Morgunblaðið - 08.02.2017, Síða 13

Sumar og sól Mörg tískumerki vilja ljósmynda á suðrænum
slóðum. Þessi mynd af Sigrúnu Evu birtist í Brigitte Magazine.
veit að á morgun er hún er að
fara í nokkrar prufur og annað
verkefni fyrir Rag & Bone. En
hún lætur þessa óvissu í
vinnunni ekki fara í taugarnar
á sér.
„Ég er bara rosalega
þakklát að fá að vinna þetta
starf og geta þénað mun
meira en ég gæti í flestum
öðrum störfum. Ég get
sparað og ferðast á sama
tíma. Mér finnst ég mjög
heppin með þetta allt
saman; að fá að búa hér í
New York og hafa það
gott. Ég reyni líka að
hafa jákvæð áhrif eins
mikið og ég get í gegnum
instagrammið, hvort sem
það er tengt heilsu eða
jafnrétti af einhverju
tagi.“
Alltaf að læra
eitthvað nýtt
Eitt það besta við
fyrirsætulífsstílinn
segir Sigrún Eva vera
að hann gefi henni
frelsi til að læra ýmsa
hluti, hvort sem það er
á ferðalögum eða nám-
skeið af einhverju
tagi. „Ég fékk fast-
eignasalaréttindi,
bara svona í
gamni. Ég prófaði mig aðeins áfram í
því en stíllinn átti ekki beint við
mig,“ segir Sigrún Eva og hlær.
„En það hjálpaði mér alla vega
þegar ég keypti mér íbúð heima á Ís-
landi, og það er gott að kunna inn á
þetta.“
Í fyrra skipti breytti hún svo al-
veg um stefnu og fór að læra Ayur-
veda, hið forna indverska lækn-
ingakerfi.
„Öfugt við vestrænt lækninga-
kerfi er Ayurveda meira fyrirbyggj-
andi; að geta þekkt einkenni líkam-
ans og geta unnið með þau áður en
þau þróast út í alvarlegri sjúkdóma.
Í Ayurveda eru leiðbeiningar að
mataræði, jóga, hugleiðslu, jurta-
fræði og mörgu fleiru. Ég valdi að
hella mér í þetta því að þekkingin
nýtist manni alla ævi. Ayurveda er í
raun þýtt beint sem „lífsfræði“ og
mér finnst snilld að geta notað nátt-
úrulegar og hættulausar lækningar í
stað fljótvirkra en skammvirkra
lausna,“ segir Sigrún Eva, sem hefur
leyfi til þess að ráðleggja fólki en
notar þekkinguna aðallega fyrir
sjálfa sig og fólkið í kringum hana.
„Kannski fer ég einhvern tíma
seinna dýpra í þessi fræði,“ bætir
hún við.
Góð laun og tækifæri
„Það er mikil samkeppni í fyrir-
sætubransanum í New York en þeg-
ar maður er búinn að vera þetta lengi
í geiranum hefur maður myndað
sambönd við fólkið sem vinnur í hon-
um, fólk talar saman og maður fær
gott orðspor,“ útskýrir Sigrún Eva
spurð hvernig tískuborg New York
sé miðað við aðrar háborgir tískunn-
ar.
„Ég hef verið hér í sex ár og
finnst New York besta borgin sem
ég hef unnið í. Hér fær maður vel
borgað og nóg af tækifærum. Það
sem mér líst vel á í straumnum núna
er það að tískufyrirtækin eru sífellt
meira að nota stelpur af öllum stærð-
um, litum og gerðum. Þetta hefur
tekið langan tíma fyrir tískubrans-
ann og hann á enn langt í land og ég
vil sjá þetta verða algengara. Mér
finnst líka gaman að sjá hvað íþrótta-
tískan er orðin vinsæl og vonandi
hjálpar það við að ýta undir hraust-
ara útlit hjá stelpum.“
Að vera trúr sjálfum sér
- Hvað myndir þú ráðleggja
ungum stúlkum sem langar að verða
fyrirsætur?
„Ef ég á að vera alveg hreinskil-
in myndi ég ekki beint mæla með því
að reyna að vera fyrirsæta. Mér
finnst alls ekkert að því, þvert á móti.
En ef það gerist ekki nokkuð sam-
fellt finnst mér það gerast oftar en
ekki að stelpur fari að hlusta of mikið
á ráð og skoðanir annarra og það hafi
neikvæð áhrif á sálina. Ef þær vilja
verða fyrirsætur ráðlegg ég þeim að
vera að minnsta kosti trúar sjálfum
sér í ferlinu.“
-Hefur þér alltaf tekist að vera
trú sjálfri þér?
„Já, mér finnst það. Ég held það
hafi hjálpað til að vera aðeins eldri og
þroskaðri en margar stelpur þegar
þær byrja. En mér hefur heldur ekki
verið skipað að fara í megrun eða
breyta hinu eða þessu. Í Kóreu var
mér reyndar sagt að brosa ekki því
þeim fannst ég með svo skakkar
tennur og freknurnar voru fótó-
sjoppaðar af mér. Ég var frekar
hissa að heyra það en ég hló nú bara
að því. Það er líka mikilvægt að skil-
greina sig ekki út frá vinnunni eins
og margir gera. Þótt ég vinni sem
fyrirsæta er ég, Sigrún Eva, ekki
fyrirsæta,“ segir Sigrún Eva og um
framtíðina hefur hún þetta að segja:
„Eins og ég nefndi áður veit ég varla
hvað ég er að gera á morgun en segj-
um að þetta séu markmiðin næstu
mánuði: vera umhverfisvænni og
hætta að versla við stórar tískukeðj-
ur, fara á spunanámskeið, föndra
meira og skora fleiri mörk í fótbolt-
anum.“
Ljósmynd/Peter Rosa
Nóg að gera Sigrún Eva situr fyrir
hjá 1968 Magazine, en hún hefur
fengið mörg áhugaverð verkefni í
New York.
Flora Nikrooz Sigrún Eva í svörtum
kjól með hvítum ermum og blúndu
frá tískumerkinu Flora Nikrooz.
Free People Sigrún Eva
segir fatamerkið Free
People vera skapandi og flott.
„Það sem mér líst
vel á í straumnum
núna er það að
tískufyrirtækin eru
sífellt meira að
nota stelpur af öll-
um stærðum, litum
og gerðum. Þetta
hefur tekið langan
tíma fyrir tísku-
bransann og hann
á enn langt í land
og ég vil sjá þetta
verða algengara.“
Glæsileg
Sigrún Eva
Jónsdóttir
DAGLEGT LÍF 13
MORGUNBLAÐIÐ MIÐVIKUDAGUR 8. FEBRÚAR 2017
Hörður Torfa er flestum vel kunnur,
enda verið að í tónlistinni í áratugi og
margir kannast við lög hans og texta.
Textar hans innihalda oft beitta ádeilu,
en lifandi túlkun Harðar á þeim hefur
gefið honum þó nokkra sérstöðu. Í
kvöld miðvikudag kl. 20 ætlar Hörður
að segja frá starfi sínu sem söngva-
skáld á sagnakaffinu í Gerðubergi í
Breiðholti. Í tilkynningu segir að Hörð-
ur hafi útskrifaðist sem leikari frá Leik-
listarskóla Þjóðleikhússins vorið 1970
og sama ár hljóðritaði hann sína fyrstu
breiðskífu sem markaði alveg nýja
stefnu í tónlistarflutningi á Íslandi.
Hörður hefur starfað sjálfstætt síðan
1972 sem söngvaskáld, leikari og leik-
stjóri og hefur beitt sér fyrir vitundar-
vakningu í mannréttindamálum hér á
landi sem og annars staðar. Hann hef-
ur sent frá sér 24 plötur með eigin tón-
list og texta, sem og texta annarra
skálda, ljóðbók, ævisögu, söngvahefti
og nokkur leikrit. Undanfarin ár hefur
hann ferðast víða um heim að ræða
hugmyndir sínar og starfsaðferðir sem
hafa vakið athygli. Mottó Harðar er:
„Ég starfa í anda þess samfélags sem
ég vil lifa í. Samfélags friðar og sam-
tals.“
Sagnakaffið fer fram í kaffihúsinu í
Gerðubergi og geta gestir fengið sér
kaffi og með því á meðan á dagskrá
stendur.
Gestir kvöldsins fá einnig að spreyta
sig undir stjórn Ólafar Sverrisdóttur
leikkonu sem hefur staðið fyrir nám-
skeiðum í sagnamennsku hjá Borgar-
bókasafninu. Allir velkomnir á meðan
húsrúm leyfir og ókeypis aðgangur.
Gestir fá líka að spreyta sig í sagnamennsku
Morgunblaðið/Ernir
Hörður Torfason Hann hefur starfað sem söngvaskáld, leikari og leikstjóri.
Sagnakaffi í kvöld með Herði
Torfasyni söngvaskáldi