Víkurfréttir - 11.05.2017, Síða 13

13fimmtudagur 11. maí 2017 VÍKURFRÉTTIR
Fyrirlestur um áhrifaríka fram-
komu var haldin í Sjálfstæðishúsinu
í Reykjanesbæ og mættu á milli 40 og
50 konur á góðri kvöldstund. Sigríður
Hulda Jónsdóttir (SHJ ráðgjöf) leiddi
okkur í sannleikann um hvernig auka
má áhrifamátt og útgeislun þegar tal-
að er fyrir framan hóp af fólki, hvort
sem um er að ræða vinnufundi eða
stærri viðburði eins og ráðstefnur.
Mikilvægt er fyrir konur á öllum aldri
að styrkja tengslanetið sín á milli og
að styðja hver aðra í leik og starfi. Við-
burður eins og þessi stuðlar að því að
efla allar konur á svæðinu hvort sem
þær eru stjórnendur eða þátttakendur
í atvinnulífinu.
Við viljum þakka fyrir frábæra mæt-
ingu og gott kvöld í góðum félagsskap.
Anna Sigríður Jóhannesdóttir, Hanna
Björg Konráðsdóttir og Sigrún Ævars-
dóttir.
Golfklúbbur Grindavíkur óskar eftir að ráða starfsfólk 
til afgreiðslustarfa í golfskála klúbbsins í sumar. 
Upplýsingar veitir Halldór Smárason
í síma 4268720 eða gggolf@gggolf.is
GOLFKLÚBBUR GRINDAVÍKUR
ATVINNA
Hæfniskröfur
• Sjálfstæð og skipulögð vinnubrögð
• Rík þjónustulund og góðir samskiptahæfileikar
• Brennandi áhugi á matreiðslu og grilli
• Hreint sakarvottorð
• Lágmarksaldur 18 ár
Við leitum að kjötiðnarmanni, matreiðslumanni
eða grillmeistara til að starfa með okkur í
Krónunni Fitjum um helgar.
Vinnutími 8-17 annan hvorn laugardag eða
sunnudag, í boði er líka önnur hver helgi.
Viðkomandi verður að geta byrjað sem fyrst.
Sótt er um starfið á www.kronan.is
Nánari upplýsingar veitir Björgvin Sigurðsson verslunarstjóri
í netfanginu bjorgvin@kronan.is
Umsóknarfrestur er til og með 21. maí 2017
ERT ÞÚ RÉTTA
MANNESKJAN
Í STARFIÐ?
Fátt gleður augað meir á fögrum
haustdegi en að ganga um íslenska
náttúru og njóta þeirrar litardýrðar
sem fyrir augun ber. Hið sólríka sumar
2016 kvaddi okkur landsmenn með
löngu hausti og óendanlegum síbreyti-
leika í laufskrúði runna og trjáa. Að
ganga um gróðurvaxna náttúru í fjal-
lendi þar sem dillandi lækjarsprænur
og skófi þaktir bergstallar magna
upp dýrðlegt litarskrúð í lyngi, trjám
og runnum er upplifun sem gleður
mannshjartað. Menn gera sér sérstakar
ferðir á Þingvöll til að bera slíkt sjónar-
spil auga. Haustlitir planta verða til við
það að dregur úr virkni ljóstillífunar
í blaðgrænu laufanna er sól tekur að
lækka á lofti auk þess sem uppsöfnuð
næringarefni í blöðunum flytjast nú
niður í rætur plantanna. Erfðaeigin-
leiki plantanna sjálfra ákveður mis-
munandi litarafbrigði haustlitanna.
Þannig verður litur ilmbjarkarinnar
gulur, fjalldrapans rauður og af-
kvæmi þeirra skógviðabróðirinn með
tónum þar á milli. Alþekkt er litskrúð
skriðmispilsins með sínum dökkrauðu
blöðum þöktum berjaskrúð þar sem
hann þekur stokka og steina á yfirferð
sinni. Garðunnendur leika sér gjarnan
með litardýrð í sumargróðri með fjöl-
breytileika í plöntuvali og er mögu-
leikinn óendanlegur í þeim efnum
líkt og er listamenn tjá sig myndrænt.
Íslenska ilmbjörkin (Betula pubes-
cens) hefur verið með þjóðinni allt
frá landnámi þegar hún klæddi landið
frá fjöru til fjalls og gaf landinu þá
áferð sem hugsað er til þá við viljum
endurvekja sýn þá er við landnáms-
mönnum blasti í árdaga. Í tímanna
rás þurfti hún að standa af sér ágang
manna og kvikfénaðs vegna breyttra
búskaparhátta og fór á tímabili halloka
í þeirri baráttu. Hún gerðist kræklótt
og hrum og ekki beinlínis fagurt gar-
ðatré þótt hún fyndist alls staðar þar
sem ræktun yfirleitt átti sér stað. Innan
um fundust þó einstaklingar sem
báru af öðrum, vörpulegir og beinir.
Bæjarstaðaskógur í Skaftafelli hefur
löngum verið talinn einhver þrótt-
mesti birkiskógur landsins þar sem
trén eru beinvaxin og allt að 12 metra
há. Þangað hefur gjarnan verið leitað
fanga til að framrækta einstaklinga
með sömu áferð. Erfðabötun birkis
hefur markvisst átt sér stað hérlendis
síðan 1987 með því markmiði ná fram
fyrrnefndum eiginleikum. Beitt hefur
verið vefjaræktun í tilraunaglasi til að
skapa einstaklinga af sömu gerð, sem
síðar er fjölgað með fræjum. Má þar
nefna yrkin Emblu og Kofoed sem
hafa einstaka vaxtareiginleika. Lykil-
maður í þessu bötunarferli hefur verið
Þorsteinn Tómasson plöntuerfða-
fræðingur sem með víxlfrjóvgunum
hefur tekist að ná fram eftirsóknar-
verðum eiginleikum í formi og þrótti.
Nýjasta hugarfóstur hans er að fram-
rækta þróttmikið limfagurt rauðblaða
birki eins og til að ögra hinum einslita
fagurgræna litaskrúð sem einkennir
birkiskóga að sumri. Þorsteinn er Rot-
ary félagi og því höfum við í Rótary-
klúbbi Keflavíkur fengið hann á fund
hjá okkur í klúbbnum þann 11. maí
til að kynna okkur þetta verkefni. Eins
og fram kemur í grein forseta okkar í
síðasta blaði Víkurfrétta hefur eitt af
samfélagsverkefnum klúbbsins verðið
ræktun skógarlunds við Rósaselsvötn.
Svæðið hefur tekið miklum breyt-
ingum síðan það starf hófst 1986 og er
notalegt að ganga þar og njóta kyrrðar
og fuglasöngs á góðum sumardegi.
Rótaryklúbburinn hefur ákveðið að
bjóða öllum þeim sem áhuga hafa að
mæta þetta kvöld til okkar og hlýða á
erindi Þorsteins sem áreiðanlega mun
vekja athygli. Sérstaklega bjóðum við
velkomna félaga í Suðurnesjadeild Garð-
yrkjufélags Íslands og Skógræktarfélags
Suðurnesja. Fundarstaður er á Park-Inn
Hóteli við Vatnsnesveg og hefst þann 11.
maí kl. 19:30.
Suðurnesjadeild Garðyrkjufélags Íslands
hefur á undanförnum árum haldið fjöl-
marga fræðslufundi tengda garðyrkju
allt frá ræktun matjurta til manneldis til
hleðslu grjótgarða til prýðis. Á döfinni
er að beina athyglinni að ungviðinu með
aðkomu leikskóla á svæðinu. Sennilega
er hvergi betri jarðvegur til að sá góðu
fræi en í hjörtu þeirra sem erfa munu
landið.
Konráð Lúðvíksson, læknir
Vor í lofti
■ Í gamla tímatalinu var fyrsti
sumardagur boðberi hækkandi
sólar og betri tíðar með blóm í haga.
Oftast var vorið þó varla vaknað
en það sjáum við að þessu sinni
gerast fyrstu vikur í maí. Veturinn
var fremur mildur að jafnaði og
í nokkru samræmi við hlýnandi
veðurfar á heimsvísu. Náttúran
býður samtímis upp á óvænta at-
burði eins og nýlegan jarðskjálfta
skammt frá Árnesi, samt með öllu
eðlilegan vegna spennulosunar í
Suðurlandsskjálftabeltinu. Sömu
augum getur verið að við munum
bráðum líta eldgos í þeim fjórum
megineldstöðvum sem allar sýna
merki innri spennu og jafnvel
upphitunar: Bárðarbungu, Kötlu,
Heklu og Grímsvatna. Eins og
ávallt fyrr, vonum við að eldsum-
brotin valdi sem minnstum vand-
ræðum og tjóni.
Á Alþingi hefur veturinn liðið án
stórra frétta. Stjórn og stjórnarand-
staða takast á, oftast vel málefna-
lega og ná jafnvel saman eins og við
afgreiðslu frumvarps um farþega-
og farmflutninga, þar með talið
almenningssamgöngur. Stóru bit-
beinin krefjast meiri átaka. Þau eru
til að mynda ríkisfjármálaáætlun
og rammaáætlun, áætlun um orku-
skipti, virðisaukaskattur á ferðaþjón-
ustu, samgönguáætlun og stefnan í
heilbrigðis- og menntamálum svo
nokkuð sé nefnt. Ekki er vitað hve-
nær þingi lýkur en gera má ráð fyrir
að þing sitji fram í júnímánuð. Erfitt
er að benda á umtalsverðar framfarir
í málefnum Suðurkjördæmis,
umfram það sem samþykkt var með
fjárlögum fyrir 2017, án aðkomu
ríkisstjórnar. Þar liggur á mörgu,
svo sem frekari vegabótum, úr-
bótum í heilbrigðismálum, á ferða-
mannastöðum, í menntamálum og
velferðarmálum. Því miður eru nú-
verandi stjórnvöld afar treg til að afla
fjár til bráðnauðsynlegra aðgerða og
um það deila stjórnarliðar og við hin.
Hvað sem pólitíkinni líður er ástæða
til að gleðjast yfir vor- og sumarkom-
unni og hyggja vel að umhverfi til
sjós og landa og að dýrum og fólki.
Öll höfum við ólíkar aðstæður að
kljást við og margar væntinganna
verða aðeins að veruleika með sam-
hjálp. Ég hef náð að skjótast hingað
og þangað í kjördæminu eftir að
þinghald hófst í haust. Heimsókn-
irnar hafa verið ánægjulegar og ég
þakka móttökur og fundi. Varla
má slá slöku við því nú stefnir í
sveitarstjórnarkosningar næsta vor
og að nýjum fjárlögum í haust. Ég
sendi góðar vor- og sumarkveðjur
í kjördæmið allt, frá Garðskagavita
til Hornafjarðar, frá efstu sveitum
Suðurlands suður til Víkur.
Ari Trausti Guðmundsson,
6. þingmaður Suðurkjördæmis, fyrir VG
Erfðabætt rauðblaðabirki
-mun brátt gleðja íslenska garðunnendur
-aðsent pósturu vf@vf.is
Áhrifarík
framkoma