Feykir - 28.04.2009, Blaðsíða 8
8 Feykir 17/2009
Gaman saman
á útreiðum
Krakkar í hestamennsku
kennslustunda. Var þá forminu
breytt í það sem kalla má
undirbúning að knapa-merki.
Að sögn Rúnars Páls er lagt
mest upp úr því að hafa gaman
saman, ríða út og kynnast
hestinum á útreiðum og gera
æfingar í gerði.
Krakkarnir hafa verið sjö
talsins á námskeiðinu en þegar
blaðamaður leit við á Hofsósi í
síðustu viku vantaði tvo í
hópinn en það voru þau Arnar
Magnússon og Fanney
Guðmundsdóttir. Margrét
Árnadóttir var hins vegar
mætt og sagði að hún væri
lítið vön hestum en hefði
áhuga á að kynnast
hestamennskunni og fór því á
námskeiðið. Hvort hún hyggist
reyna seinna við knapamerki
hélt hún ekki þar sem hún
stefndi á það að fara í VMA
næsta haust og ekki er boðið
upp á slíkt námskeið þar. Júlía
Ósk Gestsdóttir gæti hins
vegar hugsað sér að fara í Jór í
FNV á næsta skólaári. Hún á
hryssu sem er nýtamin og
stefnir hún á að þjálfa hana í
sumar. Sjöfn Finnsdóttir á
hins vegar ekki hest en hefur
fengið að umgangast þá í
sveitinni hjá frændfólki. Sjöfn
segist hafa lært mikið og
bóklega námið skilað miklu.
Hjördís Árnadóttir er vön
hestum, á einn hest alein og
nokkra með mömmu sinni.
Hún hefur gaman að
hestamennskunni og hefur
verið að hjálpa til við að gera
tryppi taumvön og svo fer hún
í göngur og smalar í
Laufskálarétt. Friðberg Rúnar
Jóelsson er vanur hestamaður
þó hann sé ekki mikill
keppnismaður að eigin sögn.
Hann er vanur að ríða út,
smala og fer í göngur í
Deildardalinn. Hann er
hrossaræktandi því hann á
von á einu folaldi í vor, tvö
komu í fyrra og sex hross á
hann í allt.
Aðspurð hvað komið hefði
mest á óvart á námskeiðinu
voru krakkarnir sammála um
að það væri atferli hesta,
hvernig hestar haga sér sem
einstaklingar svo og sem stóð
en þar er margt sem kemur á
óvart.
Sigurvegari frumtamningarkeppninnar Christina Mai.
Á Hofsósi hefur í vetur verið
boðið upp á reiðkennslu sem
valgrein hjá krökkum í 9. og
10. bekk Grunnskólans
austan Vatna. Valgreinin er í
samvinnu skólans og
Hestamannafélagsins Svaða.
Leiðbeinandi er Rúnar Páll
Hreinsson tamningamaður.
Í upphafi námskeiðs var lagt
upp með það að kenna eftir
Knapamerkjakerfinu og stefnt
á Knapamerki 1. Bóklegi
hlutinn var kenndur fyrir
áramót og gekk mjög vel og
nemendur sýndu mikinn
áhuga. Fljótlega eftir áramót
kom í ljós að erfitt myndi
reynast að kenna verklega
hlutann eftir reglum
knapamerkisins vegna að-
stæðna en engin inniaðstaða
er fyrir hendi á félagssvæði
Svaða. Auk þess sem lánshest-
ar voru notaðir og knaparnir
ekki í aðstöðu til að leysa þau
verkefni sem ætluð er milli
HESTAUMFJÖLLUN Feykis
Fyrsta frum-
tamningakeppni
á Íslandi
Tekið til kostanna
Stórhátíðin Tekið til
kostanna var haldin í
Svaðastaðahöllinni í
upphafi Sæluviku og var
mikið um að vera. Á
laugardeginum kynnti
reiðkennarabraut
Hólaskóla nýja strauma í
hestamennskunni og er
óhætt að segja að ýmislegt
þar hafi vakið athygli.
Það sem vakti ekki hvað síst
athygli var frumtamninga-
keppni Hólaskóla en sú
keppni er hin fyrsta sinnar
tegundar hér á landi.
Sigurvegari keppninnar varð
hin þýska Christina Mai en
hún er nú í verknámi á
Þingeyrum. Í keppninni
sýndu knapar hve ótrúlegar
æfingar er hægt að kenna
hrossum á aðeins 100 dögum
en verðandi tamningamenn
tóku þátt í keppninni og
fengu þeir ýmis verkefni til
að leysa innan ákveðins
tímaramma. Margt annað
var á dagskrá og allt mjög
áhugavert. Spurningunni,
um hvor væru betri knapar
konur eða karlar, var svarað
með fyrirlestri þeirra Jelenu
Ohm og Line Nörgaard og
var aðallega gengið út frá
líffræðilegum mun karla og
kvenna. Þegar allt var tínt til,
plúsar og mínusar, varð
útkoman sú að jafnt væri
komið á með þeim.
Jelena Ohm og Line Nörgaard drógu ýmislegt fróðlegt fram í sínum fyrirlestri. Geir Eyjólfs
hjálpar til við sýnikennsluna.
Hesturinn og knapinn bæði með augun lokuð
Verið var að taka blindandi jafnvægisæfingar.
Kátir framtíðarknapar. Hjördís, Margrét, Friðberg Rúnar, Sjöfn, Rúnar Páll og Júlía Ósk.