Víkurfréttir - 27.11.2014, Blaðsíða 22
22 fimmtudagurinn 27. nóvember 2014 • VÍKURFRÉTTIR
-íþróttir pósturX eythor@vf.is
Sunneva Dögg Friðriksdóttir og Kristófer Sigurðsson eru
fyrstu sundmenn ÍRB um nokk-
urt skeið til þess að ná yfir 750
FINA stigum en þau hafa bæði
unnið til fjölda Íslandsmeistara-
titla á undanförnum árum. Bæði
skipa þau sér í flokk með efni-
legra sundfólki landsins, jafnvel á
Norðurlöndum eða Evrópu ef út í
það er farið. Þau halda til Qatar í
Mið austurlöndum í vikulok þar
sem heimsmeistaramótið í 25
metra laug fer fram.
Sunneva, sem er 15 ára, er of ung
til þess að keppa á mótinu en mun
fara til Qatar á sérstökum styrk á
vegum FINA og stunda æfingar
meðal þeirra bestu í heiminum.
Hún segist vera orðin frekar spennt
enda um ansi framandi slóðir að
ræða. Sunneva hefur þó reynslu
í þeim efnum þar sem hún tók
þátt á Ólympíuleikum æskunnar
í Kína í sumar með liði Íslands.
Þar hlotnaðist henni sá heiður að
vera fánaberi liðsins. „Það var mjög
mikið öðruvísi í Kína. Ég býst við
að upplifa eitthvað svipað í Qatar.
Það er varla hægt að finna lýsingar-
orð til að lýsa reynslunni í Kína.
Það var svakaleg upplifun að sjá
topp sundmenn á heimsvísu.“
Sunneva segist hafa lært talsvert
af því að fylgjast með æfingum
og venjum þeirra bestu í Kína.
„Maður fær að ferðast mikið ef vel
gengur. Það er mjög hvetjandi til
þess að ferðast víða,“ segir Sunneva
sem núna stefnir nú á að komast á
heimsmeistaramót unglinga sem
haldið er í Singapore. „Skrýtnu
löndin sem fáir heimsækja heilla
sérstaklega.“
Sunneva er komin með 754 FINA
stig, en þau stig eru notuð sem
mælikvarði á styrkleika sund-
manna á heimsvísu. Hún er
ásamt Kristófer eini sundmaður
félagsins með yfir 750 stig að svo
stöddu. Sunneva er aðeins önnur
ÍRB kvenna til þess að ná þessum
áfanga, en ÍRB hefur átt alls átta
sundmenn sem hafa náð þessum
stigafjölda, þeirra á meðal er Erla
Dögg Haraldsdóttir Ólympíufari
og fyrrum Íþróttamaður Reykja-
nesbæjar. „Erla Dögg hefur alltaf
verið mín fyrirmynd, alveg síðan ég
man eftir mér. Hún hefur aðstoðað
mig mikið og það er gott að leita til
hennar,“ segir Sunneva. Það hefur
verið lengi verið markmið hennar
að ná yfir 750 FINA stig. Hún sér
fyrir sér að fara út í háskóla erlendis
þar sem hægt væri að nota sundið
til þess að fá skólastyrk. „Ég ætla
svo að reyna að komast á Ólympíu-
leikana í Ríó árið 2016.“
Sagði skilið við sælgæti
Hvað varðar mataræði sam-
hliða æfingum þá segir Sunneva
að hún borði nánast hvað sem
er, enda þurfi hún á mikilli orku
að halda við æfingar. Hún hefur
þó sagt skilið við sælgæti að svo
stöddu. „Ég ákvað svo sem ekki að
hætta borða nammi fyrir sundið
en manni líður bara miklu betur
þegar maður borðar hollt.“ Sunn-
eva hefur æft sund frá fimm ára
aldri og hefur því æft í tíu ár. Hún
æfir mikið að segir það vera lítið
mál að púsla öllu saman með góðu
skipulagi. „Mér hefur alltaf fundist
gaman í sundi. Það er bara númer
1, 2 og 3 að hafa gaman af þessu,
án þess nær maður litlum árangri.
Þetta er það erfið íþrótt.“
Qatar og Kína á
sama árinu
Keflvíkingurinn Kristófer Sigurðsson hefur komist í fremstu röð sund-
manna landsins á skömmum tíma. Á
uppskeruhátíð Sundsambands Íslands á
dögunum var hann valinn karlkyns sund-
maður Íslandsmeistaramótsins í 25 metra
laug fyrir árangur sinn í 400 metra skrið-
sundi, en hann varð Íslandsmeistari í þeirri
grein, en auk þess er hann Íslandsmeistari
í 100 og 200 metra skriðsundi. Hann mun
keppa á Heimsmeistaramótinu í Doha í
Qatar í þessum þremur greinum.
Hann setti sér það markmið
í vor að komast á mótið í
Qatar, en Kristófer segir
sundmenn stöðugt vera
að setja sér markmið,
hvort sem það snúist um
að bæta tækni, tíma eða
styrk. „Ég vissi að ég gæti
náð þessum tímum ef ég
æfði nóg. Ég útilokaði þetta
aldrei,“ segir sundmaður-
inn öf lugi. Stöðugur
stígandi hefur verið hjá
Kristófer á þessu ári og er hann sífellt að bæta
sig. Hann segir engan leyndardóm liggja að baki
þessum árangri, en líklega hefur jákvætt við-
horf breytt miklu. „Þetta er bara spurning um
að vera jákvæður og aldrei efast um getu sína.
Aldrei draga sjálfan þig niður með neikvæðum
hugsunum, þá nærðu aldrei því sem þú ætlar
þér,“ segir hann. „Það er mikilvægt að vera með
hausinn í lagi. Þetta er bara þú og vatnið þegar
uppi er staðið,“ bætir hann við.
Það er ekki langt síðan að Kristófer íhugaði að
hætta í sundi. Árangurinn lét þá á sér standa
og ekki var mikið um bætingar. Svo skyndilega
breyttist allt. „Ég var góður þegar ég var 11-12
ára. Næstu ár eftir það voru frekar erfið hjá mér.
Ég var ekki langt frá því að hætta á tímabili.
Síðan allt í einu þá fór ég að bæta mig töluvert,
ég veit ekki alveg hvað gerðist,“ en það var bara
síðast fyrir rúmu ári síðan að Kristófer íhugaði
að hætta að synda. „Ég er mjög feginn í dag að
hafa ekki hætt,“ segir hann en í dag er Kristó-
fer að daðra við að vera í heimsklassa í sund-
inu. „Það er skrýtið að hugsa til þess að hafa
náð þessum árangri svo skömmu eftir að hafa
hugsað um að hætta, en á sama tíma skemmti-
legt til þess að hugsa.“
„Ég hef þurft að hafa heilmikið fyrir þessu og
mikil vinna að baki þessum árangri.“ Þar er
Kristófer ekkert að ýkja en hann syndir að jafn-
aði 10-12 sinnum í viku. Lyftir fimm sinnum og
stundar svo jóga líka. „Það koma alveg tímar þar
sem erfitt er að fókusa enda er auðvelt að finna
sér afsökun fyrir því að æfa ekki. En maður rífur
sig alltaf upp og æfir af krafti. Það er eina leiðin
til þess að ná þeim árangri sem maður stefnir
að.“
Af hverju ekki?
Hann segist sáttur við frammistöðu sína á ÍM25
á dögunum. „Ég hefði viljað ná A-lágmörkum í
400 metra skriðsundi en ég var grátlega nærri
því,“ en Kristófer ætlar sér að ná þessum A-
lágmörkum í 200 og 400 metra skriðsundi á
mótinu í Qatar, þá verður hann sáttur. Hann á
sér háleit markmið og gælir jafnvel við það að
fara á stærsta sviðið, sjálfa Ólympíuleikana árið
2016. „Það væri alls ekki leiðinlegt að fara á Ól-
ympíuleikana í Ríó. Af hverju ekki?“
-Sunneva Dögg er sundkona á uppleið
Komst í heimsklassa eftir að hafa íhugað að hætta
- Jákvætt viðhorf gerir gæfumuninn