Víkurfréttir - 16.04.2015, Blaðsíða 12

12 fimmtudaginn 16. apríl 2015 • VÍKURFRÉTTIR
Hljómahöllin hefur hýst árshátíðir, fundi, óvissuferðir, tónleika og sýningar fyrsta árið:
25 þúsund gestir
Á árinu 2014 komu um 25 þúsund gestir í Hljómahöll og rúmlega fimm þúsund gestir á Rokksafnið. Þá er ekki meðtalinn allur
sá fjöldi sem kom á opnunarhátíðina 5.-6. apríl sem var áætlaður í
kringum tvö þúsund manns. Tómas Young, framkvæmdastjóri Hljóma-
hallar segir meirihluta gesta vera Íslendinga, í kringum 90% en fjöldi
erlendu gestanna hafi aukist eftir því sem leið á árið. Fyrir utan Rokk-
safnið og aðrar sýningar er vinsælt að hafa viðburði, árshátíðir, fundir
og fleira í Hljómahöll. Þörfin hafi klárlega verið brýn.
„Það tekur auðvitað tíma að byggja þetta upp sem aðdráttarafl fyrir ferðamenn; eitthvað
sem ég þarf að minna mig á annað slagið. Flestir gestir koma í hópum og það eru ýmist
fyrirtæki, félagasamtök, klúbbar, vinahópar og fleira sem koma að ógleymdum leikskóla- og
grunnskólahópunum sem koma reglulega til okkar hvaðanæva af landinu,“ segir Tómas og
bætir við að mest hafi komið honum og í raun öllum á óvart var hversu mikið er sótt í húsið.
„Ótrúlega margir vilja koma og sjá safnið og leigja salina og nýta þá þjónustu sem við höfum
upp á bjóða. Húsið fékk auðvitað mikla athygli í fjölmiðlum við opnun þess og í ljós kom
að þörfin á svona húsi er töluvert meiri en okkur óraði nokkurn tímann fyrir. Ég hef fengið
spurningar frá starfsmönnum oftar en einu sinni hvort að ég sé að reyna ganga frá því vegna
þess hve mikið hefur verið að gera á tímabilum. Sem er auðvitað mjög jákvætt og það hefur
aldrei verið lognmolla í kringum Hljómahöllina. Það er alltaf eitthvað í gangi, hvort sem það
eru viðburðir, hópar að koma í heimsókn, útleiga á sölum eða undirbúningur sýningar um
Pál Óskar. Það er búið að vera mikið fjör og mikil vinna sem hefur þurft að inna af hendi á
þessu fyrsta ári.“
Hissa á fjölda þekkts listafólks frá Íslandi
Samtals sex starfsmenn starfa í Hljómahöll en auk þess segir Tómas ansi langan lista vera
af fólki sem sé lausráðið og komi þegar þörf sé á stórum viðburðum. „Að mínu mati vantar
í Reykjanesbæ fleiri aðdráttaröfl svo að erlendir ferðamenn sjái hjá sér ástæðu til að heim-
sækja bæjarfélagið og ég held að Rokksafn Íslands sé stórt skref í áttina til að laða að erlenda
gesti.“ Hann telur að ef gerði yrði könnun á því hvers vegna erlendir ferðamenn væru staddir
í Reykjanesbæ væri stór hluti þeirra annað hvort nýlentir eða á leiðinni í flug og nýta sér
bæjarfélagið sem fyrsta eða síðasta áfangastað ferðar sinnar vegna nálægðarinnar við flug-
völlinn. „Með Rokksafni Íslands er komið aðdráttarafl sem snýst um íslenska rokk- og
poppsögu og þeir eru ansi margir erlendir gestirnir sem eru komnir til landsins til að fara
á tónlistarhátíðir og margir þeirra hafa heyrt minnst á Björk, Sigur Rós, Of Monsters and
Men, Emilíönu Torrini og fleiri tónlistarmenn sem koma héðan. Eins og við höfum fengið að
kynnast að þá eru mjög margir erlendir gestir forvitnir um forsöguna og finnst ótrúlegt, eins
og svo mörgum reyndar, hversu margar frægar hljómsveitir koma frá þessu litla landi okkar.
Liður í því að fá enn fleiri ferðamenn í bæjarfélagið er að fjölga og búa til aðdráttaröfl, þó að
þau séu manngerð, hvort sem það eru söfn, tónlistarhátíðir eða annað,“ segir Tómas.
Skólastjóri Tónlistarskóla Reykjanesbæjar segir meiri skólabrag yfir öllu:
Stærsti gróðinn að fá
allt undir sama þak
„Þetta er allt annað líf í sinni dýpstu merkingu og okkur líður afskap-
lega vel hér. Þetta er frábært húsnæði og rúmar okkar starfsemi vel og
það fer óskaplega vel um okkur. Hér er ekki einungis pláss fyrir kennslu
heldur alla aðra vinnu kennaranna. Hún var ekki til staðar í hinum
húsunum. Stofufjöldi, stofustærðir, æfingaðstaða, tónleikasalir sem við
höfum aðgang að og biðaðstaða fyrir nemendur,“ segir Haraldur Árni
Haraldsson, skólastjóri Tónlistarskóla Reykjanesbæjar.
Meiri skólabragur yfir öllu
Meðal stærstu breytinga við það að fara í nýtt húsnæði segir Haraldur vera að miklu meiri
skólabragur sé á starfseminni en vonir stóðu til. Aðstaða sé fyrir hljóðfærakennslu í öllum
grunnskólum og áður hafi töluvert margir kennarar verið áfram í skólunum því aðstaðan var
betri en í tónlistarskólunum. „Kennarar hittust í raun aldrei nema þegar kennarafundir voru.
Í dag hittist fólk og tekur saman kaffi- og matartíma. Þar með verða miklu meiri fagleg og
persónuleg samskipti sem skila sér í meira samtstarfi og starfsánægju. Það er svo nauðsynlegt
í kennslu að geta borið saman bækur sínar. Vinnustaðurinn verður einnig eftirsóknarverðari
fyrir vikið og stærsti gróðinn er að fá allt undir sama þak.“
Íhuguðu að fjárfesta í sendibíl
Húsnæðið í Hljómahöll er til mikillar fyrirmyndar og skipar sér í fremstu röð í Evrópu.
Haraldur og félagar hafa frá flutningi skólans tekið á móti miklum fjölda gesta, m.a. kenn-
arahópum sem skoða aðstöðuna á starfsdögum og um leið forvitnast um starfsemi skólans.
„Hún hefur vakið landsathygli.
Og um leið hafa hóparnir nýtt
sér ýmsa þjónustu sem í boði er
í bænum og það er jákvætt fyrir
samfélagið,“ segir Haraldur.
Spurður um hvort nemenafjöldi
hafi aukist mikið segir hann
það ekki vera. „Það getur vel
verið að skólagjöldin hafi ein-
hver áhrif en þau eru samt ekki
svimandi há. Mitt markmið er
að ná skólanum upp í 400 nem-
endur fyrir utan forskólann, við
erum um 360 núna. Þetta snýst
líka um heimildir til stöðugilda
og þar erum við þokkalega sett,
en þyrftum samt aukingu.“
Skólastarf á að snúast um gæði
Haraldur tekur þó fram að skólastarf þurfi þó fyrst og fremst að snúast um gæði. „Það er ekki
nóg að hafa marga nemendur, við þurfum að bæta okkur þar sem við vitum að við getum
bætt okkur og halda áfram að gera vel það sem við gerum vel. Það skilar sér klárlega. Við
getum a.m.k. ekki kennt aðstöðunni um ef við viljum gera betur,“ segir hann hlæjandi og
bætir við að nýja húsnæðið eigi eftir að sækja í sig veðrið í framtíðinni og skólinn líka. „Við
vorum alltaf með sendibíl sem fór með þung hljóðfæri og búnað á milli húsa. Á tímabili var
rætt í gríni og alvöru hvort skólinn ætti að fjárfesta í sendibíl. Það var engin aðstaða til tón-
leikahalds í hinum húsunum og allir flutningar slíta hljóðfærum og því verður öll meðferð á
búnaði eftir því. Núna færum við okkur bara yfir í Berg og Stapa,“ segir Haraldur, afar bjart-
sýnn fyrir hönd allra sem nýta húsið.
-viðtal pósturu olgabjort@vf.is
Hljómahöll og Tónlistarskóli Reykja-
nesbæjar eins árs í nýju húsnæði