Skátablaðið Faxi - 01.12.1989, Page 3

Að vera viðbúin(n)
• Sr. Kjartan Örn Sigurbjörnsson
Þaö er gott til þess að vita aö þegar
skammdegið er mest að þá koma
blessuð jólin með birtu sína og yl. Það
styttir veturinn heilmikið að þessi Ijóss-
ins hátíð ber uþþ þegar sól er lægst á
lofti.
Það setur vissulega svip á umhverfið
þegar aðventuljósin koma í glugga og
Ijósaskreytingar á hús. Og síðan eru
það jólalögin sem eiga svo greiðan
aðgang inn í hug og hjarta. Já, aðvent-
an og jólin eru einstakur og dásamleg-
urtími.
En það sem ég hef minnst á hér að
ofan snýr frekar að ytri undirbúningi
jólanna heldur en þeim innri. Við léggj-
um töluvert á okkur til að vera viðbúin
komu jólahátíðarinnar. Og oft er það
ærið kostnaðarsamt að undirbúa komu
þessarar fjölskylduhátíðar. Hinn ytri
undirbúningur er fyrirferöamikill. En
samt er það ekki hann sem skiptir
mestu máli. Það vitum við. Við vitum
að þaö sem skiptir mestu máli er að
vera viðbúin hið innra. Að við búum
okkur undir komu Krists hið innra. Að
við erum undir það búin að við minn-
umst þess á jólunum að frelsari er
fæddur.
Orðið „aðventa" þýðir koma. Hann
er að koma sem er konungur konung-
anna. Og við eigum að nota aðventu-
tímann vel til að undirbúa okkur sem
best undir komu hans. Við eigum að
vera viðbúin eins og góðum skátum
sæmir.
Kirkjulegt starf er fjölbreytt á aðvent-
unni. I guðsþjónustum á aðventutím-
anum er minnt á spádóma um komu
frelsarans og í tali og tónum erum við
aftur og aftur minnt á það að „í fyllingu
tímans sendi Guð son sinn í heiminn".
Og það er enginn tilviljun að Ijósið skuli
vera tákn um Krist. Hann vitnaði-um
sjálfan sig og sagði: „Ég er Ijós heims-
ins“. Og þar sem andi Krists fær að
ríkja þar er birta og þar er ylur. Þar fær
góðvild, hjálpsemi og kærleikur að
ríkja. Og það er mikilvægt í veröld þar
sem svo víða er myrkur haturs, ofbeld-
is og óréttlætis.
Það er nú svo að þrátt fyrir 2000 ára
sögu kristni og kirkju þá er enn víða
þörf á boðskaþnum um konung kær-
leikans og friöarins. Skátar hafa fylkt
liði til baráttu fyrir því góða og jákvæða
í lífinu og í veröldinni. Það er ekki lítils
virði. Á jákvæöan og uppbyggilegan
hátt undirbúa skátar sig til átaka í lífinu
og ekki er vanþörf á því vegna þess að
það er auðvelt að tapa áttum og fara
villu vegar á þessari vegferð. Við
þurfum að vera viðbúin til að mæta
bæði blíðu og stríðu á þann veg að
það styrki okkur og verði til góðs fyrir
okkur sjálf og aðra.
Við skulum nota aðventuna og
jólahátíðina til að styrkja þá þætti í lífi
okkar sem efla það jákvæða í lífinu.
Þar getur hver og einn litið í eigin
barm. Ef til vill er það innan heimilisins
í samskiptum hjóna eða ef til vill
samskiptin milli barna og foreldra. Ef til
vill er einhver einmana eða sjúkur sem
vel gæti þegið heimsókn og athygli.
Það er á ótalvegu hægt að færa birtu
þar inn sem skammdegismyrkur ríkir.
Það er sannarlega í anda aðventunnar
og hinn rétti undirbúningur fyrir hátíð
friðar og Ijós að reynast náungi þeirra
sem eiga við erfiðleika að stríða.
Um leið og ég sendi skátum barátt-
ukveðjur og óska þeim velfarnaðar í
starfi og leik þá óska ég þeim gleði-
legra jóla og bæjarbúum öllum.
Kjartan Örn
Sigurbjörnsson.
3