Feykir - 27.02.2014, Blaðsíða 2
2 Feykir 08/2014
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Berglind Þorsteinsdóttir – berglind@feykir.is & 455 7176
Blaðamenn:
Kristín Sigurrós Einarsdóttir – kristin@feykir.is & 867 3164
Guðrún Sif Gísladóttir – gudrun@feykir.is
Óli Arnar Brynjarsson – oli@feykir.is
Hrafnhildur Viðarsdóttir – hrafnhv@nyprent.is
Áskriftarverð: 450 kr. hvert tölublað með vsk. Lausasöluverð: 490 kr. með vsk.
Áskrift og dreifing: Nýprent ehf. Sími 455 7171. Umbrot og prentun: Nýprent ehf.
Óháð fréttablað á Norðurlandi vestra - alltaf á fimmtudögum
LEIÐARI
Undarlegt háttalag
austanáttarinnar
Þegar ég var að reyna láta mér detta í hug hvaða skemmtilega
efni ég gæti rætt um í þessum leiðara þá kom mér einhvern
veginn ekkert til hugar nema veðrið, eins frumlegt og það
umræðuefni kann að vera. Já, og kannski ESB-aðildarumræðan
en þá kaus ég heldur að ræða um veðrið þar sem ég tel mig
þurfa að setjast aftur á skólabekk til treysta mér nánar út í ESB-
umræðuna. Veðrið skal það vera - enda snertir það okkur öll,
blessuð blíðan eða bölvaður bylurinn.
Þannig hefur það verið að austan- og norðaustanáttin hafa
verið mjög ríkjandi á landinu undanfarið. Fyrir forvitni sakir
athugaði ég málið hjá Veðurstofunni og þar kemur einmitt
fram að austlægar áttir hafi verið sérlega þrálátar í janúarmánuði
og að „austanþáttur vigurvinds“ hafi verið sá sterkasti sem
vitað er um í janúar, síðan mælingar hófust árið 1949. Þá spyr
maður sig; hvað er vigurvindur? Og ég sem hélt að mér væri
tiltölulega óhætt að tala um veðrið en allt annað kom á daginn
og þörf var á að leggjast í bókalestur. Fyrir þá sem ekki vita hvað
vigurvindur er, þá má segja að hann sé útreiknuð ríkjandi
vindátt á ákveðnu tímabili (í grófum dráttum). Þar hafið þið
það. Ekki var búið að taka saman tölur fyrir febrúar en efast ég
ekki um að samskonar tölur séu þar upp á teningnum.
Þá er það undarlegi þáttur austanáttarinnar og þau áhrif sem
hún hefur á Sauðárkrók og nágrenni, sem eru ósköp lítil, en í
þeirri vindátt virðist svæðið vera í vari fyrir Tröllaskaga. Því
hefur verið blessuð blíða hér á Krók undanfarna mánuði; varla
hægt að tala um snjókomu, en þess í stað logn og sólskin. Á
sama tíma heyrast fregnir af því að fólk í næsta nágrenni bölvi
bylnum sem austanáttin færir þeim; hvassviðri og ofankomu.
Fjallvegum til allra átta frá Skagafirði hefur trekk í trekk verið
lokað vegna þessa, hlutir fjúka og björgunarsveitarmenn þurfa
ítrekað að koma fólki til aðstoðar. En á meðan austanáttin
heldur sínu striki blívar blessuð blíðan á Króknum, svo
undarlegt er það nú.
Með ósk um hagstæðan vigurvind.
Berglind Þorsteinsdóttir.
Tjón vegna óveðurs
Óveður í Blönduhlíð Engan sakaði
Rúta fauk
út af
Rúta fauk út af
Þverárfjallsvegi sl.
föstudag en um var að
ræða rútu íþróttafélagsins
Tindastóls. Hún valt þó
ekki og tókst að koma
henni upp á veginn aftur.
Það var meistaraflokkur
karla í körfubolta, Tinda-
stóll, sem var á ferð með
rútunni en engan sakaði við
óhappið. /KSEAustanáttin gerði mikinn
óskunda í Blönduhlíð og
Hegranesi fyrir helgi og
bárust nokkrar tilkynningar
um tjón til tryggingafélag-
anna vegna þessa.
Í Hjarðarhaga var þetta
„býsna strembin nótt“ en þar
splundruðust rúður, grindverk
mölvaðist, hestakerra og jeppi
fuku útaf heimkeyrslunni og
kyrrstæður flutningabíllinn
fauk á hliðina. Þak lyftist af
fjárhúsi á bænum Keflavík í
Hegranesi og gluggar fuku upp
á fjósinu í Kúskerpi í Blöndu-
hlíð og varð við það tjón á
sjálfvirkum opnurum og mæli-
kerfi þeim tengdum. Þá bárust
tilkynningar um brotnar rúður
á fleiri bæjum. Samkvæmt VÍS
á Sauðárkróki varð þó nokkuð
tjón af veðrinu en það hefur þó
oft verið verra að sögn
starfsmanns.
Engin tilkynning barst til
lögreglu og að sögn Stefáns
Vagns Stefánssonar lögreglu-
stjóra var nóttin róleg hjá þeim
þrátt fyrir veðurhaminn. Sömu
sögu er að segja af Flugbjörg-
unarsveitinni í Varmahlíð.
Engin aðstoðarbeiðni barst til
þeirra, að minnsta kosti ekki
formleg, samkvæmt Þorsteini
Guðmundssyni formanni
björgunarsveitarinnar. Margir
meðlimir björgunarsveitar-
innar búa á bæjum á þessu
svæði og hafa sjálfsagt
einhverjir þeirra staðið í
ströngu þessa nótt en algengt
er að nágrannar hjálpist að
þegar þörf er á. Nokkrir bílar
sátu fastir upp á Öxnadalsheiði
en óskuðu ekki eftir aðstoð,
heldur kusu að bíða eftir
Vegagerðinni. /BÞ & KSE
Veitinga- og bensínskáli
í Húnaþingi vestra
Verið er að skoða
möguleikann fyrir skála
með veitinga- og
bensínsölu á landi
Melstaðar í Miðfirði,
samkvæmt talsmanni
Stöðvarinnar, en vinna að
undirbúningi hennar hefur
verið í gangi í nokkur ár.
„Í kjölfar eigendaskipta á
Skeljungi sem gengu í gegn í
janúar síðastliðnum, var
ákveðið að skoða málið betur
og ákvarðanir um málið
verða teknar á næstu mán-
uðum,“ segir talsmaður
Stöðvarinnar í samtali við
Feyki. /BÞ
Stöðin í
skoðun
Klósett á undarlegum stað
Aðgengismál eru mörgum
hugleikin og oft geta
sjálfsagðir hlutir eins og
aðgengi að salerni verið
erfiðir og jafnvel ómögulegir.
Það er þó ekki víst að
gárungarnir sem komu þessu
klósetti fyrir á þaki geymslu-
skúrsins við Ábæ á Sauðárkróki
um síðustu helgi hafi haft þetta í
huga. Myndin getur þó minnt
okkur á að fyrir marga eru
klósett jafn óaðgengileg og þetta
sem stendur nú á vörubretti
ofan á umræddum geymslu-
skúr. /KSE
Sauðárkrókur
Vörumerki fyrir Gand
Loðdýrabændur að Syðra-
Skörðugili í Skagafirði hafa
undanfarin misseri
unnið að vöruþróun
sem gengur út á að
vinna græðandi
smyrsl úr minkafitu.
Nú í ársbyrjun
fóru aðstandendur
verkefnisins þess á leit
við Myndlistaskólann
á Akureyri að nemendur List-
hönnunardeildar skólans hönn-
uðu vörumerki fyrir afurðirnar.
Í framhaldinu var efnt til
samkeppni nemenda á fyrsta-,
öðru- og þriðja ári deildarinnar.
Merki Ingibjargar
Berglindar Guð-
mundsdóttur var
valið sem framtíðar-
auðkenni Gands.
Afhending verð-
launa fór fram í
Myndlistaskólanum á
Akureyri sl. föstu-
dag, ásamt því að eigendur
Gands tóku formlega við
merkinu. Vikudagur segir frá
þessu. /KSE
Vöruþróun fyrir smyrsl úr minkafitu
Vill stuðla að bættri
umferðarmenningu
Svavar Jakobsson
húsasmíðameistari hafði
samband við Feykir og lýsti
yfir áhyggjum af hnignandi
umferðarmenningu á
Sauðárkróki. Hann vill
minna fólk á að gæta
fyllsta öryggis í umferðinni.
„Ég er mikið á ferðinni hér
í bænum og hef tekið eftir því
að margir nota ekki stefnuljós,
eru að tala í símann, sumir
eru ljóslausir eða jafnvel
eineygðir,“ segir Svavar. Þá
segist hann hafa séð suma
ekki virða umferðamerki og
þar fram eftir götunum. „Ég
vil bara minna fólk á að það
eru fleiri en við á ferðinni, við
erum ekki ein í heiminum.“
/BÞ
Erum
ekki ein í
heiminum
Mynd frá Haraldi Smára Haraldssyni í Hjarðarhaga í Blönduhlíð sem sýnir bílinn á hliðinni.
Ef vel er að gáð má sjá þetta fína klósett fyrir miðri mynd. Mynd: BÞ