Morgunblaðið - 21.04.2017, Side 30
30 MENNING
MORGUNBLAÐIÐ FÖSTUDAGUR 21. APRÍL 2017
Ármúli 8, 2. hæð - 108 Reykjavík
Sími: 414-4466 - www.draumahus.is
Föst söluþóknun - Allt innifalið *
399.900
Föst söluþók - Allt innifalið
AnnaTeitsdóttir
Nemi til löggildingar
787-7800
Lárus Óskarsson
Fasteignasali
823-5050
*
* gildir fyrir eignir
undir 60.000.000 kr.
í einkasölu.
Þorsteinn Friðrik Halldórsson
tfh@mbl.is
„Það er alltaf mikil hátíð og mikið til-
hlökkunarefni að mæta á palla. Við
erum meðal annars að syngja fyrir
styrktarfélaga okkar sem hafa
styrkt okkur í tugi ára en flóran er
stór og mikil sem mætir á tón-
leikana,“ segir Friðrik S. Krist-
insson, stjórnandi Karlakórs
Reykjavíkur, en kórinn hefur æft
fyrir viðburðinn frá áramótum.
Karlakórinn hefur frá árinu 1927
haldið árlega vortónleika og í ár
verður engin undantekning gerð.
Þetta eru nítugustu tónleikar kórs-
ins og verða þeir haldnir dagana 24.,
25., 26. og 29. apríl í Langholtskirkju.
„Við höfum alltaf reynt að hafa lög
sem ná til allra aldurshópa með því
að hafa blandaða efnisskrá. Aðal-
málið er líka að okkur líði vel með að
syngja þessi lög og það er að takast,“
segir Friðrik. Á efnisskránni er tón-
list af margskonar toga. Þar má
finna íslensk kórlög, evrópska klass-
ík og ameríska gospelsöngva.
„Þetta er mjög fjölbreytt efnis-
skrá. Fyrst eru sungin hefðbundin
íslensk karlakórslög, síðan norræn
og fyrir hlé frumflytjum við lag eftir
Pál Pampichler Pálsson, sem heitir
„Nei, smáfríð er hún ekki“ sem er
ljóð eftir Hannes Hafstein. Mjög
skemmtilegt og flott lag sem er sam-
ið fyrir kórinn sérstaklega með und-
irspili píanós og klarínetts,“ segir
Friðrik. „Eftir hlé erum við með am-
eríska negrasálma, síðan dægurlög
og að lokum klassík.“
Kórinn verður hljómsveit
Fyrir 90 árum var sunginn Lof-
söngur Beethovens og verður hann
fluttur í ár. Þá verður flutningur á
dægurlögunum með því sniði að
sumir kórfélagar taka upp gítarinn
til að spila með.
„Við erum með gítarsveit, það eru
fimm félagar úr kórnum sem eru
flottir gítaristar og bassaleikarar.
Þeir spila með í tveimur lögum. Við
ætlum að heiðra minningu Leonards
Cohen og syngja eitt frægasta lagið
hans, „Hallelujah“ og síðan spilum
við „Tears in Heaven“ eftir Eric
Clapton,“ segir Friðrik.
Anna Guðný Guðmundsdóttir hef-
ur verið píanisti kórsins í fjölda ára
og heldur uppteknum hætti á tón-
leikunum í ár. Þá spilar Sigurður
Ingi Snorrason á klarínett ásamt
fleirum í frumflutningi á „Nei, smá-
fríð er hún ekki“. Einsöngvararnir
koma úr röðum kórfélaga að þessu
sinni en Hjálmar P. Pétursson bassi
syngur „Ol’ man river“, amerískan
negrasálm, Björn Friðrik Einisson
syngur einsöng og kvartett kemur
fyrir í einu lagi.
„Það eru margir í kórnum í söng-
námi og þeir sem eru lengst komnir
fá að spreyta sig. Hjálmar Pétursson
er atvinnusöngvari, hann hefur verið
að syngja í óperunni og verið í kórn-
um í mörg ár þannig að hann fær
þetta hlutverk.“
„Mikil gleði“
Friðrik hefur verið stjórnandi
Karlakórs Reykjavíkur í 29 ár. Hann
var ekki lengi að hugsa sig um þegar
hann var spurður um sérkenni kórs-
ins, sem telur 76 kórfélaga.
„Hjá okkur er mikil gleði, það er
eftirvænting fyrir hverja tónleika.
Þessi kór hefur starfað í 90 ár og
sungið mörg eftirminnileg lög sem
margir þekkja eins og „Áfram veg-
inn“ sem Stefán Íslandi söng með
kórnum og „Hraustir menn“ sem
Guðmundur Jónsson söng. Það sem
einkennir kórinn er þróttur, mýkt og
síðan þessi tæri litur.“
Hafa sungið inn vorið í 90 ár
Karlakór Reykjavíkur, undir stjórn Friðriks S. Kristinssonar, heldur vortónleika í nítugasta sinn í
Langholtskirkju í næstu viku Efnisskráin er með fjölbreyttu sniði og kórfélagar taka upp gítarinn
Morgunblaðið/Kristinn Magnússon
Á æfingu Karlakór Reykjavíkur á æfingu í Langholtskirkju í gær. Kórinn heldur ferna vortónleika í næstu viku, 90 árum eftir að þeir fyrstu voru haldnir.
Karlakór Reykjavíkur fagnaði ní-
ræðisafmæli sínu í fyrra þar sem
hann var stofnaður 3. janúar árið
1926 og var aðalhvatamaður að
stofnun hans Sigurður Þórðarson
tónskáld sem stjórnaði kórnum
samfellt, að einu ári undanskildu,
til ársins 1962. Kórinn hélt sína
fyrstu vortónleika árið 1927 og síð-
ar það ár, 16. júní, voru haldnir tón-
leikar í Fríkirkjunni þar sem Lof-
söngur Beethovens var á dagskrá
ásamt öðrum
lögum. Stjórn-
endur kórsins
hafa verið Sig-
urður Þórð-
arson, Páll Ís-
ólfsson, Jón S.
Jónsson, Páll
Pampichler
Pálsson og Cat-
herine Willams en núverandi söng-
stjóri er Friðrik S. Kristinsson.
Sigurður átti frumkvæðið
KARLAKÓR MEÐ LANGA OG GLÆSILEGA SÖGU
Sigurður
Þórðarson
Grikklandsvinafélagið Hellas held-
ur félagsfund á morgun, 22. apríl,
kl. 14, í sal Þjóðarbókhlöðunnar á
2. hæð. Á honum munu Sigurjón
Björnsson, professor emeritus, og
dr. Eiríkur Smári Sigurðarson,
heimspekingur og fornfræðingur,
fræða áheyrendur um Þúkydídes,
föður kennisögunnar.
„Sigurjón var um áratuga skeið
prófessor í sálfræði við Háskóla Ís-
lands og hefur gefið út ýmsar
fræði- og kennslubækur í sálfræði
auk rita á öðrum sviðum. Hann
hefur einnig verið mikilvirkur þýð-
andi og þýtt í áranna rás m.a.
mörg rita Freuds og einnig hið
þekkta verk Aristótelesar Um sál-
ina. Undangengin ár hefur Sig-
urjón þýtt ævisögur Stefans Zweig
um Erasmus og Balzac, en einnig
unnið það þrekvirki að þýða eitt
grundvallarrit sagnfræðinnar,
Sögu Pelópseyjarstríðsins eftir Þú-
kydídes, auk Helleníku eftir Xenó-
fón. Sigurjón mun fjalla um ævi og
störf sagnaritarans forna,“ segir í
tilkynningu.
Þá muni Eiríkur Smári fjalla um
kenningar sófistanna (fræðaranna)
og Þúkydídesar um eðli mannsins
og mannlegra samskipta. „Þessar
kenningar hafa fengið endurnýjaða
athygli síðustu mánuði í ljósi auk-
innar spennu í alþjóðasamskiptum
og stjórnmálaorðræðu sem gengur
fyrst og fremst út á að skipa fólki í
andstæðar fylkingar,“ segir í til-
kynningu um kenningarnar.
Á fundinum verður Sigurðar A.
Magnússonar minnst en hann var
einn stofnfélaga Grikklandsvina-
félagsins, fyrsti formaður þess og
heiðursfélagi. Allir eru velkomnir
meðan húsrúm leyfir.
Morgunblaðið/Árni Sæberg
Fræðandi Sigurjón Björnsson mun
fjalla um Þúkydídes, föður kenni-
sögunnar, á fundi Grikklandsvina-
félagsins Hellas, ásamt Eiríki
Smára Sigurðarsyni, á morgun.
Fjallað um föður
kennisögunnar