Víkurfréttir - 30.04.2015, Blaðsíða 26

26 fimmtudagur 30. apríl 2015 • VÍKURFRÉTTIR
Þegar Erla Guðmunds-dóttir kom í fyrsta
skiptið inn á skrifstofuna
mína, í ágústmánuði
2006, sagði ég henni að
Keflavíkursókn ætti eftir
að verða besti söfnuður
á Íslandi. Ekki vissi ég á þeirri stundu
hvernig við ætluðum að ná því mark-
miði, og raunar er minnist ég þess
ekki að hugmyndin hafi áður kviknað
í kolli mínum. Eftir á að hyggja, þá
var það þessi nýjasti liðsmaður
kirkjunnar, sem lét mig missa þessa
yfirlýsingu út úr mér. Áhugi hennar
var svo smitandi og ekki fór á milli
mála hversu sterkar taugar hún bar til
safnaðarins.
Erla - eða séra Erla eins og hún varð
síðar - er Suðurnesjakona eins og þær
gerast bestar. Hún á ættir að rekja til
fólks sem ól önn fyrir Keflavíkurkirkju,
ræsti hana, snyrti og lagaði það sem
laga þurfti. Formæður hennar saum-
uðu altarisdúka og lögðu mikið á sig til
að þetta hjarta samfélagsins, væri um
leið prýði þess og stolt. Þetta fólk leit
á hina öldnu og tignarlegu byggingu
sem framlengingu af eigin heimili og
eigin lífi og þannig hugsar séra Erla
líka. Ekki er annað hægt en að hrífast af
þeim metnaði sem hún ber til safnaðar-
starfsins. Upp úr þeim jarðvegi vann
söfnuðurinn sín afrek.
Já, kraftaverkin áttu eftir að gerast. Á
sama tíma og kirkjan var skuldug upp
fyrir hnettina tvo sem tróna á turn-
inum, reif hópur leiðtoga kirkjustarfið
upp í sögulegar hæðir. Á þeim dögum
þegar samfélagið suður með sjó var í
áfalli eftir þá miklu ágjöf sem fylgdi
brottflutningi hersins og heilu efna-
hagshruni, blómstraði grasrótarstarfið
í Keflavíkurkirkju. Þegar aðrir söfnuðir
á Íslandi drógu svo úr æskulýðsstarfi að
það varð vart svipur hjá sjón, streymdi
fólk í barnastarfið í Keflavíkurkirkju. Í
samstarfi við KFUM og KFUK á Suður-
nesjum, útskrifaði söfnuðurinn leið-
toga á sviði æskulýðsmála í stórum stíl.
Fermingarfræðslan batnaði ár frá ári og
sífellt fjölgaði sigrunum. Nýtt fólk slóst
í hópinn með nýja krafta og endalausar
hugmyndir, innblásið af þeirri elju sem
fylgir séra Erlu.
Það gerist ekki oft að ég reynist sann-
spár, en þarna síðsumars fyrir níu árum
hitti ég naglann á höfuðið.
Núna hefur þessi söfnuður tækifæri á að
sýna prestinum með Suðurnesjahjartað
stuðning sinn. Það gerir fólk með því að
greiða henni atkvæði í þeim kosningum
sem framundan eru. Sannarlega var það
mikið brautargengi að 1944 kosninga-
bær sóknarbörn skyldu undirrita yfir-
lýsingu um að kosning fari fram. Nú
þarf að stíga skrefið til fulls og setja x
við séra Erlu. Hún verðskuldar það og
Keflavíkurkirkja mun áfram blómstra
með hana sem sóknarprest.
Skúli Ólafsson
Í lögum um grunnskóla segir að nemendur eigi rétt á að komið sé
til móts við námsþarfir þeirra í al-
mennum grunnskóla án aðgreiningar,
án tillits til líkamlegs eða
andlegs atgervis.
Að mínu mati er þetta
mjög góð stefna. Engin
tvö börn eru eins. Skólinn
á að laga sig að því og að
þörfum þeirra. Öll börn
eiga rétt á að fá að vera
með öðrum börnum í námi og leik.
Ekkert barn á að útiloka eða beita mis-
munun. Ég held líka að þessi stefna um
skóla án aðgreiningar sé ekki bara mjög
góð fyrir þau börn sem þurfa á sér-
stökum stuðningi að halda. Ég er jafn-
sannfærður um að hún er ekki síður
góð fyrir þau börn sem ekki þurfa á
sérstökum stuðningi að halda. Það er
nefnilega svo þroskandi að kynnast alls
konar fólki og mismunandi aðstæðum
þess, læra að setja sig í spor annarra og
taka tillit til þeirra. Ef börnin okkar læra
það vel njóta þau sín öll miklu betur í
samfélagi sem byggist á virðingu fyrir
öðru fólki, tækifærum fyrir alla, tillits-
semi og málamiðlunum. Og ég held að
við viljum öll að börnin okkar tileinki
sér þá hæfni og það hugarfar.
Betra samfélag
Ef við gerum þetta almennilega verður
samfélagið okkar ekki bara mann-
eskjulegra og mannlífið fjölbreytt-
ara og skemmtilegra. Við förum þá
líka mun síður á mis við þann mikla
mannauð sem býr í öllum þeim fjöl-
mörgu börnum sem þurfa á sérstökum
stuðningi að halda í námi sínu, sum
tímabundið en önnur lengur. Þannig fá
þau tækifæri til að vera með og leggja
sitt af mörkum eftir getu hvers og eins.
Skóli án aðgreiningar sem er vel búið
að stórbætir því ekki bara lífsgæði mjög
margra barna og aðstandenda þeirra.
Hann eykur einnig mikið líkur á að
börnin nái árangri í náminu og finni sér
störf við hæfi þegar þau verða fullorðin.
Það er því til mjög mikils að vinna. Það
er afar mikil sóun að láta marga verða
óvirka í samfélaginu og lenda jafnvel
út á jaðri þess og þurfa þess vegna á
miklum og kostnaðarsömum stuðningi
að halda, jafnvel ævina á enda.
Hvernig stöndum við okkur
En hvernig búum við að skólunum sem
eiga að vera án aðgreiningar þannig að
börnin okkar fái notið þeirra tækifæra
sem í því felast og geti tekið virkan þátt
í samfélagi án mismununar?
Við stöndum okkur alls ekki nógu vel í
því, finnst mér. - Og hvers vegna finnst
mér það?
Vegna þess að við leggjum allt of lítið í
að greina þarfir þeirra mörgu barna sem
þurfa á stuðningi að halda. Og það þó
að þær greiningar séu augljóslega for-
senda þess að skólarnir og kennararnir
geti vitað hverjar þarfir þeirra eru. Er
ekki augljóst að þannig geta þeir miklu
betur sniðið kennsluna að þörfum
hvers og eins barns og veitt þeim þann
stuðning sem mestum árangri skilar.
Biðlistar og biðtími eftir nauðsynlegum
greiningum fyrir börn sem eru með
einhvers konar raskanir vegna fötlunar,
ofvirkni og/eða athyglisbrests (ADHD),
einhverfu eða af geðrænum ástæðum
eru of allt of langir. Börn með talmein
og málþroskaraskanir eru mjög mörg
og það spillir lífsgæðum þeirra og
möguleikum til náms og þar með tæki-
færa í lífinu ef þau fá ekki viðeigandi
greiningar og þjálfun þegar þau eru
ung. Þjónusta við þessi börn er allt of
ómarkviss og mismunandi milli sveitar-
félaga og þjónustusvæða og svo er oft
kostnaðarsamt að sækja hana sem leiðir
augljóslega til að börnunum er mis-
munað vegna fjárhagsstöðu foreldra
eða félagslegra aðstæðna.
Aðstæður kennara
Endurmenntun er skorin við nögl fyrir
kennara um hvernig megi koma auga
á ýmiss konar raskanir hjá börnum
og hvernig árangursríkast er að mæta
þörfum þeirra í námi og félagslega. Og
þá segja talsmenn samtaka sem vinna
með hagsmuni barna að leiðarljósi að
ekki sé lögð mikil áhersla á þá þekk-
ingu og þjálfun í skyldunámi fyrir alla
kennaranema sem stunda nám í kenn-
araskólum sem ríkið rekur. Þetta sama
ríki hefur sett stefnuna góðu um skóla
án aðgreiningar sem gerir ráð fyrir því
að börnum með sérþarfir sé kennt með
öðrum börnum og í sömu skólastofum
og af öllum kennurum.
Er þetta ásættanlegt? - Er nægilega vel
að því staðið af hálfu menntamálayfir-
valda að hrinda stefnu um skóla án að-
greiningar í framkvæmd og búa þannig
að skólum og kennurum að þeir geti
náð þeim mikilvægu markmiðum sem
að er stefnt?
Nei, því miður svo er alls ekki. - Og
þetta er að sjálfsögðu langt frá því að
vera ásættanlegt.
Barnasáttmáli
Sameinuðu þjóðanna
Ísland fullgilti Barnasáttmála Samein-
uðu þjóðanna árið 1992 og hann hefur
verið tekinn í íslensk lög. Barnaréttar-
nefnd Sameinuðu þjóðanna sem hefur
eftirlit með því hvernig aðildarríki að
sáttmálanum uppfylla skyldur sínar
hefur gert alvarlegar athugasemdir við
hversu langir biðlistar og biðtími er á
Íslandi eftir greiningum fyrir börn með
ofvirkni og athyglisbrest (ADHD) og
aðrar slíkar raskanir.
Finnst okkur viðunandi að þetta sé
svona í okkar ríka landi og að ekki hafi
verið úr þessu bætt þó að þetta stangist
á við skyldur okkar samkvæmt Barna-
sáttmálanum ?
Eigum við ekki að leyfa Barnaréttar-
nefnd Sameinuðu þjóðanna að einbeita
sér að því að bæta kjör og stöðu barna
í mjög fátækum löndum þar sem fjár-
skortur er raunverulegt vandamál og
hindrun.
Hjá okkur er þetta bara spurning um
vilja stjórnvalda og forgangsröðun.
Páll Valur Björnsson
Þingmaður Bjartrar framtíðar
-aðsent pósturu vf@vf.is
Það var ánægju-legt að fylgjast
með 14 unglingum
taka þátt í fyrstu
borgaralegu ferm-
ingunni í mínum
gamla heimabæ,
Reykjanesbæ þann
18. apríl sl. At-
höfnin fór fram að viðstöddu fjöl-
menni í sal Fjölbrautaskólans.
Í kjölfar athafnarinnar hafa margir
spurt hvað borgaraleg ferming sé?
Fyrsta borgaralega fermingin fór
fram hér á landi árið 1989 þegar
sextán börn fermdust. Í ár eru þau
305. Borgaralegar fermingar tíðkast
víðar en á Íslandi og eru sérstaklega
vinsælar í Noregi. Þar fór fyrsta
borgaralega fermingin fram árið
1951 og var þá Gro Harlem Brunt-
land, fyrrverandi forstætisráðherra
Noregs, á meðal fermingarbarna.
Tilgangur borgaralegrar fermingar
er meðal annars að efla heilbrigð
og farsæl viðhorf unglinga til lífs-
ins með uppbyggilegri fræðslu.
Á fermingarnámskeiðunum er
megináhersla lögð á að efla um-
hugsunarvirkni barnanna með því
að þjálfa gagnrýna hugsun og þátt-
töku í heimspekilegum samræðum
þar sem meðal annars er tekist á
við ýmis siðferðileg álitamál.
Eins og annars staðar þar sem borg-
aralegar fermingar tíðkast er orðið
ferming notað enda hefur orðið
ýmsar merkingar. Ein merking
orðsins felst í að styðja og styrkja
og er litið svo á að með borgara-
legri fermingu sé verið að styðja
og styrkja unga fólkið í að verða
heilsteyptir og ábyrgir borgarar í
lýðræðislegu samfélagi.
Félagið Siðmennt stendur fyrir
borgaralegum fermingum og geta
öll ungmenni tekið þátt burtséð frá
trúar- eða lífsskoðunum.
Jóhann Björnsson
formaður Siðmenntar
■■ Jóhann Björnsson,
formaður Siðmenntar, skrifar:
Borgaraleg ferm-
ing á Suðurnesjum
Föstudaginn 8. maí frá kl. 13:00 til kl. 18:00 verður kosið til sóknar-
prests við Keflavíkurkirkju. Alls
bárust Biskupi Íslands 1944 undir-
skriftir frá sóknarbörnum í Keflavík
sem óskuðu þess að kosning færi fram
um embætti sóknarprests, sem dugði
til þess að knýja fram kosningu. Er
það mikill sigur fyrir sóknarbörn að
fá að velja sér sjálf sóknarprest í stað
þess að stóla á valnefnd Biskupsstofu
sem fara þyrfti eftir fyrirfram skil-
greindum tilmælum sem taka m.a.
ekki mið af því að sóknarprestur hafi
búsetu í bæjarfélaginu.
Nú er ljóst að Sr. Erla Guðmundsdóttir
sem starfað hefur við Keflavíkurkirkju í
tæplega 10 ár og 6 ár sem prestur, er eini
umsækjandinn um stöðu sóknarprest í
Keflavíkurkirkju. Því verður kosið um
hana eina. Það að enginn annar sæki
um stöðuna gefur til kynna að prestar
lýsi yfir stuðningi við Sr. Erlu. Hún
hefur sinnt starfi sínu af alúð og er vel
liðin innan kirkjunnar.
Erla er fædd og uppalin í Keflavík og
hefur sterk tengsl við bæjarfélagið. Hún
hefur unnið frábært uppbyggingarstarf
undir handleiðslu og í samstarfi við Sr.
Skúla og Sr. Sigfús prestana við Kefla-
víkurkirkju. Safnaðarstarfið með þeim
fjölmörgu sjálfboðaliðum og sú sátt
sem ríkt hefur í söfnuðinum undan-
farin ár er rómuð langt út fyrir Kefla-
víkurkirkju.
Við stuðningsmenn Sr. Erlu erum sann-
færð um að hún sé bæði vel að emb-
ættinu komin og reynslumikill prestur.
En til þess að hún hljóti góðan byr í
nýtt hlutverk þarf hún áframhaldandi
stuðning þinn lesandi góður. Þú þarft
að koma og kjósa.
Kosið er í Oddfellowhúsinu Grófinni 6,
í Keflavík eftirtalda daga:
Mánudaginn 27. apríl frá kl. 15:00 til
kl. 18:00.
Miðvikudaginn 29. apríl frá kl. 15:00
til kl. 18:00.
Laugardaginn 2. maí frá kl. 13:00 til
kl. 16:00.
Þriðjudaginn 5. maí frá kl. 15:00 til kl.
18:00.
Kjördagur er síðan föstudaginn 8. maí
frá kl. 13:00 til kl. 18:00

Við hvetjum alla Keflavíkinga til þess að
gefa sér tíma og kjósa, það skiptir okkur
öll máli og mikilvægt að Biskup Íslands
sjái að nýr sóknarprestur njóti trausts
og hafi sterkan stuðning sóknarbarna
Keflavíkurkirkju.
Styðjum Sr. Erlu í embætti sóknarprests
Keflavíkurkirkju.
Stuðningsmenn
sr. Erlu Guðmundsdóttur.
Fædd og uppalin í Keflavík
■■ Séra Skúli Ólafsson skrifar:
Séra Erla verðskuldar atkvæði þitt
■■ Páll Valur Björnsson skrifar:
Samfélag án aðgreiningar
SJÓNVARP VÍKURFRÉTTA
Vikulegur sjónvarpsþáttur frá Suðurnesjum
Í vikulegum þætti Sjónvarps Víkurfrétta segjum við frá mannlífi,
menningu, íþróttum og atvinnulífi á Suðurnesjum.
Þátturinn fær áhorf um allt land á ÍNN og á vf.is.
Þátturinn er einnig sýndur á rás Kapalvæðingar í Reykjanesbæ.
Tilvalið fyrir fyrirtæki og aðila á Suðurnesjum
að vekja athygli á sér út fyrir Suðurnesin.
Hafið samband við auglýsingadeild VF í síma 421-0001 eða leitið tilboða hjá fusi@vf.is
Eftirtaldir aðilar hafa stutt dagskrárgerð Sjónvarps Víkurfrétta:
Sjónvar
p Víkurf
rétta
á ÍNN fi
mmtud
agskvöl
d kl. 21:3
0
– og í H
D á vf.is
þegar þ
ér henta
r!
RÝMINGARSALA
JÖKLALJÓS KERTAGERÐ
Grófin 2 við Duus Hús, Keflavík
JÖKLALJÓS KERTAGERÐ FLYTUR
25% - 30 % AFSLÁTTUR
AF ÖLLUM KERTUM
Opið fimmtudag 30. apríl til sunnudagsins 3. maí kl. 13:30 - 18:30.
ATVINNA
Óskum eftir að ráða vanan mann með réttindi á minni
vinnuvélar, einnig óskast verkamaður til starfa.
Upplýsingar í síma 660 2480 eða 660 2488.