Morgunblaðið - 20.05.2017, Síða 35

UMRÆÐAN 35
MORGUNBLAÐIÐ LAUGARDAGUR 20. MAÍ 2017
• Tímasparnaður
• Engin kemísk efni
• Ódýrara
• Umhverfisvænt
• 6 x hreinna - betri þrif
• Vinnuvistvænt
• Minni vatnsnotkun Reykjavíkurvegi 64, Hafnarfirði, sími 555 1515, enjo.is
Heimilispakkinn
Fyrir gólfin
Fyrir þvottinnFyrir glugganaFyrir
heimilið
Vefverslun shop.enjo.is
Fyrir eldhúsiðFyrir baðherbergið
Við verðum á Amazing HOME SHOW
í Laugardalshöllinni 19.-21. maí
Tilboðs
verð
87.900 k
r.
2.442 kr
. á mán
uði
miðað v
ið 3ja á
ra
notkun
25 ára afmæli ENJO
Móðir Jörð
stynur
og henni blæðir
ekkert
er magnaðra
en ólgandi
tíðablóð
hennar
þessi glóandi ógn
sem þó
er bara neisti
í alheiminum.
Óvæntasta ævintýrið í mínu lífi var
að ganga á land í Surtsey sumarið
1964. Hún var þá gjósandi.
Þetta sumar var ég háseti á Stapa-
felli SH 15 og vorum við á síldveiðum
fyrir austan. Hinn 13. ágúst lönd-
uðum við í Neskaupstað, en svo var
haldið rakleiðis til Reykjavíkur vegna
alvarlegrar bilunar í spili. Þegar við
nálguðumst Surtsey var komið blíð-
skaparveður, logn og heiðríkja, og því
spegilsléttur sjór. Og þá mætti okkur
ógleymanleg sjón, kolsvört eyjan
með gíginn sem mesta sjónarspil.
Glóandi hraunleðjan sást slettast upp
úr gígnum og ekkert hef ég séð rauð-
ara. Æsingurinn í okkur var svo mik-
ill, að óðara vorum við búnir að taka á
filmurnar í gömlu myndavélunum
okkar. Við áttum enga von um að
komast í land í eynni og fá betra sjón-
arhorn. Við fórum suður fyrir eyna
og norður með henni að vestanverðu.
Og þarna nyrst á eynni var hin álit-
legasta fjara til lendingar. Og þar
sem sjórinn var algerlega gárulaus
var strax ákveðið að
fara í land á léttbátnum
og aðeins tveir eða þrír
menn urðu eftir um
borð. Úr fjöruborðinu
var greið gönguleið upp
á allstórt fell sem vik-
urgos hafði hlaðið upp.
Og þaðan gaf á að líta.
Gígurinn blasti við,
hvæsandi og blásandi.
Við sáum alveg ofan í
eimyrjuna þar sem hún
hentist barmanna á milli
eins og stórsjór væri.
Og þegar þessar öldur skullu saman,
eða í gígveggina, þá gusu sletturnar
hátt í loft. Glóandi eimyrjan sann-
arlega eldrauð en breytti strax um lit
í fallinu. Og þyturinn og hvæsið í
gígnum var hávært.
Við máttum ekki dvelja lengur við
þessa sjón. Fórum við suður af fellinu
og að hraunjaðrinum. Fylgdum hon-
um svo í boga að vesturfjörunni. Ekki
var fært út á hraunið, enda sást í
glóðina ef lyft var og kíkt undir hell-
urnar. Enn var sama ládeyðan þegar
við komum á móts við bátinn. Gekk
því vel að komast aftur um borð.
Og þessu gleymum við aldrei.
Í Surtsey
14. ágúst 1964
Eftir Helga
Kristjánsson
Helgi
Kristjánsson
» Óvæntasta ævintýrið
í mínu lífi var að
ganga á land í Surtsey
sumarið 1964.
Höfundur býr í Ólafsvík.
sandholt7@gmail.com
Hvert er hlutverk
alþingismanna okkar?
Hugsanlega má svara
því í einni setningu.
Að gæta þess að rétt-
læti ríki í landinu og
þá jafnt til lýðs og
lands.
Þó að við viljum búa
vel að fólkinu í land-
inu má það ekki
gleymast að okkur ber
skylda til þess að
ganga vel um þetta góða land sem
okkur hefur verið trúað fyrir og
verðum við að umgangast það af al-
úð og umhyggju.
Hvar í flokki sem þeir standa og
hver sem þeirra baráttumál kunna
að vera ættu þeir að geta fylgt því
meginatriði að setja ætíð réttlætið í
fyrsta sæti.
Æðsta hlutverk þeirra ætti að
vera það að móta þannig reglur að
allir landsins þegnar njóti réttlætis.
En á meðan unga fólkið okkar get-
ur ekki fengið þak yfir sig og börn-
in sín nota þingmenn sinn dýrmæta
tíma og ræða sig sveitta í umræðu
um það hvort það sé nú ekki bara
best við að bæta brennivíninu í hill-
ur matvörubúðanna. Ætli það sé
hugsað til hagsbóta fyrir unga fólk-
ið okkar og finnst ykkur þingmenn
góðir sem standið fyrir þess háttar,
tíma ykkar vel varið að nota hann í
slíkar umræður?
Ég neita að trúa því að við séum
ekki fólk til að gera unga fólkinu
okkar fært að búa sér og börn-
unum sínum heimili og þar með
framtíð í landinu okkar góða.
Skora ég hér með á
hina mörgu nýju þing-
menn okkar að taka
höndum saman og
virkilega að vinna að
því að koma lagi á
þessi mikilvægu mál
þjóðarinnar. Það vilja
allir fá þessi mál í lag
og þess vegna verður
að vinna í málinu.
Framtíð landsins
og húsnæðismálin
Það er nokkuð sem
við vitum öll að unga
fólkið er framtíð landsins okkar.
Hvað er það sem gerir það að
verkum að ekki tekst að byggja
þokkalegar íbúðir á viðráðanlegu
verði? Það er ástand sem alls ekki
er hægt að sætta sig við. Við ætl-
umst til að þingið okkar reyni að
hlúa að þessum málum. Númer eitt
væri kannski að þingið réði til þess
færa sérfræðinga að fara virkilega
ofan í kjölinn á því hvað það er
sem gerir byggingarkostnað svo
háan hjá okkur og skoða hvar skór-
inn kreppir. Þetta er ástand sem
einfaldlega verður að laga í þjóð-
félagi okkar.
Forsenda þess að lækka megi
þennan mikla byggingarkostnað
hlýtur að vera sú að þekkja til hlít-
ar hina ýmsu og mörgu kostn-
aðarliði við framkvæmdina þannig
að hægt sé að skoða hvar og hvern-
ig helst þurfi að sníða málin til.
Hugsanlega mætti ná kostnaði eitt-
hvað niður til að kallast mætti
ásættanlegur miðað við þarfir þjóð-
arinnar.
Hinn nýi fjármálaráðherra okkar
boðaði það um tíma að opna fyrir
gjaldeyrislán og þá væntanlega
með mun lægri vöxtum. Því miður
hanga dökk og dimm ský yfir þeim
málum.
Þeir sem fylgst hafa með málum
lands og þjóðar allt frá seinni hluta
síðustu aldar sjá það og vita að
gengið heldur ekki endalaust áfram
að hækka, það kemur að því að það
hrynur og þá getur orðið mikill
skarkali hjá þjóð okkar. Þess vegna
ættu engir að taka gengistryggð
eða erlend lán til húsnæðiskaupa
því þar með er snaran komin um
háls hins sama. Þó að þörfin kunni
að vera mikil, lokið augunum fyrir
slíku.
Verðtryggingin
Í dag eru sennilega flestir með
lán með verðbótaákvæðum og við
vitum hvað gerist þegar gengið
fellur, þá rjúka þau lán upp úr öllu
valdi og hverjir eru það sem það
kemur þyngst niður á?
Og hverjir eru það sem hagnast
mest á slíkum aðgerðum og jafnvel
spila með þannig atburðarás?
Endilega vinnum að því af fullum
heilindum að tryggja unga fólkinu
okkar farsæla afkomu og framtíð í
landinu okkar góða.
Hlutverk alþingismanna
Eftir Hjálmar
Magnússon »Æðsta hlutverk
þeirra ætti að vera
það að móta þannig
reglur að allir landsins
þegnar njóti réttlætis.
Hjálmar
Magnússon
Höfundur er fv. framkvæmdastjóri.