Víkurfréttir - 20.10.2005, Side 29

VÍKURFRÉTTIR I 42. TÖLUBLAÐ I FIMMTUDAGURINN 20. OKTÓBER 2005 I 29
Ís lensk nátt úra býr yfir miklum fjársjóðum og má segja að hvert sem litið er
megi finna mikil listaverk sem
hafa orðið til án þess að mann-
legar hendur hafi komið þar
nærri. Það er alla vegana álit
Þorsteins Þórðar Sigurðssonar
í Reykjanesbæ sem hefur und-
anfarna mánuði búið náttúru-
lega hraunsteina til sýningar.
Á ferð sinni um Kapelluhraun
fann hann fyrir tilviljun nátt-
úruleg listaverk sem hann hafði
með sér heim og hefur lokið við
hönnun á átta styttum sem má
sjá hin ýmsu form út úr. Þar á
meðal eru Eldkirkjan og Föru-
konan sem Þorsteinn heldur sér-
staklega uppá. Hann útbjó birki-
plötur undir gripina, en hefur
að öðru leyti látið lögun stein-
ana halda sér að fullu. „Þessar
styttur eru frum raun mín á
þessu sviði,” sagði Þorsteinn í
samtali við Víkurfréttir. „Ég
veit annars ekki til að hliðstæð
hönnun hafi verið reynd þar
sem stytturnar hafa ekki verið
lagfærðar til á nokkurn hátt.”
Þorsteinn bætir því við að lista-
verkin séu náttúrusköpun og
vill sem minnst gera úr því að
hann sé listamaðurinn. Verkin
kallar hann „Íslenska Náttúru-
list” og segist leika forvitni á að
vita hvaða viðbrögð þau veki
hjá fólki og segist munu halda
ótrauður áfram með verkefnið
finni hann fyrir áhuga almenn-
ings.
Íslensk
náttúrulist í
Reykjanesbæ
Þorsteinn með
Förukonuna.
Í baksýn er
listaverk eftir
dóttur hans.