Víkurfréttir - 11.05.2017, Blaðsíða 21
20 fimmtudagur 11. maí 2017VÍKURFRÉTTIR
Í tilefni tímamótanna var vígt nýtt
listaverk eftir hinn heimskunna
Erró. Margrét Guðmundsdóttir,
varaformaður stjórnar Isavia af-
hjúpaði listaverkið og sagði m.a.
við það tækifæri: „Þegar flugstöðin
var opnuð fyrir 30 árum síðan voru
keypt stór listaverk sem hafa verið
hluti af séreinkennum stöðvarinnar.
Þar er um að ræða glerverkin „Flug-
þrá“ og „Íkarus“ eftir Leif Breiðfjörð
sem hanga í brottfararsalnum og
hafa verið einkennandi fyrir hana
alla tíð. Um leið eignaðist flugstöðin
bronsafsteypuna „Ég bið að heilsa“
eftir Sigurjón Ólafsson og lágmynd
af Leifi Eiríkssyni sem stendur á
Skólavörðuholtinu.
Tvö verk hlutu fyrstu verðlaun í sam-
keppni um listaverk við Flugstöð Leifs
Eiríkssonar stuttu eftir að hún var
vígð. Annað verkið var útilistaverkið
„Þotuhreiður“ eftir Magnús Tómas-
son, sem sett var upp árið 1990. Verkið
er stórt egg úr stáli sem trjóna þotu er
að brjótast út úr eins og ungi sem er
að brjótast úr eggi. Verkið stendur á
steinhrúgu úr íslensku grjóti sem rís
upp úr tjörn á lóð flugstöðvarinnar, en
hún er hluti af verkinu.
Hitt verkið var „Regnboginn“ eftir
Rúrí, sem er gert úr ryðfríu stáli og
steindu gleri reist árið 1991, en það tók
eitt og hálft ár að setja verkið saman.
Verkið var á þeim tíma hæsta listaverk
á Íslandi, alls 24 metra hátt. Þegar farið
var í suðurstækkun flugstöðvarinnar
árið 2000 var aftur efnt til listaverka-
samkeppni þá voru verkin „Flekaskil“
og „Tilvísunarpunktur“ eftir Kristján
Guðmundsson keypt. Um er að ræða
gólfverk úr ryðfríu stáli sem eru eitt
á hvorri hæð byggingarinnar. Á 20
ára afmæli Flugstöðvar Leifs Eiríks-
sonar var keypt verkið „Áttir“ eftir
Steinunni Þórarinsdóttur en það hefur
verið í geymslu vegna þrengslna en
verður sett upp fyrir utan flugstöðina
komumegin í sumar.
Nú hefur verk Errós bæst í hópinn
í tilefni 30 ára vígsluafmælis Flug-
stöðvar Leifs Eiríkssonar. Það er mjög
ánægjulegt að fá verk eftir þennan ást-
sæla listamann í stöðina.
Við afhjúpum á þessum tímmaótum
veggmyndina Silver Sabler eftir Erró.
Verkið, sem var valið af listamann-
inum og fulltrúum Isavia í samein-
ingu, er úr handmáluðum keramik-
flísum. Það var framleitt af Aleluia
cerâmicas í Portúgal undir eftirliti
listamannsins, en þetta sama fyrirtæki
hefur framleitt aðrar keramíkmyndir
listamannsins sem eru á almannafæri
í Reykjavík. Verkið er eftirmynd mál-
verks frá árinu 1999 með sama nafni,
en hefur hér verið stækkað upp í ker-
amikmynd sem er 4,5m há og 11m
breið.
Verkið „Fjallar öðrum þræði um goð-
sagnir háloftanna, rótleysi nútíma-
mannsins og flugstöðina sem vettvang
ævintýranna.“ Það er mjög við hæfi
að verk eftir Erró skuli nú prýða flug-
stöðvarbygginguna, þar sem enginn
listamaður íslenskur er eins víðför-
ull og alþjóðlega sinnaður og hann.
Listamaðurinn afsalaði sér höfundar-
launum fyrir verkið og kunnum við
honum bestu þakkir fyrir þá höfðing-
legu gjöf sem hann færir Keflavíkur-
flugvelli með því fyrir þá ferðalanga
sem þar fara í gegn til að njóta,“ sagði
Margrét eftir afhjúpunina.
■ Þrjátíu ára afmæli Flugstöðvar
Leifs Eiríkssonar var fagnað nýlega
en stöðin var opnuð formlega 14.
apríl 1987 að viðstöddum um þrjú
þúsund gestum. Það er óhætt að
segja að mikið vatn hafi runnið til
sjávar á þessum árum en nú er flug-
stöðin oft nefnt stóriðja Suðurnesja-
manna enda lang stærsti vinnu-
staður svæðisins og einn sá stærsti
á landinu.
ERRÓ vígður í flugstöðinni
á 30 ára afmælinu
Glaðhlakkalegt veitingafólk frá LaGardier í flugstöðinni. Sandgerðingurinn Jón Norðfjörð (t.h.) var í mörg ár í varastjórn Isavia.
Verktakafyrirtækið Húsagerðin í Reykjanesbæ fékk það vandasama verk að setja
upp listaverkið hans Erró. Myndin er samsett með 2500 flísum. Þeir voru límdar
á platta sem síðan voru settir saman í þessari stóru uppsetningu. Á myndinni eru
Birgir Vilhjálmsson og Agnar Áskelsson frá Húsagerðinni fyrir framan verkið.
Tónlistarmennirnir úr bítlabænum,
Valdimar og Björgvin Ívar léku
nokkur lög.
Suðurnesjamenn í nýrri stjórn Isavia,
Njarðvíkingurinn Helga Sigrún
Harðardóttir og Sandgerðingurinn
Ólafur Þór Ólafsson.
Björn Óli, forstjóri Isavia tók á móti fyrstadagsum-
slögum með frímerki af flugstöðinni sem gefin voru
út. Bandaríski arkitekinn Hans Faassen sem starfaði
við hönnun stöðvarinnar mætti með umslögin.
Björn Ingi Knútsson, Jón Böðvarsson og Jón B.
Guðnason fengu Keflavíkurflugvöll í „fangið“ þegar
Varnarliðið fór árið 2006.
Friðþór Eydal var upplýsingafulltrúi Varnarliðsins
og tók fljótlega við sem slíkur hjá flugmálastjórn og
síðar Isavia eftir brottför Kanans.
„Smíði flugstöðvarinnar þótti bera
vott um mikinn stórhug og staðfesta
að Íslendingar vildu vera í fremstu
röð á öllum sviðum, enda húsið
tæknivæddasta bygging sem reist
hafði verið í landinu. Flugstöðin
hefur verið í sífelldri endurnýjun
og hátt í fjórfaldast að stærð á síðust
tveimur áratugum,“ sagði Björn Óli
Hauksson, forstjóri Isavia á þrjátíu
ára vígsluafmæli Flugstöðvar Leifs
Eiríkssonar.
Björn sem var fyrsti forstjóri Isavia
en forverar hans voru flugvallar-
stjórar, sagði að Keflavíkurflug-
völlur hafi verið gerður og rekinn af
Bandaríkjaher og við uppbyggingu
varnarliðsins á sjötta áratug síðustu
aldar hafi (gamla) flugstöðin lent
inni í herstöðinni miðri.
„Þetta kom þó ekki að sök á meðan
flugvöllurinn var einungis áningar-
staður og umferð fremur lítil. Flutn-
ingur millilandaflugs íslensku flug-
félaganna Loftleiða, og síðar Flugfélags
Íslands, frá Reykjavík til Keflavíkur á
sjöunda áratugnum gerbreytti mynd-
inni og borgaralegt flug stórjókst. Það
var því ljóst að leita varð nýrra leiða
og gerð nýrrar flugstöðvar og athafna-
svæðis á nýjum stað markaði farsælar
lyktir á miklu þjóðþrifamáli sem átt
hafði sér langan aðdraganda. Það var
öðrum þræði samvinna íslenskra og
bandarískra stjórnvalda til þess að
skilja farþegaflug frá starfsemi varnar-
liðsins enda greiddu Bandaríkin um
tvo þriðju hluta heildarkostnaðar við
framkvæmdina,“ sagði Björn m.a. í
ræðu sinni.
Við vígsluathöfnina fyrir þrjátíu
árum var einnig tekið fram að fram-
kvæmdin myndi síður en svo verða
skuldabaggi á skattborgurum lands-
ins. Flugstöðin myndi að öllu leyti
standa undir sér og á endanum skila
ríkissjóði umtalsverðum tekjum.
Þetta hefur gengið eftir þótt enn sé
nokkuð í að beinum tekjum verði
skilað í ríkissjóð. Ríkissjóður greiddi
reyndar ekki krónu af sínum kostn-
aðarhluta við bygginguna heldur tók
lán sem greidd hafa verið upp með
rekstrartekjum.
Vildum vera í
fremstu röð á
öllum sviðum í
tæknivæddasta
húsi landsins
●● Ríkið●greiddi●ekki●
krónu●í●flugstöðinni
Björn Óli Hauks-
son, forstjóri Isavia
fór yfir sögu flug-
stöðvarinnar.
Forsíða Víkurfrétta daginn eftir víglsu
stöðvarinnar sem var 14. apríl 1987.
Þar er stór mynd tekin yfir gestafjöld-
ann sem var um 3 þúsund. Svo eru for-
ráðamenn stöðvarinnar skammaðir í
forsíðugrein um að hafa hundsað aðila
á Suðurnesjum við vígsluna.