Feykir - 22.01.2015, Blaðsíða 2

2 3/2015
Á meðal verkefna síðasta árs hjá Byggðasafni
Skagfirðinga er fornleifauppgröftur á 11. aldar
skála á Hamri i Hegranesi og skipt var út
sýningunni Gersemar og þarfaþing, í sal
Minjahússins, fyrir geymslusýninguna Hitt og
þetta úr geymslunni. Safnið tók á móti ríflega
40 þúsund gestum á árinu. Þetta kemur fram
á vef safnsins þar sem stiklað er á helstu
verkefnum ársins 2014.
„Við héldum áfram viðgerðum og bygginga-
handverkskennslu á Tyrfingsstöðum með Forn-
verkaskólanum. Við kláruðum að skrá strandminjar
út að austan og skráðum og rannsökuðum austfirskar
minjar. Við skráðum 2500 ljósmyndir frá
Tyrfingsstöðum í Sarp,“ segir á vefnum. Einnig var
haldið áfram verkefninu Eyðibýli og afdalir, í
samstarfi við starfsmenn Byggðasögu Skagafjarðar
og fjölda nýrra staða kannaðir. Staðir og svæði sem
rannsökuð hafa verið í tengslum við útgáfu ritsins eru
hátt í 80 talsins. Unnið var að miðaldakirkjurann-
sóknum með bandarísku rannsóknarteymi (SASS),
sem safnið er og hefur verið í samstarfi við. Gefin
voru út átta rannsóknaskýrslur og eitt smárit.
Byggðasafnið tók þátt í evrópska samstarfsverk-
efninu LoCloud í samstarfi við Minjastofnun Íslands.
En verkefnið miðar að því að gera smærri söfnum
eða öðrum menningarstofnunum kleift að gera
starfrænt efni aðgengilegt á netinu. „Við fórum í
Rökkurgöngu í gamla bæinn í Glaumbæ, á
jólaföstunni, þrátt fyrir ómögulegt veður og ófærð.
Við gerðum ýmislegt fleira, bæði innan héraðs og
utan, og munum tíunda það í ársskýrslunni sem er
væntanleg á þorranum,“ segir á síðu Byggðasafnsins.
Nánar er fjallað um verkefni ársins á heimasíðunni
og eru þessi verkefni og fleiri í ársskýrslu safnsins sem
er í vinnslu. /BÞ
Í upphafi mánaðarins birti Bandaríska geimferðastofnunin
NASA skörpustu og stærstu myndina til þessa af Andró-
meduvetrarbrautinni. Myndin er sú stærsta sem Hubble
geimsjónaukinn hefur tekið en á henni sjást meira en 100
milljónir stakra stjarna og mörg þúsund stjörnuþyrpingar á
svæði í skífu Andrómedu sem er um 40.000 ljósár á breidd.
Myndin var sett saman úr 411 ljósmyndum sem Hubble
tók en samanlagt er hún 1,5 milljarðar pixla (69.536 x 22.230
pixlar), sem þýðir að meira en 600 háskerpusjónvörp þyrfti til
að sýna myndina alla, samkvæmt vefnum Stjörnufræði.is Á
Youtube er hægt að horfa myndband þar sem farið er um
myndina, ótrúleg smáatriði blasa við og framandi fegurðin
dáleiðir mann.
Þegar ég flakka um netmiðlana og verð þreytt á niður-
drepandi fréttum, af hryðjuverkum, endurreisn fasistahreyf-
inga eða hneykslismál opinberra starfsmanna sem hafa sett
mark sitt á vikuna, með fyrirsögnum líkt og „Björgvin í
áfengismeðferð“ eða „Hávær hatursmaður hinsegin fólks“ á
Mbl.is, athuga ég stundum hvað er að frétta af nýjustu
rannsóknum himingeimanna, læt hugann reika um
himintunglin og velti fyrir mér lífi á öðrum plánetum. Þær
minna á hve agnarsmá við erum í tilverunni og að vandamálin,
þótt þau virðist oft á tíðum yfirþyrmandi og óyfirstíganleg,
séu í raun lítil þegar horft er á stóra samhengið. Stundum velti
ég fyrir mér hvort forfeður okkar hafi ekki hugsað slíkt hið
sama þegar þeir horfðu til himins.
Öll verð ég aftur léttari í lund þegar ég sný aftur á Mbl.is og
sé að mest lesna fréttin er um hinn mikla heiðursmann Bjarna
Har. sem rekur Verzlun Haraldar Júlíussonar við Aðalgötu á
Sauðárkróki. Les um það hvernig hann segir glaður í bragði
frá því hvernig síminn hans hafi vart stoppað frá því að
kvikmyndin Búðin var sýnd á RÚV í síðustu viku.
Hver segir svo að jákvæðar fréttir selji ekki?
Berglind Þorsteinsdóttir, ritstjóri
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Berglind Þorsteinsdóttir – berglind@feykir.is & 455 7176, 694 9199
Blaðamenn:
Kristín Sigurrós Einarsdóttir – kristin@feykir.is & 867 3164
Óli Arnar Brynjarsson – oli@feykir.is
Hrafnhildur Viðarsdóttir – hrafnhv@nyprent.is
Áskriftarverð: 450 kr. hvert tölublað með vsk. Lausasöluverð: 490 kr. með vsk.
Áskrift og dreifing: Nýprent ehf. Sími 455 7171. Umbrot og prentun: Nýprent ehf.
Óháð fréttablað á Norðurlandi vestra - alltaf á fimmtudögum
LEIÐARI
Stóra samhengið
Byggðasafn Skagfirðinga
Tók á móti ríflega 40 þúsund gestum
Undirbýr launakröfur
Aldan stéttarfélag
Trúnaðarráð Öldunnar
stéttarfélags kemur saman til
fundar á Sauðárkróki síð-
degis í dag, þar sem áherslur
félagsins í væntanlegum
kjaraviðræðum við vinnu-
veitendur verða á dagskrá.
Gildandi kjarasamningar
renna flestir út í lok febrúar og
segir Þórarinn Sverrisson for-
maður Öldunnar að kröfugerð
félagsins verði send Starfsgreina-
sambandi Íslands síðar í
mánuðinum. „Við höfum haldið
fundi á vinnustöðum á félags-
svæðinu og heyrt í fólki varðandi
kröfugerðina. Þeir fundir voru
einkar ánægjulegir og gefandi.
Tónninn í atvinnurekendum á
undanförnum vikum er á þeim
nótum að svo gæti farið að
komandi viðræður gætu orðið
Aflatölur 11.-17. janúar 2015
Rúmum 200 tonnum landað
Dagana 11.-17. janúar var tæpum 88 tonnum landað á Skagaströnd, tveimur tonnum á
Hvammstanga, um átta og hálfu tonni á Hofsósi og rúmlega 105 tonnum á Sauðárkróki. Alls
gera þetta rúm 203 tonn á Norðurlandi vestra. /BÞ
SKIP/BÁTUR VEIÐARFÆRI KG SKIP/BÁTUR VEIÐARFÆRI KG
Harpa HU 4 Drag 2.009
Alls á Hvammstanga 2.009
Ásmundur SK 123 Landbeitt lína 1.503
Skáley SK 32 Landbeitt lína 3.769
Geisli SK 66 Línutrekt 3.360
Alls á Hofsósi 8.632
Alda HU 112 Landbeitt lína 5.752
Bergur sterki HU 17 Landbeitt lína 1.986
Blær HU 77 Landbeitt lína 567
Dagrún HU 121 Þorskanet 575
Diddi GK 56 Landbeitt lína 3.319
Stella GK 23 Landbeitt lína 3.775
Sæfari HU 200 Landbeitt lína 3.781
Kristín GK 457 lína 65.605
Alls á Skagaströnd 87.904
Klakkur SK 5 Botnvarpa 103.589
Vinur SK 22 Handfæri 1.011
Þytur SK 18 Handfæri 526
Alls á Sauðárkróki 105.126
Lið Skagafjarðar komið í þriðju umferð
Útsvarið í Sjónvarpinu
Guðný, Guðrún og Villi gerðu Skagfirðinga
stolta síðastliðið föstudagskvöld þegar lið
Skagafjarðar hafði betur í spurningaleiknum
sívinsæla, Útsvari, í Sjónvarpinu.
Það var lið Rangárþings ytra sem mátti lúta í
gólf sjónvarpssalarins fyrir sprækum Skagfirð-
ingum.
Reyndar var keppnin æsispennandi og úrslit
réðust í næst síðustu spurningu. Gátu Skagfirðingar
leyft sér þann munað að klikka á síðustu spurningu
þáttarins í stöðunni 57-52 því Rangæingar gátu
aðeins bætt við sig þremur stigum, sem þeir og
gerðu. Lokatölur 57-55 og lið Skagafjarðar því
komið í þriðju umferð Útsvars. /ÓAB
erfiðar. Þess vegna er mikilvægt
að hafa gott og traust bakland í
héraði. Almennt launafólk getur
ekki lifað af venjulegum dag-
vinnulaunum og því verður að
breyta. Við þekkjum öll miklar
hækkanir sumra stétta á undan-
förnum vikum og mánuðum,
það gengur ekki að almennt
launafólk verði skilið eftir,“ segir
Þórarinn. „Ég er talsmaður þess
að semja um krónutöluhækkun,
sérstaklega lægstu launa.“/KPE
Synjað um leyfi
fyrir riffilbraut
Skotfélagið Markviss
Skipulags-, umhverfis- og
umferðarnefnd Blönduós-
bæjar hefur synjað beiðni
Skotfélagsins Markviss um
leyfi fyrir 200 m riffilbraut
með möguleika á lengingu í
300 m. Í fundargerð segir að
núverandi staðsetning sé ekki
í samræmi við aðalskipulag
Blönduósbæjar 2010-2030
og því ljóst að breyta þyrfti
aðalskipulagi og að gera
deiliskipulag fyrir svæðið.
„Skipulags-, umhverfis- og
umferðarnefnd hefur einnig
skoðað hvort aðrir kostir væru
til uppbyggingar á aðstöðu fyrir
félagið án þess að það hafi leitt til
annarrar niðurstöðu. Þar sem
fyrir liggur að ekki er hægt að
afgreiða erindið þar sem
heimildir skortir í skipulagi er
erindinu hafnað,“ segir í fundar-
gerð. Fram kemur að þetta er í
annað sinn sem nefndin fjallar
um beiðni um framkvæmdaleyfi
fyrir skotfélagssvæðið, síðast á
fundi þann 11. júlí 2013, og
mælti ekki með því á þeim fundi
að endurskoða aðalskipulag
Blönduósbæjar 2010-2030.