Fréttablaðið - 16.04.2018, Side 4

Blekhylki.is, S. 517 0150 – 2. hæð Smáralind
Ódýr blekhylki
og tónerar!
FERÐAÞJÓNUSTA Faxaflóahafnir
gera ráð fyrir 167 komum skemmti-
ferðaskipa til landsins í ár, þar af 14
á Akranesi. Áætlaður heildarfjöldi
farþega árið 2018 er þannig vel yfir
147.000. Árið 2008 komu alls 59.308
farþegar með skemmtiferðaskipum
hingað til lands og voru skipa-
komurnar þá 83 talsins. Á síðasta
ári voru komurnar 135 og farþega-
fjöldinn ríflega 128.000 manns.
Þetta kemur fram í minnis-
blaði Faxaflóahafna um móttöku
skemmtiferðaskipa. Þar segir jafn-
framt að nú þegar sé búið að bóka
178 skipakomur árið 2019 þar sem
heildarfarþegarými sé tæplega
191.000. Þannig mun skipakomum
fjölga um 6,3 prósent og farþega-
fjöldinn aukast um 29 prósent.
Þjóðverjar hafa frá árinu 2001
verið stærsti hópur ferðamanna sem
hingað koma með skemmtiferða-
skipum til Faxaflóahafna, en ferða-
menn frá Bandaríkjunum fylgja þar
fast á eftir.
Í minnisblaðinu segir jafnframt
að brýnt sé að bæta aðstöðu á
Skarfabakka í ljósi þessarar fjölg-
unar. Þetta tekur til betri aðstöðu til
innritunar nýrra farþega, geymslu
á farangri farþega og aðstöðu til
öryggisskoðunar á farangri. – khn
Spá verulegri fjölgun skemmtiferðaskipa til landsins
Tæplega 180 skemmtiferðaskip koma hingað á næsta ári. FRÉTTABLAÐIÐ/PJETUR
1 Píratar: Tregða og lítill
skilningur á vanda
skuldara
2 Manchester City enskur meistari í
fimmta sinn
3 Ferðamaður í ölæði braust inn
á skemmtistað
4 Pútín hvorki „fífl“ né
„sikkópati“
5 Þingmaður kveður hund
með trega
MEST LESIÐ
Heildarfarþegarými
skemmtiferðaskipa á næsta
ári verður 191.000 manns.
HEILBRIGÐISMÁL Sjúkratryggingar
Íslands gætu sparað háar upp-
hæðir ef stofnunin myndi semja
um liðskiptaaðgerðir við Klíníkina í
Ármúla. Kostnaður við liðskiptaað-
gerðir á Klíníkinni er um ein millj-
ón króna en Sjúkratryggingar greiða
aðeins fyrir slíkar aðgerðir í Svíþjóð,
sem kostar þrisvar sinnum meira.
Hjálmar Þorsteinsson, fram-
kvæmdastjóri Klíníkurinnar, segir
málið í grunninn ofureinfalt og snú-
ast um að tryggja réttindi sjúklinga.
„Þetta snýst um lélega pólitík.
Kostnaðurinn hjá okkur er rétt
rúm milljón. Ég hef farið með fimm
sjúklinga til Svíþjóðar. Kostnaður-
inn við þær ferðir er um þrjár millj-
ónir króna fyrir hvern sjúkling. Ég
hefði haldið að það væri ákjósanlegt
að gera þessar aðgerðir á mun hag-
kvæmari hátt fyrir hið opinbera,“
segir Hjálmar.
Í febrúar 2018 voru 709 á biðlista
eftir gervilið í hné, 340 karlar og
369 konur. Á sama tíma voru 385 á
biðlista eftir gervilið í mjöðm, 165
karlar og 220 konur.
„Það skortir pólitískan vilja til að
gera slíkan samning við okkur. Þetta
eru réttindi sem sjúklingum eru
tryggð af Alþingi. Samningur sem
þessi er hagkvæmur fyrir hið opin-
bera og enginn stjórnmálamaður
myndi fara svona með heimilisbók-
haldið sitt,“ bætir Hjálmar við.
Á þessu ári hefur úrskurðar-
nefnd fjallað um tæpan tug tilvika
þar sem sjúklingum var synjað um
greiðsluþátttöku vegna liðskiptaað-
gerða, sem framkvæmdar voru hjá
Klíník inni. Sjúkratryggingar greiða
fyrir aðgerðina í Svíþjóð, auk ferða-
kostnaðar, uppihalds og dagpen-
inga, bæði fyrir sjúkling og fylgdar-
mann. Samanlagt er því kostnaður
við aðgerðina í Svíþjóð mun hærri
en hér á landi.
Ólafur Þór Gunnarsson, þing-
maður Vinstri grænna í velferðar-
nefnd, segir það varhugavert að
gera samning við einkafyrirtæki hér
á landi um gerð liðskiptaaðgerða.
Aðgerðirnar eru gerðar á Akra-
nesi, Akureyri og í Reykjavík af hinu
opinbera.
„Það þarf að horfa á þetta í stærra
samhengi. Biðlistar hafa styst eftir
liðskiptaaðgerðum. Bæklunar-
skurðlæknar þurfa ákveðinn fjölda
aðgerða á ári til að viðhalda þekk-
ingu og færni og því eru rök fyrir
því að hafa liðskiptaaðgerðir á færri
stöðum en fleiri hér á landi,“ segir
Ólafur Þór. sveinn@frettabladid.is
Pólitískan vilja skortir til að
gera samning við Klíníkina
Klíníkin getur boðið íslenskum stjórnvöldum liðskiptaaðgerðir fyrir þriðjung af þeim kostnaði sem ríkið
greiðir fyrir sömu aðgerðir í Svíþjóð. Pólitískan vilja skortir til að gera samning að mati Hjálmars Þorsteins-
sonar, framkvæmdastjóra Klíníkurinnar. „Enginn myndi fara svona með heimilisbókhaldið sitt,“ segir hann.
Framkvæmdastjórinn segir skorta pólitískan vilja til að gera samning við Klíníkina. Þingmaður VG segir varhugavert að
gera slíkan samning og hafa þannig liðskiptaaðgerðir á fleiri stöðum en færri. 385 eru á biðlista. NORDICPHOTOS/GETTY
Þetta snýst um
lélega pólitík.
Hjálmar Þorsteinsson, framkvæmda-
stjóri Klíníkurinnar
SAMFÉLAG Feður búa ekki yfir jöfn-
um rétti til fæðingarorlofs þegar
kemur að andvana fæðingum eða
fósturlátum barna. Þessu vill Andrés
Ingi Jónsson, þingmaður VG, breyta.
Andrés hefur spurt dómsmála-
ráðherra um skráningu faðernis hjá
Þjóðskrá Íslands hvað varðar and-
vana fædd börn eða fósturlát fyrir
22. viku fæðingar. „Það á sér ekki
stað nokkur skráning á faðerninu,“
segir Andrés. „Því eru mæður og
feður ekki í sömu stöðunni þegar
kemur til þess að fá fæðingarorlof
vegna andvana fæðingar frá Vinnu-
málastofnun. Ef þau eru skráð í
sambúð eða eru gift þá er rétturinn
tryggður. Hins vegar er ekki hægt
með nokkru móti fyrir föður að vera
skráður fyrir þessu andvana fædda
barni og því hefur hann engan
rétt til fæðingarorlofs vegna þessa
skráningarleysis. “
Vinnumálastofnun segir að mat
á því hvort foreldrar eigi rétt á
fæðingarorlofi í þessum tilvikum
byggt á því að fyrir liggi hjá Þjóð-
skrá Íslands undirrituð yfirlýsing
móður og föður um faðerni barns
þegar ekki er um að ræða hjúskap
eða skráða sambúð foreldra.
Hins vegar er það svo að Þjóð-
skrá skráir ekki andvana fædd börn.
„Börn sem fæðast andvana eru ekki
skráð í þjóðskrá, en börn sem fæðast
andvana eftir 22 vikna meðgöngu fá
útgefna svonefnda kerfiskennitölu
vegna skráningar í fæðingarskrá
Embættis landlæknis. Í ljósi þess að
andvana fædd börn eru ekki skráð
í þjóðskrá er hvorki móðerni né
faðerni þeirra skráð,“ segir í svari
þjóðskrár til dómsmálaráðuneytis-
ins um skráningar andvana fædda
barna.
Vinnumálastofnun segir jafn-
framt að foreldrar verði að vera
gift eða skráðir í sambúð til þess að
faðirinn eigi rétt á fæðingarorlofi.
„Ef þetta eru hnökrar á kerfinu
þarf að laga það, frekar en að fólk
þurfi að berjast fyrir því að sækja
sjálfsögð réttindi sín á þessum við-
kvæma tíma,“ segir Andrés Ingi. – sa
Tryggja þurfi rétt feðra vegna fósturláta
Andrés segir þörf að jafna rétt föðurs
og móður. FRÉTTABLAÐIÐ/VILHELM
1 6 . A P R Í L 2 0 1 8 M Á N U D A G U R4 F R É T T I R ∙ F R É T T A B L A Ð I Ð
1
6
-0
4
-2
0
1
8

0
5
:2
6
F
B
0
4
8
s
_
P
0
4
5
K
.p
1
.p
d
f
F
B
0
4
8
s
_
P
0
4
0
K
.p
1
.p
d
f
F
B
0
4
8
s
_
P
0
0
4
K
.p
1
.p
d
f
F
B
0
4
8
s
_
P
0
0
9
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
F
7
6
-5
E
8
4
1
F
7
6
-5
D
4
8
1
F
7
6
-5
C
0
C
1
F
7
6
-5
A
D
0
2
7
5
X
4
0
0
.0
0
1
3
B

F
B
0
4
8
s
_
1
5
_
4
_
2
0
1
8
C
M
Y
K