Víkurfréttir - 07.04.2016, Blaðsíða 17

17fimmtudagur 7. apríl 2016 VÍKURFRÉTTIR
Við hjá Sandgerðisbæ ætlum að setja
tíma, fjármagn og þekkingu í að endur-
byggja starfssemi og ímynd hins gamla
og góða Vinnuskóla. Við ætlum að
byrja á því að breyta heitinu á skólanum
og kalla hann starfsskóla þar sem við
leggjum áherslur á að undirbúa okkar
starfsmenn/nemendur sérstaklega til
þess að takast á við vinnumarkað fram-
tíðar. Starfsskólinn hefur stjórnanda og
síðan ráðum við verkefnisstjóra í stað
flokkstjóra.
Þetta ætlum við að gera í samstarfi við
ungt fólk í okkar umhverfi.
Til þess að vinna að þessu leitum að frá-
bæru, skapandi og skipulögðu fólki sem
er jákvætt og vill taka þátt í spennandi
verkefni. Nú þegar er hafin þróunar-
vinna við að endurskipuleggja starfs-
skólann og gera hann metnaðarfullan
og eftirsóknarverðan fyrir ungmenni og
stjórnendur.
Starfsskólinn mun standa fyrir þekkingu,
þjálfun - fyrir þig.
Það þýðir að allt sem kennt og þjálfað á
að nýtast okkar fólki vel inn í framtíðina.
Stjórnandi og verkefnisstjórar fá þjálfun
og reynslu í stjórnun, skipulagi og sam-
skiptum við ungt fólk. Þeim er einnig
leiðbeint hvernig taka skal á málum og
eins hvernig hægt er að auka sjálfstæði
og byggja upp jákvæða sjálfsmynd ung-
menna. Verkefnisstjórar hafa aðgang að
þjálfun allt sumartímabilið og þurfa að
skila umsögum um sína starfsmenn.
Nemendur starfsskólans verða núna
starfsmenn skólans sem selja sínar
vinnustundir. Því fylgir bæði ábyrgð og
væntingar. Þess vegna fá þeir þjálfun
í því að skoða tilgang verkefna, þeim
verður kennd almenn siðfræði á vinnu-
markaði, mætingar, agi og virðing, farið
í grunnatriði vinnuréttar og samstarf.
Þau ræða, skoða og skilgreina ímynd
bæjarfélagsins og leggja sitt af mörkum
til þess að byggja upp og hafa áhrif á það
samfélag sem við getum öll verið stolt af.
Þau eiga kost á því að velja sér sum verk-
efni eftir áhugasviði og eins gefst þeim
tækifæri á því að skoða og kynnast ann-
arri atvinnustarfssemi hér á svæðinu.
Verkefnisstjórar munu síðan leggja
mikla áhersla á félagsþroska og sam-
skipti með því að kynna það sem efst er
á baugi hverju sinni í samráði við Hitt
Húsið og aðra þá sem eru að gera eitt-
hvað áhugavert með ungu fólki.
Starfsskólinn mun síðan sjálfur sjá um
að kynna verkefni sumarsins á lokahátið
skólans þar sem verkefni og annað starf
verður kynnt að sérstökum hætti starfs-
manna skólans.
Með þessum ásamt fleiru viljum við búa
til virkan skóla þar sem ungmenni og
stjórnendur fá fjölbreytta og skemmti-
lega þjálfun og tækifæri til að taka þátt
og fá kynningu á áhugaverðum verk-
efnum innan okkar samfélags.
Vinnuskólahugmyndin er einstök og
það er okkur gríðarlegar mikilvægt að
viðhalda þessu verkefni á eins jákvæðan
og hvetjandi hátt og kostur er. Við
viljum nýta sem best þetta góða tæki-
færi sem við höfum hér á Íslandi til að
undirbúa ungt fólk fyrir vinnumarkað
framtíðarinnar og gefa þeim tækifæri að
vinna í uppbyggilegum sem og nauðsyn-
legum verkefnum um leið og þau taka
sín fyrstu skref á vinnumarkaðinn.
f.h. Sandgerðisbæjar
Rut Sigurðardóttir, Frí-
stunda- og forvarnafulltrúi.
Einar Friðrik Brynjarsson, Um-
hverfis- og tæknifulltrúi.
Starfsskóli Sandgerðisbæjar
þekking og þjálfun - fyrir þig
Víkurfréttir birtu stutta frásögn af sam-
tali sem ég átti við blaðamann blaðsins.
Þar ræddum við um samgöngumál á
Suðurnesjum og kom ég inn á málefni
sem tengist uppbyggingunni í kringum
Keflavíkurflugvöll og samstöðu okkar
S u ð u r n e s j a m a n n a í
þessum verkefnum.
Í leiðara blaðsins er svo sú
ályktun dregin að það sé
einfalt að klára tvöföldun
Reykjanesbrautar á næstu
tveimur og hálfu ári þar
sem Suðurnesin eigi sjö
þingmenn, einn ráðherra
og einn fulltrúa í um-
hverfis- og samgöngu-
nefnd. Ef svo væri, þá
væri nú lífið hjá okkur á
Suðurnesjum auðvelt en heldur verra hjá
íbúum annarra landssvæða. Leiðarahöf-
undur kom þó inn á það í greininni að
það væri önnur leið fær en kjördæma-
potið til að koma framkvæmdinni á dag-
skrá. Það er leiðin að forgangsraða fram-
kvæmdum faglega byggt á gögnum um
öryggi, hagkvæmni og aðstæðum hverju
sinni. Þá leið hugnast mér betur og á
þeim grunni hef ég verið að vinna að
málinu frá því að ég tók sæti á Alþingi.
Því ætla ég að skýra í stuttu máli hvernig
samgönguáætlun verður til og hvernig
hún er uppbyggð. Samgönguáætlun
er skipt í tvo hluta, annars vegar fjög-
urra ára framkvæmdaáætlun og 12 ára
stefnumótunaráætlun sem er svo skipt
í þrjú framkvæmdaráætlunar tíma-
bil. Samkvæmt mínum heimildum er
Reykjanesbrautin inni í 12 ára áætlun-
inni og gatnamótum við Krísuvíkur-
veg og Reykjanesbrautar var flýtt um
eitt ár í fjögurra ára áætluninni eftir
mikinn þrýsting frá hagsmunaaðilum
á því svæði og nefndaráliti umhverfis-
og samgöngunefndar á s.l. ári. Innan-
ríkisráðherra skipar svo samgönguráð
sem undirbýr drög að þessum tveimur
skjölum. Formaður samgönguráðs er
skipaður af ráðherra og sitja með honum
í ráðinu vegamálastjóri, forstjóri Sam-
göngustofu og forstjóri ISAVIA. Sam-
gönguráð fundar svo með landshluta-
samtökum sveitarfélagana og safnar
gögnum frá þeim stofnunum sem eiga
sæti í ráðinu. Tillaga samgönguráðs
fer svo til ráðuneytisins sem getur gert
breytingar á henni og tillögurnar svo
loks lagðar fram á Alþingi í formi sam-
gönguáætlunar. Þegar ráðherrann hefur
mælt fyrir tillögunum á Alþingi koma
þær loks til umhverfis- og samgöngu-
nefndar til umfjöllunar og þar geta allir
landsmenn komið sínum sjónarmiðum
á framfæri.
Eins og sjá má á þessu ferli þá er búið að
vinna mikla vinnu áður en tillögurnar
koma til þingsins. Í þessari vinnu er upp-
lýsingum safnað saman og verkefnum
forgangsraðað eftir því. Það er svo okkar
á Alþingi að fara yfir hvort forgangsröð-
unin sé fagleg, öryggi í samgöngum sé
tryggt og að þjóðfélagslegar hagkvæmar
framkvæmdir séu framar öðrum.
Það er þess vegna sem ég segi að við
öll, þingmenn, sveitarstjórnir og íbúar
svæðisins eigum að koma fram sem
einn hópur með upplýsingar til að rök-
styðja okkar óskir. Við erum best til þess
fallin því við þekkjum okkar svæði best,
við þekkjum okkar þarfir best og við
erum best í því að forgangsraða okkar
áherslum. Ég er vel tilbúinn til þess að
aðstoða sveitarfélögin við að koma sín-
um málum á framfæri á frumstigum
samgönguáætlunar.
Þetta þurfum við að gera hvað varðar
Reykjanesbrautina og þetta þurfum við
að gera vegna þeirra uppbyggingar sem
á sér stað núna og er framundan á Kefla-
víkurflugvelli og nærsvæði hans. Ríkis-
sjóður er að fá af flugvellinum og flug-
vallarsvæðinu margvíslegar tekjur, t.d.
með sölu fasteigna á Ásbrúarsvæðinu
og því eðlilegt að þær fari til að mæta
aukinni þörf á innviðauppbyggingu
vegna uppbyggingar og þróunnar ríkis-
fyrirtækja.
Hér eru um ein stærstu hagsmunamál
Suðurnesja að ræða og því vil ég taka
samtal um þau við ykkur á fundi á næst-
unni. Og vonandi sjáumst við sem flest.
Málin eru ekki einföld og við Alþingis-
menn tökum ekki einir ákvörðun um
einstaka verkefni en við eigum að þekkja
þær leiðir sem koma málum áfram í
samvinnu við ykkur kæru félagar.
Eru samgöngumálin svona einföld?
Menn tuða í sífellu um að þeir sem
stjórna þurfi að hafa nóg á milli hand-
anna, því þá sé minni hætta á að borið
sé á þá fé. Það er fásinna. Enginn er
svo ríkur að hann vilji ekki meira.
Þetta snýst um græðgi og græðgin er
í eðli sínu takmarkalaus. Þar eru engin
efri mörk.
Það er spurning um heiðarleika hvort
við treystum fólki fyrir okkar málum
- okkar framtíð. Um samkennd með
öðru fólki. Blásnautt fólk er ekki síður
heiðarlegt en ríkt fólk. Ég held að það
sé auðveldara að múta ríkum manni
en snauðum. Sá snauði hefur vanist
því að fá lítið og komast af með lítið
(og hefur líklega ekki varið kröftunum
í auðsöfnun) en líf þess ríka hefur trú-
lega snúist meira um auðæfi - að afla
þeirra og halda utanum. Og til að rétt-
læta að þeir eigi skilið meira en aðrir
staðsetja þeir sig fyrir utan og ofan
fjöldann. Sammála?
Ég er hér að færa rök fyrir þeirri sann-
færingu minni að auðmenn eigi EKKI
að koma nálægt hvorki Alþingi né
ráðherrastólum.
Auðmannaklíkur eiga EKKI að koma
nálægt Alþingi - og alls ekki að verma
ráðherrastóla. Það er málið!
Úlfar eiga ekki að gæta sauðahjarðar
(þó í sauðagæru séu). Þeir sem hugsa
mest um að troða út sína eigin vasa
eiga ekki sjá um okkar sameiginlegu
mál.
Félagshyggja er betri fyrir samfélagið
en auðhyggja. Nú þurfa fleiri að átta
sig á þeirri augljósu staðreynd. Með
félagshyggju er hægt að hemja græðg-
ina, setja sanngjarnar leikreglur og
fylgja þeim eftir. Við Vinstri græn
erum öflug í því. Við erum hreyfing
félagshyggjufólks sem helgar sig bar-
áttu fyrir betra samfélagi – sem er
betra fyrir okkur öll (líka betra fyrir
auðmennina, því auðurinn færir þeim
takmarkaða hamingju). Hamingjan
sprettur upp þar sem fólk kemur fram
hvert við annað sem jafninga, sýnir
örlæti og virðingu og býr við öryggi
án vopnaskaks.
Okkur vantar fleira félagshyggjufólk
til að breyta samfélaginu. Til að skapa
betri framtíð fyrir okkur öll. Nú er
tækifæri til að láta gott af sér leiða!
Koma svo!
Þorvaldur Örn Árnason,
Vinstrigrænn í Vogum.
Hverjum er treystandi fyrir fjöregginu?
Myndina tók höfundur á Austurvelli
4. apríl 2016.
ÞJÓNUSTUFULLTRÚI
Í BÍLALEIGU Í KEFLAVÍK
Thrifty Car Rental, bílaleiga Brimborgar,
leitar að röskum og jákvæðum starfsmanni
í sumarstarf þjónustufulltrúa á starfsstöðvar
í Keflavík. Skemmtilegt og krefjandi starf
í líflegu umhverfi.
Stutt lýsing á starfi:
• Afhending bíla til erlendra sem innlendra
viðskiptavina og móttaka við leiguskil
• Upplýsingagjöf og sala þjónustu
• Skráning bókana
• Skutl viðskiptavina til og frá starfstöð
Hæfniskröfur:
• Stúdentspróf og/eða reynsla af
sambærilegu starfi
• Hæfni í tölvunotkun
• Gilt bílpróf og vera jafnvíg(ur) á
beinskiptan og sjálfskiptan bíl
• Framúrskarandi þjónustulund
• Mjög góð íslensku- og enskukunnátta
Unnið er á vöktum 06:00-18:00 og
frá 18:00-06:00 (5/4).
Nánari upplýsingar um starfið má finna
á www.brimborg.is (laus störf).
Umsóknarfrestur er til 14. apríl 2016
SÆKTU UM NÚNA
Þjónustufulltrúi_Víkurfréttir_99x200_20160119.indd 1 31.3.2016 11:51:03
Vilhjálmur
Árnason
alþingis-
maður