Fréttablaðið - 02.02.2018, Blaðsíða 20

2 . f e b r ú a r 2 0 1 8 f Ö S T U D a G U r20 T í m a m ó T ∙ f r É T T a b L a ð i ð
tímamót
1167 Orrustan á Ryðjökli í Noregi. Uppreisnarmenn undir
stjórn Ólafs ógæfu ráðast að Erlingi skakka og mönnum
hans.
1347 Borgarastríði í Býsans, milli Jóhanns 6. Kantakouz­
enos og forráðamanna Jóhanns 5. Palaíológos lýkur með
innreið Kantakouzenos í Konstantínópel. Í maí er svo samið
um sættir og að Jóhann 5. skuli kvænast Helenu, dóttur
Kantakouzenos.
1461 Rósastríðin: Orrustan við Mortimer's Cross. Herlið
York­ættar undir stjórn Játvarðar hertoga af York vinnur
sigur á Lancaster­mönnum sem stýrt er af Owen Tudor og
syni hans, Jasper jarli af Pembroke.
1602 Leikrit Shakespeares, Þrettándakvöld, er fyrst sýnt í
sal lögmannafélagsins í Middle Temple í London.
1626 Karl 1. er krýndur Englandskonungur.
1653 Nýja Amsterdam (síðar New York­borg) fær borgar­
réttindi.
1709 Alexander Selkirk er bjargað af eyðieyju, björgun
sem síðar varð grunnurinn að bókinni Róbinson Krúsó eftir
Daniel Defoe.
1883 Sex manns farast í snjóflóði á bæinn Stekk í Njarðvík í
Borgarfirði eystra.
1933 Adolf Hitler leysir þýska þingið upp.
1935 Lygamælirinn er prófaður í fyrsta skipti af Leonard
Keeler.
1942 Roosevelt Bandaríkjaforseti undirritar fyrirskipun um
að allir Bandaríkjamenn af japönskum uppruna skuli fluttir í
fangabúðir og eigur þeirra kyrrsettar.
1943 Síðustu hersveitir nasista gefast upp fyrir Sovét­
mönnum í orustunni um Stalíngrad.
1972 Óeirðir brjótast út í Dublin vegna blóðbaðsins í Derry.
1978 Listahátíð í Reykjavík er sett. Kvikmyndahátíð í
Reykjavík er í fyrsta sinn hluti af hátíðinni.
1978 Dyrhólaey er friðlýst.
1979 Fyrrverandi bassaleikari Sex Pistols, Sid Vicious, finnst
látinn vegna of stórs skammts af heróíni í New York­borg.
1983 Samþykkt er á Alþingi að mótmæla ekki hvalveiði­
banni Alþjóðahvalveiðiráðsins.
1988 Halldór Halldórsson verður fyrstur Íslendinga til að fá
ígrædd hjarta og lungu í átta klukkustunda aðgerð í London.
1989 Síðustu hersveitir Sovétmanna yfirgefa Afganistan og
binda þannig enda á níu ára styrjöld milli landanna.
1989 Tölvuleikurinn SimCity kemur út í fyrsta skipti.
1990 Þjóðarsátt um kaup og kjör gengur í gildi með það að
markmiði að ná niður verðbólgu og tryggja atvinnuöryggi.
Merkisatburðir
Ástkær eiginkona mín, móðir,
tengdamóðir, amma og langamma,
Elísa Guðlaug Jónsdóttir
lést miðvikudaginn 30. janúar sl. Útför
hennar fer fram frá Fella- og Hólakirkju,
fimmtudaginn 8. febrúar nk. kl. 13.00.
Jón Hannesson
Ólöf Jóna Sigurgeirsdóttir Ólafur Axelsson
Guðrún Iðunn Jónsdóttir
barnabörn og barnabarnabörn.
Elskuleg eiginkona mín, móðir okkar,
tengdamóðir, amma og langamma,
Unnur Ingibjörg Helgadóttir
síðast til heimilis að Hjallabraut 33,
Hafnarfirði,
lést á Hjúkrunarheimilinu Sunnuhlíð
föstudaginn 26. janúar. Útförin fer fram frá
Fríkirkjunni í Hafnarfirði þriðjudaginn 6. febrúar kl. 13.00.
Haukur Sigtryggsson
Gréta Björg Hafsteinsdóttir Ómar Már Gunnarsson
Ingibergur Helgi Hafsteinsson Albína Jóhannesdóttir
Regína Kristín Hauksdóttir
Harpa Hauksdóttir
Heiðrún Hauksdóttir Helgi Einarsson
ömmu- og langömmubörn.
Móðir mín, tengdamóðir og amma,
Sigurjóna Jónsdóttir
Stigahlíð 26,
Reykjavík,
er látin. Útförin hefur farið fram í
kyrrþey að ósk hinnar látnu. Innilegar
þakkir fyrir auðsýnda samúð og hlýhug.
Haukur Eggertsson Hildur Sveinsdóttir
Steinunn Jóna Hauksdóttir
Okkar ástkæra
Hulda Ingimundardóttir
lést á Hrafnistu í Reykjavík
þriðjudaginn 30. janúar. Útför
hennar fer fram frá Grafarvogskirkju
miðvikudaginn 7. febrúar kl. 13.00.
Blóm og kransar vinsamlegast afþökkuð en
þeim sem vilja minnast hennar er bent á Ljósið.
Guðmundur Bjarnason Ásta Jóhanna Einarsdóttir
Brynja Bjarnadóttir Steindór Rafn Theódórsson
Vera Björk Einarsdóttir Hjalti Kristjánsson
Íris Huld Einarsdóttir Kári Schram
ömmubörn, langömmubörn og langalangömmubörn.
Tónlistarhátíðin Aldrei fór ég suður verður haldin í fimmtánda sinn á Ísafirði um páskana og í gær var hluti dagskrárinnar til-kynntur. Í tilkynningunni
kemur fram að Dimma, JóiPé og Króli,
Hatari og Á móti sól muni koma fram á
hátíðinni svo einhver dæmi séu tekin.
Rokkstjóri hátíðarinnar, tónlistar-
maðurinn og Hnífsdælingurinn Krist-
ján Freyr Halldórsson, er að vonum
spenntur og trúir því varla að þetta sé í
fimmtánda sinn sem hátíðin er haldin.
Kristján hefur verið með puttana í
skipulagi hátíðarinnar alveg frá upp-
hafi, frá því að hátíðin var haldin fyrst
árið 2004. „Það er eiginlega alveg ótrú-
legt að þetta sé fimmtánda hátíðin.
Og ég verð að segja fyrir hönd okkar
allra sem stöndum að þessu að í hvert
einasta sinn sem við förum að hringja í
tónlistarfólk þá svarar það kallinu. Við
höldum einhvern veginn alltaf að við
séum að brenna út en við erum greini-
lega að gera eitthvað rétt,“ segir Krist-
ján og hlær. „Fólk er alltaf til í að koma.
Við reynum líka að gera gott ævintýri
úr þessu og ég held að það sé kannski
galdurinn.“
Kristján segir mikið vatn hafa runnið
til sjávar síðar hátíðin var fyrst sett á
laggirnar. Í upphafi var þetta tilraun
til að fá fólk í gott partí til Ísafjarðar að
sögn Kristjáns. „En þessu var strax vel
tekið. Og frá því að vera einhver svona
brandari þá hefur þetta þróast yfir í
að vera einn af stærstu menningarvið-
burðum sem haldnir eru úti á landi.“
Kristján segir alltaf jafn ánægjulegt
að sjá hvernig allt samfélagið á Ísafirði
leggst á eitt við að setja hátíðina upp.
„Það er varla einn íbúi sem ekki kemur
að hátíðinni með einhverju hættim.
Þetta er eiginlega lyginni líkast.“
Þegar Kristján er spurður út í eftir-
minnilegt atvik frá Aldrei fór ég suður
segir hann: „Það kemur endalaust upp
í hugann. En eitt sinn kom atvik upp
þegar hljómsveitin Hjálmar kom hingað
til að spila. Þetta voru fyrstu tónleikarnir
Hjálma með nýjum hljóðfæraleikurum
frá Svíþjóð. Hópurinn hafði æft eins og
ég veit ekki hvað og kom svo keyrandi
vestur með fullt af stórum og þungum
hljóðfærum. Það var snjóþungt og þetta
var löng bílferð. En þeir náðu svo bara
að spila eitt og hálft lag á tónleikunum
sjálfum vegna þess að Dóri Hermanns,
kynnirinn okkar þetta árið, sjómaður í
kringum sjötugt, nennti ekki að hlusta
á reggí-tónlist. Hann stoppaði Hjálma af
með því að þakka þeim fyrir og tilkynna
hljómsveitina Trabant á svið. Þetta var
náttúrulega hræðilegt,“ segir Kristján og
hlær. Hann bætir við að í dag geti skipu-
leggjendur Aldrei fór ég suður og með-
limir Hjálma hlegið að atvikinu. „Það
náðu allir sáttum að lokum.“
Að lokum vill Kristján minna á að
Aldrei fór ég suður er fjölskylduhátíð.
„Þetta er meira en bara tónleikahátíð.
Það eru allir velkomnir og það kostar
ekkert inn.“
gudnyhronn@frettabladid.is
Eru greinilega að
gera eitthvað rétt
Dagana 29. til 31. mars verður tónlistarhátíðin Aldrei fór ég suður haldin í fimmtánda
sinn á Ísafirði. Rokkstjóri hátíðarinnar, Kristján Freyr Halldórsson, trúir varla að þetta
verði fimmtánda hátíðin og að tónlistarfólk sé alltaf jafn spennt fyrir að taka þátt.
Rokkstjóri Aldrei fór ég suður, tónlistamaðurinn Kristján Freyr Halldórsson (t.h.), og bæjarstjóri Ísafjarðarbæjar, Gísli Halldór Hall-
dórsson, eru spenntir fyrir páskunum eins og alltaf. Hátíðin Aldrei fór ég suður hefst 29. mars. FRÉTTABLAÐIÐ/ERNIR
Hann stoppaði Hjálma
af með því að þakka
þeim fyrir og tilkynna hljóm-
sveitina trabant á svið. Þetta var
náttúrulega hræðilegt.
0
2
-0
2
-2
0
1
8

0
4
:3
3
F
B
0
4
8
s
_
P
0
3
2
K
.p
1
.p
d
f
F
B
0
4
8
s
_
P
0
2
9
K
.p
1
.p
d
f
F
B
0
4
8
s
_
P
0
1
7
K
.p
1
.p
d
f
F
B
0
4
8
s
_
P
0
2
0
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
E
E
2
-5
1
0
8
1
E
E
2
-4
F
C
C
1
E
E
2
-4
E
9
0
1
E
E
2
-4
D
5
4
2
7
5
X
4
0
0
.0
0
1
6
A

F
B
0
4
8
s
_
1
_
2
_
2
0
1
8
C
M
Y
K