Víkurfréttir - 22.12.2015, Blaðsíða 20

20 þriðjudagur 22. desember 2015 • VÍKURFRÉTTIR
Fimmtíu og þrír nemendur út-skrifuðust á haustönn Fjöl-
brautaskóla Suðurnesja en braut-
skráning fór fram á sal skólans sl.
laugardag. Sylvía Rut Káradóttir
var með hæstu meðaleinkunina
á stúdentsprófi og því dúx haust-
annar. Stúdentar voru flestir
brautskráðra eða 42, einn var af
starfsbraut, átta úr verknámi og
þrír úr starfsnámi. Nokkrir út-
skrifuðust af tveimur brautum.
Karlar voru 30 og konur voru 23.
Alls komu 40 úr Reykjanesbæ, 4
úr Grindavík, 3 úr Garði og einn
úr Sandgerði. Þá kom einn nem-
andi frá Kópavogi, Kópaskeri,
Kjalarnesi, Grenivík og Selfossi.
Dagskrá brautskráningar var með
hefðbundnu sniði. Kristján Ás-
mundsson skólameistari afhenti
prófskírteini og flutti ávarp og Guð-
laug Pálsdóttir aðstoðarskólameist-
ari flutti yfirlit yfir störf annar-
innar. Bjarni Halldór Janusson
nýstúdent flutti ávarp fyrir hönd
brautskráðra og Guðni Kjartansson
kennari flutti útskriftarnemendum
kveðjuræðu starfsfólks. Að venju
fluttu nemendur skólans tónlist við
athöfnina en Sólborg, Gunnar og
Einar Guðbrandsbörn sungu og
faðir þeirra Guðbrandur Einarsson
lék undir á píanó.
Við athöfnina voru veittar viður-
kenningar fyrir góðan námsár-
angur. Bjarni Halldór Janusson og
María Rose Bustos fengu viður-
kenningu fyrir störf í þágu nem-
enda. Sandra Ósk Jónsdóttir og
Stefán Birgir Jóhannesson fengu
viðurkenningar fyrir góðan ár-
angur í félagsfræði og Ásgeir Valur
Jónsson fyrir bókfærslu. Heiðar
Örn Hönnuson fékk gjöf frá
danska sendiráðinu fyrir árangur
sinn í dönsku. Gunnlaugur Árni
Jónsson fékk viðurkenningu fyrir
góðan árangur í félagsfræði og
heimspeki. Birta Rós Ágústsdóttir
fékk viðurkenningu fyrir árangur
sinn í fata- og textílhönnun og
spænsku og hún fékk einnig verð-
laun frá Landsbankanum fyrir góð-
an árangur í textílgreinum. Þá fékk
Birta Rós 30.000 styrk frá Isavia
fyrir bestan árangur í list- og verk-
námi en hún útskrifaðist af list-
námsbraut. Helena Ósk Árnadóttir
fékk verðlaun fyrir góðan árangur í
efnafræði, stærðfræði og spænsku
og gjöf frá Verkfræðistofu Suður-
nesja fyrir árangur sinn í stærð-
fræði. Alexandra Sæmundsdóttir
fékk viðurkenningu frá skólanum
fyrir góðan námsárangur í efna-
fræði, stærðfræði og spænsku.
Alexandra fékk einnig gjafir frá
Íslenska stærðfræðifélaginu og
Verkfræðistofu Suðurnesja fyrir
góðan árangur í stærðfræði. Sylvía
Rut Káradóttir fékk viðurkenningu
fyrir góðan árangur í lífeðlisfræði,
efnafræði, stærðfræði og spænsku.
Hún fékk síðan verðlaun frá Þekk-
ingarsetri Suðurnesja fyrir góðan
árangur í náttúrufræði og verðlaun
frá Verkfræðistofu Suðurnesja fyrir
góðan árangur í stærðfræði. Krist-
ján Ásmundsson skólameistari
afhenti 100.000 kr. námsstyrk úr
skólasjóði en hann er veittur þeim
nemanda sem er með hæstu meðal-
einkunn við útskrift og hlaut Sylvía
Rut Káradóttir styrkinn. Sylvía Rut
hlaut einnig 30.000 kr. styrk frá
Landsbankanum fyrir hæstu ein-
kunn á stúdentsprófi.
Ragnheiður Gunnarsdóttir afhenti
við athöfnina styrki úr styrktar-
sjóði Fjölbrautaskóla Suðurnesja.
Sjóðurinn var stofnaður af Kaup-
félagi Suðurnesja og Gunnari
Sveinssyni, fyrrverandi kaupfélags-
stjóra og fyrsta formanni skóla-
nefndar Fjölbrautaskóla Suður-
nesja. Tilgangur sjóðsins er að efla
og auka veg skólans með því að
styrkja nemendur skólans til náms,
að styðja við starfsemi sem eflir og
styrkir félagsþroska nemenda og að
veita útskriftarnemendum viður-
kenningar fyrir frábæran árangur
í námi og starfi. Þau Friðrika Ína
Hjartardóttir, Guðrún Lára Árna-
dóttir, Sigurborg Lúthersdóttir og
Halldór Bragi Skúlason fengu öll
20.000 kr. styrk fyrir góða frammi-
stöðu í lífsleikni og ræðumennsku.
-mannlíf pósturu vf@vf.is
Sylvía Rut
er dúx
haustannar FS
Við lok athafnarinnar veitti skólameistari Ásu Valgerði Einarsdóttur kennara gull-
merki FS en hún hefur starfað við skólann í 25 ár.
Sylvía með Önnu Garðarsdóttur móður sinni og Sigurjóni Sveinssyni fósturföður sínum.
Nemendur sem fengu viðurkenningar við útskriftina.
Nokkrir nemendur fengu styrki úr styrktarsjóði FS sem var stofnaður
af Gunnari Sveinssyni og Kaupfélagi Suðurnesja.