Feykir - 10.04.2014, Qupperneq 8
8 Feykir 14/2014
Yfirgripsmikið og krefjandi nám
Átak í hækkun menntunarstigs sjúkraflutningamanna
Nokkrir sjúkra-
flutningamenn hjá
Brunavörnum
Skagafjarðar hafa setið við
lærdóm undanfarna
mánuði en að sögn
Vernharðs Guðnasonar
slökkviliðsstjóra er um
sameiginlegt átak
slökkviliðsins,
Heilbrigðisstofnunar
Sauðárkróks og
starfsmanna sjálfra að
ræða. Markmiðið er að
stórauka menntun
sjúkraflutningamanna í
Skagafirði og um leið
þjónustustigið.
Vernharð segir að breytingar á
námi sjúkraflutningamanna hafi
staðið til lengi og að á sínum
tíma hafi verið gefin út markmið
til að hækka menntunarstigið.
„Sjúkraflutningaráð hefur verið
að endurskoða námskránna og
er það ætlunin að steypa saman
grunnnáminu og neyðarbíls-
náminu og það verði grunnámið
eftir 2015.“ Eins og er hefur
námið skipst í grunnnám, svo
framhaldsnám sem kallast
neyðarbílsnám og loks bráða-
tæknir, sem hefur ekki ennþá
verið boðið upp á hérlendis.
Samkvæmt Vernharði mun
námið þá verða þrjár annir með
verknámi í stað þeirra nám-
skeiða sem hafa verið boðið upp
á fram til þessa. Þeir sem hafa
grunnnámið þegar þessi
breyting gengur í gegn koma til
með að geta komið inn í námið á
annarri önn og klárað á einum
vetri. Síðan er ekki ljóst hvenær
boðið verður upp á
bráðatækninám á Ísland. „Það
er óvíst hvernig sjúkraflutn-
inganám þróast í framtíðinni,
það er gjarnan horft til
Norðurlandanna þar er allt að 2
ára nám til að mega starfa á
sjúkrabíl. Sumstaðar eru þetta
hjúkrunarfræðingar sem fara í
sérnám eftir hjúkrunarfræði-
námið,“ segir hann og bætir við:
„Vonandi eflist bara menntunin
- það er bara betra fyrir alla.“
3
Enginn afsláttur veittur
í verklega prófinu
Áður en breytingarnar ganga í
garð var ákveðið að drífa í því að
hækka menntunarstig þeirra
sjúkraflutningamanna sem
starfa í Skagafirði í samstarfi við
Heilbrigðisstofnunina Sauðár-
króki og Brunavarnir Skaga-
fjarðar og ekki síst starfs-
mannanna. „Við ákváðum að
setja þá á námskeið sem er núna
í gangi, svokallað EMT-I
námskeið, sem er framhaldsnám
í sjúkraflutningum. [...] Nú eru
sex menn á þessu námskeiði,
þannig að eftir þetta námskeið
erum við með alla okkar
sjúkraflutningamenn með
neyðarbílsmenntun,“ segir
Vernharð en fyrir voru tveir
starfsmenn Brunavarna Skaga-
fjarðar með þessa menntun.
„Þetta er töluverð viðbót við þá
menntun sem þessir menn hafa,
gunnnámið er rétt um
mánaðarnámskeið en þetta er
um tveir mánuðir með verklegri
þjálfun.“
Vernharð segir námið vera mjög
yfirgripsmikið og krefjandi en
það hófst þann 24. febrúar og
stendur yfir til 12. apríl. „Þeir
sitja sína fyrirlestra í fjarnámi
hjá Sjúkraflutningaskólanum á
Akureyri og svo eru verklegar
lotur. Þá koma kennarar ýmist
frá Reykjavík eða Akureyri með
sambærilega eða meiri
menntun, þ.e. bráðatæknar.
Fyrirlesarar eru læknar,
hjúkrunarfræðingar, ljósmæður,
sjúkraflutningamenn og bæði
neyðarbílsmenn og
bráðatæknar. Síðan lýkur þessu
námskeiði með skriflegum og
verklegum prófum og er krafa
gerð um 70% árangur í því
skriflega en fullkominn árangur
í verklega - það er enginn
afsláttur þar,“ segir hann. Í
VIÐTAL
Berglind Þorsteinsdóttir
Sjúkraflutningamenn sestir á skólabekk.
Barnið er fætt! Fæðingarhjálp er snar þáttur í starfI sjúkraflutningamanna.
Önnum kafnir við að rýna í hjartalínurit.
kjölfarið fara sjúkraflutninga-
mennirnir í verknám ýmist á
Akureyri eða til Reykjavíkur. Þá
fara þeir þá á vaktir á
neyðarbílum og inn á deildir í
sjúkrahúsum, slysadeildir og
inn á Hjartagátt, en alls verða
þetta um 16 – 18 vaktir. Ætlast er
til þess að verknáminu sé lokið
um miðjan maímánuð og þá
verða þeir orðnir fullnuma
neyðarbílsmenn.
Vernharð segist vera afar
ánægður með þetta samstarf en
Heilbrigðisstofnunin og
Brunavarnir Skagafjarðar kosta
til námskeiðsins og útvega
námsgögn en starfsmennirnir
leggja sjálfir fram allan tíma.
Fara létt með þetta
Þegar blaðamaður Feykis leit
inn á verklega lotu hjá
sjúkraflutningamönnunum á
dögunum voru þeir önnum
kafnir við að æfa fæðingarhjálp
en það er snar þáttur í þeirra
starfi. Jafnframt voru þeir að
rýna í hjartalínurit og að læra
allt sem þarf að vita um
endurlífgun. Þegar blaðamaður
spurði þá hvernig gengi svöruðu
þeir að þetta væri strembið nám
og að farið sé yfir mikið efni á
skömmum tíma, en þeir færu
létt með þetta - þeir væru svo
afburða gáfaðir.