Morgunblaðið - 16.05.2017, Síða 17

FRÉTTIR 17Erlent
MORGUNBLAÐIÐ ÞRIÐJUDAGUR 16. MAÍ 2017
Sýrlensk stjórnvöld starfrækja um-
fangsmikla líkbrennslu í herfangelsi
í norðurhluta landsins, að því er
talsmaður bandarískra stjórnvalda
fullyrti í gær. Því er haldið fram að
allt að 50 manns séu hengdir á degi
hverjum í fangelsinu.
Stuart Jones, starfandi aðstoðar-
utanríkisráðherra á skrifstofu mál-
efna Austurlanda nær, greindi frá
þessu á fundi með fjölmiðlamönnum
í Washington í gær. Birti hann
gervihnattamyndir sem áttu að
sýna fram á mikla snjóbráðnun á
þaki hússins.
„Snemma árs 2013 hófust breyt-
ingar á húsnæði í Saydnaya-búð-
unum til að starfrækja það sem við
teljum vera líkbrennslu,“ sagði Jon-
es og vísaði til herfangelsis norður
af höfuðborginni, Damaskus. „Þrátt
fyrir að fjöldi hryllingsverka stjórn-
arinnar sé ljós teljum við að með
uppsetningu líkbrennslunnar vilji
hún reyna að breiða yfir þau fjölda-
morð sem eiga sér stað í Saydna-
ya.“
Jones sagði að gögn stjórnvalda í
Washingon væru frá trúverðugum
mannúðarsamtökum og bandarísk-
um leyniþjónustustofnunum.
Aðstoðarráðherrann gaf ekki upp
hve margir eru taldir hafa látið lífið
í fangelsinu, en vitnaði í skýrslu
Amnesty International þar sem því
er haldið fram að á milli 5 og 11
þúsund manns hafi verið drepnir
þar frá 2011 til 2015.
Umfangsmikil líkbrennsla
 Bandaríkjastjórn sakar Sýrlendinga um að breiða yfir
fjöldamorð í fangelsi  Þúsundir fanga drepnar síðustu ár?
Reuters
Grimmd Bashar al-Assad forseti, en
stjórn hans er sökuð um fjöldamorð.
Hættir við
framboð
Mohammad Bag-
her Ghalibaf, borg-
arstjóri Tehran,
höfuðborgar Írans,
hætti í gær við for-
setaframboð sitt.
Ghalibaf, sem er
mjög íhaldssamur,
var einn af sex
frambjóðendum
sem höfðu hlotið
leyfi klerkaráðsins
til þess að bjóða sig fram.
Ákvörðun Ghalibafs er talin auka
líkurnar á því að annar harðlínu-
maður komist í seinni umferð kosn-
inganna gegn Hassan Rouhani, sitj-
andi forseta.
Hvatti Ghalibaf stuðningsmenn
sína til þess að styðja við bakið á
Ebrahim Raisi á föstudaginn, en
hann er íhaldssamur klerkur og
dómari. Sagði Ghalibaf það nauðsyn-
legt fyrir „hagsmuni fólksins, bylt-
ingarinnar og landsins“ að Raisi
næði kjöri.
Mohammad
Bagher Ghalibaf
 Kosið í Íran
á föstudaginn
Stefán Gunnar Sveinsson
sgs@mbl.is
Forsvarsmenn Microsoft-tölvuris-
ans gagnrýndu í gær stjórnvöld í
Bandaríkjunum fyrir að hafa þróað
kóðann sem notaður var til þess að
gera netárásina á föstudaginn, þar
sem svonefnt gíslatökuforrit, sem
kallað er Wannacry, náði valdi á
meira en 200.000 tölvum víðsvegar
um veröldina og olli um leið talsverð-
um skaða. Á meðal þeirra stofnana
og fyrirtækja sem urðu fyrir skakka-
föllum vegna árásarinnar voru
breska heilbrigðiskerfið NHS,
spænska símafyrirtækið Telefonica,
og lestarkerfi Þýskalands.
„Ríkisstjórnir heimsins ættu að
líta á þessa árás sem ástæðu til þess
að vakna af værum draumi,“ sagði
Brad Smith, forstjóri Microsoft, á
vefsíðu sinni. „Árásin sýnir enn og
aftur hvers vegna það er vandamál
þegar ríki sanka að sér veikleika-
punktum,“ bætti hann við og vísaði
til þess að bandaríska þjóðarörygg-
isstofnunin NSA hefði hannað kóð-
ann sem tölvuþrjótarnir nýttu sér,
en kóðanum var stolið og lekið á net-
ið í síðasta mánuði.
Sagði Smith að frekari dæmi um
slíkan stuld sýndu að þetta væri við-
varandi vandamál. Væri þetta að
hans mati sambærilegt við það ef
stýriflaugum væri stolið úr vopna-
búri Bandaríkjanna.
Kallaði Smith eftir því að ríki
heims myndu gangast undir „Genf-
arsáttmála á netinu“, þar sem þeim
yrði gert skylt að láta framleiðanda
hugbúnaðar vita af veilum í honum,
frekar en að reyna að hagnýta sér
hann til notkunar í nethernaði.
Unnu vinnuna sína um helgina
Óttast var að ný árásarhrina
myndi hefjast í gær þegar fólk sneri
aftur til vinnu eftir helgina, en svo
virtist sem tekist hefði að koma í veg
fyrir það að mestu í Evrópu. „Fórn-
arlömbum virðist ekki hafa fjölgað
og ástandið virðist stöðugt í Evr-
ópu,“ sagði Jan Op Gen Oorth, tals-
maður evrópsku lögreglusamtak-
anna Europol, við AFP-fréttastof-
una. „Svo virðist sem margir tækni-
menn hafi unnið heimavinnuna sína
um helgina og uppfært hugbúnaðinn
eins og þurfti.“
Samkvæmt heimildum Europol
sýktust meira en 200.000 tölvur víðs-
vegar um heiminn af Wannacry-
gíslatökuforritinu, og sagði stofnun-
in árásina hafa verið „án allra for-
dæma“. Forritið er hið fyrsta sem
vitað er um, sem hegðar sér bæði
eins og ormur og gíslatökuforrit, en
þeir eiginleikar leyfa forritinu að
dreifa sér hratt um þau netsvæði
sem sýkjast, þar sem forritinu nægir
að komast inn á eina tölvu til þess að
smita aðrar tölvur sem tengdar eru
inn á sama net. Samkvæmt Europol
er nú unnið að þróun forrits sem get-
ur aflæst þeim tölvum sem sýktust,
en það gæti tekið sinn tíma.
Ættu að líta á árásina sem viðvörun
 Forsvarsmenn Microsoft gagnrýna Bandaríkjastjórn fyrir framleiðslu á „vopnum fyrir nethernað“
 Svo virðist sem tekist hafi að lágmarka skaðann af „Wannacry“-gíslatökuforritinu um helgina
Samkvæmt Europol sýktust meira en 200.000 tölvur í um 150 löndum
Wannacry-forritið fór um víða veröld
Heimild: Intel.malwaretech.com
Tveir súmóglímukappar halda hér á lofti grátandi
börnum fyrir framan dómarann í miðjunni í svokallaðri
„Barnagráts-Súmó“ keppni, sem haldin var á sunnu-
daginn í Shintohofinu í Sagamihara í Japan.
Um 150 börn undir tveggja ára aldri tóku þátt í hinni
árlegu keppni, en samkvæmt Shinto-trú eiga súmó-
glímukappar að geta látið börn gráta út úr sér ósk um
að þau muni vaxa úr grasi heilbrigð og hraust.
AFP
Glíma við að græta börn
Edouard Phil-
ippe, 46 ára
þingmaður Lýð-
veldisflokksins
og borgarstjóri
Le Havre, er nýr
forsætisráð-
herra Frakk-
lands. Macron
forseti tilkynnti
það í gær og í
dag kemur líklega í ljós hverjir setj-
ast í aðra ráðherrastóla.
Forsetinn gerir sér vonir um
stuðning við nýjan flokk sinn hvað-
anæva af hinu pólitíska litrófi, fyrir
þingkosningar í júní, og val á manni
utan eigin flokks í embættið er af
mörgum talið skynsamlegt skref í
átt til samstöðu í þeim pólítíska ólgu-
sjó sem nú ríður yfir Frakkland.
Philippe barðist ungur með Mic-
hel Rocard, forsætisráðherra Sósíal-
ista en varð, eftir pólitíska hægri
beygju, náinn samstarfsmaður Alain
Juppé, forsætisráðherra Lýðveldis-
flokksins. Hann er kvæntur Edith
Chabre, kennara við Sciences Pro
háskólann. Í frístundum skrifar
Philippe glæpasögur ásamt Gilles
Boyer og tvær hafa verið gefnar út.
Pennafær borgar-
stjóri í forsætið
MACRON MYNDAR STJÓRN
Edouard Philippe
www.danco.is
Heildsöludreifing
Danco hefur allt til að auðvelda veitingarnar hvort sem er
í veisluna, mötuneytið, kokteilboðið, skólaeldhúsið, alls staðar.
Forréttir, pizzur, smáréttir, forskornar tertur og fleira.
Eingöngu sala til fyrirtækja
Ljúffengt...
...hagkvæmt og fljótlegt
Veisluþjónustur
Pinnamatur í útskriftina
Fjölbreytt úrval af pinnamat og smáréttum í útskriftina