Víkurfréttir - 30.04.2015, Blaðsíða 14

14 fimmtudagur 30. apríl 2015 • VÍKURFRÉTTIR
-viðtal pósturu olgabjort@vf.is
Sótti söngtíma hjá merku fólki
Þegar Guðmundur er beðinn um að rifja upp hvar hann man
eftir að hafa sungið fyrst, telur hann það hafa verið í barna-
skólanum þegar hann var 12 ára. „Þá söng ég einsöng hjá
Valtý Guðjónssyni. Svo söng ég dálítið í Reykholti þegar ég
var þar. Þar byrjaði maður á dægurlögunum. Svo spilaði ég í
Ungó með hljómsveitum en það varð ekkert meira úr því sem
betur fer.“ Eftir það sótti Guðmundur söngtíma hjá merku
fólki eins og Maríu Markan og Stefán Íslandi og sérstaklega
Sigurði Demetz. „Hann var alveg frábær söngkennari. Allt
fram á sjötugsaldurinn var hann með mig í tímum og ég
þakka það mjög mikið í dag,“ segir Guðmundur. Honum
finnst tónlistin hafa mikið breyst í tímans rás og poppið
heldur yfirgnæfandi.
Hringdi í frúna til að láta renna í bað
Að vonum hefur Guðmundur kynnst mörgum í gegnum
árin í aðalstarfi sínu sem sendibílstjóri og farið víða. „Maður
stundaði nú erfiða vinnu. Fyllti bílinn að morgni í Reykjavík
og stundum varð maður að hringja og biðja frúna að láta
renna í baðið svo að maður næði að syngja jarðarfarir.“
Spurður um hvort einhvern tímann hefði komið til greina að
gera sönginn að aðalstarfi segir Guðmundur það ekki hafa
verið möguleika á þeim tíma. „Maður tók voða lítið fyrir
þetta, sama og ekkert. Það var ekki í tísku þá að taka mikið
fyrir söng. Núna er rándýrt að fá þetta fólk.“ Áhugasvið Guð-
mundar í söng liggur aðallega í léttum aríum og óperettum.
„Þegar ég var í karlakórnum tókum við dálítið af óperettu-
lögum og kvartettum. Keflavíkurkvartettinn varði því miður
bara í 10 ár, en það var farið víða meðan á því stóð.“
Karlakórinn annað heimili
Guðmundur var formaður Karlakórs Keflavíkur í 17 ár og
segir hann félagsskapinn hafa verið hans annað heimili.
„Þegar hús karlakórsins við Vesturbraut var byggt urðum við
að vinna sjálfir og borga sjálfir kostnað. Við höfðum þarna
duglega menn sem því miður eru margir fallnir frá. Þetta var
dásamlegur félagsskapur. Ég þekki félagsskapinn ekki í dag
því ég hætti að syngja með þeim fyrir dálitlu síðan. Það tekur
allt enda.“
Spurður segir Guðmundur ekki standa til að troða upp vegna
útgáfu disksins. Hann þakkar það að heilsan sé nógu góð til
að syngja og gaman sé að syngja fyrir samborgara sína á Nes-
völlum. „Það er virkilega gaman. Alveg meiriháttar.“
Keflvíski heldri borgarinn Guðmundur Haukur Þórðarson gaf nýverið
út geisladisk þar sem hann syngur nokkur af sínum uppáhaldslögum sínum.
Víkurfréttir hittu Guðmund á Nesvöllum, þar sem hann tók lagið í tilefni af
útgáfu disksins og spurðu hann m.a. hvað hafi komið til þess að maður á hans
aldri, 85 ára, hafi látið verða af slíku. „Mig langaði alltaf að eiga fleiri upp-
tökur af söng mínum. Það var ekki um mikið að ræða, en þetta safnast svona
þegar saman kemur.“ Sonur hans, Þórður, vann að mestu leyti í að safna
upptökunum saman en einnig annar sonur hans, Steinar. Raddir þeirra hljóma
undir í sumum laganna. Á disknum er samansafn laga sem Guðmundur hefur
sungið með karlakórum í Keflavík og Hafnarfirði. „Sum lögin voru töluvert
spiluð í útvarpinu og sonur Inga, tökumaðurinn, fann ýmislegt fyrir okkur. Má
segja hist og her.“
■■ 85 ára lætur gamlan draum rætast og gefur út geisladisk:
FRÚIN LÉT RENNA Í BAÐ FYRIR
JARÐARFARASÖNGINN
Guðmundur Haukur tók lagið á Nes-
völlum og Steinar sonur hans lék undir.
HYUNDAI Santa fe crdi.
Árgerð 2008, ekinn 136.000 km, dísel, sjálfskiptur.
Verð 2.690.000,-
HYUNDAI I30 comfort wagon.
Árgerð 2008, ekinn 125.000 km, bensín, sjálfskiptur.
Verð 1.550.000,-
HYUNDAI I10 gl.
Árgerð 2013, ekinn 29 Þ.KM, bensín, 5 gírar.
Verð 1.580.000,-
HYUNDAI I40.
Árgerð 2012, ekinn 79.000 km, dísel, sjálfskiptur.
Verð 3.790.000,-
HYUNDAI I20 classic.
Árgerð 2013, ekinn 62.000 km, bensín, 5 gírar.
Verð 1.690.000,-
TIL
BO
Ð
VEGNA MIKILLAR SÖLU VANTAR OKKUR BÍLA Á SKRÁ STRAX
Þú finnur bíl sem
hentar þínum þörfum.
Lykill fjármagnar allt að 80%
af kaupverði bílsins.
Við aðlögum
greiðslubyrðina
að þínum fjárhag.
4 2 0 0 4 0 0 Bolafótur 1 - 260 Reykjanesbæ - Sími 420 0400
gebilar@gebilar.is - www.gebilar.isUmboðsaðili Umboðsaðili