Morgunblaðið - 13.09.2017, Síða 17

FRÉTTIR 17Erlent
MORGUNBLAÐIÐ MIÐVIKUDAGUR 13. SEPTEMBER 2017
Sindragata 12c | Ísafirði | Sími 456 1300 | smidjan@velsmidjan.is
Frábær smurefni sem einangra, verja
og koma í veg fyrir tæringu eins og
verkfæra o rafma nsvara.
100% eins árs RAKAVÖRN
Bogi Þór Arason
bogi@mbl.is
Hægristjórnin í Noregi hélt naum-
lega velli í þingkosningunum í fyrra-
dag en talið er að erfitt verði fyrir
Ernu Solberg forsætisráðherra að
mynda trausta ríkisstjórn og halda
völdunum út kjörtímabilið.
Niðurstaða kosninganna er sögu-
legur varnarsigur fyrir Solberg sem
verður að öllum líkindum fyrsti leið-
togi Hægriflokksins í rúm 30 ár til
að halda embætti forsætisráðherra í
kosningum eftir að hafa gegnt því í
eitt kjörtímabil. Kåre Willoch er eini
leiðtogi flokksins sem hefur verið
forsætisráðherra lengur en í eitt
kjörtímabil eftir síðari heimsstyrj-
öldina. Stjórn hans féll í atkvæða-
greiðslu um vantraust árið 1986, að-
eins ári eftir að hún hélt velli í
þingkosningum. Gegni Solberg emb-
ættinu lengur en til 9. maí á næsta
ári slær hún met Willochs.
Stjórninni spáð falli
Hægriflokkurinn myndaði minni-
hlutastjórn með Framfaraflokknum
eftir þingkosningar fyrir fjórum ár-
um og tveir flokkar, Kristilegi
þjóðarflokkurinn og Frjálslyndi
flokkurinn (Venstre), vörðu hana
falli á Stórþinginu. Flokkarnir fjórir
töpuðu allir þingsætum í kosning-
unum í fyrradag, alls átta sætum.
Nái þeir samkomulagi um að halda
samstarfinu áfram verður stjórnin
því veikari en á síðasta kjörtímabili.
Flokkarnir höfðu þá svo mikinn
meirihluta á þinginu að hún gat
haldið velli þótt annar stuðnings-
flokkanna styddi ekki frumvörp
minnihlutastjórnarinnar. Núna
þurfa hins vegar stjórnarflokkarnir
tveir stuðning beggja litlu flokkanna
til að halda meirihlutanum á
þinginu.
Ekki er víst að Kristilegi þjóðar-
flokkurinn og Frjálslyndi flokkurinn
samþykki áframhaldandi samstarf
vegna vaxandi óánægju þeirra með
stefnu Framfaraflokksins, einkum í
loftslagsmálum og málefnum inn-
flytjenda. Leiðtogar Kristilega
þjóðarflokksins hafa þegar hafnað
formlegum samningi um stuðning
við ríkisstjórn Hægriflokksins ef
Framfaraflokkurinn verður áfram í
henni. Án slíks samnings myndi Sol-
berg þurfa að semja við flokkana um
hvert mál fyrir sig til að ná því fram
á þinginu og það gæti reynst erfitt.
Líklegt er því að Hægriflokkurinn
og Framfaraflokkurinn þurfi að fall-
ast á tilslakanir til að tryggja stjórn-
inni meirihluta á þinginu.
Margir stjórnmálaskýrendur telja
ólíklegt að stjórn Hægriflokksins og
Framfaraflokksins endist allt kjör-
tímabilið, þeirra á meðal Knut Heid-
ar, prófessor í stjórnmálafræði við
Óslóarháskóla. „Ég tel að innflytj-
endamálin, eða ef til vill tengsl borg-
anna og dreifbýlisins, verði til þess
að Kristilegi þjóðarflokkurinn felli
stjórnina,“ segir hann.
Tilslakanir yrðu erfiðar
Forystumenn Kristilega þjóðar-
flokksins ítrekuðu í gær að hann
myndi ekki tryggja stjórninni meiri-
hluta á þinginu næstu fjögur árin ef
Framfaraflokkurinn verður áfram í
henni. Forystumenn Frjálslynda
flokksins léðu hins vegar máls á því
að mynda minnihlutastjórn með
Hægriflokknum og Framfaraflokkn-
um.
Norski stjórnmálafræðingurinn
Bernt Aardal telur að niðurstaða
kosninganna hafi aukið sjálfstraust
Hægriflokksins og Framfaraflokks-
ins og það geti orðið til þess að erfitt
verði fyrir þá að fallast á tilslakanir í
málum sem þeir telja mikilvæg, til
að mynda í málefnum innflytjenda.
„Útkoma Hægriflokksins og Fram-
faraflokksins í kosningunum verður
túlkuð sem stuðningur við stefnu
þeirra … Það er engin ástæða til að
ætla að þeir breyti stefnu sinni,“ hef-
ur fréttavefur norska ríkisútvarps-
ins eftir Aardal.
Útlit fyrir veikari ríkisstjórn
 Stjórnmálaskýrendur telja ólíklegt að stjórn Ernu Solberg haldi velli út kjörtímabilið vegna
óánægju stuðningsflokka með Framfaraflokkinn  Borgaralegu flokkarnir misstu sjö þingsæti
AFP
Ánægð Erna Solberg forsætisráðherra hægristjórnarinnar, dóttir hennar Ingrid Solberg Finnes (t.h.) og ráðgjafi
hennar Sigbjørn Aanes horfa á sjónvarpsskjá þegar fyrstu atkvæðatölur í kosningunum voru birtar í fyrrakvöld.
Skipting þingsæta eftir kosningarnar
Breytingar á fjölda þingsæta og kjörfylgi flokkanna frá kosningum 2013
Heimild: NRK
+1
+4
-6
+9
0
-2 -1
-3
-2
1 þingm.
2,4%
fylgi
Rødt
1 þingm.
3,2%
fylgi
Um-
hverfis-
flokkurinn
8 þingm.
4,2%
fylgi
Kristilegi
þjóðar-
flokkurinn
8 þingm.
4,3%
fylgi
Frjálslyndi
flokkurinn
(Venstre)
11 þingm.
6%
fylgi
Sósíalíski
vinstri-
flokkurinn
19 þingm.
10,3%
fylgi
Mið-
flokkurinn
27 þingm.
15,3%
fylgi
Framfara-
flokkurinn
45 þingm.
25,1%
fylgi
Hægri-
flokkurinn
49 þingm.
27,4%
fylgi
Verka-
manna-
flokkurinn
Vinsæll leiðtogi
» Erna Solberg er 56 ára og
var fyrst kjörin á þing 28 ára
að aldri.
» Hún varð leiðtogi Hægri-
flokksins 2004 og var kölluð
„Járn-Erna“ þegar hún var ráð-
herra sveitarstjórnarmála
2001-2005 vegna tilrauna
hennar til að stemma stigu við
fjölgun hælisleitenda.
» Solberg þykir alþýðleg og
vera í betri tengslum við al-
menning en aðrir flokks-
leiðtogar í Noregi.
Heimildir: Human RightsWatch/IOM/SÞ/Reliefweb/ERCC/yfirvöld í Búrma
*Samkvæmt upplýsingum
frá stofnunum
Evrópusambandsins
Flótti rohingja frá Búrma
60 km
DHAKA
BANGLADESS
BÚRMA
INDLAND
Maungdaw
Cox's Bazar
Ukhia
Teknaf
Buthidaung
Sittwe
Ríkisstjórnin í Bangladess
hefur lagt til að rohingjar
setjist að á óbyggðri eyju
við ós Meghna-fljóts
Hatiya
Sandwip
RAKHINE-FYLKI
Rohingjum er meinað um
ríkisborgararétt og ferða-
og atvinnufrelsi þeirra
er takmarkað
BENGAL-
FLÓI
M
eghna-
fljót
Talið er að um 370.000 rohingjar hafi flúið til Bangladess frá 25. ágúst, að sögn embættismanna Sameinuðu þjóðanna
Svæði þar
sem til átaka
hefur komið*
Gervihnattamyndir
og frásagnir
sjónarvotta benda
til þess að mörg hús
hafi verið brennd
frá 25. ágúst til
4. september, að sögn
mannréttindasamtaka
Forsætisráðherra Bangladess, Hasina Wazed, hvatti í
gær stjórnvöld í Búrma til að taka við hundruðum þús-
unda rohingja sem hafa flúið þaðan til Bangladess
vegna átaka og ofsókna. Rohingjar eru minnihluta-
hópur í Búrma, flestir þeirra múslímar. Embættismenn
Sameinuðu þjóðanna segja að um 370.000 rohingjar
hafi flúið frá Búrma eftir að átök hófust þar 25. ágúst
milli hers landsins og öfgahóps sem tengist minnihluta-
hópnum. Fyrir voru um 300.000 rohingjar í flótta-
mannabúðum í Bangladess. Stjórn landsins hefur lagt
til að fólkið setjist að á óbyggðri eyju í Bengalflóa en
mannréttindasamtök segja að hún sé ekki byggileg
vegna tíðra flóða.
Hermenn í Búrma eru sakaðir um grimmilegar árás-
ir á þorp rohingja í Rakhine-fylki eftir að átökin hófust
og sagðir hafa kveikt í mörgum húsum þeirra. Mann-
réttindafulltrúi Sameinuðu þjóðanna hefur lýst árás-
unum sem „skólabókardæmi um þjóðernishreinsanir“.
Um 370.000 rohingjar flúðu
Sendiherra Norður-Kóreu hjá Sameinuðu þjóðunum sagði í gær að ein-
ræðisstjórn landsins hafnaði nýrri ályktun öryggisráðsins um hertar refsi-
aðgerðir gegn henni vegna kjarnorku- og eldflaugatilrauna hennar. Álykt-
unin kveður á um takmarkanir á olíuinnflutningi til Norður-Kóreu, bann
við útflutningi þaðan á vefnaðarvörum og bann við því að farandverka-
menn frá Norður-Kóreu fái vegabréfsáritanir í öðrum löndum. Bandaríkja-
stjórn hafði beitt sér fyrir harðari refsiaðgerðum, m.a. algeru banni við
sölu á olíu til Norður-Kóreu, en Kínverjar og Rússar höfnuðu því.
Sendiherrann sagði að einræðisstjórnin myndi svara ályktuninni með
hörðum aðgerðum gegn Bandaríkjunum. „Komandi aðgerðir Norður-
Kóreu munu valda Bandaríkjunum mestu þjáningum í sögu landsins,“
sagði hann á ráðstefnu á vegum Sameinuðu þjóðanna í Genf.
NÝJAR REFSIAÐGERÐIR GEGN NORÐUR-KÓREU
Hótar að valda Bandaríkjunum þjáningum