Víkurfréttir - 27.11.2014, Blaðsíða 6
6 fimmtudagurinn 27. nóvember 2014 • VÍKURFRÉTTIR
„Þetta eru fyrstu jólatónleikarnir
okkar frá því að Maggi Kjartans
byrjaði með sönghópinn fyrir
fimm árum. Hingað til höfum
verið að syngja á elliheimilum,
sjúkrahúsinu og á Ljósanótt,“
segja Steina Þórey Ragnarsdóttir
formaður og Ragnheiður Hall-
dórsdóttir gjaldkeri Sönghóps
Suðurnesja, en hópurinn mun
halda tónleika í Keflavíkurkirkju
fimmtudaginn 4. desember og
hefjast kl. 20:30. Þar mun söng-
og leikkonan Jana María Guð-
mundsdóttir stíga á stokk, auk
sönghópsins Víkinganna. Þá
munu þrír kórmeðlima syngja
einsöng, þau Katrín Jóna Ólafs-
dóttir, Guðmundur Hermanns-
son og Bjarni Geir Bjarnason.
Einnig ætlar Jóhann Smári Sæv-
arsson, stjórnandi Víkinganna, að
taka lagið.
Mikill metnaður
í stjórnandanum
„Þetta verður f jölbreytt og
skemmtilegt og við við munum
flytja skemmtileg og falleg jólalög í
léttum stíl. Bæði sem fólk þekkir og
ekki. Fastur kjarni Sönghópsins er
um 35 manns og við komum heim
af æfingu full af gleði í hjartanu.
Við erum líka dugleg að hittast og
gera ýmislegt annað en að syngja,“
segja Steina og Ragnheiður, sem
vilja taka sérstaklega fram að
hópurinn væri ekki sá sem hann
er ef Magnús Kjartansson væri ekki
við stjórnvölinn. „Hann er alveg
frábær, skemmtilegur og öflugur og
leggur mjög mikinn metnað í þetta
með okkur. Svo á hann svo auð-
velt með að draga fram það besta í
okkur öllum.“
Sögur frá gamla
tímanum slæðast inn
Steina og Ragnheiður segja að það
sé mikið hlegið inni á milli laga á
æfingum því Magnús komi allt-
af með svo skemmtilegar sögur.
„Hann leggur einhvern veginn
allt í þetta og það er svo greinilegt
hvað honum finnst þetta sjálfum
skemmtilegt. Það líka gaman fyrir
okkur sem eru alin upp hér að hann
læðir alltaf inn sögum frá gamla
tímanum inn á milli á tónleikum.
Þau sem mæta á 4. desember mega
því eiga von á frábærri skemmtun,“
segja þær að lokum, með von um
að Suðurnesjamenn leiti ekki langt
yfir skammt með upplyftingu á að-
ventunni.
X■ Fyrstu jólatónleikar Sönghóps Suðurnesja framundan:
„Maggi dregur fram
það besta í okkur“
-viðtal pósturXolgabjort@vf.is
Það líka
gaman fyrir
okkur sem
eru alin upp
hér að hann
læðir alltaf
inn sögum frá
gamla tím-
anum
Sönghópur Suðurnesja söng m.a. á Ljósanótt og við opnun Hljómahallarinnar á þessu ári.
Ragnheiður
og Steina.
vf.is
Útgefandi: Víkurfréttir ehf., kt. 710183-0319 P Afgreiðsla og ritstjórn: Krossmóa 4a, 4. hæð, 260 Reykjanesbæ, sími 421 0000 P Ritstjóri og ábm.: Páll Ketilsson, sími 421 0004, pket@vf.is
Fréttastjóri: Hilmar Bragi Bárðarson, sími 421 0002, hilmar@vf.is P Blaðamenn: Olga Björt Þórðardóttir, sími 421 0002, olgabjort@vf.is, Eyþór Sæmundsson, eythor@vf.is
Auglýsingastjóri: Sigfús Aðalsteinsson, sími 421 0001, fusi@vf.is P Hönnun og umbrot: Þorsteinn Kristinsson, sími 421 0006, steini@vf.is, Afgreiðsla: Dóróthea Jónsdóttir, sími 421 0000,
dora@vf.is, Aldís Jónsdóttir, sími 421 0000, aldis@vf.is P Prentun: Landsprent hf. P Upplag: 9000 eintök P Dreifing: Íslandspóstur P Stafræn útgáfa: www.vf.is, www.kylfingur.is
Tekið er á móti auglýsingum á póstfangið fusi@vf.is. Auglýsingar berist fyrir kl. 17 á þriðjudegi fyrir útgáfudag sem er almennt á fimmtudögum. Móttaka smáauglýsinga fer fram á vef Víkurfrétta, vf.is.
Smáauglýsingar berist fyrir kl. 15 á þriðjudögum. Ekki er tekið á móti smáauglýsingum í síma. Sé fimmtudagur frídagur þá kemur blaðið út á miðvikudögum og þá færist skilafrestur auglýsinga fram um einn
sólarhring. Efni til Víkurfrétta skal sendast á póstfangið vf@vf.is. Aðsendar greinar birtast á vef Víkurfrétta, vf.is. Það er mat ritstjórnar hvaða aðsendu greinar birtast í prentaðri útgáfu blaðsins.
Ekki er greitt fyrir aðsent efni, texta eða myndir, hvort sem það birtist í blaðinu eða á vefsíðum Víkurfrétta.
SÍMI 421 0000
Í flestum ef ekki öllum sveitarfélögum býr fólk sem þykir svo vænt um
bæinn sinn að það gefur mikið af tíma sínum í að efla samfélagið þar
á einhvern hátt. Þetta fólk er að finna í íþróttahreyfingunni, menn-
ingu, listum, stjórnmálum og víðar. Það sem þetta fólk á sameiginlegt
er að það er stolt af bænum sínum, talar vel um hann, þykir gott að
búa þar og á auðvelt með að sjá tækifærin til að hafa jákvæð og for-
dæmisgefandi áhrif á samborgara. Hugsjónir og leiðtogahæfni eru
orð sem gjarnan eru fest við svona fólk.
Menningarverðlaun Reykjanesbæjar, Súlan, eru ekki einungis veitt
fyrir gott starf að menningu og listum, heldur eru þau um leið hvatn-
ing til annarra um að láta gott af sér leiða. Guðný Kristjánsdóttir
hlaut Súluna í ár en hún hefur starfað og verið í stjórn Leikfélags
Keflavíkur í 25 ár og lifað og hrærst í menningarheimi bæjarins í
rúma þrjá áratugi. Í viðtali í nýjasta tölublaði Víkurfrétta segir Guðný
að leikhúsið hafi mikla þýðingu fyrir þá sem koma að horfa og auð-
vitað fyrir þá sem taka þátt. Stutt sé í slíka afþreyingu á höfuðborgar-
svæðinu því skipti máli að heimafólk sé duglegt að styðja menningu
í sínum heimabæ.
Eigendur hinnar rúmlega þrítugu verslunar Kóda taka í svipaðan
streng í viðtali í Víkurfréttum, en þær hvetja íbúa á svæðinu til að gefa
þeim séns og skoða vöruúrvalið. „Við erum alltaf að fá kúnna sem
eru búnir að verja heilum degi í Reykjavík sem þeir eru einhverjar
mínútur að versla hér,“ segja þær og að í raun geri fæstir sér grein
fyrir því hversu margar verslanir og þjónustufyrirtæki séu á svæðinu
og hvað þau standi fyrir.
Sem betur fer er alltaf til fólk sem vill styðja við verslun og þjónustu
í sínum heimabæ og leggur áherslu á að kaupa inn þar. Ástu Ben Sig-
urðardóttur, verslunarstjóra í Pennanum Eymundssyni, þykir t.a.m.
afar vænt um að verslunin sé stundum enn kölluð Bókabúðin, en hjá
fyrri eigendum hét hún Bókabúð Keflavíkur. „Hugurinn hjá þessu
fólki skiptir miklu máli,“ segir hún í viðtali við Víkurfréttir.
Það þyrfti kannski dálítið að „nostalgíuvæða“ hugarfarið meðal íbúa
á Suðurnesjum, finna kjarnann og minna á mikilvægi ákvarðana
hvers og eins um að leita ekki langt yfir skammt til að sækja list-
viðburði, menningu, verslun og þjónustu. Við viljum örugglega öll
hafa þetta allt til staðar og innan seilingar. Það er því að miklu leyti í
höndum íbúanna hvort mannlíf blómstrar í heimabænum, hvort sem
það er á aðventunni eða á öðrum tíma ársins.
Í okkar
höndum
-ritstjórnarbréf
Olga Björt Þórðardóttir skrifar
Jóhann Páll Kristbjörnsson, johann@vf.is
Afgreiðsla: Rut Ragnarsdóttir, sími 421 00, rut@vf.is, Aldís Jónsdóttir, ími 421 0000, a dis@vf.is P Prentun: La dspre t hf. P Upplag: 9000 eintök P Dreifing: Íslandspóstur
Stafræn útgáfa: www.vf.is, www.kylfingur.is