Víkurfréttir - 07.04.2016, Qupperneq 16

16 fimmtudagur 7. apríl 2016VÍKURFRÉTTIR
Þann 8. mars sl. var haldið íbúaþing
um menntamál í Stapa en eins og
lesendum er líklega kunnugt um þá
er vinna við gerð nýrrar menntastefnu
í fullum gangi. Það er mál manna að
íbúaþingið hafið heppnast í alla staði
mjög vel, mæting var mjög góð, líf-
legar umræður sköpuðust um ýmis
málefni sem snerta nám og velferða
barna og ungmenna í Reykjanesbæ.
Á þinginu var stuðst við svokallað
heimskaffi þar sem áhersla er lögð
á þægilegt andrúmsloft og frelsi til
þess að tjá skoðanir, einskonar kaffi-
húsastemmning. Hver þinggestur
valdi sér tvö málefni til þess að ræða
en á hverju borði voru gestgjafar sem
stýrðu umræðum og héldu utan um
niðurstöðurnar sem voru fjölbreyttar
og munu nýtast vel í þeirri vinnu sem
nú stendur yfir. Samantekt á niður-
stöðum hafa þegar verið sendar til
þátttakenda.
Formleg skólaganga og þátttaka í
skipulögðu tómstunda- og íþrótta-
starfi
Nokkur málefni lágu til grundvallar en
öll sneru þau á einn eða annan hátt að
námi og velferð barna og ungmenna.
Í umræðunni um formlega skóla-
göngu kom mjög skýrt fram að gott
sjálfstraust, færni í samskiptum, gagn-
rýnin hugsun og sköpun eru eftir-
sóknarverðir eiginleikar hjá hverjum
einstaklingi. Læsi í víðum skilningi
var mikið rætt og almenn góð bókleg
og verkleg menntun.
Með þátttöku í íþrótta- og tómstunda-
starfi voru þátttakendur sammála um
að það þyrfti að vera eitthvað í boði
fyrir alla og að íþróttir og tómstundir
eigi að hafa forvarnarhlutverki að
gegna. Mikilvægt sé að hafa faglega og
vel menntaða þjálfara, leiðbeinendur,
kennara og leiðtoga í öllu tómstunda-
starfi og velferð barnsins þarf ávallt að
hafa að leiðarljósi. Í þessu samhengi
var rætt um að auka þyrfti stuðning
við innra starf íþróttafélaga.
Gott skólasamfélag
Samvinna og samskipti allra sem hlut
eiga að máli, jafnrétti til náms, sköpun,
viðhorf og gildi eins og virðing, metn-
aður, áhugi, fagmennska, jákvæðni,
traust, umhyggja, gleði og jákvæður
agi eru mikilvæg til þess að byggja upp
gott skólasamfélag að mati þinggesta.
Með skólasamfélagi er átt við foreldra,
nemendur, skóla, bæjaryfirvöld og
aðra sem koma að barninu. Jafnrétti
til náms, árangursríkt skólastarf með
vel menntuðum og ánægðum starfs-
mönnum og meðvitaðir og ánægðir
nemendur þurfa að vera til staðar í
góðu skólasamfélagi.
Í umræðunni um það hvaða leiðir
hægt sé að fara til þess að efla samstarf
milli heimila og skóla og hvetja for-
eldra til þátttöku komu fram margar
hugmyndir að leiðum til að efla sam-
starfið en allar höfðu þær sama mark-
miðið að leiðarljósi, að samstarfið sé
ávallt um hag barnsins. Námskeið,
málstofur, fræðsluerindi, foreldrasátt-
málar var meðal þess sem kom fram
til þess að efla foreldra í hlutverki sínu.
Einnig var rætt um að sérstaklega
þyrfti að ná til foreldra af erlendum
uppruna.
Skuldbinding til náms og
flæði á milli skólastiga
Þátttakendur ræddu talsvert um
mikilvægi viðhorfsbreytingar til
menntunar í samfélaginu og að hún
þurfi að vera víðtæk. Skuldbindingu til
náms sé nauðsynlegt að innleiða með
markmiðasetningu og að foreldrar séu
meðvitaðir um nám barna sinna upp
allan grunnskólann og í framhalds-
skóla, foreldrar bera ábyrgð á börnum
sínum til 18 ára aldurs. Bregðast þarf
við svokölluðum brottfallsnemendum
og fylgja þeim eftir. Námsráðgjöf þarf
að efla í grunn- og framhaldsskólum
til þess að minnka líkur á brottfalli
og styrkja alla nemendur. Efla þarf
þrautseigju í námi og úthald. Gera
þarf verk- og iðngreinum hærra undir
höfði, en það viðhorf virðist ríkjandi
að allflestir eigi að fara í bóknám.
Margar hugmyndir komu fram um
samstarf og flæði á milli leik- og
grunnskóla annars vegar og grunn-
og framhaldsskóla hins vegar. Sam-
starfið þarf að vera í báðar áttir, ein-
kennast af virðingu og með hagsmuni
barnsins/ungmennisins að leiðarljósi.
Samræma þarf samstarfsáætlun milli
allra skóla í Reykjanesbæ. Stjórnendur
spila lykilhlutverk í slíku samstarfi og
nauðsynlegt er að gefa tíma til sam-
starfsins. Það þarf að vera skýrt hver
ber ábyrgð á samstarfinu og allir hags-
munaaðilar séu meðvitaðir um tilgang
samstarfsins.
Horft fram á veginn
Eins og fram hefur komið þá er vinna
við gerð nýrrar menntastefnu í fullum
gangi og er áætlað að þeirri vinnu ljúki
nú í vor. Í raun má segja að slíkri vinnu
ljúki aldrei heldur er stefna sem þessi
í sífelldri endurskoðun. Við þökkum
þeim fjölmörgu sem sáu sér fært að
mæta á íbúaþingið fyrir þátttökuna
og ríkulegt framlag til mótun nýrrar
menntastefnu fyrir Reykjanesbæ. Þá
færum við einnig Skólamat kærar
þakkir fyrir veitingarnar á þinginu.
Fyrir hönd stýrihóps um nýja
menntastefnu fyrir Reykjanesbæ.
Anna Hulda Einarsdóttir
og Anna Sigríður Jóhannes-
dóttir verkefnastjórar.
Vel heppnað íbúaþing um
menntamál í ReykjanesbæNæsta laugardag halda Píratar í Reykjanesbæ aðalfund. Á fundinum
verður starfssvæði félgasins stækkað
svo að það nái yfir öll Suðurnesin í
stað Reykjanesbæjar eingöngu eins og
nú er. Þannig fá píratar Suðurnesja-
svæðisins allir aðgang að félaginu og
starfi Pírata á landsvísu. Á aðalfund-
inum verður einnig stofnað til um-
ræðu um undirbúning fyrir Alþingis-
kosningar og hvernig staðið verður að
þeim málum í Suðurkjördæmi. Píratar
í öllu Suðurkjördæmi eru því boðnir
velkomnir til skrafs og ráðagerða
undir liðnum „önnur mál“ á aðal-
fundi, segir í tilkynningu frá Pírötum.
Á Suðurnesjum hefur fylgi Pírata
verið mælt af Gallup og hefur það
hækkað úr 6,4% árið 2014 í 41,7% árið
2016. Það er því líklegt að Suðurnesja-
menn séu vel með á nótunum hvað
varðar stefnu Pírata um lýðræðislegar
úrbætur á Íslandi, enda er stefnumál
númer eitt að koma í gagnið nýrri
stjórnarskrá, þeirri sem kosið var
um árið 2012. Í því felast miklar lýð-
ræðisúrbætur svo sem kosningar að
frumkvæði almennings, aðskilnaður
ráðherra og Alþingis, jafnt vægi at-
kvæða á öllu landinu og að arður af
auðlindum skili sér á markaðsverði til
samfélagsins.
Píratar vinna sjálfir eftir lýðræðis-
legum ferlum, þannig að hvaða pírati
sem er getur boðað félagsfund, komið
umræðu af stað og sett mál í vefkosn-
ingu innan flokksins. Fái málstaður
meirihluta atkvæða í vefkosningu
verður málið eitt af stefnumálum Pí-
rata. Þannig getur grasrótin haft áhrif
á störf þingmanna og komið sínum
sjónarmiðum á framfæri. Á stefnuskrá
Pírata eru nú þegar yfir 70 málefni af
ýmsum toga, allt frá grunnstefnu sem
skýrir almennt hvernig halda skuli
á spöðunum í stjórnmálum, til ný-
samþykktrar stefnu Pírata um rafbíla-
væðingu Íslands.
Nokkur helstu stefnumálin felast í
samfélagslegum úrbótum, svo sem
að allar aflaheimildir verði leigðar
út, öllum afla landað á markað og að
handfæraveiðar verði undanþegnar
kvóta. Einnig vilja Píratar lögleiða
lágmarkslaunaviðmið Velferðarráðu-
neytisins, skoða möguleika á upp-
töku skilyrðislausra borgaralauna og
bæta verulega úr heilbrigðisþjónustu,
t.d. telja Píratar að fíkniefnamál eigi
heima í heilbrigðiskerfinu fremur en
dómsmálakerfinu. Í efnahags og at-
vinnumálum viljum við sjá aðskilnað
fjárfestingabanka frá viðskipta-
bönkum og vilja greiða fyrir notkun
annarra gjaldmiðla en krónunnar. Þá
er ætlunin að endurskoða styrkjakerfi
landbúnaðarins, að hluti útsvars fyri-
tækja geti runnið beint til sveitarfélags
og að einstaklingar geti fengið ónýttan
persónuafslátt greiddan út.
Stjórn Pírata í Reykjanesbæ
Píratar á Suðurnesjum
Dögun stjórnmálasamtök halda fund
í Reykjanesbæ 7. apríl nk. um hús-
næðisöryggi fólks í Reykjanesbæ og í
nágrannasveitarfélögum. Húsnæðis-
öryggi eru mannréttindi og húsa-
leigumarkaður skal vera uppbyggður
að norrænni, þýskri eða austurrískri
fyrirmynd. Það þarf að auka valkosti
á húsnæðismarkaði og tryggja lang-
tíma leigurétt. Það þarf að okkar mati
að skapa rými fyrir óhagnaðardrifin
húsnæðissamvinnufélög. Dögun er
alfarið á móti því að fjármálafyrir-
tækin stofni og reki fasteignafélög inni
á leigumarkaði sem arðsemisfjárfestar.
Í Reykjanesbæ er langur biðlisti fjöl-
skyldna eftir félagslegu leiguhúsnæði
og vita vonlaust að fá slíkt húsnæði
nema ef eitthvað losnar því ekki eru
keyptar inn íbúðir til að mæta þörf-
inni. Íbúar í nærliggjandi sveitar-
félögum er hafa misst húsnæði sitt
hafa þurft að flytja hreppaflutningum
þó að vilji hafi verið til þess að búa
áfram í sínum bæ og með tilheyrandi
óþægindum fyrir t.d. börnin sem hafa
þurft að yfirgefa vinina einfaldlega
vegna þess að húsnæði var ekki til
staðar á því verði sem fólk réði við.
Við síðustu kosningar taldi bæjarfull-
trúi Samfylkingarinnar að það ætti
ekki að verða neitt mál að einhenda
sér í verkefnið, að vera með milli-
göngu um að leigja félagslegt húsnæði
af íbúðarlánasjóði og áframleigja það
skjólstæðingum sínum sem eru á bið-
lista, en ekki hefur verið um efndir í
þeim efnum, enn er langur biðlisti.
Það fólk sem eftir hrun missti sitt og
lenti á vanskilaskrá fær enga fyrir-
greiðslu til þess að greiða allt að 3
mánaða tryggingu á húsnæði og eig-
endur þ.á.m. Íbúðalánasjóður sem er
eign ríkisins okkar, leigir ekki fólki
sem hefur lent á vanskilaskrá en það
fólk þarf líka að búa einhvers staðar.
Þessu fólki þurfum við að mæta og
aðstoða við að komast í öruggt skjól.
Við viljum endilega fá þig og þína á
fund til þess að skiptast á skoðunum,
heyra fleiri sjónarmið og fá tillögur frá
ykkur um hvaða leiðir séu færar.
Fh. Dögunar
Ragnhildur L. Guðmundsdóttir
Stjórnmálasamtök um réttlæti,
sanngirni og lýðræði
Frá íbúaþinginu í Stapa.
Nýtur þú mannréttinda?
Dögun stjórnmálasamtök standa fyrir uppbyggingu á heilbrigðum
húsnæðismarkaði. Fundur um húsnæðismál verður haldinn fimmtu-
daginn 7. apríl nk. á Hafnargötu 62 efri hæð kl: 20.00.
HÚSNÆÐISÖRYGGI
ERU MANNRÉTTINDI!
VIKULEGUR FRÉTTAMAGASÍNÞÁTTUR FRÁ SUÐURNESJUM Í SJÓNVARPI Á ÍNN FIMMTUDAGSKVÖLD KL. 21:30
- eitthvað fyrir alla!
Sjónvarp VíkurfréttaSÖGU ÞYRLUSVEITAR
VARNARLIÐSINS BJARGAÐ