í handa-
lögmálum en við bjóðum ekki starfs-
fólki okkar upp á slíkt,“ segir Sigurður.
Forstjórinn hefur áður sagt í fjölmiðl-
um að verkinu hafi verið nærri lokið
af hálfu ÍAV og að hann telji eigend-
ur United Silicon ekki eiga fyrir fram-
kvæmdinni.
DV fjallaði um deiluna í Helguvík í
byrjun júní en stjórnendur ÍAV höfðu
þá hótað að hætta vinnu við kísilverið.
Forsvarsmenn fyrirtækjanna tveggja
komust þá að samkomulagi um að
ÍAV kláraði fyrsta áfanga kísilversins.
Sá samningur stóð því í um einn og
hálfan mánuð. Starfsmaður verktaka-
fyrirtækis á svæðinu líkti samskiptum
fyrirtækjanna við stríðsástand í sam-
tali við DV.
„Samkvæmt samningstaðlinum
okkar sem er ÍST 30 þá hefur verktak-
inn ekki rétt til þess að fjarlægja út-
búnað eins og vinnubúðir, rafmagn
og annað sem tilheyrir byggingarplás-
sinu. Þetta hefur gengið ágætlega en
það varð smá töf þegar við vorum að
skipta um byggingarstjóra. Það tafði
þann verkþátt um tvær vikur en ég
veit ekki hvort ÍAV gerði það viljandi,“
segir Magnús.
„Ríkasta ákvæðið í ÍST 30 er
greiðsluskylda aðila og eftir að hún
var þverbrotin kröfðumst við þess að
fá búnaðinn,“ segir Sigurður.
Fyrir gerðardóm
Deilan verður eins og komið hefur
fram útkljáð fyrir gerðardómi. ÍAV fór
fram á það við Héraðsdóm Reykjaness
og hafa bæði fyrirtækin skipað sinn
fulltrúa í dóminn. Héraðsdómur
Reykjavíkur skipar þriðja manninn.
„Þetta er nú í lögfræðilegum far-
vegi og við munum taka þetta í gegn-
um gerðardómstólinn. Það er byrjað
að skipa í hann og málið verður dóm-
tekið núna á mánudaginn,“ segir Sig-
urður. Magnús hafði ekki heyrt af
tímasetningu gerðardómsins þegar
blaðamaður náði tali af honum. n
Fanntófell ehf. | Bíldshöfða 12 | 110 Reykjavík | Sími 587 6688 | fanntofell.is
· Viðhaldsfrítt, mikil ending og endalausir
möguleikar í hönnun.
· Upplitast ekki, dregur ekki í sig lit, raka,
óhreinindi eða bakteríur.
· Hentar jafnt fyrir heimili, vinnustaði
og almenningssvæði.
AKRÍLSTEINN,
HARÐPLAST
OG FENIX
Fanntófell hefur sérhæft sig í framleiðslu á borðplötum og sólbekkjum síðan 1987.
Vilja ekki afhenda ÍAV
búnað úr kísilverinu
n Deilan í Helguvík dómtekin á mánudag n Gætu leitað til lögreglu
„Borgum að sjálfsögðu meiri laun“
Víkurfréttir fjölluðu í síðustu viku um ákvörðun forsvarsmanna
United Silicon um að gera ekki sérkjarasamninga við starfsfólk
fyrirtækisins. Verksmiðjan verði keyrð á almennum kjarasamn-
ingum og gagnrýndi Kristján Gunnarsson, formaður Verkalýðs-
og sjómannafélags Keflavíkur og nágrennis, ákvörðunina harð-
lega í samtali við fjölmiðilinn. Fullyrðir hann að United Silicon
komi til með að reka einu stóriðju landsins án sérkjarasamninga.
„Þetta er alveg rétt að við erum í almenna samnings-
samkomulaginu en við erum orðnir aðilar að Samtökum atvinnulífs-
ins,“ segir Magnús Garðarsson í samtali við DV.
„Við erum þannig búnir að ganga inn í þessa almennu samninga sem eru í gildi þar
við stéttarfélögin. Það gengur mjög vel að ráða í verksmiðjuna og þrátt fyrir að það
sé núna ekkert atvinnuleysi á Suðurnesjum. Við borgum að sjálfsögðu meiri laun en
almennir taxtar kveða á um. Allir okkur verkamenn, um 26 talsins, þeir eru búnir að fá
hærri taxta en almenna taxta og það gerum við til að fá besta fólkið.“
Þið hafið þá aldrei lofað því að verksmiðjan myndi skapa „vel launuð störf“?
„Það er ekkert sem ég lofaði en við erum reyndar að borga meira en almennu samnings-
kjörin segja til um,“ segir Magnús.
„Þetta hefði auð-
veldlega geta end-
að í handalögmálum en
við bjóðum ekki starfs-
fólki okkar upp á slíkt.
Forstjóri ÍAV
Sigurður R.
Ragnarsson.
Stjórnarmaður kísilversins Magnús
Garðarsson er stærsti eigandi Sameinaðs
Sílikons hf. sem ber erlenda heitið United
Silicon.
Hættu í júlí Starfsmenn ÍAV lögðu niður störf þann 15. júlí en forsvarsmenn verktakafyrir-
tækisins höfðu einum og hálfum mánuði áður hótað að pakka saman. Mynd SigTryggur Ari
Haraldur guðmundsson
haraldur@dv.is
„Mamma gráta,
pabbi búmm, búmm“
Viðvarandi hræðsla umlykur líf mæðgina
H
æstiréttur hefur staðfest
ákvörðun lögreglustjóra um
að karlmaður skuli sæta nálg-
unarbanni vegna ítrekaðra
brota gegn fyrrverandi konu sinni
og barni. Áður hafði Héraðsdómur
Reykjaness fellt nálgunarbannið úr
gildi.
Maðurinn hefur beitt barnsmóður
sína líkamlegu ofbeldi og hótunum frá
árinu 2010. Þannig hefur hann valdið
henni og syni þeirra miklu ónæði og
vanlíðan. Þau dvöldu meðal annars í
Kvennaathvarfinu um tíma.
Lögregla er með þó nokkuð mörg
brot á málaskrá hjá sér en í kjölfar
tveggja atvika í desember 2015 óskaði
barnavernd eftir því með bréfi þann
13. janúar síðastliðinn að maðurinn
yrði látinn sæta nálgunarbanni gagn-
vart konunni og barninu.
Í gögnum frá barnaverndarnefnd
komi fram að drengurinn hafi tjáð
starfsmönnum á leikskóla hans í jan-
úar síðastliðinn að „mamma gráta,
pabbi búmm, búmm“ og kýlt með
annarri hendi út í loftið og hafi kon-
an sagt starfsmönnum að drengurinn
hafi orðið vitni að ofbeldi gegn henni
af hálfu föður hans.
Starfsfólk skóla drengsins hefur
áhyggjur af stöðu hans og leggur
áherslu á mikilvægi þess að hann,
sem hefur meðal annars verið greind-
ur á einhverfurófi og með þroskarösk-
un, búi í traustu og öruggu umhverfi.
Barnaverndarnefnd segir að
barninu stafi ógn af manninum og að
viðvarandi hræðsla við gjörðir hans
umljúki líf mæðginanna. Þrátt fyrir
að sjö mánuðir séu nú liðnir frá því að
síðast var kallað eftir aðstoð lögreglu
vegna mannsins sé staða málsins með
öllu óbreytt og mjög alvarleg.
Hvorki konan né barnið eru nú
stödd hér á landi. Skipaður réttar-
gæslumaður konunnar hefur ekki náð
í konuna og er honum því ókunnugt
um afstöðu hennar. Í dómi Hæstarétt-
ar segir jafnframt að friðhelgi brota-
þola og barnsins verði ekki vernduð
með öðrum og vægari úrræðum en
nálgunarbanni. n ritstjorn@dv.is
Mynd SHuTTerSTock