Feykir - 10.04.2014, Síða 4
4 Feykir 14/2014
Ekki mjög sexý setning...en gæti skipt
þig miklu máli...
Á raunfærnimat
erindi við þig?
Ef þú hefur ekki menntun í
starfsgrein sem þú hefur
samt mikla starfsreynslu í
gætir þú bætt stöðu þína á
vinnumarkaði með því að
fara í raunfærnimat. Þú
gætir tekið stór skref í átt
að starfsréttindum og
auknu starfsöryggi. Hægt er
að fá færni sína metna í
mörgum starfsgreinum á
Íslandi, t.d. má nefna
flestar iðngreinarnar,
skipstjórn, fisktækni,
matartækni og fleira.
Ef fólk hefur starfað við
starfsgrein þar sem
raunfærnimat er í boði en
hefur ekki lokið námi á því
sviði þá getur það mögulega
fengið færni sína metna á
ákveðnum sviðum starfsins
sem samsvara tilteknum
námsgreinum í fagmenntun.
Ekki er um að ræða að taka
próf eins og við þekkjum þau
úr skólum heldur mætir fólk í
samtal þar sem rætt er um
alla þætti og allar hliðar á því
sem gert er í viðkomandi
starfsemi, faggrein eða
framleiðsluferli. Matið getur
leitt til þess að einstaklingur
telst hafa lokið tilteknum
áföngum og þar með
tilteknum einingafjölda í
framhaldsnámi.
Mánudaginn 14. apríl
næstkomandi munu starfs-
menn Iðunnar fræðslu-
seturs kynna raunfærnimat á
opnum fundi í Farskólanum
á Sauðárkróki kl. 17:00.
Fundurinn verður opinn
almenningi á Blönduósi og
Skagaströnd, í fjarfunda-
búnað, í námsverum
staðanna á Þverbraut 1 og
Einbúastíg 2.
Einnig getur hver sem er,
hvenær sem er, fengið viðtal
hjá náms- og starfsráðgjafa á
vegum Farskólans og fræðst
um möguleika sína á sviði
menntunar og atvinnu.
Hörður Ríkharðsson
AÐSENT HÖRÐUR RÍKHARÐSSON, FRÆÐSLUERINDREKI SKRIFAR:
Nafn: Jón Kristinn Skúlason.
Heimili: Kvistahlíð á Sauðárkróki.
Starf: Starfsmaður í Árskóla.
Hvert er uppáhaldsliðið þitt í enska
boltanum og af hverju?
-Ég held með Manchester United og
það var aðalega út af hópþrýstingi
fótbolta stráka af árgangi ´86 að
þakka.
Hvernig spáir þú gengi liðsins á
tímabilinu? 6. sætið.
Ertu sáttur við stöðu liðsins? -Nei,
því miður er þeim ekki að ganga vel
en maður bjóst reyndar við því eftir að
meistarinn Alex Ferguson hætti en ég
er samt bjartsýnn á að næsta tímabil
verði betra.
Hefur þú einhvern tímann lent í
deilum vegna aðdáunar þinnar
á umræddu liði? -Engu alvarlegu,
bara smá frá Liverpool aðdáendum
og aðalega á þessu tímabili því
þeir eru að vakna all rækilega af
löööönnnggguuum blundi.
Hver er uppáhalds leikmaðurinn
fyrr og síðar?-Ætli það sé ekki King
Cantona.
Hefur þú farið á leik með liðinu
þínu?-Nei, því miður hefur það ekki
gerst.
Áttu einhvern hlut sem tengist
liðinu? -Já, ég á þetta hefðbundna.
Bolla, föt og bangsa.
Hvernig gengur að ala aðra
fjölskyldumeðlimi upp í stuðningi
Jón Kristinn Skúlason heldur með Man Utd
Bjartsýnn á að næsta
tímabil verði betra
Gauti Ásbjörnsson stangastökkvari.
við liðið? -Ég held að það gangi bara
ágætlega strákurinn minn nennir að
sitja hjá mér og horfir á Man Utd leiki
en hefur ekki þolinmæði yfir hinum
leikjunum.
Hefur þú einhvern tímann skipt um
uppáhalds félag? -Nei, og það mun
aldrei gerast.
Uppáhalds málsháttur? -Ég er ekki
mikið að hugsa um málshætti svo ég
man ekki eftir neinum.
Einhver góð saga úr boltanum?
-Það er ein sem poppar strax upp. Ég
man ekki hvort það var í 3. eða 4. flokki
en þá vorum við að keppa á móti KA
hér á Króknum og vorum að vinna 4-0. Í
seinni hálfleik vildi þjálfarinn af einhverri
ástæðu að ég færi í vörn í hornspyrnu
andstæðinganna og það endaði með því
að ég skoraði líka þetta flotta sjálfsmark
með flottum skalla yfir markmanninn
og upp í samskeitin, þetta kom KA
mönnum í gang sem skoruðu svo þrjú
mörk stuttu seinna og náðu jafntefli.
Þjálfarinn bað mig aldrei aftur að fara
til baka við hornspyrnu andstæðingana.
Einhver góður hrekkur sem þú hefur
framkvæmt eða orðið fyrir?-Ég man
ekki eftir neinu.
Spurning frá Gauta Ásbjörnssyni:
–Hvernig myndir þú bregðast við
ef Dominic byrjaði að halda með
Liverpool? -Ætli ég yrði ekki að taka því
en hann myndi þurfa að biðja mömmu
sína eða afa sinn um að kaupa
Liverpool dót fyrir sig.
Hvern viltu sjá svara þessum
spurningum? -Ég myndi vilja sjá
Bergmann Guðmundsson svara
þessum spurningum.
Hvaða spurningu viltu lauma að
viðkomandi? Þar sem Liverpool eru
öryggir með Meistaradeildar sætið
hvernig spáir þú þá gengi liðsins í þeirri
deild á næsta tímabili?
( LIÐIÐ MITT ) kristin@feykir.is
Íþróttir
Framleiðsla á kynningarefni
Erlendir leikmenn
ganga í raðir Tindastóls
Húnaþing vestra
gerir samning við N4
Knattspyrnudeild Tindastóls hefur kynnt til leiks tvo
nýja erlenda leikmenn sem spila með liðinu í sumar.
Annar þeirra heitir Jose Figura, 21 árs enskur
miðvallarleikmaður, en hann lék með Redbridge
háskólanum frá 2009 – 2011.
Hinn heitir Mark Magee og er 24 ára gamall enskur sóknar-
og miðvallarleikmaður. Magee lék með u16 og u18 ára
liðum Bristol City en fór til Bandaríkjanna árið 2010 þar
sem hann lék með Rockhurst háskólanum. Báðir
leikmennirnir koma til Íslands í lok apríl. /BÞ
Sveitarfélagið Húnaþing
vestra og sjóvarpsstöðin N4
hafa gert með sér samning
um gerð kynningarefnis fyrir
Húnaþing vestra.
Samningurinn var lagður
fram til kynningar á fundi
byggðarráðs þann 7. apríl sl.
Í samningnum er m.a. tiltekið
að unnið verði að eftirtöldum
verkefnum í Húnaþingi vestra
frá apríl 2014 - apríl 2015:
framleiðsla og sýningar á
fjórum þáttum af „Óvissuferð
í Húnaþingi.“ Framleiðsla og
sýningar á heimildarþætti um
Húnaþing vestra og fram-
leiðsla og sýningar á 75 inn-
slögum frá Húnaþingi vestra í
þættinum „Að norðan“.
Í fundargerð kemur fram að
gerð þessa kynningarefnis og
fjármögnun er í samræmi við
samkomulag Húnaþings
vestra og verkefnisstjórnar
um Sóknaráætlanir landshluta
um markaðssetningu á
búsetukostum, atvinnuupp-
byggingu og innviðum í
Húnaþingi vestra. /BÞ
Skagaströnd
Framkvæmdir
við Fellsborg
Á síðasta fundi sveitarstjórnar
Skagastrandar voru sam-
þykktar framkvæmdir við
félagsheimilið Fellsborg á
Skagaströnd. Gert er ráð
fyrir að breytingar og endur-
bætur í heild muni kosta
19,2 milljónir.
Fyrir fundinum lágu upp-
drættir og kostnaðaráætlun
vegna breytinga á snyrt-
ingum í kjallara og á 1. hæð,
ásamt flísalögn á stiga og
fleira sem Form – arkitektar
höfðu unnið. Sveitarstjórn
samþykkti að hefja fram-
kvæmdir. Í fjárhagsáætlun er
gert ráð fyrir að fjárfestingin
geti numið allt að 22 m.kr. og
því var framkvæmdin innan
marka. /KSEMark MageeJose Figura