Norðurslóð - 25.07.2013, Blaðsíða 6

Norðurslóð - 25.07.2013, Blaðsíða 6
Svarfdælsk byggð & bær Hrútaveiðar í Dalvíkurhöfn 'A Skírn Þann 20.júlí var skírður að Ægisgötu 6 Dalvík, Kristófer Leó Mireles Foreldrar hans eru Hjördís Hólm Harðardóttir og Alfonso Mireles Gultierez til heimilis að Svöluási lb 221 Hafnarfirði. Brúðkaup Þann 6. júlí voru gefin í heilagt hjónaband að Hrísrima 17 í Reykjavík Hildigunnur Katrínardóttir og Gunnar Örn Magnússon (Gunnarsson) til heimilis að Kristnibraut 91-93 í Reykjavík. Prestur var Magnús G Gunnarsson Þann 29. júlí 2012 voru gefin saman (með leynd)þau Dagur Óskarsson (Pálmasonar) og Bryndís Hrund Brynjólfsdóttir á Þverá í Skíðadal. Prestur var sr. Sólveig Halla Kristjánsdóttir. Brúðkaupiðvaropinberaðíbrúðkaupsveislunni sem fram fór þann 20. júlí sl á Þverá. Þann 15. júní voru gefin saman við heimili sitt, Másstöðum í Skíðadal, Óliver 1 lilmarsson og Helga Björt Möller. Ragnar Elías Ólafsson Þveræingagoði gaf þau saman. Þann 29. júní voru gefin saman í skógræktinni Dæli, Óskar Gunanrsson og Jóhanna Kristín Arnþórsdóttir í Dæli. Prestur var sr. Magnús G. Gunnarsson. Afmæli Þann 2. júlí síðast liðinn varð 80 ára, Ingibjörg Ólafsdóttir Hátúni Árskógsströnd. Andlát Þann 16. júní sl. lést á gjörgæsludeild Fjórðungssjúkrahússins á Akureyri, Hálfdánía Ardís Jónasdóttir. Árdís fæddist á Sílalæk í Aðaldal þann 11. janúar 1948. Foreldrar hennar voru Jónas Andrésson, bóndi á Sílalæk, f. 5. ágúst ¦ 1899, d. 6. okt. 1966 og Guðrún Ármannsdóttir húsfreyja, f. 28. okt. 1915, d. 30. des. 2002. Systkini Árdísar eru Vilhjálmur, f. 22. júní 1935, Andrés Sverrir, f. 27. maí 1937, Halldór, f. 15. des. 1942, Elín, f. 12. apríl 1946, Friðjón, f. 19. júli 1952, d. 2. sept 1973, Guðmundur Karl, f. 21. júlí 1954 og Þröstur, f. 25. ágúst 1956. Eiginmaður Árdísar er Rafn Hugi Arnbjörnsson, frjótæknir, f. 15. ágúst 1949. Dóttir þeirra er Eyrún Rafnsdóttir, félagsmálastjóri, f. 3 okt. 1971. Eiginmaður hennar er Ingvar Örn Sigurbjörnsson, verkamaður, f. 21. ágúst 1973. Synir þeirra eru Gunnlaugur Rafn, f. 8. janúar 2003, Þröstur, f. 3. mars 2005, Örn, f. 18. okt 2007. Árdís ólst upp á Sílalæk í Aðaldal, gekk í farskóla sveitarinnar og fór síðan í Húsmæðraskólann á Laugum í Reykjadal. Ung að árum vann hún öll algeng sveitastörf heima og var í kaupavinnu á sveitabæjum í nágrenninu. Árdís vann á Hótelinu á Laugum eftir útskrift úr Húsmæðraskólanum og fór síðan að vinna í Skjaldarvík í framhaldi af því. Þar kynntist hún eiginmanni sínum og fluttu þau til Dalvíkur 1971. Undanfarin 30 ár hefur Árdís unnið á Dvalarheimilinu Dalbæ á Dalvík. Útför Árdísar fór fram frá Dalvíkurkirkju þann 25. júní sl. Það var nokkuð óvenjulegur afli sem Bessi Mar Ottósson 9 ára frá Ingvörum landaði í Dalvíkurhöfh þegar hann var á veiðum á bryggjunni á Dalvík í síðustu viku ásamt Orra Sæ bróður síniim og frænku sinni ídu Aspar Barkardóttur en þau eru bæði 6 ára. Á öngulinn kom dauður flekkóttur hrútur sem af einhverjum ókunnum ástæðum var á floti í sjónum og kominn inn fyrir hafharkjaftinn. Ekki dugði minna en heil grafa til að landa ódrættinum. Jón Þórarinsson í Hlíð var síðan kallaður til og úrskurðaði hann eftir stutta skoðun og markadóm að hrúturinn væri frá Zophaníasi Jónmundssyni á Hrafnsstöðum. Hrúturinn hefur að líkindum farið fram af klettum í Múlanum að sögn Zophaníasar en ekki hefur hann verið lengi i sjónum því hræið var tiltölulega heillegt. Það er svo annað mál að það ætti Hrútaveiðimennirnir Ida, Orri og Bessi skola afsér. Til vinstri liggur lambhrúturinn ígröfukjaftinum að vera óþarfi fyrir Ingvaramenn, sem stunda umfangsmikla sauðfjarrækt, að sækja sér lambakjöt með þessum nýstárlegu aðferðum í Dalvíkurhöfn. Krosshólshlátur kemur út í haust að gangnamenn eru þar söngglaðir í besta falli en textarnir koma mörgum spánskt fyrir hlustir ef svo má segja. Krosshólshlátur gefur því fleirum enn innvígðum afréttarmönnum kost á að kynnast þessum kveðskap og jafnframt þeim tilefnum sem hann er sprottinn af. Þessa dagana stendur yfir söfnun mynda í bókina. Sérstaklega eru aðstandendur bókarinnar á höttunum eftir gömlum myndum úr afréttinni og úr Tungurétt. Vísast liggja slíkar myndir víða misjafnar að gæðum. Þeir sem eiga í fórum sínum góðar myndir geta sett sig i samband við Baldur Þórarinsson (baldurbakka@simnet.is) Þórarinn Hjartarson (thjartar@internet.is) eða Hjörleif Hjartarson (hjhj@ simnet.is). I Haust kemur út hjá bókaforlaginu Sæmundi bókin Krosshólshlátur sem hefur að geyma úrval úr kveðskap gangnamanna í Sveinsstaðaafrétt ásamt sagnfræðilegum og staðfræðilegum útskýringum. Það er Gangnamannafélag Sveinsstaðaafréttar sem frumkvæði hefur haft að útgáfu bókarinnar en Hjörleifur Hjartarson tók hana saman og skrifaði ítarlegar skýringar og sögulega umgjörð. I bókinni er rakin saga Sveinsstaðaafréttar, rifjaðar upp sögur og frásagnir henni tengdar og leitast við að bregða upp mannlífsmyndum úr Svarfaðardal að fornu og nýju með hjálp þeirra vísna og gangnaannála sem skráðir hafa verið í gestabækur í afréttinni í gegn um tiðina. Það fer ekki fram hjá þeim sem komið hafa í réttir í Svarfaðardal Áskriftarsími Norðurslóðar er 8618884 Dagbjört Asgeirsdóttir sendirfrá sér nýja bók um Gumma og Rebba Gummi og dvergurinn úrilli Dagbjört Asgeirsdóttir leikskólakennari og rithöfundur á Dalvík hefur sent frá sér nýja bók um þá félaga Gumma og Rebba. í fyrra kom út eftir hana fyrsta bókin Gummi fer á veiðar með afa og fékk góðar viðtökur. Bókagagnrýnandi Morgunblaðsins gaf henni t.a.m. fjóra og hálfa stjörnu. Sú bók hefur nánast verið ófáanleg frá því í desember en samhliða nýju bókinni kemur út önnur prentun af þeirri fyrstu. Nýja bókin heitir „Gummi og dvergurinn úrilli" og fjallar um viskipti Gumma og yrðlingsins Rebba við harla reiðan dverg, en Gummi hefur orðið fyrir því óláni að hrapa ofan í bústað hans í fjallshlíð nokkurri. Gummi á í mestu vandræðum með að afstýra því að dvergurinn, sem nefnist Bráðlátur, breyti honum í mús með galdrastafnum sínum. Meira verður ekki látið uppi um söguþráð nýju sögunnar Nýja bókin um Gumma og dverginn úrilla er eins og sú fyrri ríkulega myndskreytt vatnslitamyndum eftir Karl Jóhann Jónsson. Það er Bókaforlagið Óðinsauga sem gefur hana út. I bókarlok eru orðalisti og leiðbeiningar fyrir fullorðna Dagbjört Asgeirsdóttir með fyrstu bókina um Gumma og Rebba sem nú er komin úr endurprentun lesendur varðandi upplestur fyrir börn. Dagbjört mun lesa upp úr nýju bókinni í Bergi á Dalvík þann 9. ágúst nk. kl 11:30 í útgáfuteiti fyrir börn. I framhaldinu fer hún í upplestrarferðir vítt og breitt um landið eins og í fyrra. Sem fyrr segir var fyrri bókinni tekið vel og seldist hún upp bæði hér norðan lands og fyrir vestan en Dagbjört er ættuð að vestan og upp alin í Bolungarvík. Dagbjört segist þegar hafa lokið við að skrifa heilar fimm bækur um þá félaga Gumma og Rebba sem Dvergurinn úrilli, Bráðlátur koma munu út jafnt og þétt næstu árin. Þá á hún einnig efni í fleiri sögur. Yrðlingurinn Rebbi sem er hinn ferfætti förunautur Gumma í gegn um bækurnar á sér lifandi fyrirmyndir. Afi Dagbjartar var grenjaskytta og Dagbjört segist ásamt frændsystkinum sínum hafa alist upp við það að yrðlingar voru hafðir í fóstri á bænum. Þannig var því einnig háttað þegar móðir hennar ólst upp og sömu sögu er að segja um ömmu hennar. Allar voru þær tengdar lágfótu traustum böndum og því er eðlilegt að söguhetja hennar eigi sér rebba að vin.

x

Norðurslóð

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Norðurslóð
https://timarit.is/publication/1253

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.